Author: +9251

لاہور:حسب سابق اس سال بھی محرم الحرام کے موقع پر امن وامان کی صورت حال کو برقراررکھنےکےلیے اہم فیصلےکیئے گئے ، اس سلسلے میں‌ پنجاب بھر میں 9 اور 10 محرم الحرام کو موبائل فون سروس معطل کرنے اور موٹرسائیکل کی ڈبل سواری پر پابندی کا فیصلہ کرلیا گیا۔

وزیراعلیٰ پنجاب چوہدری پرویز الٰہی کی زیر صدارت صوبائی کابینہ کا پہلا اجلاس ہوا جس میں صوبائی وز راء، مشیران، معاونین خصوصی اورمتعلقہ حکام نے شرکت کی۔

اجلاس میں 4 نکاتی ایجنڈے کی منظوری دی گئی، پنجاب کابینہ نے محرم الحرام خصوصاً یوم عاشور کیلئے فول پروف سکیورٹی پلان کی منظوری دی، جس کے تحت پنجاب میں 9 اور 10 محرم کو ڈبل سواری پر پابندی ہوگی، موبائل فون سروس حساس مقامات اور جلوسوں کے راستے پر بند رہے گی۔

ین سی او سی نے محرم الحرام کے حوالے سے ایس او پیز جاری کردی

ذرائع کے مطابق اس موقع پر وزیر اعلیٰ پنجاب چوہدری پرویز الٰہی نے صوبائی وزراء، مشیران اور معاونین خصوصی اپنے متعلقہ اضلاع میں سکیورٹی انتظامات کی نگرانی اور عوام کے جان ومال کے تحفظ کےلئےکئےجانےوالےا قدامات کی مانیٹرنگ کی ہدایت کی،چوہدری پرویز الٰہی نے کہا کہ یوم عاشور پر قیام امن کے لئے ضلع کی سطح پر باقاعدگی سے میٹنگز کی جائیں، تمام جلوسوں او رمجالس کی سی سی ٹی وی کوریج یقینی بنائی جائے۔

وزیراعلیٰ پنجاب نے کہا کہ محرم الحرام خصوصاً یوم عاشور پرامن فضا کو ہر قیمت پر یقینی بنایا جائے، مذہبی ہم آہنگی کو فروغ دینے کے لئے ضلعی و ڈویژنل امن کمیٹیوں کے ارکان متحرک کردار ادا کریں، ضابطہ اخلاق کی پابندی پر عملدرآمد ہر صورت یقینی بنایا جائے، قابل اعتراض مواد کی اشاعت و تقسیم پر کوئی سمجھوتہ نہیں ہوگا، خلاف ورزی پر بلاامتیاز کارروائی کی جائے۔

محرم الحرام کا چاند نظر نہیں آیا، عاشورہ 9 اگست کو ہوگا

چوہدری پرویز الٰہی نے کہا کہ قانون نافذ کرنے والے ادارے آپس میں قریبی رابطہ رکھیں اورسکیورٹی انتظامات کی باقاعدگی سے مانٹیرنگ کی جائے۔

دوسری جانب پنجاب بھر میں 9 اور 10 محرم کو موبائل فون سروس بند رکھنے کا بھی فیصلہ کیا گیا ہے، اور موبائل سروس کی بندش کے لئےشہروں کی حتمی فہرست مرتب کرلی گئی۔پنجاب کے دارالحکومت لاہور میں 35 مقامات پر صبح نو تا رات 12 بجے تک موبائل فون سروس بند رہے گی، یوم عاشور پر ڈی جی خان میں 5 مقامات پر صبح 6 تا رات 10 بجے تک سروس بند رہے گی۔

محرم الحرام کے جلوس،سیکورٹی سخت،تمام انتظامات مکمل کرنیکی ہدایت

مظفر گڑھ میں 10 مقامات پر 8 اور دسویں محرم کو شام ساڑھے 7 بجے تک سروس معطل رہے گی، لیہ میں 10محرم کو صبح 5 سے رات 11 تک، بہاولنگر میں 10 محرم، رحیم یار خان میں 9 اور 10 محرم کو موبائل فون سروس بند رہے گی

فیصل اباد میں10 محرم کو صبح چھ تا رات 12 بجے تک، گجرانوالہ میں دو دن صبح 8 تا رات دس بجے تک، گجرات میں نویں اور دسویں محرم صبح 8 تا رات 8 بجے تک، سیالکوٹ میں یوم عاشور پر رات 8 بجے تک، اور جہلم میں دسویں محرم کو موبائل فون سروس معطل رکھی جائے گی۔

لاہور:فوزیہ قصوری نے بھی ڈاکٹرعارف علوی کوآڑےہاتھوں لے لیا،اطلاعات کے مطابق رضا ربانی کے بعد اب فوزیہ قصوری نے بھی صدر مملکت عارف علوی کوآڑے ہاتھوں لے لیا ہے اور الزامات کی بارش کردی ہے ،

فوزیہ قصوری نے رضا ربانی کی طرح پاک فوج کے شہدا کے حوالے سے سوشل میڈیا پرپھیلائی جانے والی منفی مہم کا ذمہ دار پی ٹی آئی ورکرز کوٹھہرا دیا ہے اور ان کا کہنا ہے کہ اس سارے کھیل کے پیچھے ڈاکٹرعارف علوی کے بیٹے کا کردار ہے جو اس مہم کا سربراہ ہے

فوزیہ قصوری نے کہا کہ ڈاکٹر عارف علوی جو کہ ایک ڈینٹسٹ ڈاکٹر ہیں وہ ایوان صدر میں قبضہ کرکے بیٹھے ہیں اور ان کی وجہ سے بہت سے مسائل پیدا ہورہے ہیں ،ان کا کہنا تھا کہ وہ بھی پاک فوج کے شہدا کے خلاف اس مہم کا ذمہ دار پی ٹی آئی کو ٹھہراتی ہیں

The vicious trolling of r Shuhada by @PTIofficial cheapskates is despicable.
Dr Alvi's son is the founder of the PTI troll setup.
Sad that the Presidency is occupied by a meek n helpless dentist, who should have resigned, after his master's ouster from Govt. Shuhuda, our pride.

— Fauzia Kasuri (@FauziaKasuri) August 5, 2022

یاد رہےکہ اس سے پہلے فوزیہ قصوری چیئرمین پی ٹی آئی نے عمران خان سے ٹورنٹو کی تقریب میں جمع 3 لاکھ ڈالر سے متعلق سوال کیا۔ فوزیہ قصوری کا کہنا تھا کہ ٹورنٹو میں ہونے والی ایک تقریب میں عمران خان اور میں موجود تھے، اس تقریب میں خان صاحب نے خود کہا تھا کہ 3 لاکھ ڈالرز جمع ہوئے لیکن اس کے بعد سال بھر تک پتا نہیں چلا کہ وہ 3 لاکھ ڈالر کہاں گئے؟ ہم ای میلز پر پوچھتے رہے کہ وہ

ڈالر پہنچے یا نہیں لیکن کوئی جواب نہیں آیا۔ فوزیہ قصوری نے فارن فنڈنگ پر پی ٹی آئی کے مؤقف سے متعلق برہمی کا اظہار کرتے ہوئے کہا کہ کچھ اکاؤنٹس عمران خان کے نام پر کھلے ہیں، ان کے نام سے پیسے ڈپازٹ ہورہے ہیں تو یہ کیسے ممکن ہے کہ عمران خان کو نہیں پتا؟

چیف سیکرٹری پنجاب کامران علی افضل نے پنجاب حکومت کے ساتھ کام کرنے سے معذرت کر لی.کامران علی افضل نے اسٹیبلشمنٹ ڈویثرن کو مراسلہ لکھ دیا ،مرسلے میں چیف سیکرٹری پنجاب کامران علی افضل نے کہا کہ کہ وہ ذاتی وجوہات کی بنا پر چیف سیکرٹری کے عہدہ کی ذمہ داریاں سر انجام دینے سے قاصر ہیں،لہذا انہیں موجودہ ذمہ داری سے فوری طور پر سبکدوش کر دیا جائے.

زرائع کے مطابق چیف سیکرٹری پنجاب کامران علی افضل اور پرویز الہی کے درمیان تناو چل رہا تھا ، کامران علی افضل نے عدالت کے احکامات کی روشنی میں پنجاب کے وزیر اعلی کے انتخاب کے دوران پنجاب اسمبلی میں پولیس کو تعینات کیا تھا جس کا اس وقت کے سپیکر پنجاب اسمبلی چوہدری پرویز الہیٰ کو شدید رنج تھا اور سپیکر چوہدری پرویز الہیٰ نے چیف سیکرٹری پنجاب کامران علی افضل اور آئی جی پنجاب کو پنجاب اسمبلی میں طلب کیا تھا اور ان سے معافی مانگنے کا کہا تھا ،تاہم چیف سیکرٹری پنجاب اور آئی پنجاب اسمبلی میں پیش نہیں ہوئے تھے.

پاغی ٹی وی کی رپورٹ کے مطابق عدالتی حکم پر وزیراعلی پنجاب کا دوبارہ انتخاب عمل میں لایا گیا جس کے نتیجہ میں چوہدری پرویز الہیٰ پنجاب کے وزیراعلی منتخب ہو گئے اور اب پنجاب میں کابینہ بھی تشکیل دی جا چکی ہے .موجودہ صورتحال میں چیف سیکرٹری پنجاب نے پنجاب کی موجودہ حکومت اور پنجاب کے نئے وزیراعلی چوہدری پرویز الہیٰ کے ساتھ کام کرنے سے معزرت کر لی ہے.

یاد رہے کہ وزیراعلی کے انتخاب کے دوران پنجاب اسمبلی میں ہنگامہ آرائی بھی ہوئی تھی جس میں اس وقت کے سپیکر چوہدری پرویز الہی کو بازو پر چوٹ لگی جس کا الزام انہوں نے مسلم لیگ ن ، چیف سیکر ٹری پنجاب اور آئی جی پنجاب پر عائد کیا تھا اور حمزہ شہباز کے وزیراعلی پنجاب بننے کے بعد بھی چوہدری پرویز الہی ،ن لیگ کی حکومت سے مطالبہ کرتے رہے کہ چیف سیکرٰٹری پنجاب کامران علی افضل اور آئی جی کو پنجاب کے ایوان میں بلوایا جائے اور ان سے معافی منگوائی جائے.مگر مسلم لیگ ن کی حکومت نے چیف سیکرٹری پنجاب اور آئی پنجاب کو پنجاب اسمبلی کے ایوان میں پیش ہونے نہیں دیا، ن لیگ کی حکومت کا موقف تھا کہ چیف سیکرٹری اور آئی جی نے عدالت کے حکم پر عملدرآمد کیا ہے انہیں اسمبلی میں ہیش نہیں کیا جائے گا.

خیال رہے کہ پنجاب کے آئی جی اور گئی انتظامی افسروں کا تبادلہ پہلے ہی کیا جا چکا ہے