چیئرمین تحریک انصاف عمران خان نے زمان پارک میں پارٹی کا اجلاس طلب کر لیا،شاہ محمود قریشی، اسد عمر، شفقت محمود ،حماد اظہر اجلاس میں شرکت کرینگے،اجلاس میں پنجاب اسمبلی میں ڈپٹی اسپیکر کی رولنگ کے بارے میں مشاورت ہوگی،اجلاس میں چودھری شجاعت کے خط کے بارے میں آئینی و قانونی مشاورت ہوگی.
شاہ محمود قریشی کا کہنا ہے کہ 186ووٹ چودھری پرویز الہٰی کو پڑے،سپریم کورٹ کی ہدایت کے مطابق کارروائی جاری رکھی،
قبل ازیں پاکستان تحریک انصاف کے چیئرمین اور سابق وزیراعظم عمران خان نے کہا کہ پنجاب اسمبلی میں جو ہوا اس پر حیرت ہوئی،جمہوریت کی ایک بنیاد ہوتی ہے اور وہ اخلاقیات ہے،ساری قوم کے سامنے میں سندھ ہاوس میں منڈی لگی،سندھ ہاوس میں سیاستدانوں کی خرید و فروخت ہورہی تھی،ارکان اسمبلی بکریوں کی طرح بک رہے تھے.
عمران خان کا کہنا تھا کہ سندھ ہاوس میں بھی اہم کردار آصف زرداری تھا،سینیٹ کے الیکشن میں بھی سینیٹرز کو خریدا گیا،آصف زرداری بیرونی سازش کا حصہ بنا اور شریفوں کو ساتھ ملایا،پارلیمنٹ کے پاس فوج نہیں اخلاقی طاقت ہوتی ہے، ہم نےپرامن احتجاج کیا،ہمارے پرامن احتجاج پر ظلم کیا گیا،سب سے کرپٹ ترین لوگو ں کو ہم پر مسلط کیا گیا،11سوارب روپے کے کیسز معاف کروائے گئے.
انہون نے کہا کہ ضمنی انتخابات کیلئے مہم چلائی اور بڑی تعداد میں عوام جمع ہوئے،آصف زرداری 30سالوں سے اس ملک کو لوٹ رہے ہیں،ہمیں اطلاعات ملی تھیں آصف زرداری لاہور میں پیسہ چلارہےہیں،میں سمجھتا ہوں یہ لوگ سیاستدان نہیں مافیا ہیں،آصف زرداری چوری کے پیسے سے لوگوں کے ضمیر خریدتے ہیں،پارلیمانی پارٹی جو فیصلہ کرتی ہے سب کو قبول کرنا ہوتاہے،چودھری شجاعت حسین کا خط کسی بھی طرح قابل قبول نہیں،ہماری معیشت کا برا حال ہے،دن بدن معاشی بحران بڑھتا جا رہا ہے.
پی ٹی آئی کے چیئرمین عمران خان نے آج رات ہی احتجاج کی کال دے دی۔ تاہم ان کا کہنا تھا کہ احتجاج کریں مگرقانون ہاتھ میں نہ لیں۔
چیئرمین تحریک انصاف عمران خان نے زمان پارک میں پارٹی کا اجلاس طلب کر لیا،شاہ محمود قریشی، اسد عمر، شفقت محمود ،حماد اظہر اجلاس میں شرکت کرینگے،اجلاس میں پنجاب اسمبلی میں ڈپٹی اسپیکر کی رولنگ کے بارے میں مشاورت ہوگی،اجلاس میں چودھری شجاعت کے خط کے بارے میں آئینی و قانونی مشاورت ہوگی
دوسری طرف پنجاب حکومت نے لاہور،راولپنڈی اور ملتان میں رینجرز تعینات کرنے کافیصلہ کیا ہے ،پنجاب حکومت نے وزارت داخلہ کو رینجرز تعیناتی کے لیے خط بھیج دیا ہے.
ادھر پیپلز پارٹی کے سینئر رہنما اور معروف وکیل اعتزاز احسن نے ڈپٹی اسپیکر پنجاب اسمبلی دوست محمد مزاری کے فیصلے پر رائے دی اور کہا کہ میرے خیال میں ڈپٹی اسپیکر پنجاب اسمبلی کا فیصلہ درست نہیں۔
پنجاب کی وزارت اعلیٰ کے لیے صوبائی اسمبلی کے اجلاس کی کارروائی میں ڈپٹی اسپیکر کے فیصلے پر اعتزاز احسن نے تبصرہ کیا اور کہا کہ یہ رن آف الیکشن ہے اور اس میں پرویز الہٰی جیت چکے ہیں۔انہوں نے کہا کہ آرٹیکل 63 اے کا پہلا حصہ پارلیمانی پارٹی اور دوسرا حصہ پارٹی سربراہ کے اختیار پر ہے کیونکہ پارلیمانی پارٹی بہتر فیصلہ کرسکتی ہے۔
اعتزاز احسن نے مزید کہا کہ ق لیگ کے 10 کے 10 ارکان نے پرویز الہٰی کے حق میں فیصلہ کیا، منحرف اراکین کے خلاف کارروائی کے لیے پارلیمانی سربراہ پارٹی ہیڈ کو کہے گا۔اُن کا کہنا تھا کہ آصف زرداری صاحب نے وہ کیا، جو سیاستدان کو کرنا چاہیے اور ان کا حق ہے، انہوں نے ووٹ مانگنے کی کوشش کی، یہ تو چوہدری شجاعت کے سوچنے کی بات تھی۔
معروف وکیل نے یہ بھی کہا کہ چوہدری برادران کے خاندان میں بہت بڑی دراڑ پڑ جائے گی، مونس الہٰی ایک طرف اور چوہدری سالک دوسری طرف ہوگئے ہیں۔انہوں نے کہا کہ ووٹ کی کوشش تو آخری دم تک بورس جانسن بھی کرتا رہا، اگر خط صرف ڈپٹی اسپیکر کے پاس گیا تو اس کی قانونی حیثیت نہیں۔اعتزاز احسن نے کہا کہ بیسٹ تو میں نہیں کہتا لیکن بہتر حل تو فوری جنرل الیکشن ہی ہے، الیکشن کے بعد بھی مسائل ختم نہیں ہوں گے جو ہارے گا وہ مانے گا نہیں۔ان کا کہنا تھا کہ پارٹی میں اگر ایک گروپ بن جاتا ہے تو پارٹی ہیڈ کی ہدایات تو عوامی سطح پر اور اخباروں میں آنی چاہیے تھیں۔
پاکستان تحریک انصاف کے مرکزی رہنما وں شیخ امتیاز محمود عبدالکریم خان اویس یونس ناصر سلمان علام الدین دیوان ملک عثمان حمزہ اعوان عقیل احمد صدیقی چوہدری کامران عباس ملک امانت علی سعدیہ سہیل ڈاکٹر سیمی بخاری مبارک آفتاب گل آصف بھٹی اپنے جاری کردہ مشترکہ بیان میں کہا کہ ڈپٹی سپیکر پنجاب اسمبلی نے بدنیتی پر فیصلہ سنایا ہے پی ٹی ائی فیصلے کو مسترد کرتی ہے ڈپٹی سپیکر نے آئین شکنی کی ہے اور غیر قانونی رولنگ دی ڈپٹی سپیکر نون لیگ سے ملا ہوا ہے ڈپٹی سپیکر لوٹے اور غدار کو قوم کبھی معاف نہیں کرے گی آج کا دن پاکستان کی تاریخ کا سیاہ ترین دن ہے پی ٹی آئی کے مینڈیٹ پر ڈاکہ ڈالا امپورٹڈ حکمران ٹولہ پی ٹی ائی سے خوف زدہ ہے سپریم کورٹ فی الفور نوٹس لے آصف علی زرداری نے ہمیشہ گھٹیا رول ادا کیا ہے انشاءاللہ پی ٹی آئی کو سپریم کورٹ سے ریلیف ملے گا اور غیر قانونی طور پر مسلط حمزہ شہباز اور ان کے حواریوں سے پنجاب کی عوام کو چٹکارا ملے گا
