پی ٹی آئی کے چیئرمین اور سابق وزیر اعظم عمران خان کے اثاثوں کی تفصیلات سامنے آگئیں ہیں، جس میں انہوں ںے 30 کروڑ کے اثاثے اور اپنی موجودہ اہلیہ بشریٰ بی بی کے نام 698 کنال اراضی ظاہر کر رکھی ہے۔

نجی ٹی وی کی ایک رپورٹ کے مطابق ضمنی انتخاب این اے 108 فیصل آباد کے لیے چئیرمین تحریک انصاف عمران خان کے کاغذات نامزدگی کی ایک نقل سامنے آگئی ہے جس کے ساتھ ہی سابق وزیر اعظم عمران خان کے اثاثوں کی تفصیلات بھی سامنے آگئیں ہیں کاغذات میں تحریک انصاف کے چیئرمین عمران خان نے 30 کروڑ 42 لاکھ 78 ہزار 495 روپے کے اثاثے ظاہر کیے ہیں، سابق وزیراعظم عمران خان نے اپنی موجودہ زوجہ بشری بی بی کے نام پاکپتن اور اوکاڑہ میں 698 کنال اراضی ڈکلئیر کی ہے۔

پاکستان تحریک انصاف کے سربراہ عمران خان نے اپنی زوجہ بشری بی بی کے نام پر تین کنال پر بنا ہوا بنی گالا کا گھر، وراثت میں ملنے والے دو گھر، بھکر میں 228 کنال زمین بھی ڈیکلئیر کی ہے، زمان پارک کے گھر کی تعمیر پر 4 کروڑ 86 لاکھ 60 ہزار روپے خرچ کیے تھے، 2020ء میں بنی گالا میں اضافی تعمیرات پر 39 لاکھ 54 ہزار اناسی روپے لگائے تھے۔

کاغذات کے مطابق: سابق وزیر اعظم عمران خان کا اسلام آباد میں کانسٹی ٹیوشن ایونیو پر ایک فلیٹ اور ایک کمرشل پلاٹ موجود ہے جہاں سے 14 لاکھ روپے کرایہ ماہانہ وصول کیا جارہا ہے، عمران خان کے پاس چار بکریاں جن کی مالیت دو لاکھ ہے، ان کے اور ان کی زوجہ کے پاس کوئی زیور نہیں ہے، عمران خان کی کسی بھی کمپنی میں کوئی سرمایہ کاری نہیں ہے۔

کاغذات نامزدگی کے مطابق: عمران خان کے پاس ایک کروڑ 12 لاکھ 29 ہزار 398 روپے ہیں، انہوں نے چار بینک اکاؤنٹس کی تفصیلات بھی ظاہر کی ہیں، عمران خان کے ایک اکاؤنٹ میں 3 لاکھ 23 ہزار 587 ڈالرز موجود ہیں۔

پاکستان مسلم لیگ ن کے رہنما طلال چوہدری کا کہنا ہے کہ سابق وزیر اعظم عمران خان لوگوں کو استعمال کرتے ہیں اور بعد میں پھینک دیتے ہیں۔

طلال چوہدری نے پریس کانفرنس کے دوران کہا کہ کس نے میر جعفر کہا تھا کس نے جانور کہا تھا یہ زیادہ پرانی بات نہیں، عمران خان واحد لیڈر ہیں جو چاہتے ہیں کہ اسٹیبلشمنٹ کو میرے پیچھے کھڑے ہونا چاہیے۔ ن لیگ کے رہنما کا کہنا ہے کہ عمران خان پہلے گریبان پر ہاتھ ڈالتے ہیں جب بات نہیں بنی تو اب پیر پڑ رہے ہیں، یہ اب تک وہی مدد چاہتے ہیں جو کچھ سال پہلے دی گئی۔

انہوں نے کہا کہ عمران خان کو ایف آئی اے کا نوٹس گیا ہے، وہ تمام اکاؤنٹس کی تفصیلات لے کر جائیں، اگر قانون کا اطلاق ہوا تو عمران خان 62،63 میں تاحیات نااہل ہوں گے، جتنے نوٹس گئے ہیں تحریک انصاف کے لوگوں نے اس پر اسٹے لیے ہیں۔ طلال چوہدری نے کہا کہ عمران خان کو پتا ہے ایک بندہ بھی پیش ہو گیا تو ساری بات کھل جائے گی، اگر آپ کا دامن صاف ہے تو اسٹے آڈر کیوں لیتے ہیں،عمران خان لوگوں کو استعمال کرتے ہیں اور بعد میں پھینک دیتے ہیں۔

لیگی رہنما کا مزید کہنا ہے کہ آپ شہباز گل کو قربانی کا بکرا بنا کر اپنی جان چھڑانا چاہتے ہیں؟ ان کو پتا ہے دو دن کا ریمانڈ ملا تو شہباز گل طوطے کی طرح بولنے لگے گا، یہ کسی جماعت کا نہیں پاکستان کا معاملہ ہے، 2 دن کے ریمانڈ کے بعد عمران خان کی چیخیں نکل رہی تھیں۔ ان کا یہ بھی کہنا ہے کہ عمران خان ذہن میں رکھیں شہباز گل نے جو انکشافات کیے ہیں وہ کسی وقت سنا دیے جائیں گے،اب اپنے کیسز سے بچنے کے لیے اب کوشش کی جارہی ہے۔

آج یہ معصوم بن رہے ہیں کل فرعون بنے ہوئے تھے۔ مریم نواز کے کمرے کا دروازہ توڑا گیا،نواز شریف کے سامنے گرفتار کیا گیا۔ نواز شریف کو بستر مرگ پہ پڑی بیوی سے بات تک نہ کرنے دی گئی۔ تب کسی کو خیال نہیں آیا۔ ہم زیادتی نہیں کریں گے، ہم اللہ کو جوابدہ ہیں۔

شاہ زیب خانزادہ کے ساتھ گفتگو pic.twitter.com/Gdn7KTJvC4

— Senator Tallal Chaudry (@TallalPMLN) August 12, 2022

ایک انٹرویو میں طلال چودھری کا کہنا تھا کہ: آج یہ معصوم بن رہے ہیں کل فرعون بنے ہوئے تھے۔ مریم نواز کے کمرے کا دروازہ توڑا گیا،نواز شریف کے سامنے گرفتار کیا گیا۔ نواز شریف کو بستر مرگ پہ پڑی بیوی سے بات تک نہ کرنے دی گئی۔ تب کسی کو خیال نہیں آیا۔ ہم زیادتی نہیں کریں گے، ہم اللہ کو جوابدہ ہیں۔

حکومت نے ضمنی انتخابات میں عمران خان کی جانب سے 9 حلقوں سے الیکشن لڑنے کے اعلان پر اعتراضات دائر کرنے کا فیصلہ کرلیا۔

الیکشن کمیشن نے تحریک انصاف کے ارکان کے استعفوں کے بعد خالی ہونے والی 9 نشستوں پر 25 ستمبر 2022 کو ضمنی الیکشن کا شیڈول جاری کر رکھا ہے، جب کہ چیئرمین تحریک انصاف عمران خان نے ان تمام 9 حلقوں میں خود الیکشن لڑنے کا فیصلہ کیا ہے۔

دوسری جانب حکومت نے عمران خان کے اس فیصلے کے خلاف اعتراضات دائرکرنے کا فیصلہ کرلیا ہے، اور اس حوالے سے مسلم لیگ ن اور حکومتی اتحادیوں کے قانونی مشیروں نے کام مکمل کرلیا ہے۔ حکومت کی جانب سے عمران خان کے کاغذات نامزدگی پر الیکشن کمیشن میں حکومتی امیدواراعتراض اٹھائیں گے، یہ اعتراضات 17 سے 20 اگست کے درمیان الیکشن کمیشن میں دائر ہوں گے۔

حکومتی امیدواروں کی جانب سے عمران خان کے خلاف توشہ خانہ، اثاثے چھپانے اور صادق و امین نہ ہونے کا بھی اعتراض کیا جائے گا، جب کہ اعتراضات کے ساتھ ممنوعہ فنڈنگ کیس کا فیصلہ بھی منسلک کیا جائے گا۔

قومی اسمبلی کے حلقہ این اے 246 لیاری میں ضمنی انتخاب

پیپلزپارٹی کے امیدوار نبیل گبول کے کاغذات نامزدگی منظور کر لئے گئے ہیں جبکہ نبیل گبول نے عمران خان کے کاغذات نامزدگی پر اعتراض جمع کرواتے ہوئے اپنی درخواست میں کہا کہ عمران خان کا نام فارن فنڈنگ کیس میں آیا ہے لہذا عمران خان کے کاغذات نامزدگی پر اعتراض ہے.

قومی اسمبلی کے 9 حلقوں میں ضمنی الیکشن کا شیڈول

الیکشن کمیشن کی جانب سے 5 اگست کو تحریک انصاف کے ارکان کے استعفوں کی منظوری کے بعد خالی ہونے والے قومی اسمبلی کے 9 حلقوں میں ضمنی الیکشن کا شیڈول جاری کیا گیا تھا۔ الیکشن کمیشن کے مطابق ان حلقوں کے ضمنی انتخابات میں حصہ لینے والے امیدوار اپنے کاغذات نامزدگی 10 سے 13 اگست تک جمع کرائے جاسکتے ہیں۔

الیکشن کمیشن کے مطابق کاغذات کی جانچ پڑتال 17 اگست کو کی جائے گی، اور ضمنی انتخاب کےلیے پولنگ 25 ستمبر کو ہوگی۔
الیکشن کی جانب سے جاری کئے گئے شیڈول کے مطابق ضمنی انتخابات قومی اسمبلی کے حلقہ 22 مردان، حلقہ 24 چارسدہ، این اے 31 پشاور، این اے 45 کرم، این اے 108 فیصل آباد، این اے 118 ننکانہ صاحب، این اے 237 ملیر کراچی، این اے 239 کورنگی اور این اے 246 کراچی ساؤتھ میں ہوں گے۔ یہ نشستیں تحریک انصاف کےارکان کےاستعفوں کے باعث خالی ہوئی تھیں۔

عمران خان کا 9 حلقوں میں خود الیکشن لڑنے کا اعلان

5 اگست کو ضمنی انتخاب کا شیڈول جاری ہونے کے بعد چیئرمین تحریک انصاف عمران خان نے ضمنی الیکشن میں قومی اسمبلی کے تمام 9 حلقوں سے خود الیکشن لڑنے کا اعلان کردیا۔ سینئر صحافیوں سے ملاقات میں عمران خان کا کہنا تھا کہ مخالفین کیلئے میدان خالی نہیں چھوڑوں گا۔ مخالفین مجھے سنگل آؤٹ کرنا چاہتے ہیں مگر میں ہر میدان میں اُن کا مقابلہ کروں گا۔ انہوں نے دعویٰ کیا کہ عام انتخابات اسی سال ہوں گے۔

چیئرمین پی ٹی آئی کا کہنا تھا کہ اُن سے دو بڑی غلطیاں ہوئی ہیں۔ سکندر سلطان راجہ کا بطور چیف الیکشن کمشنر تقرر میرا بلنڈر تھا۔ بولے دوسری بڑی غلطی کیا تھی یہ ابھی نہیں بتا سکتا۔

14 اگست کے حوالے سے جناح کونشن سنٹر میں پرچم کشائی کی تقریب کی گئی جس میں وزیر اعظم سمیت مختلف لوگوں نے شرکت کی اس دوران کچھ خواتین ڈانسر نے بھی اپنے فن کا مظاہر کیا تاہم اس طرح کچھ لوگ تنقید کر رہے جبکہ کچھ کا خیال ہے کہ کیا خوشی کے موقع پر ایسی محفل کا اہتمام نہ ہو تو پھر کب ہو؟

اینکر سلیم صافی نے ناچ گانے کا اہتمام کرنے والے انتظامیہ اہلکار پر تنقید کرتے ہوئ کہا کہ: ڈانس گانا قطعا پاکستانی ثقافت کی عکاسی نہیں بلکہ بیہودگی ہے. انہوں نے مزید کہا: جن لوگوں نے یوم آزادی کی تقریب میں اس بیہودگی کا انتظام کیا ان کے خلاف وزیراعظم شہباز شریف کو کاروائی کرنی چاہئے۔

یہ قطعا پاکستانی کلچر کی عکاسی نہیں بلکہ بیہودگی ہے ۔ جن لوگوں نے یوم آزادی کی تقریب میں اس بیہودگی کا انتظام کیا ان کے خلاف وزیراعظم کو کاروائی کرنی چاہئے۔ مولانا فضل الرحمان سے بھی توقع ہے کہ وہ بھی پختونخوا کی گورنرشپ کی لڑائی کی بجائے اس کے خلاف آواز اٹھائیں گے۔ https://t.co/1VkwgxkC7K

— Saleem Safi (@SaleemKhanSafi) August 14, 2022

سلیم صافی نے کہا: مولانا فضل الرحمان سے بھی توقع ہے کہ وہ بھی پختونخوا کی گورنرشپ کی لڑائی کی بجائے اس کے خلاف آواز اٹھائیں گے۔

سلیم صافی کو جواب دیتے ماہر تعلیم طاہر نعیم ملک نے سوال کیا کہ: یوم آزادی پر بھی موسیقی اور رقص کا اہتمام نہ ہو، کیا یہ خوشی کا موقع نہیں؟

محترم صافئ صاحب
یوم آزادی پر بھی موسیقی اور رقص نہ ہو کیا یہ خوشی کا موقع نہیں جہاں تک مولانا فضل الرحمان کی بات ھے قیام پاکستان کی ملائیت اور اسلام کے نام پر مخالفت کی گئی اب وہ سرٹیفکیٹ دیں گے کہ یوم آزادی کیسے منایا جائے ۔ https://t.co/dr1CtOPhCR

— Tahir Naeem Malik (@TahirNaeemMalik) August 14, 2022

طاہر ملک نے تاریخ کا حوالہ دیتے ہوئے کہاکہ: جہاں تک مولانا فضل الرحمان کی بات ہے تو قیام پاکستان کی ملائیت اور اسلام کے نام پر مخالفت کی گئی اب وہ سرٹیفکیٹ دیں گے کہ یوم آزادی کیسے منایا جائے۔

اس حوالے سے زیاد تر تنقید تحریک انصاف کے حامیوں نے کی ہے اور تحریک انصاف کی حامی سوشل میڈیا خاتون نے لکھا: مولانا فضل الرحمان اور ان کی پی ڈی ایم جماعتوں کی مشترکہ حکومت ملاحضہ ہو، انہوں نے مزید کہا کہ: یہ سب مل کر سابق وزیر اعظم عمران خان کی انصاف پسند اور مساوت پر قائم ریاست مدینہ کے نظریہ کا مزاق اڑا رہے ہیں.

یہاں‌ پر ایک صارف نے انہیں یاد دلایا کہ بی بی جو کچھ عمران خان کے جلسوں میں ہوتا رہا وہ کس اسلام میں جائز ہے، جنہوں نے سیاست میں ناچ گانا کی بنیاد رکھی کیا وہ ریاست مدینہ کے دعوے دار ہیں، حالانکہ یہ لوگ جھوٹے ہیں.

ایک اور صارف نے کہا: وزیراعلی خیبرپختونخوا تو افغانستان سے جوڑنا چاہتا ہے پر پاکستان کا جشن آزادی نہیں منانا چاہتا، آج14اگست کی تقریب میں وزیر اعلیٰ خیبر پختونخوا سمیت کسی عمرانی ٹولے نے شرکت ہی نہیں کی، پی ٹی آئی والے حقیقی آزادی شاید صرف اپنے اقتدار کی حواس کو ہی سمجھتے ہیں جبکہ ان کے سامنے ملک کی کوئی اہمیت نہیں.

لڑکیوں کی تعلیم کے لیے آواز بلند کرنے والی وادیٔ سوات کی بیٹی، نوبل انعام یافتہ ملالہ یوسفزئی کی جانب سے جشنِ آزادی کے موقع پر متاثر کُن پیغام شیئر کیا گیا ہے۔

نوبل انعام حاصل کرنے والی کم عمر شخصیت ملالی یوسفزئی نے اپنے انسٹاگرام اکاؤنٹ پر شوہر کے ہمراہ تصویر شیئر کی ہے۔
اس تصویر میں ملالہ کو سبز اور اُن کے شوہر کو نیلے رنگ میں ملبوس چہرے پر مسکراہٹ سجائے ہوئے دیکھا جا سکتا ہے۔
ملالہ یوسفزئی کا اپنے انسٹاگرام پر شیئر کیے گئے پیغام میں لکھنا ہے کہ 75 واں یومِ آزادی مبارک۔
https://www.instagram.com/p/ChPhZ-COuJM/?igshid=MDJmNzVkMjY=
’آج اور ہر آنے والے دن  ہمیں اپنے پیارے ملک کے ہر فرد کی ذات، مذہب یا اس کی نسل کو نظر انداز کر کے خالصتاً اس کے وقار کے لیے کھڑا ہونا چاہیے،  ہمارے ملک کے بانی نے بھی ہمیں یہی کرنے کے لیے کہا ہے۔

اس پوسٹ کی دوسری تصویر میں ملالہ یوسفزئی کی جانب سے قائدِ اعظم محمد علی جناح ؒ کا ایک قول شیئر کیا گیا ہے جس میں بانیٔ پاکستان کا قوم کو مخاطب کرتے ہوئے کہنا ہے کہ ’آپ آزاد ہیں، آپ اپنے مندروں میں جانے کے لیے آزاد ہیں، آپ اس ریاست پاکستان میں اپنی مساجد یا کسی دوسری عبادت گاہ میں جانے کے لیے آزاد ہیں، آپ کا تعلق کس مذہب، ذات یا عقیدے سے ہے اس کا ریاست کے کاروبار سے کوئی تعلق نہیں ہے۔