Author: +9251

مالی سال 2023ء کے لیے پاکستان کی حکمت عملی، پانچ اہم حقائق
وزارت خزانہ اور بینک دولت پاکستان کا مشترکہ بیان
1۔ پاکستان کے مسائل عارضی نوعیت کے ہیں جن کے حل کے لیے پوری قوت صرف کی جارہی ہے۔• فروری کے مہنیے سے پاکستان کے زرمبادلہ کے ذخائر میں کم ہونا شروع ہوئے، جس کی وجہ آمدِ زر کی نسبت انخلائے زر کا زیادہ ہونا ہے۔ آمدِ زر بنیادی طور پر آئی ایم ایف، عالمی بینک، ایشیائی ترقیاتی بینک سے کثیر فریقی قرضوں، چین، سعودی عرب اور متحدہ عرب امارات جیسے دوست ممالک سے ڈپازٹس اور قرضوں کی صورت میں دوطرفہ مالی اعانت، یورو بانڈز اور صکوک کے ذریعے غیرملکی بینکوں سے کمرشل قرضوں پر مشتمل ہے۔ آمدِ زر میں بیشتر کمی آئی ایم ایف کے آئندہ جائزے میں تاخیر کی سبب آئی، جو پالیسی میں سقم کے باعث ہوئی۔ دریں اثنا، انخلائے زر کے حوالے سے غیرملکی قرضوں کی ادائیگی کا سلسلہ جاری رہا کیونکہ اس عرصے میں یہ رقوم واجب الادا ہوگئی تھیں۔

اسی موقع پر شرح مبادلہ شدید دباؤ میں آگئی، بالخصوص وسط جون کے بعد سے۔ ایسا ڈالر کے عمومی کساؤ کے باعث ہوا، جو جاری کھاتے کے خسارے میں اضافے (جو جون میں توانائی کے بھاری بل کی سبب شدت اختیار کرگیا)، زرمبادلہ کے ذخائر میں کمی اور آئی ایم ایف پروگرام اور ملکی سیاست میں غیریقینی صورتحال کی وجہ سے احساسات مجروح ہونے کی بنا پر سامنے آیا۔

تاہم حال ہی میں اہم پیش رفت ہوئی ہے جس سے یہ عارضی مسائل حل ہوجائیں گے۔ 13 جولائی کو آئی ایم ایف کے آئندہ جائزے کی تکمیل ہونے پر اسٹاف کی سطح کے معاہدے کا اہم سنگ میل عبور کرلیا گیا۔ آج تک اس جائزے کی تکمیل کے لیے تمام پیشگی اقدامات کرلیے گئے ہیں، اور 1.2 ارب ڈالر کی آئندہ قسط کے اجرا کے لیے باضابطہ بورڈ اجلاس آئندہ ہفتوں میں متوقع ہے۔ اسی موقع پر طلبی دباؤ اور جاری کھاتے کا خسارہ کم کرنے کے لیے معاشی پالیسیاں – مالیاتی پالیسی اور زری پالیسی دونوں – مناسب انداز سے سخت کردی گئی ہیں۔ بالآخر حکومت نے یہ واضح طور پر اعلان کردیا گیا ہے کہ وہ اکتوبر 2023ء تک آپنی باقی ماندہ مدت پوری کرنے کی خواہاں ہیں اور آئی ایم ایف پروگرام کے بقیہ آئندہ 12 مہینوں میں ادارے کے ساتھ طے شدہ تمام شرائط پر عمل پیرا ہونے کے لیے تیار ہے۔

2۔ مالی سال 23ء میں آئی ایم ایف کے موجودہ پروگرام کے تحت پاکستان کو درکار خالص قرضوں کی ضرورت مکمل طور پر پوری ہوجائے گی۔ قرضوں کی ضروریات جاری کھاتے کے خسارے تقریباً 10 ارب ڈالر ہونے اور تقریباً 24 ارب ڈالر کے بیرونی قرضوں کی اصل رقم کی ادائیگی کے سبب پیدا ہوئیں۔ پاکستان کے زرمبادلہ کے ذخائر کی حالت کو تقویت دینے کے لیے یہ ضروری ہے کہ پاکستان ان ضروریات کی نسبت تھوڑے سے زیادہ قرضے حاصل کرے۔ نتیجتاً، آئندہ 12 مہینوں کے لیے 4 ارب ڈالر کے اضافی قرضوں کی منصوبہ بندی کی گئی ہے۔ اِن رقوم کا انتظام مختلف ذرائع سے کیا جارہا ہے جس میں وہ دوست ممالک بھی شامل ہیں جنہوں نے جون 2019ء میں آئی ایم ایف پروگرام کے آغاز کے وقت پاکستان کی مدد کی تھی۔ ۔ جاری کھاتے کے خسارے کو قابو میں کرنے کے لیے اہم اقدامات کیے گئے ہیں۔

اجناس کی بلند عالمی قیمتوں کے علاوہ مالی سال 22ء میں بھاری جاری کھاتے کے خسارے کا سبب بلند ملکی طلب (مسلسل دو سال تک نمو تقریباً 6 فیصد تک پہنچ گئی جس کے نتیجے میں معیشت کی اوورہیٹنگ ہوئی)، فروری میں سبسڈی پیکیج کے باعث مصنوعی طور پر پست توانائی کی ملکی قیمتیں بحٹ میں غیر شامل شدہ اور موافق گردشی (procyclical) مالیاتی توسیع اور لوڈ شیڈنگ کم کرنے اور انونٹریز بڑھانے کے لیے جون میں توانائی کی بھاری درآمدات تھیں۔آئندہ اس خسارے کو قابو میں کرنے کے لیے پالیسی ریٹ 800 بیسس پوائنٹس بڑھایا گیا، توانائی کی سبسڈی کی پیکیج ختم کردیا گیا اور مالی سال 23ء کے بجٹ میں جی ڈی پی کے تقریباً 2.5 فیصد کے برابر یکجائی (consolidation) کا ہدف رکھا گیا ہے جس میں ٹیکس اضافے جبکہ غریب ترین طبقے کا تحفظ شامل ہے۔ اس سے ملکی طلب بشمول ایندھن اور بجلی کی ملکی طلب کو کم کرنے میں مدد ملے گی۔اس کے علاوہ درآمدی بل کو قابو میں کرنے کے لیے عارضی انتظامی اقدامات کیے گئے ہیں جس میں گاڑیاں، موبائل فون اور مشینری درآمد کرنے سے پہلے پیشگی منظوری کی شرط شامل ہے۔ جب جاری کھاتے کا خسارہ آئندہ مہینوں میں کم ہوگا تو یہ اقدامات نرم کردیے جائیں گے۔۔ یہ اقدامات موثر ثابت ہو رہے ہیں: جولائی میں درآمدی بل میں نمایاں کمی واقع ہوئی، کیونکہ توانائی کی درآمدات میں کمی آئی ہے اور غیر توانائی کی درآمدات میں کمی جاری ہے۔

جولائی میں زرمبادلہ کی ادائیگیاں جون کے مقابلے میں نمایاں طور پر کم تھیں۔ یہ آئل اور نان آئل دونوں کی ادائیگی کے مطابق ہے۔ مجموعی طور پر، جولائی میں ادائیگیاں 6.1 ارب ڈالر پر مستحکم تھیں جبکہ جون میں یہ 7.9 ارب ڈالر تھیں ۔ تازہ ترین تجارتی اعداد و شمار کے مطابق نان آئل مصنوعات کی درآمدات مسلسل کم ہو رہی ہیں۔ بالخصوص، مالی سال 22ء کی چوتھی سہ ماہی کے دوران نان آئل کی درآمدات میں سہ ماہی بہ سہ ماہی بنیاد پر 5.7 فیصد کمی ہوئی۔ آگے چل کر ان میں مزید کمی متوقع ہے ۔مستقبل میں، ایک بار پھر آئل کے ساتھ ساتھ نان آئل مصنوعات دونوں کے لیے حالیہ ہفتوں کے دوران ایل سی کھولنے میں کافی سست روی دیکھی گئی ہے ۔ مارکیٹ رپورٹس کی بنیاد پر، جون میں آئل مارکیٹنگ کمپنیوں کی فروخت کے حجم میں ماہ بہ ماہ 11 فیصد کمی واقع ہوئی۔

جون میں توانائی کی درآمدات میں اضافے کے بعد، اب ملک میں ڈیزل اور فرنس آئل کا ذخیرہ دستیاب ہے جو بالترتیب 5 اور 8 ہفتوں کے لیے کافی ہے، جو کہ ماضی کے 2 تا 4 ہفتوں کی معمول کی حد سے بہت زیادہ ہے یعنی کہ مستقبل میں پیٹرولیم درآمدات کی کم ضرورت پڑے گی۔ حالیہ بارشوں اور ڈیموں میں پانی کے ذخیرے سے، پن بجلی میں بھی اضافہ ہونے کا امکان ہے اور توقع ہے کہ مستقبل میں درآمدی ایندھن سے بجلی پیدا کرنے کی ضرورت کم ہوجائے گی۔ان رجحانات کے نتیجے میں، مستقبل میں درآمدی بل میں تخفیف کا امکان ہے اور اگلے ایک سےدو مہینوں میں زرِمبادلہ کی پست ادائیگیوں میں اس کا اور مضبوطی سے اظہار شروع ہوجانا چاہیے۔ مجموعی طور پر، آئندہ مہینوں میں درآمدات میں کمی متوقع ہے جس کی وجہ عالمی اجناس کی قیمتوں میں کمی، تیل کا زیادہ ذخیرہ، پیٹرولیم مصنوعات کی بڑھتی ہوئی ملکی قیمتوں کے ظاہر ہونے والے اثرات، بجلی اور گیس کے نرخوں میں ردوبدل، مالی سال 23ء کے بجٹ کے تحت ٹیکس چھوٹ کے خاتمے ، درآمدات کو کم کرنے کے لیے کیے گئے انتظامی اقدامات، اور کی جانے والی زری اور مالیاتی سختی کے تاخیری اثرات ہیں۔

روپیہ وقتی طر پر قدر میں کم ہوا ہے لیکن توقع ہے کہ اگلے چند ماہ کے دوران معاشی مبادیات کی مطابقت سے اس کی قدر بڑھ جائے گیدسمبر 2021ء سے روپے کی قدر میں تقریباً نصف کمی امریکی ڈالر کی عالمی قیمت میں اضافے سے منسوب کی جاسکتی ہے جو فیڈرل ریزرو کی جانب سے تاریخی سختی اور خطرے سے گریز میں اضافے کے بعد ہوئی۔بقیہ نصف میں سے کچھ کمی ملکی معاشی مبادیات کی بنا پر ہوئی۔ خاص طور پر جاری کھاتے کے خسارے کے بڑھنے کی وجہ سے، خصوصاً گذشتہ چند ماہ میں۔ جیسا کہ اوپر بیان کیا گیا یہ خسارہ متوقع طور پر آگے چل کر کم ہوگا جب درآمدی بل میں عارضی تیزی قابو میں آئے گی۔ جب یہ ہوگا تو روپیہ متوقع طور پر بتدریج قدر میں مضبوط ہوگا۔ قدر میں باقی کمی کا محرک احساسات ہیں۔ روپے کی قدر ملکی سیاست اور آئی ایم ایف کے پروگرام کے بارے میں تشویش کی بنا پر کم ہوئی ہے۔ اس بے یقینی کا تصفیہ کیا جارہا ہے، اس طرح کہ روپے کی قدر میں کمی کا وہ حصہ جو احساسات کی وجہ سے پیدا ہوا ہے وہ آنے والی مدت میں درست ہوجائے گا۔

جہاں مارکیٹ غیرمنظم ہوئی ہے اسٹیٹ بینک نے امریکی ڈالر کی فروخت کے ذریعے کارروائی جاری رکھی ہے تاکہ مارکیٹوں میں سکون آئے، اور مستقبل میں جب ضرورت ہوگی وہ ایسا کرتا رہے گا۔ سٹے سے مقابلہ کرنے ک لیے مضبوط اقدامات بھی کیے گئے ہیں جن میں بینکوں اور ایکسچینج کمپنیوں کی بغور نگرانی اور معائنے شامل ہیں۔ صورت حال کے مطابق مزید اضافی اقدامات کیے جائیں گے۔یہ افواہیں قطعی بے بنیاد ہیں کہ آئی ایم ایف کے ساتھ ایکسچینج ریٹ کی ایک خاص سطح طے پائی ہے۔ ایکسچینج ریٹ لچکدار اور مارکیٹ کے مطابق تعین پاتا ہے اور ایسا ہی رہے گا لیکن غیرمنظم اتار چڑھاؤ سے نمٹا جارہا ہے۔آگے چل کر جب جاری کھاتے کا خسارہ کم ہوگا اور احساسات بہتر ہوں گے تو ہمیں پوری طرح توقع ہے کہ روپے کی قیمت بڑھے گی۔ حقیقت یہ ہے کہ 2019ء میں آئی ایم ایف پروگرام کے آغاز میں یہی تجربہ ہوا تھا جب پروگرام سے پہلے کے کچھ عرصے میں روپیہ کمزور ہونے کے بعد کافی مضبوط ہوا تھا۔

یہ امر واضح ہے کہ روپیہ عارضی طور پر قدر میں کم ہوسکتا ہے جیسا کہ حال میں ہوا ہے۔ تاہم وقت کے ساتھ ساتھ یہ دونوں طرف حرکت کرتا ہے۔ ہمیں توقع ہے کہ آنے والے دور میں یہ سلسلہ پھر ہوگا۔ نتیجے کے طور پر جاری کھاتے کے کم خسارے نیز مضبوط احساسات کی شکل میں بہتر معاشی مبادیات سے ہم آہنگ ہوکر روپیہ مضبوط ہوگا۔

اسلام آباد:بھارت کی جانب سے دریائے راوی میں دو لاکھ کیوسک تک کا بڑا سیلابی ریلا چھوڑنے کے خدشے کے پیش نظر انڈس کمشنر مہر علی شاہ نے بھارتی ہم منصب کو فوری طور پر خط لکھ دیا۔

انڈس کمشنر مہر علی شاہ نے ہنگامی خط میں کہا ہے کہ دریائے راوی کے نزدیک بھارتی علاقے گورداسپور میں علاقے خالی کرانے کی اطلاعات ہیں، بھارتی کمشنر معاملے کی سنگینی کے پیش نظرفوری جواب دیں۔

بھارت کی آبی جارحیت جاری ؛ سیلابی پانی چھوڑ کرپاکستان کی مشکلات میں اضافہ کردیا

بھارت کی جانب سے دریائے راوی میں 2لاکھ کیوسک پانی چھوڑنے کا خدشہ ہے۔ سیلابی ریلے کے اگلے 24گھنٹوں کے دوران پاکستان میں داخل ہونے کا امکان ہے جس سے بڑے پیمانے پر انسانی جانوں، لائیواسٹاک اور بیراجوں کوخطرہ ہوگا۔

واضح رہے کہ 3 دن قبل سیلابی صورتحال کے باعث دریا کے ملحقہ علاقوں میں ہائی الرٹ جاری کر دیا گیا تھا۔

جنگی جنون میں مبتلا بھارت نے پاکستان آبی جارحیت کرنے کا فیصلہ کرلیا

ضلعی انتظامیہ کے مطابق ہیڈ مرالہ کے مقام پر دریائے چناب میں پانی کی سطح میں اضافے کے بعد ملحقہ علاقوں میں فلڈ ریلیف کیمپ قائم کردیے گئے ہیں۔ضلعی انتظامیہ کی جانب سےدریا کے کنارے رہنے والے مکینوں کو مال مویشی سمیت محفوظ مقامات منتقل ہونے کی ہدایات جاری کردی گئی۔

اسلام آباد:ترجمان الیکشن کمیشن نے کہا ہے کہ الیکشن کمیشن اس وقت بھی اوورسیز ووٹنگ اور ای وی ایم پر کام کر رہا ہے۔

تفصیلات کے مطابق ترجمان الیکشن کمیشن نے اپنے ایک بیان میں کہا کہ الیکشن کمیشن کے چند فیصلوں اور واقعات کے حوالے سے گمراہ کن پروپیگنڈہ کیا جا رہا ہے جبکہ حقائق مختلف ہیں۔

ان کا کہنا تھا کہ سینیٹ کے الیکشن میں سیکرٹ بیلٹنگ کے معاملہ پر الیکشن کمیشن کے خلاف پروپیگینڈا کیا۔انہوں نے کہا کہ آئین کے آرٹیکل 226 میں واضح درج ہے کہ کون سے الیکشن سیکریٹ بیلٹ پر ہوں گے جن میں سینیٹ کے الیکشن بھی شامل ہیں۔

ترجمان کا کہنا تھا کہ کیا الیکشن کمیشن آئین کی خلاف ورزی کا مرتکب ہو سکتا ہے؟ان کا کہنا تھا کہ یوسف رضا گیلانی کا نوٹیفیکیشن روکنے سے انکار کے معاملے پر پروپیگینڈا کیا گیا۔انہوں نے کہا کہ قومی اسمبلی میں ووٹنگ کے بعد جب نتائج آگئے تو یوسف رضا گیلانی کو نوٹیفائی کیوں نہ کیا جاتا؟

ترجمان الیکشن کمیشن نے کہا کہ کسی بھی جیتنے والے امیدوار کا نوٹیفیکشن روکنے کا قانونی جواز بتایا جائے؟
ترجمان کا کہنا تھا کہ علی حیدر گیلانی کے خلاف کارروائی پر پروپگینڈا کیا گیا۔انہوں نے کہا کہ یہ سراسر جھوٹ ہے کہ علی حیدر گیلانی کے خلاف کارروائی نہیں کی گئی۔ان کا کہنا تھا کہ الیکشن کمیشن نے قانون کے مطابق علی حیدر گیلانی پر فوجداری کارروائی کا فیصلہ کیا جو اس وقت زیر التوا ہے۔

ترجمان نے کہا کہ ڈسکہ الیکشن میں جو کھلی دھاندلی کی گئی اس کی مثال نہیں ملتی، 2 اعلی سطح انکوائریاں یہ بات ثابت کر چکی ہیں۔ان کا کہنا تھا کہ اغوا ہونے والے پریذائڈنگ افسران، پولیس اور انتظامیہ جو الیکشن کے عمل میں شامل تھے۔الیکشن کمیشن کے ترجمان نے کہا کہ انہوں نے اپنے بیانات میں دھاندلی کے حوالے سے حیران کن حقائق کا انکشاف کیا۔ان کا کہنا تھا کہ کیا پھر بھی ڈسکہ ری پول کا آرڈر نہ کیا جاتا؟

انہوں نے کہا کہ الیکشن کمیشن کی غیر جانبداری اس امر سے ثابت ہے جتنے بھی ضمنی انتخاب ہوئے ان میں 80 فیصد کامیاب امیدواران حکومتی پارٹی سے نہ تھے۔ترجمان نے کہا کہ یہ حقیقت ہی اس بات کا ثبوت ہے کہ کمیشن نے کسی بھی حکومت وقت کو الیکشن پراسیس میں مداخلت نہ کرنے دی۔

ان کا کہنا تھا کہ ای وی ایم دنیا کے دو ہی ممالک میں ای وی ایم زیر استعمال ہے۔ ایک بھارت دوسرا برازیل۔انہوں نے کہا کہ ان دونوں ممالک نے بالترتیب 22 سے 25 سال اس سسٹم کو اختیار کرنے میں صرف کئے۔ترجمان الیکشن کمیشن نے کہا کہ بھارتی ریاستوں میں الیکشن مختلف اوقات میں ہوتے ہیں۔انہوں نے کہا کہ الیکشن کمیشن نے جب برازیلیں سفیر سے اس حوالے سے ملاقات کی تو انہوں نے ایک قابل غور جملہ کہا کہ ای وی ایم کا سسٹم اکتوبر 2023 کے الیکشن تک پاکستان میں استعمال ہونا ایک معجزہ ہو گا۔

ان کا کہنا تھا کہ الیکشن کمیشن اس وقت بھی اوورسیز ووٹنگ اور ای وی ایم پر کام کر رہا ہے۔ترجمان نے کہا کہ ایک مختص پراجیکٹ منیجمنٹ یونٹ قائم کیا گیا جس میں اعلی سطح کے پروفیشنل اور ٹیکنیکل افراد کو بھرتی کیا گیا ہے۔الیکشن کمیشن کے ترجمان کا یہ بھی کہنا تھا کہ فیصل واڈا کیس معزز عدالت عالیہ میں زیر سماعت ہے اس لئے اس حوالے سے کوئی بھی تبصرہ مناسب نہیں۔

اپنے بیان میں انہوں نے یہ بھی کہا کہ پنجاب 20 حلقوں کے ضمنی انتخابات میں الیکشن کمیشن نے ان انتخابات میں حکومت وقت کو کسی قسم کی مداخلت نہ کرنے دی۔

ان کا کہنا تھا کہ ای سی پی نے بہت واضح پیغام دیا کہ اگر کوئی مداخلت ہوئی تو سخت قانونی کارروائی عمل میں لائی جائے گی۔جاری کردہ پیغام میں انہوں نے کہا کہ نہ صرف یہ بلکہ بہتر حکمت عملی اختیار کرکے اسلحہ براداروں اور بیرونی مداخلت کاروں کو بھی احسن طریقے سے روکا گیا۔ان کا کہنا تھا کہ اہم بات یہ ہے کہ تمام سیاسی پارٹیوں نے انتخابات کے نتائج تسلیم کئے۔

انہوں نے کہا کہ اوورسیز ووٹنگ کے لیے جو سسٹم نادرا نے بنایا تھا اس کی رپورٹ معزز سپریم کورٹ کے آرڈر کے تحت الیکشن کمیشن پارلیمان میں جمع کرا چکا ہے جس پر آج تک بحث نہ ہو سکی۔

ترجمان کا کہنا تھا کہ اس وقت کے سیکریڑی آئی ٹی اور بین الاقوامی فرم کے نمائندوں نے کمیشن کو بریفنگ میں بتایا کہ اگر نادرا کا بنایا گیا سسٹم استعمال کیا تو الیکشن مشکوک اور متنازعہ ہوجائے گا۔

الیکشن کمیشن کے ترجمان نے مزید کہا کہ کیا الیکشن کمیشن کو ایسا سسٹم اختیار کرنا چاہیے جس کے بارے میں بین القوامی ماہرین اور خود حکومتی نمائندے کی یہ رائے ہو کہ وہ الیکشن متنازعہ کر دے گا؟

وفاقی کابینہ کی اقتصادی رابطہ کمیٹی کے خصوصی اجلاس میں پاکستان اسٹیٹ آئل (پی ایس او) کو ڈیفالٹ سے بچانے کیلئے 30 ارب روپے کے ہنگامی فنڈز کی منظوری دیدی گئی۔

ای سی سی فیصلے کے تحت پاورڈویژن یکم اگست کو 20 ارب روپے اور 4 اگست تک 12 اعشاریہ 8 ارب روپے ادا کرے گی۔

شرکاء نے ایک ہفتے کے اندر ٹیکسز کی مد میں 30 ارب روپے حاصل کرنے کا فیصلہ کرلیا اور اس سلسلے میں وزارت خزانہ اور ایف بی آر کو تجویز تیار کرنے کی ہدایت کردی۔

ای سی سی اجلاس میں پٹرولیم مصنوعات کی قیمتوں کے تعین کیلئے ڈالر اوسط ریٹ فارمولا اختیار کرنے کا فیصلہ کیا گیا جبکہ مٹی کے تیل اور لائٹ ڈیزل آئل کی قیمتیں ریگولیٹ کرنے کیلئے مشاورت کا فیصلہ کرلیا گیا۔

ہم کسی صورت دوبارہ عمران خان کووزیراعظم نہیں بننے دیں‌ گے :فضل الرحمن

اجلاس میں حکام کی جانب سے دی گئی بریفنگ میں کہا گیا کہ روپے کی قدر میں کمی سے پٹرولیم مصنوعات کی لاگت میں اضافہ ہوا جبکہ پیٹرول اور ڈیزل کی فروخت میں کمی آگئی ہے۔

وزارت توانائی حکام کے مطابق پی ایس او پر ہائی اسپیڈڈیزل کی فروخت میں 28 فیصد جبکہ پٹرول کی سیل میں بھی 32 فیصد کمی آئی ہے۔

عمران خان کا دورہ لاہور،پرویزالہیٰ سے ملاقات، پنجاب کابینہ کی تشکیل پر مشاورت

ادھر دوسری طرف پٹرول کی قیمت میں 11 روپے فی لٹر تک کمی کا امکان ہے۔ذرائع کے مطابق عالمی منڈی میں تیل کی قیمتوں میں کمی، حکومت نے عوام کو مکمل ریلیف فراہم نہ کرنے کا فیصلہ کیا ہے۔

اس حوالے سے ذرائع کا کہنا تھا کہ پٹرول کی قیمت میں 11 روپے فی لٹر تک کمی جبکہ ہائی سپیڈ ڈیزل کی قیمت میں 8 روپے فی لٹر تک اضافے کا امکان ہے، پٹرولیم لیوی اور ڈیلرز مارجن میں اضافے سے عوام کو کم ریلیف ملے گا۔

ذرائع کے مطابق پٹرول پر لیوی میں 5 روپے، ڈیزل، مٹی کا تیل اور لائٹ ڈیزل پر پٹرولیم لیوی میں 10 روپے فی لٹر اضافے کا امکان ہے۔

وزارت خزانہ آج نئی قیمتوں کا اعلان کرے گی، نئی قیمتوں کا اطلاق یکم اگست سے پندرہ روز کے لئے ہوگا۔