Author: +9251

سپریم کورٹ کے جسٹس اعجاز الاحسن نے کہا ہے کہ سمندر پار پاکستانیوں کے ووٹ کا حق ختم کرنا درست نہیں۔

جسٹس اعجاز الاحسن کی سربراہی میں سپریم کورٹ کے دو رکنی بینچ نے حکومت کی جانب سے الیکشن ایکٹ میں ترامیم کے خلاف پی ٹی آئی چیئرمین عمران خان کی درخواست اور سمندر پار پاکستانیوں کے ووٹ کا حق ختم کرنے کیخلاف شیخ رشید کی درخواستوں پر سماعت کی۔

شیخ رشید احمد سپریم کورٹ میں پیش ہوئے۔ ان کے وکیل نے کہا کہ الیکشن کمیشن کے خدشات کو بنیاد بناکر سمندر پار پاکستانیوں کے ووٹ کا حق ختم کیا گیا۔

جسٹس اعجاز الاحسن نے ریمارکس دیے کہ دھاندلی تو یہاں بھی انتخابات میں ہوتی ہے، جعلی ووٹ تو یہاں بھی ڈالے جاتے ہیں، اس کیخلاف قانون موجود ہے، جس طرح حادثہ ہونے پر موٹروے بند نہیں کی جا سکتی؟ اس طرح کیا دھاندلی کے خدشات پر انتخابات کرانا ہی بند کروا دیے جائیں گے؟ الیکشن کمیشن دھاندلی روکنے کیلئے اپنے اختیارات استعمال کیوں نہیں کرتا؟ دھاندلی روکنے کیلئے کمیشن کے اقدامات کا عدالتی جائزہ لیا جا سکتا ہے، الیکشن کمیشن کے خدشات کو دور کیا جانا ضروری ہے، مگر خدشات دور کرنے کے بجائے اوورسیز کے ووٹ کا حق ختم کرنا درست نہیں، سپریم کورٹ اوور سیز پاکستانیوں کے ووٹ کے حق سے متعلق کئی فیصلے دے چکی ہے۔

عدالت نے عمران خان کی درخواست کو رجسٹرڈ کرنے کا حکم دیتے ہوئے کہا کہ بظاہر یہ بنیادی آئینی حقوق اور عوام مفاد کا معاملہ ہے۔ جسٹس مظاہر نقوی نے پوچھا کہ کیا موجودہ اسمبلی بنیادی حقوق کے حوالے سے ترامیم کرنے کی مجاز ہے؟ اسمبلی میں اس وقت ارکان کی تعداد بہت کم ہے۔

جسٹس اعجاز الاحسن نے کہا کہ اوورسیز پاکستانیوں کے ذریعے ملک میں زرمبادلہ آ رہا ہے، انہیں تو ترجیحی بنیادوں پر سہولیات دینی چاہیے، مالیاتی اداروں اور دوست ممالک سے ایک ایک ارب ڈالر مانگے جا رہے ہیں، ادھر اوورسیز پاکستانی سالانہ 30 ارب ڈالر بھیجتے ہیں ، لیکن انہیں کہا گیا آپ ووٹ نہیں دے سکتے اور اگر ووٹ ڈالنا ہے تو ٹکٹ لیکر پاکستان آؤ۔

جسٹس مظاہر نقوی نے کہا کہ سمندر پار پاکستانی تو بغیر کسی شرط کے 30 ارب ڈالر بھیجتے ہیں، پوری دنیا میں جدید ڈیوائسز استعمال ہوتی ہیں، ہر کام میں جدید آلات استعمال ہوتے ہیں تو ووٹنگ میں کیوں نہیں؟۔ سپریم کورٹ نے شیخ رشید کی درخواست پر بھی اعتراضات ختم کرتے ہوئے رجسٹرار آفس کو درخواست جلد سماعت کیلئے مقرر کرنے کا حکم دیا۔

سماعت کے بعد شیخ رشید احمد نے سپریم کورٹ کے باہر میڈیا سے گفتگو کرتے ہوئے کہا کہ عدلیہ بھی محسوس کرتی ہے کہ اوورسیز پاکستانیوں کو ووٹ کا حق ملنا چاہیے، اوورسیز پاکستانیوں کو ووٹ کا حق ملنے سے آئندہ الیکشن کا نتیجہ اہم ہوگا۔

مسلم لیگ ن کے رہنما طلال چوہدری کا کہنا ہے کہ بجلی کے بل ناقابلِ برداشت تھے، جن پر سب سے پہلا احتجاج نواز شریف نے کیا۔

نجی ٹی وی کے پروگرام میں گفتگو کرتے ہوئے مسلم لیگ ن کے رہنماء طلال چوہدری نے کہا ہے کہ اتحادیوں کی حکومت چاہتی ہے کہ لوگوں کو ریلیف ملے، دنیا بھر میں توانائی کا بحران یوکرین جنگ اور دیگر وجوہات کے باعث ہے۔

انہوں نے کہا کہ پی ٹی آئی کی حکومت آئی ایم ایف سے معاہدے اور نالائقی کے باعث ہاتھ باندھ گئی، جس کی قیمت لوگ بھی دے رہے ہیں اور ہم بھی بھگت رہے ہیں۔ طلال چوہدری کا کہنا تھا کہ وزیر اعظم میاں محمد شہباز شریف نے سب سے زیادہ وقت سیلاب زدگان کے ساتھ گزارا ہے، جبکہ ان کے بوٹ پہن کر پانی میں اترنے کا مذاق اڑایا جاتا ہے جو سراسر بے بنیاد ہے.

لیگی رہنماء طلال چودھر کا یہ بھی کہنا تھا کہ: روزانہ کی بنیاد پر میٹنگز ہو رہی ہیں، پنجاب اور کے پی حکومتوں کو عمران خان کے جلسے کے سوا کوئی کام نہیں آتا ہے، انہوں نے تحریک انصاف پر تنقید کرتے ہوئے کہا یہ عمران خان اور ان جماعت آسکرایوارڈ یافتہ اداکار ہیں اور انہوں نے آئی ایم ایف کے سخت معاہدوں میں پھنسایا ہے جو انکی ملک دشمنی اور نالائقی ہے.

واضح رہے کہ گزشتہ روز وزیرِ اعظم شہباز شریف نے فکسڈ ٹیکس سے پریشان تاجروں اور بجلی کے بل پر فیول ایڈجسٹمنٹ سے پریشان عوام کے لیے بڑے ریلیف کا اعلان کیا تھا۔ قطر میں پاکستانی عوام سے گفتگو کے دوران شہباز شریف نے تاجروں پر عائد فکسڈ ٹیکس اور 1 کروڑ 71 لاکھ بجلی کے صارفین پر فیول ایڈجسٹمنٹ چارجز ختم کرنے کا اعلان کیا تھا۔

جبکہ پاکستان مسلم لیگ (ن) کی رہنما مریم نواز نے اس بارے کہا تھا کہ وزیراعظم کی جانب سے بجلی کے بلوں میں صارفین کو ریلیف دینے کے اقدام پر وہ وزیراعظم شہباز شریف کےغریب دوست اقدام کا خیر مقدم کرتی ہیں۔

اپنے بیان میں انہوں نے کہا کہ کوئی شک نہیں کہ شہباز شریف عوام کو ریلیف دینے میں کامیاب ہوں گے۔ مریم نواز نے مزید کہا تھا کہ راجن پور کے سیلاب متاثرین کی تصاویر دیکھ کر دل تڑپ گیا، وہ خود سیلاب متاثرین کے پاس جا رہی ہیں۔
ان کا کہنا تھا کہ تمام حکومتوں اور مخیر حضرات سے درخواست ہے کہ مصیبت میں مبتلا اللّٰہ کی مخلوق کی خبر گیری کریں۔

اسلام آباد ہائیکورٹ نے خاتون جج کے خلاف بیان پر توہین عدالت کیس کی سماعت کا تحریری حکم نامہ جاری کردیا۔

تحریری حکم نامے میں کہا گیا ہے کہ عمران خان کا بیان عدلیہ پر عوام کا اعتماد ختم کرنے کی کوشش ہے۔ براہ راست توہین عدالت کے زمرے میں آتا ہے۔حکم نامے میں کہا گیا ہے کہ ‏بادی النظر میں عمران خان کا جج سے متعلق توہین آمیز بیان انصاف کی راہ میں رکاوٹ ڈالنے کی کوشش ہے۔عمران خان کا جج کو دھمکی دینےکا مقصد عوام کی نظر میں عدلیہ کے وقار اورساکھ کو مجروح کرنا ہے۔

حکم نامے میں کہا گیا ہے کہ عمران خان 31 اگست کو پیش ہو کر بتائیں کہ ان کے خلاف توہین عدالت کی کارروائی کیوں نا کی جائے؟ عدالت نے حکم دیا کہ متعلقہ تھانے کا ایس ایچ او عمران خان کو نوٹس کی تعمیل کرائے۔ عدالت نے اٹارنی جنرل اور چیئرمین پیمرا کو بھی نوٹس جاری کر دیئے۔ جبکہ چیئرمین پیمرا سے عمران خان کی ایف نائن پارک میں تقریر کا ٹرانسکرپٹ طلب کرلیا۔ اٹارنی جنرل کو معاونت کے لیے نوٹس جاری کیا گیا۔

واضح رہے کہ گزشتہ روز اسلام آباد ہائیکورٹ نے خاتون جج زیبا چوہدری کو دھمکانے کے معاملے پر توہین عدالت کیس میں عمران خان کو شوکاز نوٹس جاری کرتے ہوئے ذاتی حیثیت میں طلب کیا تھا. ایڈیشنل سیشن جج زیبا چوہدری کو دھمکانے پر عمران خان کے خلاف توہین عدالت کے کیس کی سماعت تین رکنی لارجر بینچ نے کی نے کی تھی.

جسٹس محسن اختر کیانی کی سربراہی میں بننے والے بینچ میں جسٹس میاں گل حسن اور جسٹس بابر ستار بھی شامل تھے.

عدالت نے رجسٹرار کے نوٹ پر توہین عدالت کی کارروائی کا آغاز کیا تو اس سلسلے میں ایڈووکیٹ جنرل اسلام آباد جہانگیر جدون عدالت میں پیش ہوئے تھے

کیس کی سماعت

دورانِ سماعت ایڈووکیٹ جنرل اسلام آباد نے اپنے دلائل میں کہا تھا کہ خاتون ایڈیشنل سیشن جج کے بارے میں یہ الفاظ استعمال کیے گئے، اس پر عدالت نے استفسار کیا کہ وہ خاتون جج کون سا کیس سن رہی تھیں؟

ایڈووکیٹ جنرل نے بتایا تھا کہ خاتون جج شہبازگل کے ریمانڈ سے متعلق کیس سن رہی تھیں، عمران خان جوڈیشری اورالیکشن کمیشن کےخلاف مسلسل ایسی گفتگو کرتے رہے ہیں، عمران خان انصاف کی راہ میں رکاوٹ بن رہے ہیں۔

عدالت نے کہا کہ: وزیراعظم رہنے والے لیڈر سے اس طرح کے بیان کی توقع نہیں کی جاسکتی ہے.

عدالت نے کہا تھا کہ انویسٹی گیشن میں تو کورٹس بھی مداخلت نہیں کرتیں، خاتون جج کو دھمکی دی گئی، اگریہ ماحول بنانا ہے تو کام تو ہوگا ہی نہیں، پورے پاکستان میں ججز کام کررہے ہیں، کورٹ فیصلہ دے گی تو اس کےخلاف تقریریں شروع کردیں گے؟ عام آدمی کوکس طرف لے جارہے ہیں،کہ وہ اٹھے اوراپنا انصاف خود شروع کردے؟

عدالت نے استفسار کیا تھا کہ جس خاتون جج کودھمکی دی گئی اسے اضافی سکیورٹی دینے کو تیارہیں؟ ایڈووکیٹ جنرل نے کہا کہ جی ہاں، خاتون جج کو اضافی سکیورٹی دینے کو تیار ہیں۔ جسٹس محسن اختر کیانی نے کہا کہ: سنجیدہ معاملہ ہے اور صرف اسلام آباد کی ماتحت عدالت کی جج تک محدود نہیں.

عدالت نے مزید کہا تھا کہ: پہلے نوٹس دے کرعمران خان کو سنا جائے یا ڈائریکٹ شوکاز نوٹس دیں؟ اس پر ایڈووکیٹ جنرل نے کہا کہ بادی النظر میں یہ سیدھا شوکاز نوٹس کا کیس بنتا ہے۔

جسٹس محسن اختر نے کہا کہ بہت سارے لوگ سامنے کھڑے ہوں تو ایسی باتیں کرنی چاہئیں؟ میڈیا کے ذریعے بہت سارے لوگ یہ دیکھ رہے ہوتے ہیں، جس لمحے ہم یہ سماعت کررہے ہیں اس وقت بھی عدلیہ کو بدنام کیا جارہا ہوگا، سنجیدہ معاملہ ہے اور صرف اسلام آباد کی ماتحت عدالت کی جج تک محدود نہیں، سول بیوروکریسی اور پولیس کو دھمکیاں دی جا رہی ہیں، آج ایک حکومت ہے، وہ چلی جائے گی تو کیا دھمکیاں دے گی؟ یہاں تو مخصوص لوگوں نے پورے نظام کو جکڑا ہوا ہے۔

اسلام آباد ہائیکورٹ نے تین سے زائد ججز پر مشتمل لارجر بینچ تشکیل دینے کے لیے معاملہ چیف جسٹس کو بھجوا دیا جب کہ عدالت نے عمران خان کو 31 اگست کو ذاتی حیثیت میں طلب کرلیا تھا، عدالت نے کہا تھا کہ عمران خان نیازی کو نوٹس پر ذاتی طور پر تعمیل کروائیں، اگر ریاستی ادارے کام نہیں کریں گے تو ملک کیسے چلے گا۔

کیس کا پسِ منظر

خیال رہےکہ 20 اگست کو پاکستان تحریک انصاف کے چیئرمین عمران خان نے شہباز گل پر مبینہ تشدد کے خلاف آئی جی اور ڈی آئی جی اسلام آباد پرکیس کرنےکا اعلان کیا تھا اور دوران خطاب عمران خان نے شہباز گل کا ریمانڈ دینے والی خاتون مجسٹریٹ زیبا چوہدری کو نام لےکر دھمکی بھی دی تھی۔

عمران خان کا کہنا تھا کہ آئی جی، ڈی آئی جی اسلام آباد ہم تم کو نہیں چھوڑیں گے، تم پر کیس کریں گے اور مجسٹریٹ زیبا چوہدری آپ کو بھی ہم نے نہیں چھوڑنا، کیس کرنا ہے تم پر بھی، مجسٹریٹ کو پتہ تھا کہ شہباز پر تشدد ہوا پھر بھی ریمانڈ دے دیا۔

اس حوالے سے وفاقی وزیر داخلہ رانا ثنا اللہ نے قانونی کارروائی کا اعلان کیا تھا جب کہ پیمرا نے عمران خان کے براہ راست خطاب کر پابندی لگا دی تھی۔ گزشتہ دنوں عمران خان کے خلاف انسداد دہشت گردی ایکٹ کے تحت مقدمہ بھی درج کیا گیا تھا۔ سابق وزیراعظم کے خلاف اسلام آباد کے تھانہ مارگلہ میں اسلام آباد پولیس کے اعلیٰ افسران و عدلیہ کودھمکی دینے پر مقدمہ درج کیا گیا۔

لندن میں بڑھتے پرتشدد اور چوری کے واقعات پر ٹی وی اسٹار نے مطالبہ کیا ہے کہ لندن کے میئر نے 24 گھنٹوں میں دو ویڈیوز کے بعد ایکشن لیا جس میں غنڈوں کو لندن کی سڑکوں پر بے بس متاثرین کو لوٹتے ہوئے دکھایا گیا ہے۔ جبکہ انہیں اس کا فوری نوٹس لیتے ہوئے ایکشن لینا چاہئے تھا.

ٹی وی اسٹار شبس احمد نے لندن کے مئیر صادق خان کو متنبہ کیا کہ اگر وہ لندن میں جاری پرتشدد جرائم کی لہر سے نمٹنے کے لیے سخت کاروائی عمل میں نہیں لائیں گے تو پھر وہ بھی اس کے زمہ دار ہوں گے.

معروف ٹی وی اسٹار شبس احمد نے بی بی سی کے ہٹ شو سپر کار سپر فیم میں اداکاری کی ہے نے یہ تبصرہ اس وقت کیا جب ایک مرد اور عورت کو دن کی روشنی میں چھری کی نوک پر لندن میں لوٹ لیا گیا جب وہ وسطی لندن میں ایک بازار سے گزر رہے تھے۔

گزشتہ پیر کو لی گئی ویڈیو فوٹیج میں دکھایا گیا ہے کہ متاثرہ خاتون پونڈ پلیس، چیلسی کے دروازے میں لیٹی ہوئی ہے اور اس کی ٹانگوں پر لات مار رہی ہے جیسا کہ حملہ آور اس کے اوپر کھڑا ہے۔

انسٹاگرام پر شیئر کی گئی فوٹیج کا جواب دیتے ہوئے، بی بی سی کی دستاویزی فلم اسٹار نے سوشل میڈیا سائٹ پر ایک تبصرے میں میئر کو مخاطب کرتے ہوئے کہا: ‘صادق خان کیا آپ اس کو دیکھ رہے ہیں؟ اور آپ بہت مصروف ہیں؟ ‘اسے سلجھائیں. جیسا کہ میں نے پہلے کہا، آپ کے ہاتھوں پر خون لگے گا.

https://twitter.com/CrimeLdn/status/1561417717055627264
دوسری ایک ویڈیو میں واضح دیکھا جاسکتا ہے کہ چوروں نے اشارہ پر رکی کار پر ہتھوڑوں سے وار کیا تاہم کار آگے چل نکلی اور پھر انہوں نے موٹر سایکلز پر اس پر کا پیچھا کیا.

یہ ویڈیو کرائم لندن اسٹریٹ نامی اکاؤنٹ سے شیئر کی گئی.
علاوہ ازیں اس کار کی ایک تصویر بھی سامنے آئی اور دیکھا جاسکتا ہے کہ کار کا شیشہ ہتھوڑے کے وار سے ٹوٹا ہوا ہے.