Author: +9251

اسلام آباد:ڈپٹی گورنر اسٹیٹ بینک مرتضیٰ سید نے کہا ہے کہ سب سے مشکل مرحلے سے نکل آئے ہيں۔جشن آزادی کے موقع پر پرچم کشائی کی تقريب سے خطاب کرتے ہوئے ڈپٹی گورنراسٹيٹ بينک ڈاکٹر مرتضٰی سید کا کہنا تھا کہ ملکی معيشت مشکل مرحلے سے نکل آئی ہے۔

ڈپٹی گورنراسٹيٹ بينک نے کہا کہ مشکلات ہيں ليکن سب سےمشکل مرحلےسےنکل آئے ہيں، پاکستان کو ترقی يافتہ بنانے کيلئے تعليم پر زور اور خواتين کو بااختيار بنانے پر توجہ دينا ہوگی۔

واضح رہے کہ ملک بھر میں آج پاکستان کا 75 جشن آزادی منایا جارہا ہے، ہر طرف سبز ہلالی قومی پرچموں کی بہار ہے، عمارتوں کو خوبصورت روشنیوں سے سجایا گیا ہے، بچے بڑے سب ہی مختلف انداز میں وطن سے اپنی محبت کا اظہار کررہے ہیں۔

پاکستان کا قیام 14 اگست 1947ء کو عمل میں آیا تھا، قوم ہر سال اس دن کو ملی جوش و جذبے کے ساتھ مناتی ہے، اس موقع پر مختلف تقریبات کا انعقاد کیا جاتا ہے، اہم عمارتوں پر چراغاں کے ساتھ قومی پرچم سربلند ہوتے ہیں، شہری بھی اپنی املاک اور گاڑیوں پر قوم پرچم آویزاں کرتے ہیں۔

یاد رہے کہ ایک طرف ڈپٹی گورنراسٹیٹ بینک یہ دعوے کررہے ہیں تو دوسری طرف پاکستانی قیادت سعودی عرب ، عرب امارات ، چین اور آئی ایم ایف سے مالی امداد کی درخواست کرچکی ہے ، یہ بھی کہا جارہا ہے کہ اگرآئی ایم ایف نے وقت پر پاکستان کو گرانٹ جاری نہ کی توحالات بہت زیادہ خراب ہوجائین گے

اسلام آباد: وفاقی وزیر برائے آئی ٹی اینڈ ٹیلی کمیونیکیشن سید امین الحق نے اس حقیقت کا اعتراف کیا ہے کہ سالانہ آئی سی ٹی ایوارڈز گزشتہ 17 سالوں سے پاکستان میں انفارمیشن ٹیکنالوجی انڈسٹری میں قائدانہ صلاحیتوں کو پروموٹ کرتے ہوئے جدید اور بین الاقوامی سطح کی منافع بخش کاروباری سرگرمیوں کو فروغ دے رہے ہیں۔ انہوں نے مزید کہا کہ کہ آئی ٹی انڈسٹری پاکستان سافٹ ویئر ہاؤسز ایسوسی ایشن کی سربراہی میں ملک کو درپیش معاشی چیلنجز سے نبرد آزما ہونے کے لئے ایک نہایت منفرد اور گیم چینجر پوزیشن میں ہے۔

اس سال اکتوبر کے آخر میں 18ویں سالانہ انفارمیشن اینڈ کمیونیکیشن ٹیکنالوجیز ایوارڈز کا انعقاد کر رہا ہے اور ان ایوارڈز کی جیوری میں عالمی سطح کے ایکسپرٹس شامل ہیں جو کہ ایک شفاف اور تفصیلی عمل کے ذریعے 10 کیٹگریز اور42 ذیلی کیٹیگریز کے لیے ایوارڈز کا فیصلہ کریں گی، جن میں اسٹارٹ اپس ،فن ٹیک کمپنیوں، ایجوکیشن ٹیک کمپنیوں، ای کامرس کمپنیوں اور آئی ٹی انڈسٹری کے بڑے ایکسپوٹرز کو بھی شامل کیا جائے گا۔ اس کے ساتھ ساتھ آئی ٹی انڈسٹری میں کئی قسم کے کاروباری ماڈلز، جدیداختراعات اور ان کی کارکردگی کو بھی تسلیم کیا جائے گا۔ساتھ ہی ساتھ، طلباء و طالبات اسکول، کالج اور یونیورسٹیوں سے اپنے پروجیکٹس کے ساتھ خاص کیٹگریز میں اپلائی کر سکتے ہیں اور خواتین انٹرپرینیورز کی بھی خصوصی طور پر پذیرائی کی جائے گی۔

وفاقی وزیر آئی ٹی و ٹیلی کمیونیکیشن سید امین الحق کا این سی او سی کا دورہ

P@SHA کے چیئرمین بدر خوشنود نے وضاحت کرتے ہوئے کہا کہ ان ایوارڈز میں اپلائ کرنے کے لئے کسی بھی قسم کی کوئی بھی فیس نہی ہے اور کسی بھی قسم کی اسپانسر شپ بھی ان پر اثر انداز نہیں ہو سکتی اور نہ ہی کوئ اور معاوضہ لیاجاتاہے۔ یہی وجہ ہے کہ کمپنیاں چھوٹی ہوں یا بڑی، ایکسپوٹرز، سرمایہ کار اور جوائنٹ وینچرز، آئی ٹی انڈسٹری کے نئے اور پرانے پلیرز، طلباء، فری لانسرز اور خواتین انٹرپرینیورز سمیت سب کا اپنی متعلقہ کیٹگریز میں درخواست دینے کا خیرمقدم کیا جاتا ہے۔

اسی مناسبت سے سیکٹری جنرل P@SHA حرا زینب نے ایوارڈز جیتنے والوں اور رنراپس کو ایشیاء پیسیفک انفارمیشن اینڈ کمیونیکیشن ٹیکنالوجیز الائینس ایوارڈز یعنی APICTA AWARDS 2022میں شرکت کرنے اور اپنے آپ کو بین الاقوامی سطح پر منوانے کے مواقع پر روشنی ڈالتے ہوئے بتایا ہے کہ پاکستان پچھلے دس سالوں سے ان ایوارڈز میں شرکت کر رہا ہے اور 2021میں دو گولڈ اور چار میرٹ ایوارڈز جیت کر آئ ٹی ٹیلنٹ کے اعتبار سے ٹاپ فائیو ممالک میں شامل ہو گیا ہے۔

کابینہ نے سائبرسیکیورٹی کی پالیسی منظورکرلی، امین الحق

انفارمیشن ٹیکنالوجی انڈسٹری اس وقت پاکستان کی وہ واحد انڈسٹری ہے جو نہایت تیز رفتاری سے ترقی کر سکتی ہے اور اسی انداز سے ایکسپورٹس میں سب سے زیادہ تیزرفتاری سےاضافے کا موجب بن سکتی ہے۔ مزید برآں ،انٹرنیشنل مارکیٹ میں سب سے زیادہ ریوینیو کمانے اور ترقی کرنے کے پوٹینشل کی وجہ یہ ہے کہ یہ انڈسٹری صرف اور صرف ٹیلنٹ کی دستیابی اور سازگار حکومتی پالیسیوں پر انحصار کرتی ہے۔ واضح رہے کہ گزشتہ 2 سالوں کے دوران آئی ٹی انڈسٹری کی برآمدات برق رفتاری سے بڑھی ہیں، جو کہ 2020 میں تقریباً 1.4 بلین ڈالر سے بڑھ کر 2021 میں 2.1 بلین ڈالر اور 2022 میں 2.62 بلین ڈالر تک پہنچ گئی ہیں، جو صرف 2 سالوں میں 87 فیصد اضافے کو ظاہر کرتی ہیں۔

وزیراعظم شہباز شریف نے پاکستان سویٹ ہوم کے یتیم بچوں کے ساتھ آزادی کا دن منایا. وزیراعظم شہباز شریف نے یوم آذادی کے موقع پر سویٹ ہوم کے یتیم بچوں اور بچیوں کو آزادی کی خوشی میں کیک کھلایا.اور ان کے ساتھ وقت گزارا.

وزیراعظم شہباز شریف نے کہاہے کہ یتیم بچوں کے سر پر دست شفقت رکھنا اہم ذمہ داری اورخدمت ہے، حکومت سویٹ ہومز کےبچوں کی بہتری اور ترقی کے لئے مزید اقدامات اٹھائے گی، یتیم بچوں کی کفالت اور تعلیم وتربیت کا فریضہ اٹھاکرزمرد خان اور ان کے ساتھی ایک عظیم کام کررہے ہیں ۔وزیراعظم نے سویٹ ہومز کے بچوں کے لئے بسوں کا تحفہ دینے کا اعلان بھی کیا۔

اتوار کو وزیر اعظم نےیوم آزادی کی ڈائمنڈ جوبلی کے موقع پر پاکستان سویٹ ہومز کا دورہ کیا اور جش آزادی کے حوالے سے تقریب میں شرکت کی۔سویٹ ہومز کے بچوں کی جانب سے وزیر اعظم کی آمد پر ان کاپرتپاک خیرمقدم کیا گیا۔سویٹ ہومز کے خاکی وردی میں ملبوس بچوں نے مارچ پاسٹ کیا اور وزیر اعظم کو سلامی دی۔

اس موقع پر وزیراعظم کے ہمراہ وزیر اطلاعات ونشریات شہبازشریف سرپرست اعلیٰ پاکستان سویٹ ہومز زمردخان،وفاقی وزیر مرتضی جاوید عباسی،حنیف عباسی،انجم عقیل،چوہدری یاسین بھی موجود تھے۔اس موقع پر خطاب کرتے ہوئے وزیر اعظم شہباز شریف نے کہا کہ آج پوری قوم یوم آزادی منارہی ہے اور یہ یوم آزادی کی 75 ویں سالگرہ ہے جو پاکستان سمیت دنیا بھر میں پاکستانی یہ دن منارہے ہیں،پاکستان سویٹ ہومز میں قوم کے پیارے بچوں سے مل کر بے حد خوشی ہورہی ہے،

یہ صدقہ جاریہ ہے، زمرد خان اور ان کے ساتھیوں نے یہ عظیم ذمہ داری سنبھالی ہے۔ایسے بچے جو والدین کے سایہ سے محروم ہیں ان کے سروں پر دست شفقت رکھنے والے دین ودنیا دونوں کمارہے ہیں،اس کااللہ انہیں اجر دے گا ،یہ ایک قومی خدمت کا فریضہ

اس سے پہلے وزیرِ اعظم شہباز شریف کی بلوچستان ہیلی کاپٹر حادثے میں شہید ہونے والے میجر طلحہ منان شہید کے گھر گئے،وزیرِ اعظم نے میجر طلحہ شہید کے لئے فاتحہ ادا کی اور انکے اہلِ خانہ سے ملاقات بھی کی.

وفاقی وزیر اطلاعات مریم اورنگزیب کی وزیراعظم کے ہمراہ، ہیلی کاپٹر حادثہ میں شہید ہونے والے میجر طلحہ منان شہید کے گھر گئیں،وفاقی وزیر اطلاعات نے میجر طلحہ منان شہید کے لئے فاتحہ کی.

وفاقی وزیر اطلاعات مریم اورنگزیب کا کہنا تھا کہ شہداء ہماری قوم کا فخر ہیں، یہ راہ حق کے شہید ہیں، ان کی قربانیاں کبھی رائیگاں نہیں جائیں گی، پوری قوم شہید طلحہ منان جیسے جوانوں کو جنم دینے والی مائوں اور عزم و استقامت کے پیکر والدین پر فخر کرتی ہے.

وفاقی وزیر اطلاعات نے مذید کہا کہ پاک فوج کا ہر افسر اور جوان مادر وطن کی خدمت سے ہمیشہ سرشار رہا ہے، شہید طلحہ منان کی ملک و قوم کے لئے قربانی کو ہمیشہ یاد رکھا جائے گا، وفاقی وزیر اطلاعات نے شہید طلحہ منان کی والدہ سے ہمدردی کا اظہار کیا اور شہید طلحہ منان کو ان کی عظیم قربانی پر عقیدت پیش کیا