عمران خان کے چیف آف سٹاف ڈاکٹر شہباز گل کی گرفتاری کی سی سی ٹی وی فوٹیج منظر عام پر آ گئی

سی سی ٹی وی فوٹیج سامنے آنے کے بعد تحریک انصاف کے رہنماؤں اور شہباز گل کے ڈرائیور کے جھوٹ بھی بے نقاب ہو گئے۔ شہباز گل کی گرفتاری ہوئی تو پی ٹی آئی رہنماؤں کا کہنا تھا کہ نامعلوم افراد نے اغوا کیا اور تشدد بھی کیا ۔

شہباز گل کے ڈرائیور کا ڈرامہ بھی سامنے آیا تھا ۔ پہلے وہ صحیح تھا بعد میں ہاتھ پر پٹی کروا لی حالانکہ سی سی ٹی وی فوٹیج میں دیکھا جا سکتا یے کہ شہباز گل کو اسلام آباد پولیس نے گرفتار کیا تھا اغوا نہیں کیا گیا تھا ۔ اسلام آباد پولیس کے اہلکار نیلی وردی میں واضح نظر آ رہے ہیں اسلام آباد پولیس کی گاڑی بھی موجود ہے دوسری جانب شہباز گل کی گرفتاری کے وقت ان پر اور ڈرائیور پر کسی قسم کا کوئی تشدد نہیں کیا گیا ۔

شہباز گل کو جب گرفتار کر کے دوسری گاڑی میں بٹھایا گیا تو انکا ڈرائیور گاڑی لے کر چلا گیا ڈرائیور گاڑی سے نیچے ہی نہیں اترا اور نہ ہی کسی قسم کا تشدد کسی نے کیا ،تحریک انصاف نے شہباز گل کے اغوا اور ڈرائیور پر تشدد کا جو ڈرامہ رچایا سی سی ٹی وی فوڑیج نے سب بھانڈا پھوڑ دیا ۔

واضح رہے کہ عمران خان کے چیف آف سٹاف شہباز گل کو گرفتار کر لیا گیا ہے،، شہباز گل کے خلاف اداروں کیخلاف بیان بازی اور عوام کو اداروں کیخلاف اکسانے پر بغاوت کا مقدمہ درج کیا گیا ہے، پولیس نے شہباز گل کے خلاف تھانہ کوہسار میں مقدمہ درج کیا ہے.

شہباز گل کی گرفتاری کی ویڈیو دیکھئے کہ کیسے شہباز گل کو گرفتار کر کے لے جایا گیا،نا تو اس ویڈیو میں بغیر نمبر پلیٹ کی گاڑی نظر آٸی اور نا ہی سادہ کپڑوں میں لوگ ہیں.باوردی اہلکار تھے اور آرام سے شہباز گل کو لے کر گٸے .

شہباز گل کے ڈراٸیور کو تو کسی نے ہاتھ بھی نہیں لگایا.ڈرائیور پر تشدد کب ہوا؟ وہ تو گاڑی سے اترا ہی نہیں، اسکی قمیض کس نے پھاڑی؟ اس کی گردن پر خراشوں کے نشانات کس نے ڈالے؟ کہیں یہ ڈرائیور چوہدری پرویز الٰہی کا سابقہ ڈرائیور تو نہیں تھا؟.

ڈراٸیور بھی جھوٹا ،عمران خان بھی جھوٹا ،فواد چوہدری بھی جھوٹا، مراد سعید بھی جھوٹا ،پی ٹی آٸی والوں کا کام ہے اداروں پر الزام لگانا اور جھوٹ بولنا ، مولانا طارق جمیل صاحب ان کےلٸے کیا کیا فرما رہے تھے،افسوس ہی کیا جاسکتا ہے.

مسلم لیگ ن کے رکن قومی اسمبلی اور سابق وفاقی وزیر محسن شاہنواز رانجھا کا کہنا ہے کہ شہباز گل کے بعد عمران خان بھی گرفتار ہوں گے۔

نجی ٹی وی چینل کے پروگرام ‘کیپیٹل ٹاک’ میں اینکر پرسن اور سینئر صحافی حامد میر سے گفتگو کرتے ہوئے محسن شاہنواز رانجھا کا کہنا تھا کہ عمران خان نے کئی غیر قانونی کام کیےہیں ، وہ گرفتارتو ہوں گے، جیسے نواز شریف گرفتار ہوئے تھے، ان کا کہنا تھا کہ اسی عدالتی فیصلے کی روشنی میں عمران خان بھی گرفتارہوں گے، انہوں نے بتایا کہ عمران خان کی نااہلی کا ریفرنس بھی ہم نے الیکشن کمیشن میں دائرکیا ہوا ہے۔

محسن شاہنواز رانجھا نے وزیراعلی پنجاب چوہدری پرویز الہیٰ کے صاحبزادے مونس الہیٰ کو بھی آڑھے ہاتھوں لیا کہتے ہیں کہ مونس الٰہی نے پنجاب پولیس اسلام آباد بھیجنےکی بات اپنے قد سے بڑی کی ہے۔

محسن شاہنواز رانجھا نے کہا کہ کہ شہباز گل کابیان سنا، بنیادی طور پر وہ بغاوت پر اکسا رہے ہیں۔ جبکہ پروگرام میں اسلام آباد ہائی کورٹ بار ایسوسی ایشن کے صدر شعیب شاہین نے شہباز گل کی گرفتاری کی مذمت کی۔ان کا کہنا تھا کہ شہباز گل کو جس طرح گرفتار کیا گیا ایسا فسطائی حکومت ہی کرسکتی ہے، خلاف قانون اقدامات سے معاشی عدم استحکام اور جمہوریت کو نقصان ہوگا۔

پاکستان تحریک انصاف کے رہنما شہباز گل کی گرفتاری کے بعد پی ٹی آئی رہنما شہباز گل کیے خلاف کارروائی کا مطالبہ کر رہے ہیں. چیئرمین پی ٹی آئی عمران خان کے چیف آف سٹاف شہباز گل کے بیان پر تحریک انصاف تقسیم ہو گئی ہے.

چئرمین @ImranKhanPTI نےکہاتھا کہ پاکستان کو ان سے زیادہ پاک فوج کی ضرورت ہے۔ یہ ایک حقیقی لیڈر کا بیان ہے
ملکی دفاع کے لئے پوری قوم اپنی فوج کیساتھ ہے۔ اب شہباز گل نے اگر کوئ بیان دیا بھی ہےجس پہ اعتراض ہےتو ان کے خلاف پرتشدد گرفتاری کے بجائےقانون کے مطابق کاروائ ہونی چاہئیے تھی۔

— Ali Muhammad Khan (@Ali_MuhammadPTI) August 9, 2022

پی ٹی آئی کے رہنما اور رکن قومی اسمبلی علی امین خان کا کہنا ہے کہ چیئرمین تحریک انصاف عمران خان نےکہا تھا کہ پاکستان کو ان سے زیادہ پاک فوج کی ضرورت ہے۔ یہ ایک حقیقی لیڈر کا بیان ہے.

سماجی رابطے کی ویب سائٹ ٹویٹر پر اپنے بیان میں علی امین خان نے کہا کہ ملکی دفاع کے لئے پوری قوم اپنی فوج کیساتھ ہے۔ اب شہباز گل نے اگر کوئی بیان دیا بھی ہے جس پہ اعتراض ہےتو ان کے خلاف پرتشدد گرفتاری کی بجائےقانون کے مطابق کارروائی ہونی چاہیئے تھی۔

شہباز گل کی گرفتاری حکومت کی بڑھتی ہوئی پریشانی کی اکاسی ہے. ایک جھوٹا بیانیہ بنا کر پاکستان کی سب سے بڑی سیاسی جماعت اور دفاعی اداروں کے درمیان خلیج پیدا نہیں کی جا سکتی. حکومت کے فسطائی ہتھکنڈے انشاءاللہ ناکام ہوں گے

— Asad Umar (@Asad_Umar) August 9, 2022

دوسری جانب پاکستان تحریک انصاف (پی ٹی آئی) کے مرکزی رہنما اسد عمر نے کہا ہے کہ شہباز گل کی گرفتاری حکومت کی بڑھتی پریشانی کی عکاس ہے۔سماجی رابطے کی ویب سائٹ پر جاری بیان میں اسد عمر نے کہا کہ ایک جھوٹا بیانیہ بنا کر پاکستان کی سب سے بڑی سیاسی جماعت اور دفاعی اداروں کے درمیان خلیج پیدا نہیں کی جاسکتی ہے۔

انہوں نے کہا کہ حکومت کے فسطائی ہتھکنڈے انشاءاللّٰہ ناکام ہوں گے۔ایک اور پیغام میں پی ٹی آئی رہنما نے کہا کہ بند کمروں میں کیے گئے خفیہ فیصلے جن کی قیمت عوام کو دینی پڑتی ہے، وہ کسی صورت قبول نہیں۔اُن کا کہنا تھا کہ ہم پہلے ایسے فیصلوں کی بحیثیت قوم بہت بھاری قیمت ادا کر چکے ہیں۔

پاکستان تحریک انصاف کے کارکنوں نے چیئرمین عمران خان کی رہائش گاہ بنی گالا کے باہر صحافیوں کے ساتھ بد تمیزی کی اور تشدد کا نشانہ بنایا۔

شہباز گل گرفتار،بغاوت کا مقدمہ درج

پی ٹی آئی رہنما فیصل جاوید کی میڈیا ٹاک کے دوران پی ٹی آئی کے تشدد پسند کارکن نے نجی ٹی وی چینل کے کیمرہ مین کو تھپڑ مار دیا۔ پی ٹی آئی کارکنوں نے کیمرہ مین حضرات سے دھکم پیل کی اورنا زیبا زبان استعمال کی۔ پی ٹی آئی کارکن نے نجی چینل کا کیمرہ گرا دیا جس سے کیمرے کو نقصان پہنچا.

نعرے ریاست مدینہ کے اور غلامی امریکہ کی ،واہ شہباز گل

راولپنڈی اسلام آباد یونین آف جرنلسٹس نے پاکستان تحریک انصاف کے کارکنوں کی طرف سے صحافیوں کے ساتھ بد تمیزی اور تشدد کی شدید الفاظ میں مذمت کی ہے. آر آئی یو جے کے صدر عابد عباسی ،جنرل سیکرٹری طارق علی ورک ،فنانس سیکرٹری کاشان اکمل گل اور مجلس عاملہ کے اراکین نے کہا ہے کہ پی ٹی آئی کے کارکنوں کی جانب سے ویڈیو جرنلسٹس واجد،ارسلان بلوچ،مدثر جاوید اور دیگر صحافیوں پر تشدد کیا گیا ہے جس کو کسی طور پر برداشت نہیں کیا جا سکتا ،پی ٹی آئی اپنے کارکنان کی تربیت کرے اور چیئرمین تحریک انصاف عمران خان ایسے عناصر کے خلاف کاروائی عمل میں لائیں جو ان کی پارٹی کی بدنامی کا باعث بن رہے ہیں.

انہوں نے کہا کہ صحافی اپنے فرائض احسن طریقے سے انجام دیتے ہیں فرائض کی ادائیگی کے دوران اس طرح کے واقعات کو کسی طور پر برداشت نہیں کیا جا سکتا انہوں نے وفاقی وزیر داخلہ اور آئی جی اسلام آباد سے مطالبہ کیا ہے کہ صحافیوں پر تشدد کرنے والوں کے خلاف فوری کارروائی عمل لائی جائے تاکہ آئندہ کوئی صحافیوں پر تشدد نہ کرے اگر صحافیوں پر تشدد کرنے والوں کے خلاف کاروائی نہ کی گئی تو آر آئی یو جے جلد آئندہ کے لائحہ عمل کا اعلان کرے گی

علاوہ ازیں پاکستان تحریک انصاف کے سینیٹر فیصل جاوید خان نے کہا ہے کہ شہباز گل کو اغوا کیا گیا، ہمیں کچھ پتا نہیں وہ کہاں ہیں۔ایک بیان میں فیصل جاوید نے کہا کہ پاکستان ڈیموکریٹک موومنٹ (پی ڈی ایم) جو زبان اداروں کے خلاف استعمال کرتی رہی ہے، وہ سب کے سامنے ہے۔انہوں نے کہا کہ پی ٹی آئی نے پنجاب کے ضمنی الیکشن میں حکمران 13 جماعتوں کو شکست دی تھی۔ پی ٹی آئی سینیٹر نے مزید کہا کہ 13 اگست کو لاہور میں تاریخی جلسہ ہوگا، جس میں عمران خان آئندہ کے لائحہ عمل کا اعلان کریں گے۔