Baaghi TV

Author: +9251

  • امتیابھ بچن واش روم صاف کرنے لگے

    امتیابھ بچن واش روم صاف کرنے لگے

    امیتابھ بچن جو کہ آج کل کورونا میں مبتلا ہیں، قرنطینہ کےدوران انکی کیا مصروفیات ہیں انہوں نے اپنے مداحوں کے ساتھ شئیر کی ہیں. انہوں نے بتایا ہے کہ وہ جس کمرے میں رہ رہے ہیں وہاں کے سارے کام خود کر رہے ہیں یہاں تک کہ فون کالز بھی لے رہے ہیں اور ای میلز کا جواب بھی دے رہے ہیں.امیتابھ نے یہ بھی انکشاف کیا ہے کہ وہ فرش صاف کرنے کے علاوہ باھ روم کی بھی صفائی کررہے ہیں.انہوں نے کہا کہہ اپنا بستر خود صحیح کرنا، اپنے غسل اور بیت الخلا کی صفائی، فرش صاف کرنا، اپنا ناشتہ اور مشروبات (چائے اور کافی) بنانا، اپنے کپڑوں کے ساتھ الماری ٹھیک کرنا ، کالز کا ذاتی طور پر جواب دینا، اپنے خطوط کا مسودہ تیار کرنا اور نرسنگ اسٹاف کی مدد کے بغیر ڈاکٹروں کے ذریعہ خود کی دوائیوں کے نسخے پر عمل کرنا یہ سب اطمینان بخش اور پر لطف تجربہ ہے.

    یاد رہے کہ امیتابھ بچن دوسری مرتبہ کورونا کا شکار ہوئے ہیں اس سے پہلے انہوں نے کورونا کی شکست دیدی تھی لیکن ایک بار پھر اس مرض نے ان کو آن لیا ہے. امیتابھ بچن کی آئندہ دنوں میں فلم براہمسٹرا ریلیز ہونے جا رہی ہے جس میں ان کے ساتھ عالیہ اور رنبیر کپور دکھائی دیں گے. بی بگ کہلائے جانے والے امیتابھ بچن سوشل میڈیا پر بہت زیادہ ایکٹیو ہیں.

  • آئی ایم ایف نے پاکستان کو قرض کے اجراء کی منظوری دے دی

    آئی ایم ایف نے پاکستان کو قرض کے اجراء کی منظوری دے دی

    آئی ایم ایف نے پاکستان کو قرض کے اجراء کی منظوری دے دی ہے

    ذرائع کے مطابق عالمی مالیاتی ادارے (آئی ایم ایف) کے ایگزیکٹو بورڈ نے پاکستان کے ساتھ اسٹاف لیول معاہدے کی منظوری دیتے ہوئے پاکستان کو قرض کے اجراء کی منظوری دے دی۔

    ذرائع کا کہنا ہے کہ آئی ایم ایف نے پاکستان کو تقریباً 1 ارب 17 کروڑ ڈالر جاری کرنے کی منظوری دی ہے، آئی ایم ایف کی جانب سے اسی ہفتے پاکستان کو قرض کی رقم منتقل کر دی جائے گی۔


    وزیر خزانہ مفتاح اسماعیل کا کہنا ہے کہ الحمداللّٰہ آئی ایم ایف بورڈ نے توسیع فنڈ سہولت کی منظوری دے دی، ہمیں ایک ارب 17 کروڑ ڈالر کی ساتویں اور آٹھویں قسط مل رہی ہے۔

    مفتاح اسماعیل نے کہا کہ وزیر اعظم کا متعدد مشکل فیصلے لینے پر شکریہ ادا کرنا چاہتا ہوں۔آئی ایم ایف ساتویں اور آٹھویں قسط ایک ساتھ جاری کرے گا،وزیراعظم نے ملک کو دیوالیہ ہونے سے بچانے کے لیے سخت فیصلے کیے.

    وزیراعظم شہبازشریف نے آئی ایم ایف پروگرام کی بحالی کو پاکستان کی معیشت کے لئے مثبت پیش رفت قرار دے دیا ،آئی ایم ایف پروگرام کی بحالی سے پاکستان کے معاشی طور پر دیوالیہ ہونے کا خطرہ ختم ہوگیا ہے


    وزیراعظم شہباز شریف نے کہا کہ اللہ تعالی کا شکر ہے کہ پاکستان مشکل معاشی امتحان سے سرخرو ہوکر نکلا ہے ،آئی ایم ایف پروگرام ایک مرحلہ ہے لیکن پاکستان کی منزل معاشی خودانحصاری ہے ،پروگرام کی بحالی سے پاکستان میں معاشی استحکام آئے گا ،پروگرام کی بحالی کے لئے وزیرخزانہ مفتاح اسماعیل اور ان کی ٹیم کو شاباش دیتا ہوں .

    وزیراعظم نے کہا کہ اللہ تعالی سے دعا ہے کہ آئی ایم ایف کا یہ آخری پروگرام ہو اور آئندہ پاکستان کو کبھی اس کی ضرورت نہ رہے،اللہ تعالی کی رحمت سے پرامید ہوں کہ مسلم لیگ (ن) کی سابق حکومت کی طرح ایک بار پھر آئی ایم ایف کو خدا حافظ کہیں گے.


    سابق وزیر خزانہ اور ن لیگ کے رہنام، اسحاق ڈار کا کہنا ہے کہ آئی ایم ایف پروگرام کی منظوری دوطرفہ اور کثیر الفریقی ترقیاتی پارٹنرز سے فنانسنگ میں معاون ہوگی۔


    اسحاق ڈار نے اپنے بیان میں کہا کہ آئی ایم ایف نے جون 2023 تک ای ایف ایف پروگرام میں توسیع کی منظوری بھی دی ہے۔


    انہوں نے کہا کہ آئی ایم ایف نے پاکستان کیلئے قرضے کے حجم میں 93 کروڑ 40 لاکھ ڈالر کا اضافہ بھی کیا ہے۔

    مزید برآں چیئرمین پاکستان علماء کونسل اور وزیر اعظم شہباز شریف کے معاون خصوصی حافظ طاہر محمود اشرفی نے عالمی مالیاتی ادارے (آئی ایم ایف) کے پروگرام کی منظوری پر بیان جاری کیا ہے۔اپنے بیان میں طاہر اشرفی نے کہا کہ آئی ايم ايف پروگرام کی منظورى كیلئے وزير اعظم شہباز شریف، آرمى چيف جنرل قمر جاوید باجوہ اور وزير خزانہ مفتاح اسماعیل كى كوششيں كامياب ہوئیں۔

    طاہر اشرفى نے کہا کہ دوست ممالک سعودى عرب، قطر، متحده عرب امارات كے تعاون پر بھی شكريہ ادا كرتے ہيں۔ معاون خصوصی نے کہا کہ پاكستان كا مستقبل ايڈ نہیں ٹريڈ سے وابستہ ہے، ہر حكومت كو ايڈ نہیں ٹريڈ كیلئےحكمت عملى بنانى ہوگی۔

  • ملک ریاض نے سیلاب ذدگان کی بحالی کیلئے غیر مشروط تعاون کی پیشکش کر دی

    ملک ریاض نے سیلاب ذدگان کی بحالی کیلئے غیر مشروط تعاون کی پیشکش کر دی

    چیئرمین بحریہ ٹاؤن ملک ریاض نے وفاقی اور صوبائی حکومت کو غیر مشروط تعاون کی پیشکش کی ہے۔ایک بیان میں ملک ریاض نے کہا کہ ملک بھر میں حالیہ سیلاب کی صورتحال تباہ کن ہے، بحریہ ٹاؤن کے فلڈ ریلیف آپریشنز جاری ہیں۔

    انہوں نے کہا کہ میں، میری فیملی اور بحریہ ٹاؤن کی ٹیم ایک ماہ سے بارش اور سیلاب سے متاثرہ علاقوں میں کام کررہی ہے۔چیئرمین بحریہ ٹاؤن نے مزید کہا کہ صورتحال بتدریج خراب سے خراب ہوتی جارہی ہے، ریلیف سرگرمیاں پوری پاکستانی قوم سے مربوط کوششوں کی متقاضی ہیں۔

    اُن کا کہنا تھا کہ سندھ، جنوبی پنجاب، خیبر پختونخوا اور بلوچستان میں بے گھر افراد کو بنیادی اشیائے ضروریات بھیج رہے ہیں۔ملک ریاض نے یہ بھی کہا کہ ہم نہ صرف عوام کی بحالی بلکہ انفرااسٹرکچر کی بحالی کے لیے بھی کام کر رہے ہیں۔

    انہوں نے کہا کہ ہماری مشینری کا فلیٹ دن رات کام کررہا ہے، ہم نے متاثرہ علاقوں میں خیمہ بستیاں قائم کی ہیں۔چیئرمین بحریہ ٹاؤن نے کہا کہ ضرورت مندوں تک پہنچنے کے لیے ہیلی کاپٹرز، ٹرانسپورٹیشن اور تمام وسائل استعمال میں ہیں۔

    اُن کا کہنا تھا کہ ہم وفاقی اور صوبائی حکومتوں کو اپنی غیرمشروط تعاون کی پیشکش کررہے ہیں، ریلیف آپریشنز میں شریک دوسری ایجنسیز سے بھی غیر مشروط تعاون جاری ہے۔ملک ریاض نے کہا کہ کسی کو کسی بھی علاقے میں ریلیف سرگرمیوں کی ضرورت ہو تو آگاہ کرے۔انہوں نے کہا کہ ہم دعا گو ہیں کہ اپنے پیاروں اور گھروں کو کھونے والوں کے درد کو اللّٰہ تعالیٰ دور کرے، آمین۔

  • منظور جونیئر کی لاش اسپتال انتظامیہ نے بل کی عدم ادائیگی پر2 گھنٹے تک روکے رکھی

    منظور جونیئر کی لاش اسپتال انتظامیہ نے بل کی عدم ادائیگی پر2 گھنٹے تک روکے رکھی

    ہاکی اولمپیئن منظور جونیئر کی میت نجی اسپتال انتظامیہ نے بل کی ادائیگی نہ ہونے پر لواحقین کے حوالے کرنے سے انکار کردیا اور دو گھنٹے تک میت کو روکے رکھا۔ اسپتال انتظامیہ پانچ گھنٹے کی ٹریٹمنٹ پر چار لاکھ روپے کا بل مانگ رہی تھی، انتظامیہ کا موقف تھا کہ منظور جونیئر کو اسٹنٹ ڈالے گئے تھے۔

    بعد میں پاکستان ہاکی فیڈریشن کی مداخلت پر اسپتال انتظامیہ نے منظور جونیئر کی ڈیڈ باڈی لواحقین کے حوالے کردی۔ منظور جونیئر کو آج صبح دل کا دورہ پڑا، انہیں فوری طور پر مقامی اسپتال لایا گیا تھامگر وہ نجی اسپتال میں انتقال کرگئے، ڈاکٹروں کے مطابق منظورجونیئرکو تین اسٹنٹ ڈالے گئے تھے۔

    وزیر اعظم شہباز شریف کا کہنا تھا کہ ہاکی کی دنیا کے لیجنڈ، اولمپیئن منظور حسین جونیئر کے انتقال پر گہرا دکھ اور افسوس ہوا۔شہباز شریف کا کہنا تھا کہ اللّٰہ تعالیٰ مرحوم کے درجات بلند کرے اور سوگواران کو صبرِ جمیل عطا کرے۔

    وزیر اعظم کا کہنا تھا کہ گولڈ میڈلسٹ منظور حسین جونیئر قوم کا سرمایہ تھے، پاکستان ہاکی کیلئے ان کی خدمات نا قابلِ فراموش رہیں گی۔

    منظور جونیئر کی وفات پر آرمی چیف جنرل قمرجاوید باجوہ نے بھی اظہار تعزیت کیا۔پاکستان کرکٹ ٹیم کے سابق کپتان اور ٹیسٹ کرکٹرو وسیم اکرم نے بھی منظور جونیئر کی وفات پر دکھ کا اظہار کیا۔اولمپیئن منظور حسین جونیئر پاکستان ہاکی کا سرمایہ تھے۔ ان کو اپنے زمانے میں گولڈن پلیئر کے خطاب سے نوازا گیا۔

    منظور حسین جونیئر کی قیادت میں پاکستان نے واحد جونیئر ورلڈ کپ 1979ء میں جیتا۔انہوں نے قومی ٹیم کی نمائندگی کرتے ہوئے 1984 کے لاس اینجلس اولمپکس میں گول میڈل کا اعزاز حاصل کیا۔منظور جونیئر نے بارسلونا اور لاس اینجلس اولمپکس میں بالترتیب کانسی اور سونے کے تمغےجیتے، وہ لاس اینجلس اولمپکس میں قومی ہاکی ٹیم کے کپتان بھی رہے۔

    1978 اور 1982 کی فاتح قومی ہاکی ٹیم کا بھی حصہ رہے۔ 1982 کے ورلڈ کپ فائنل کے ہیرو کے طور پر دنیائے ہاکی آج بھی پہچانتی ہے.منظور جونیئر کو 1984ء میں صدارتی تمغہ برائے حسن کارکردگی سے بھی نوازا گیا۔

    تحریک منہاج القرآن کے قائد شیخ الاسلام ڈاکٹر محمد طاہر القادری نے ہاکی کے عظیم کھلاڑی،اولمپئین منظور حسین جونئیر کے انتقال پر افسوس کا اظہار کرتے ہوئے اپنے تعزیتی پیغام میں کہا ہے کہ اللہ تعالیٰ مرحوم منظور حسین جونئیر کی بخشش و مغفرت فرمائے جملہ پسماندگان کو صبر جمیل کی توفیق دے۔ڈاکٹر طاہر القادری نے کہا کہ منظور حسین جونئیر پاکستان ہاکی کے ایک بڑے کھلاڑی اور عظیم انسان سے محروم ہو گیا ہے۔

  • کارتک آریان نے 9 کروڑ روپے ٹھکرا دئیے

    کارتک آریان نے 9 کروڑ روپے ٹھکرا دئیے

    نوجوان نسل کے نمائندہ اداکار کارتک آریان کو حال ہی میں مشہور کمپنی نے پان مسالہ کی تشہیر کے لئے رابطہ کیا اور اس کے لئے انہوں نے انہیں 9 کروڑ روپے کی آفر کی جسے کارتک آریان نے منع کر دیا ہے اور کہا ہے کہ میں اس تشہیر کا حصہ نہیں‌ بننا چاہوں گا.بالی وڈ کے بڑے بڑے سٹارز اس قسم کی تشہیر کا حصہ رہ چکےہیں لیکن ایک کم عمر سپر اسٹار نے دلکش پیشکش مسترد کردی ہے یہ سوچے بغیر کہ اتنی بڑی رقم مل رہی ہے.سنسر بورڈ کے سابق چیئرپرسن اور پروڈیوسر پہلاج نہلانی بھی کارتک آیان کے نقصان دہ مصنوعات کی تشہیر نہ کرنے کے فیصلے کی تائید کرتے ہوئے کہا ہے کہ پان مسالہ لوگوں کو مار رہا ہے۔ بالی ووڈ کے رول ماڈلز کی طرف سے گٹکا اور پان مسالہ کھانے کی ترغیب دینا یقینی طور پر ملک کے لیے نقصان دہ ہے۔اکشے کمار کا

    امیج بہت اچھا ہے وہ عوام کے ہیروہیں پھر بھی وہ پان مسالہ کے برانڈ کی تشہیر کیوں کر رہے ہیں؟ گووندا اور یہاں تک کہ پیئرس بروسنن جیسے دوسرے لوگ بھی پان مسالہ کو فروغ دینے کے لیے جانے جاتے ہیں۔حیران کن طور پر پہلاج نہلانی نے انکشاف کیا کہ شراب اور پان مسالہ کے اشتہارات کی نشریات غیر قانونی اور غیر آئینی ہے۔ "قانون CBFC کو پان مسالہ اور الکوحل کے اشتہارات کو سرٹیفیکیشن دینے سے منع کرتا ہےایسے اشتہارات نشر کیے جا رہے ہیں جو کہ غیر قانونی ہیں۔ ایسے اشتہارات کا حصہ بننے والے اداکاروں کو معلوم ہونا چاہیے کہ وہ غیر قانونی کام کررہے ہیں۔”

  • ہمیں مل کر سیلاب زدگان کی مدد کیلئے نکلنا ہو گا، طاہر محمود اشرفی

    ہمیں مل کر سیلاب زدگان کی مدد کیلئے نکلنا ہو گا، طاہر محمود اشرفی

    وزیر اعظم کے نمائندہ خصوصی برائے بین المذاہب ہم آہنگی و مشرق وسطی اورچیئرمین پاکستان علماء کونسل حافظ محمد طاہر محمود اشرفی نے کہا ہے کہ آج ہمارے سیلاب زدگان سخت مشکل میں ہیں اور یہ ایسا وقت ہے کہ ہم نے بغیر کسی تعصب کے ایک دوسرے کی مدد کرنی ہے۔پیغام پاکستان یہی درس دیتا ہے کہ مصیبت میں دوسروں کی مدد کرو، ہمیں مل کر سیلاب زدگان کی مدد کیلئے نکلنا ہو گا۔ان خیالات کا اظہار انہوں نے راولپنڈی آرٹس کونسل میں ”پیغام پاکستان علماء کانفرنس” سے خطاب کرتے ہوئے کیا، کانفرنس کا انعقاد حکومت پنجاب اور اسلامک ریسرچ انسٹیٹیوٹ، بین الاقوامی اسلامی یونیورسٹی اسلام آباد نے کیا۔

    حافظ طاہر محمود اشرفی نے کہا کہ پاکستان کی مسلح افواج ہمارا فخر ہیں۔آج ملک میں سیلابی صورتحال ہے، پاک فوج کے جوان اور مذہبی جماعتوں کے رضاکار سیلاب زدگان کی مدد کیلئے میدان میں ہیں۔موجودہ صورتحال میں تمام سیاسی جماعتیں تین ماہ کیلئے سیاسی سرگرمیاں معطل کر کے سیلاب زدگان کی مدد اور بحالی کیلئے مصروف ہو جائیں۔

    حافظ محمد طاہر محمود اشرفی نے کہا کہ پیغام پاکستان ایک دستاویز ہے جس پر ملک کے پندرہ ہزار علماء کرام کے دستخط ہیں اور یہ ایک ضابطہ اخلاق اور زندگی گزارنے کا اصول ہے۔پیغام پاکستان میں اپنے مسلک اور عقیدے پر رہتے ہوئے دوسروں کے مسلک اور عقیدے کا احترام سکھایا گیا ہے۔پیغام پاکستان آئین پاکستان کے بعد سب سے بڑی دستاویز ہے جس میں اقلیتوں کے حقوق متعین کئے گئے ہیں۔اس میں کہا گیا ہے کہ ہماری عبادت گاہیں ایک دوسرے کے ساتھ محبت اور احترام کیلئے استعمال ہونی چاہئے نہ کہ نفرت اور تعصب کیلئے، آئین پاکستان نے اقلیتوں کو مکمل حقوق دیئے ہیں، پاکستان میں اقلیتوں کو مکمل حقوق حاصل ہیں۔حافظ محمد طاہر محمود اشرفی نے کہا کہ پیغام پاکستان کا سب سے بڑا نقطہ امن کا ہے، سال 2000 کے بعد ہمارے ملک پر دہشت گردی مسلط کی گئی۔

    پاکستانی فوج اور قوم نے مل کر دہشت گردی کا مقابلہ کیا اور فتح حاصل کی، ہم نے مل کر اس ملک کو مضبوط بنانا ہے اور اس کی ترقی اور خوشحالی کیلئے مشترکہ کاوشیں کرنی ہیں۔دشمن اس ملک کو کمزور کرنا چاہتا ہے، ہم نے مل کر ملک کے خلاف سازشوں کو ناکام بنانا ہے۔حافظ محمد طاہر محمود اشرفی نے کہا کہ موجودہ سیلابی صورتحال میں ذخیرہ اندوزوں اور منافع خوروں کو لوگوں کی مجبوری سے فائدہ نہیں اٹھانا چاہیے۔ منافع خور اور ذخیرہ اندوز اللہ کے قہر سے ڈریں

    ۔شوکت ترین کی مبینہ آڈیو ویڈیو کے حوالے سے سوال پر حافظ محمد طاہر محمود اشرفی نے کہا کہ پاکستان سب کا ہے۔ اگر پاکستان پر مشکل وقت آئے گا تو پوری پاکستانی عوام مشکل میں آ جائے گی۔ سب کو پاکستان کی بہتری کیلئے مل کر سوچنا ہے۔ ڈائریکٹر جنرل اسلامک ریسرچ انسٹیٹیوٹ، بین الاقوامی اسلامی یونیورسٹی پروفیسر ڈاکٹر محمد ضیاء الحق نے بھی اس موقع پر خطاب کیا۔ پیغام پاکستان علماء کانفرنس میں بڑی تعداد میں علماء کرام اور مشائخ نے شرکت کی

  • پاکستان میں سیلاب ، چینی صدر اور بھارتی وزیراعظم کا اظہار افسوس

    پاکستان میں سیلاب ، چینی صدر اور بھارتی وزیراعظم کا اظہار افسوس

    چینی صدر شی جن پنگ نے کہا ہے کہ سیلاب سے نمٹنے کے لیے چین پاکستان کو ہر ممکن مدد فراہم کرتا رہے گا۔
    چین کے صدر شی جن پنگ نے صدر پاکستان ڈاکٹر عارف علوی کے نام خیر سگالی کا پیغام جاری کیا، جس میں انہوں نے سیلاب متاثرین کے ساتھ یکجہتی کا اظہار کیا۔

    شی جن پنگ نے کہا کہ سیلاب سے نمٹنے کے لیے چین پاکستان کو ہر ممکن مدد فراہم کرتا رہے گا، مجھے یقین ہے پاکستان کی حکومت اور عوام مشترکہ کوششوں سے سیلاب کی تباہ کاریوں پر قابو پا لیں گے۔


    دوسری طرف سماجی رابطے کی ویب سائٹ ٹوئٹر پر بھارتی وزیراعظم نریندر مودی نے لکھا کہ پاکستان میں سیلاب سے ہونے والی تباہی دیکھ کر دکھ ہوا۔ انہوں نے مزید لکھا کہ ہم متاثرین کے خاندانوں، زخمیوں اور قدرتی آفت سے جاں بحق ہونے والے تمام افراد کے ساتھ دلی تعزیت کا اظہار کرتے ہیں۔نریندر مودی نے سیلاب سے متاثرہ افراد کی جلد بحالی اور معمول کی زندگی کی طرف لوٹنے کی امید کا اظہار کیا۔

    پاکستان کے دوست ممالک نے سیلاب متاثرہ علاقوں میں ریلیف آپریشن کیلئے یقین دہانی شروع کردی

    ترکی کے 4 ملٹری ایئرکرافٹ امدادی سامان لے کر کراچی پہنچ گئے، یو اے ای کے 2 جہاز امدادی سامان لے کر نور خان ایئربیس راولپنڈی پہنچ گئے،یو اے ای سے ایک اور جہاز امدادی سامان لے کر شام تک راولپنڈی پہنچے گا،چین سے 2جہاز امدادی سامان لے کر آئندہ 48 گھنٹوں میں پاکستان پہنچیں گے،بحرین سے ایک جہاز امدادی سامان لے کر پاکستان پہنچے گا،امدادی سامان میں خیمے، ادویات اور کھانے پینے کی اشیا شامل ہیں،

    آرمی چیف جنرل قمر جاوید باجوہ نے متحدہ عرب امارات حکام سے سیلاب متاثرین کی امداد کے لئے رابطہ کیا ہے، ڈی جی آئی ایس پی آر کے مطابق اس موقع پر یو اے ای کے حکام نے 20 طیاروں پر مشتمل امدادی سامان پاکستان کے سیلاب متاثرہ علاقوں میں بھجوانے کا اعلان کیا ہے

  • این اے 108میں ضمنی الیکشن،لیگی امیدوار عابد شیر علی کو جرمانہ

    این اے 108میں ضمنی الیکشن،لیگی امیدوار عابد شیر علی کو جرمانہ

    الیکشن کمیشن نے این اے 108 پر مسلم لیگ (ن) کے امیدوار عابد شیر علی پر 25 ہزار روپے جرمانہ عائد کیا ہے۔ ترجمان الیکشن کمیشن کے مطابق ڈسٹرکٹ مانیٹرنگ افسر نے عابد شیر علی پر یہ جرمانہ انتخابی ضابطہ اخلاق کی خلاف ورزی پر عائد کیا ہے۔

    ترجمان الیکشن کمیشن کے مطابق ن لیگی امیدوار کو بجلی کے بلوں میں رعایت کے اعلانات مساجد سے کروانے پر نوٹس جاری کیا گیا۔مسلم لیگ ن کے امیدوار عابد شیر علی نے وفاقی حکومت کی طرف سے بجلی کے بلوں سے اوور بلنگ سرچارج ختم کرنے سے متعلق اعلانات کروائے تھے۔

    ترجمان کے مطابق عابد شیر علی الیکشن کمیشن کے نوٹس کا تسلی بخش جواب نہیں دے سکے، اس لیے جرمانہ عائد کیا گیا اور ادائیگی 3 دن میں کرنے کا حکم دیا ہے۔

    اس سے قبل سلم لیگ ن کے رہنما عابد شیر نے کہا کہ میں مرکزی قیادت اہل حدیث کا مشکور ہوں، جنہوں نے الیکشن میں میری حمایت کا اعلان کیا ہے،عمرانیات کے دور میں ملک کی تباہی ہوئی .

    فیصل آباد میں جمیعت اہلحدیث رہنماؤں کے ساتھ مشترکہ پریس کانفرنس کرتے ہوئے عابد شیر علی کا کہنا تھا کہ وہ ٹھیک کہتا تھا کہ پی ٹی آئی سونامی ہے، اس نے کر ادارے کو تباہ کیا ہے، ہم غربت اور بجلی کے بلوں سے ستائی عوام کو ریلیف دیں گے، پہلے چار ڈالر کی ایل این جی ملتی تھی اب چالیس ڈالر کی ملتی ہے، میں وزیر اعظم سے اپیل کرتا ہوں کہ بجلی کے بلوں کا مسلئہ ہے ان میں ریلیف دیاجائے۔غریب لوگوں کی ٹیکسز دینے کی سکت نہیں ہے.

    عابد شیر علی نے کہا کہ پچھلے چار سالوں کی تباہ کاریوں کے باوجود عوام کو ریلیف دیاجائے،مزدوروں، رکشہ ڈرائیور کو ریلیف دیاجائے،انہوں نے کہا کہ میں نے کل بھی التماس کی تھی، آج بھی کروں گا کہ عوام کو ریلیف دیں، دو سو اور چار سو یونٹ والوں کو ریلیف دیں،عمران نے عوام کو معاشی طور پر زبح کردیا ہے،میں عدالت کو کہتا ہوں کہ عمران خان پر توہین عدالت لگتی ہے،کھبی فوج پر تنقید کرتا ہے،انہوں نے کہا کہ پرویز الہٰی ڈاکو ہے، سیلاب کے دنوں میں یہ کہاں تھا، شہباز شریف تو گیا سیلاب زدگان کے پاس
    مگر عمران خان کو دو لوگوں کی فکر ہے، ایک اپنے اقتدار کی اور دوسرے اپنے کتے کی.

    انہوں نے کہا کہ ماضی میں طلال چوہدری اور کسی کی معافی قبول نہیں کی گئی، آئی ایم ایف کے ساتھ معاہدہ ہم نے نہیں کیے عمران خان کی حکومت نے کیا،دستخط موجود ہے بجلی پیڑول کو بڑھایا جائے ، ہم تو کہتے ہیں دودبارہ معاہدے ہوں،عمران خان کا دور تباہی کا دور تھا،پی ٹی ائی سونامی تھا جس نے سب کچھ تباہ کر دیا، گزشتہ چار سالوں میں عمران حکومت نے بجلی کے معاہدے نہیں کیے تھے.

    عابد شیر علی نے کہا کہ وزیراعظم خدا راہ بجلی کے بلوں کا نوٹس لیں، لوگ ن لیگ کو مسیحا سمجھتے ہیں، رکشہ ڈرائیور,ریڑی بانوں کو بجلی بل میں ریلیف دیا جائے،انہوں نے کہا کہ عدلیہ کا بہت بڑا امتحان ہے، دانیال,نہال ہاشمی, طلال کو نااہل کیا گیا،اب عمران خان کو بھی نااہل کیا جانا چاہیے، ایس ایس پی آپریشن غنڈہ ہے، ہمارے 100 کارکنوں کے خلاف مقدمات درج کیے گئے ہیں.

  • پنجاب کابنیہ نے ایک ماہ کی تنخواہ اور پرویزالہیٰ نے ہیلی کاپٹر سیلاب ذدگان کیلئے وقف کر دیا

    پنجاب کابنیہ نے ایک ماہ کی تنخواہ اور پرویزالہیٰ نے ہیلی کاپٹر سیلاب ذدگان کیلئے وقف کر دیا

    وزیر اعلی پنجاب چودھری پرویزالٰہی کی زیر صدارت صوبائی کابینہ کا دوسرا اجلاس منعقد ہوا.پنجاب کابینہ نے سیلاب متاثرین سے مکمل یکجہتی کا اظہار کیا. پنجاب کابینہ کا ایک ماہ کی تنخواہ متاثرین سیلاب کی مدد کے لیے دینے کا اعلان کیا ہے جبکہ وزیراعلیٰ چودھری پرویز الہٰی کا اپنا ہیلی کاپٹر سیلاب متاثرین کے لئے وقف کرنے کا اعلان کر دیا.
    چودھری پرویزالٰہی نے کہا کہ میرا ہیلی کاپٹر مصیبت زدہ بہن بھائیوں کو ریلیف دینے کے لئے استعمال کیا جائے۔

    وزیر اعلی پنجاب چودھری پرویزالٰہی کی زیر صدارت کابینہ اجلاس میں سیلاب سے متاثرہ دیگر صوبوں کی ضروریات پوری کرنے کا فیصلہ کیا گیا .

    چودھری پرویزالٰہی کا کہنا تھا کہ پنجاب حکومت بلوچستان، سندھ اور خیبر پختونخوا کے سیلاب متاثرین کیلئے ادویات اور میڈیکل سٹاف بھجوائے گی۔ بلوچستان، سندھ اور خیبرپختونخواکے سیلاب متاثرہ بہن بھائیوں کے ساتھ ہیں۔پنجاب حکومت دیگر صوبوں کے ساتھ کھڑی ہے۔

    پنجاب کابینہ نے راجن پور، ڈیرہ غازی خان اور میانوالی کے سیلاب متاثرہ علاقوں کو آفت زدہ قرار دینے کے فیصلے کی توثیق کردی،وزیراعلیٰ چودھری پرویز الہٰی نے ریلیف کی سرگرمیو ں کو منظم انداز میں مزید تیز کرنے کی ہدایت کی.

    چودھری پرویزالٰہی نے کہا کہ متاثرہ علاقوں میں ضرورت کے مطابق ٹینٹ،فوڈ ہیمپرز او ردیگر ضروری سامان مہیا کیاجائے گا۔ گھروں،فصلوں او رلائیوسٹاک کو پہنچنے والے نقصانات کا بھی ازالہ کریں گے۔ہر حقدار کو اس کا حق دیاجائے گا،کسی کی حق تلفی نہیں ہونی چاہیے۔

    پنجاب کابینہ نے بارشوں او رسیلاب سے آبپاشی کے انفراسٹرکچر کو پہنچنے وا لے نقصانات کی تعمیر و مرمت کے لئے 4ارب روپے کے خصوصی فنڈز کے اجراء کی منظوری دے دی
    ڈیرہ غازی خان ضلع میں سرکاری اراضی کی نیلامی کے عمل کو کابینہ سٹینڈنگ کمیٹی برائے پرائیوٹائزیشن کے سپرد کرنے کا فیصلہ کیا ہے.کمیٹی تمام امور کاجائز ہ لے کر اپنی حتمی سفارشات پیش کرے گی

    کابینہ نے نکلسن روڈ کو سینئر سیاستدان نوابزادہ نصر اللہ مرحوم کے نام سے منسوب کرنے کی منظوری دے دی ،پی ایس ڈی پی / اے ڈی پی فنڈڈ پروگرام برائے اصلاح کھالا جات کے فیز ٹو کے سٹاف کا معاملہ کمیٹی کے سپرد کر دیئے.ایل ڈی اے ٹربیونل کے صدر منصور احمد خان کے عہدے میں توسیع کی منظوری بھی دی گئی،سرکاری جامعات کے وائس چانسلرز کی تقرری کے لئے نئی سرچ کمیٹی کی تشکیل کی منظوری بھی دی گئی،سرچ کمیٹی کے کنونئر شفقت محمود ہوں گے .

    پنجاب کابینہ نے پنجاب ریونیو اتھارٹی کے ایپلٹ ٹربیونل کی چیئرپرسن اور جوڈیشل ممبر ز کی تعیناتی کی منظوری دی،پنجاب اسمبلی کے 5 ویں پارلیمانی سال2022-23 کے سالانہ کیلنڈ اور پنجاب پبلک سروس کمیشن برائے سال 2021کی سالانہ رپورٹ کی بھی منظوری دے دی. اجلاس میں صوبائی محتسب پنجاب کی سالانہ رپورٹ 2021 ء کی منظوری دی گئی
    اجلاس میں کابینہ کے پہلے اجلاس میں تشکیل دی جانے والی کابینہ سٹینڈنگ کمیٹیوں کی ازسرنو تشکیل کی منظوری دی گئی.اجلاس میں کابینہ کے پہلے اجلاس کے فیصلو ں کی توثیق کی گئی،کا بینہ کو سیلاب سے ہونے والے جانی ومالی نقصانا ت اورامدادی سرگرمیوں کے بارے میں تفصیلی بریفنگ دی گئی،صوبائی وزراء، مشیران، معاونین خصوصی،چیف سیکرٹری اور اعلی حکام نے اجلاس میں شرکت کی.

  • پی ایس ایکس 100 انڈکس87 پوائینٹس کم.سونے کی قیمت 1400 روپے گر گئی

    پی ایس ایکس 100 انڈکس87 پوائینٹس کم.سونے کی قیمت 1400 روپے گر گئی

    پاکستان اسٹاک ایکسچینج میں آج کاروبار کا ملاجلا دن رہا۔کاروباری دن میں 100 انڈیکس ایک موقع پر 769 پوائنٹس کمی سے 41 ہزار 822 رہا۔ تاہم کاروبار کے اختتام پر انڈیکس کی گراوٹ 87 پوائنٹس رہی۔

    پی ایس ایکس میں کاروبار کے اختتام پر 100 انڈیکس 42 ہزار 504 ہے۔بازار میں آج 22 کروڑ 92 لاکھ شیئرز کے سودے ہوئے جن کی مالیت 7 ارب 28 کروڑ روپے رہی، جبکہ مارکیٹ کیپٹلائزیشن 40 ارب روپے کم ہوکر 7 ہزار 70 ارب روپے ہے۔

    دوسری طرف ملک میں آج کاروباری ہفتے کے پہلے روز سونے کی فی تولہ قیمت میں بڑی کمی ہوئی ہے۔آل پاکستان جیمز اینڈ جیولرز ایسوسی ایشن کے مطابق ایک تولہ سونے کی قیمت 1400 روپے کمی کے بعد 1 لاکھ 45 ہزار 600 روپے ہے۔ عالمی صرافہ مارکیٹ میں سونے کا بھاؤ 10 ڈالر کم ہوکر 1728 ڈالر فی اونس ہے۔