Author: +9251

پاکستان تحریک انصافکی رہنماء اور وفاقی وزیر شیریں مزاری نے سابق وزیر اعظم نوازشریف سے وطن واپسی اور اپنے بھائی کو وزارت عظمیٰ سے ہٹانے کا مطالبہ کردیا ہے۔

اسلام آباد میں پریس کانفرنس کرتے ہوئے شیریں مزاری نے کہا کہ الیکشن کمیشن نےہمیں نوٹس نہیں دیا ہے، ہمارے بندے گئے تو کہا کہ نوٹس ویب سائٹ پر تھا جب کہ نوٹس وہاں بھی موجود نہیں تھا، اسکروٹنی کمیٹی پی ٹی آئی کے لیے 12 مارچ 2018 میں بنی تھی، الیکشن کمیشن سمجھتا ہے کہ لوگ حقائق بھول جائیں گے۔ لیکن ایسا کبھی بھی نہیں ہوگا.

سابق انسانی حقوق کی وزیر شیریں مزاری نے کہا ہے کہ سپریم کورٹ نے الیکشن کمیشن کو ہدایت دی تھی کہ تمام سیاسی جماعتوں کے فنڈز دیکھے جائیں، لیکن ایسا نہیں کیا گیا لہذا اب اس سے واضح ہوتا جارہا ہے کہ الیکشن کمیشن ایک جانبدار ادارہ ہے، اور چیف الیکشن کمشنر سیکندر سلطان قانون کے دائرے سے باہر فیصلے کررہے ہیں، انہوں الزام عائد کیا کہ چیف الیکشن کمشنرسیاسی ایجنڈے پرکام کررہے ہیں۔

تحریک انصاف کی رہنماء ڈاکٹر شیریں مزاری کا کہنا تھا کہ ایف آئی اے ( فیڈرل انویسٹیگیٹیو اتھارٹی) ہماری ہی سیاسی جماعت پی ٹی آئی کا تمام ریکارڈ کس حیثیت سے مانگ رہا ہے؟ ایف آئی اے کسی ممنوعہ فنڈنگ کی تحقیقات نہیں کرسکتا ہے کہ کیونکہ یہ ایف آئی اے کے دائرہ اختیارات میں نہیں آتا ہے اور یہ سراسر قانون کی خلاف ورزی ہے۔

شہباز گل سے متعلق سابق وفاقی وزیر شیریں مزاری نے کہا کہ شہبازگل نے ریمارکس لینڈ لائن پر دیے تو پھرفون کیوں چاہیے؟ اگر شہبازگل نے قانون کی خلاف ورزی کی ہے تو ان پر کیس کریں، ایک شخص کو گرفتار کرکے آپ تشدد نہیں کرسکتے ہیں.

شیریں مزاری نے پیٹرولیم مصنوعات کی قیمت بڑھانے کی مذمت کرتے ہوئے کہا کہ نواز شریف وطن آئیں اور اپنے بھائی کو جلد از جلد ہٹائیں کیونکہ ان سے ملک نہیں چلا جارہا ہے.

پاکستانی سیاست دانوں اور فیصلہ سازوں کے نام کھلا خط

توانائی اصلاحات کے حوالے ایک مشترکہ خط میں کہا گیا ہے کہ توانائی کی اصلاحات ہی اقتصادی خودمختاری کا واحد اور پائیدار حل ہے۔

چونکہ پاکستان اس وقت اپنی تاریخ کے بدترین معاشی بحران سے دوچار ہے جس میں مہنگائی عروج پر ہے جبکہ گھٹتے ہوئے ذخائر اور تیزی سے کمزور ہوتی کرنسی جیسے معاملات قابل افسوس ہیں۔

پاکستان بیرونی مالیاتی توانائی کی لاگت کے بھاری بوجھ تلے دب رہا ہے۔ جو کہ مالی سال 2020 میں توانائی کی کل بنیادی فراہمی کا 43 فیصد تھی، اور 26 بلین ڈالر سے زیادہ، توانائی کی درآمدات (تیل، ایل این جی اور کوئلہ) پاکستان کی موجودہ ترقی میں واحد سب سے بڑا حصہ لیکن مالی سال 2022 میں 17.4 بلین ڈالر کا کھاتہ خسارہ ہونا افسوسناک ہے۔

اس خظ میں کہا گیا ہے کہ: ایک ایسا ملک جس میں ایندھن کے بڑے بڑے ذخائر موجود ہیں،لیکن پالیسی سازوں کی کئی دہائیوں کی گمراہ کن پالیسیوں نے توانائی کی خرابیوں کو جنم دیا ہے۔

مقامی توانائی کے وسائل غلط حکمرانی اور پالیسی کی ناکامیوں نے سرکلر کی شکل میں ایک عفریت پیدا کرگئے جبکہ قرضوں نے کھربوں کے بجٹ کے وسائل ہڑپ کر لیے ہیں اور پھر بھی سرکلر ڈیٹ کے بقایاجات ہیں۔

خط میں تحریر کیا گیا کہ: قومی وقار اور سلامتی پر ہر اقتصادی بیل آؤٹ کے ساتھ سمجھوتہ کیا جاتا ہے جوکہ نہیں ہونا چاہئے.
بین الاقوامی عطیہ دہندگان، اور کثیر جہتی قرض دہندگان، جیسا کہ قوم اپنی ڈائمنڈ جوبلی منا رہی ہے، یہاں پر ہمیں اس آزادی کے موقع پر ہمیں ایک لمحے کے لیے خود کا جائزہ بھی لینا چاہیے کہ ہمارا ملک اقتصادی طور پر اتنا مضبوط کیوں نہیں ہے اور اب تک پیچھے کیوں ہے؟

خط میں گزشتی 75 سالوں کا حوالہ دیتے ہوئے کہا گیا کہ: اب تک ہم نے کیا کھویا اور کیا پایا پنی غلط پالیسیوں کے سبب لہذا معیشت کو اقتصادی سلامتی اور خوشحالی کی طرف لے جانے کے لیے ہمیں اس کورس کو تبدیل کرنے کی ضرورت ہوگی اور ناگزیر حالات کے پیش نظر توانائی کے شعبے میں اصلاحات کے لیے ہمارے رہنماؤں اور فیصلہ سازوں کو اہم کردار ادا کرنا ہوگا.

خط میں کہا گیا: قومی سلامتی کیلئے سیاست سے بالاتر ہو کر توانائی کے شعبے میں اصلاحات کی کوشش میں غیر جانبدارانہ عزم اور حمایت کی اشد ضرورت ہے۔

اس خط میں اصلاحات کے حوالے مکمل تفصیلات بتائی گئیں ہیں اور ایک خاکہ بھی پیش کیا گیا کہ کس طرح ہمیں اسے ٹھیک کرنا ہے. مزید کہا گیا کہ ہم توانائی کے شعبے کو ایک متحرک شعبہ میں تبدیل کرنے کے لیے اہم اصلاحات کے لیے اعلیٰ سطح کی دلچسپی چاہتے ہیں تاکہ ہماری قوم کے معاشی اور سماجی ترقی کے خوابوں کو حقیقت میں بدلنے کیلئے ہماری یہ کوشش معاون ثابت ہوسکے.

اس خط کو لکھنے والوں میں سیکورٹی ایکسپرٹ عامر خٹک سمیت متعدد نام شامل ہیں جن میں محمد شاہد، عبدالرحمن وڑائچ اور مقتدر قریشی سرفہرست ہیں.

Open Letter on Energy Reforms

امریکی ڈالرکی قدر13ویں روزبھی زوال کا شکار ہے۔

منگل کوانٹربینک میں ڈالر1روپے48 پیسے سستا ہوگیا۔ انٹربینک مارکیٹ میں ڈالر212 روپے 50 پیسے پر آگیا۔ پیر کوانٹربینک میں دن کے اختتام پرامریکی ڈالر 213 روپے 98 پیسے پربند ہوا جب کہ اوپن مارکیٹ میں ڈالر 210 روپے کی سطح پرتھا۔

فارن ایکس چینج آپریشنز کی نگرانی

اسٹیٹ بینک نے ایکسچینج کمپنیز اور بینکوں کے فارن ایکس چینج آپریشنز کی نگرانی سخت کردی ہےاور مرکزی بینک نے ضوابط کی خلاف ورزی پر2 ایکسچینج کمپنیز کی4 برانچوں کے آپریشن معطل کردیئے گئے جبکہ ڈالرکی قیمت خریداور فروخت میں زیادہ فرق کا بھی نوٹس لیا گیا تھا۔

فوریکس ایسوسی ایشن آف پاکستان کے چیئرمین ملک بوستان نے سماء ٹی وی سے گفتگو میں کہا تھا کہ آرمی چیف جنرل قمر جاوید باجوہ کے امریکی حکام سے رابطے کے بعد امید ہے کہ آئی ایم ایف کی قسط جلد جاری ہوجائے گی ۔انہوں نے کہا تھا کہ ڈالر کی قدر مصنوعی انداز میں بڑھائی گئی تھی،ڈالر کی اصل ویلیو 180روپے سے زیادہ نہیں ہونی چاہیے۔

ایکس چینج کمپنیز ایسوسی ایشن آف پاکستان کے جنرل سیکرٹری ظفر پراچہ کے مطابق اسٹیٹ بینک اور دیگر حکومتی اداروں کی عدم توجہی کے باعث انٹر بینک میں بڑے پیمانے پر سٹہ بازی کی وجہ سے ڈالر اس قدر بلندی پر پہنچ گیا تھا تاہم حکومتی ادارے اب متحرک ہوگئے ہیں جس کے بعد ڈالر کی قدر میں کمی شروع ہوگئی۔

واضح رہے کہ بلوم برگ کے اعداد و شمار کے مطابق یکم تا 15 اگست عالمی سطح پر پاکستانی روپے کی کارکردگی (قدر بڑھنے کے لحاظ سے) 11.12 فیصد رہی جو دنیا کے کسی بھی ملک کی کرنسی کی بہتر کارکردگی میں سب سے زیادہ ہے، دوسرے نمبر پر مڈغاسکر کی کرنسی ہے جس کی کارکردگی کی شرح 5.42 فیصد اور تیسرے نمبر پر اسرائیلی کرنسی ہے جس کی کارکردگی 3.79 فیصد ہے۔
اعداد و شمار کے مطابق دوسرے اور تیسرے نمبر کے ممالک کی کرنسی کی کارکردگی کو جمع بھی کیا جائے تو پاکستانی کرنسی کی قدر بڑھنے کے لحاظ سے کارکردگی دونوں ممالک سے زیادہ ہے۔

ایف بی آر نے بڑی صنعتوں میں ٹیکس چوری کی روک تھام کیلیے ٹریک اینڈ ٹریس سسٹم نافذ کردیا ہے، اب ٹیکس اسٹامپس کے بغیر سگریٹ بیچنے والوں اور مینوفیکچررز کو قید اور جرمانہ کا سامنا کرنا پڑ سکتا ہے.

یکم جولائی سے سگریٹ کی ہر ڈبی پر ٹیکس اسٹامپس کا چسپاں ہونا لازمی ہوگا، ایک مرتبہ پیکنگ کھلنے کے بعد ٹیکس اسٹامپ بھی پھٹ جائے گا جبکہ وہ ڈبی دوبارہ فروخت نہیں ہوسکے گی۔

ذرائع کے مطابق سگریٹ کی غیرقانونی تجارت سے قومی خزانے کو سالانہ اسی (80) ارب روپے نقصان ہو رہا ہے، نئے نظام سے اس میں کمی ہو گی، علاوہ ازیں دکاندار یا تیار کنندگان جو ٹیکس اسٹامپس کے بغیر سگریٹ کی فروخت میں ملوث پائے گئے، انھیں بھاری جرمانہ اور 3 سال قید ہو گی جبکہ ٹیکس اسٹامپس کے بغیر برآمد ہونے والا تمام ذخیرہ بھی ضبط کر لیا جائے گا۔

ذرائع کے مطابق اب تک صرف تین بڑی کمپنیوں نے ٹریک اینڈ ٹریس نافذ کیا ہے جبکہ متعدد کمپنیوں نے قانونی چارہ جوئی کا راستہ اختیار کیا ہے۔ ماہرین کا کہنا ہے دستاویزی معیشت کو فروغ دینے کیلئے تمام کمپنیوں میں ٹریک اینڈ ٹریس سسٹم لایا جائے۔

یاد رہے ک سوشل میڈیا پر پی او ایس انٹیگریشن سے متعلق غلط معلومات پھیلائے جانے پر ایف بی آر نے وضاخت کی تھی کہ ایف بی آر سے منسلک شدہ بڑے ریٹیلرز کی طرف سے جاری کردہ رسید پر مجوزہ 1 روپیہ فی انوائس سروس چارج سے متعلق سوشل میڈیا پر غلط معلومات پھیلانے پر فیڈرل بورڈ آف ریونیو نے پر وضاحت جاری کرتے ہوئے کہا تھا کہ سوشل میڈیا پر یہ تاثر دیا جارہا ہے کہ سروس چارج 1 روپیہ فی انوائس نہیں لیا جائے گا بلکہ رسیدی رقم کے 1 فیصد کے حساب سے وصول کیا جائے گا جو کہ سراسر غلط ہے۔ یہ بے بنیاد پراپیگینڈا مخصوص عناصر کی طرف سے پھیلایاجا رہا ہے جو کہ بدنیتی پر مبنی ہے۔

ایف بی آر نے کہا تھا کہ 1روپیہ سروس چارج فی رسید سیلز ٹیکس ایکٹ 1990 کی شق 76 کے تحت وصول کیا جا ئے گا۔ انوائس پر چاہے جتنی بھی کل رقم درج ہو، سروس چارج 1 روپیہ ہی وصول کیا جائے گا۔ سروس چارج کے تحت اکھٹی ہونے والی رقم بڑے ریٹیلرز کو ایف بی آر سے منسلک کرنے ، میڈیا کیمپین چلانے اور کسٹمرز کے لئے متعارف کردہ پرائز سکیم پر خرچ ہو گی جو کہ اس سکیم میں شامل ہونے کے لئے بڑے ریٹیلرز کی طرف سے جاری کی گئی اصل رسید کی تصدیق کریں گے۔

یہاں یہ بات قابل ذکر ہے کہ ایف بی آر نے اس حوالے سے بہت ہی موثر اشتہاری مہم کا آغاز کر دیا تھا جو کہ سوشل میڈیا، اخبارات، نیوز چینلز اور ریڈیو پر جاری رہا تھا. اس اشتہاری مہم کے ذریعے عوام الناس کو پرائز سکیم اور ایف بی آر ہیڈکوارٹرز میں ماہانہ بنیادوں پر 5 کروڑ 30 لاکھ کے انعامات کے لئے قرعہ اندازی کے انعقاد کے بارے میں آگاہ کیا گیا تھا. اس سلسلے میں پہلی کمپیوٹرائزڈ قرعہ اندازی 15 جنوری 2022 کو کی گئی جس میں 1007 قرعہ اندازی جیتنے والوں کا اعلان کیا گیا تھا۔

ایف بی آر نے کہا تھا کہ: سوشل میڈیا پر اس حوالے سے گمراہ کن معلومات ان عناصر کی طرف سے پھیلائی گئی تھی جو پی اوایس انٹیگریشن کے خلاف ہیں اور جنرل پبلک سے سیلز ٹیکس تو وصو ل کر لیتے ہیں لیکن حکومتی خزانے میں ٹیکس جمع نہیں کراتے۔ ایف بی آر ملک بھر میں بڑے ریٹیلرز کو سسٹم کے ساتھ منسلک کرنے کے اقدام کو جاری رکھنے میں پر عزم ہے۔

چیئرمین تحریک انصاف اور سابق وزیر اعظم عمران خان نے اینکرپرسن فریحہ ادریس کو انٹرویو دیتے ہوئے شہباز گل کے معاملے پر کہا کہ شہبازگل نے جو بات کی وہ غلط تھی اور انہيں نہیں کرنی چاہيے تھی کیونکہ شہبازگل کے بيان سے تاثر ملتاہے کہ جيسے ہم فوج کو اُکسا رہے ہيں۔

نجی ٹی وی چينل جی این این کو انٹرويو دیتے ہوئے سابق وزیر اعظم عمران خان نے دعویٰ کيا کہ شہبازگل کو برہنہ کرکے تشدد کيا گيا ہے جبکہ دوسرے سياستدانوں کے بيانات پر تو انہيں کچھ نہیں کہا گیا۔ عمران خان کا کہنا تھا کہ: شہباز گل نے غلط بیان دیا لیکن اس پر جو ظلم ہوا یا ہورہا ہے وہ درست نہیں، شہباز گل کو کہا جا رہا ہے کہ آپ عمران خان کے خلاف بیان دو، یہ شرمناک ہے، شہباز گل سے سوال کیا جاتا ہے کہ عمران خان کھاتا کیا ہے۔ اور میرے کھانے سے متعلق سوال اس لئے تشویشناک ہیں کیونکہ دو ماہ میں 5 لوگوں کی موت ہارٹ اٹیک کی وجہ سے ہوئی ہے جو کہ مبینہ طور پر مصنوعی ہارٹ اٹیک تھا.

میرے کھانے سے متعلق سوال اس لئے تشویشناک ہیں کیونکہ دو ماہ میں 5 لوگوں کی موت ہارٹ اٹیک کی وجہ سے ہوئی ہے جو کہ مبینہ طور پر مصنوعی ہارٹ اٹیک تھا – عمران خان#IKonGNN @Fereeha pic.twitter.com/limfqevv6G

— Fereeha | NewsEdge (@TeamFereeha) August 16, 2022

سابق وزیراعظم کا کہنا تھا کہ مجھے نا اہل کرا کر سابق وزیر اعظم نواز شریف کو واپس لانے کی کوشش کی جا رہی ہے، میں کسی صورت ایسی کسی ڈیل کو قبول نہیں کروں گا۔ انہوں نے کہا کہ توشہ خانہ اور الیکشن کمیشن بچگانہ کیس ہیں، چیف الیکشن کمشنر اخلاقی طور پر کرپٹ آدمی ہے، الیکشن کمیشن نے ہمارے خلاف آٹھ فیصلے دیے ہیں.

توشہ خانہ اور ممنوعہ فنڈنگ کیسز نہایت ہی احمقانہ کیسز ہیں، جتنے بھی پہلے لوگ آئے جنہیں تحائف ملے ان سب کا موازنہ کیا جائے آخر کون قانون کی پیروی کررہا تھا۔ اس ملک کی ایک بڑی بدقسمتی یہ ہے کہ ایک ایسا الیکشن کمیشنر آگیا جو اخلاقی طور پر انتہائی کرپٹ اور بزدل ہے۔#IKonGNN @Fereeha pic.twitter.com/TFX10oiO7B

— Fereeha | NewsEdge (@TeamFereeha) August 16, 2022

عمران خان نے دعوی کیا کہ: لوگ جسطرح ہمارے جلسوں میں آرہے ہیں ایسی مثال نہیں ملتی، ایک اور لانگ مارچ بھی ہوسکتا ہے.

عمران خان کے اس انٹرویو پر ایک سوشل میڈیا صارف نے ایک تصویر شیئر کی جس میں لکھا تھا کہ ایف آئی اے جب 2018 نواز شریف کیخلاف تحقیقات کررہی تھی تو وہ نواز شریف کرپٹ تھا مگر اب عمران خان کی جماعت کے خلاف تحقیقات کا آغاز کیا تو خود ایف آئی اے کرپٹ ہے.