Author: +9251

اداکارہ سجل علی جنہوں نے بہت ہی کم عرصے میں اپنی صلاحیتوں کا لوہا منوایا ان کا شمار آج پاکستان کی صف اول کی اداکارائوں میں ہوتا ہے. باصلاحیت اس فنکارہ نے بھارت میں بھی کام کیا.بھارتی فلم موم میں انہوں‌نے سری دیوی کے ساتھ کام کیا. سری دیوی کو جب اس فلم پر ایوارڈ ملا تو انہوں نے اس موقع پر سجل علی کا شکریہ ادا کیا.یوں ہم کہہ سکتے ہیں‌کہ سجل علی نے پاکستان کے ساتھ ساتھ ہمسایہ ملک میں بھی اپنی صلاحیتوں کا لوہا منوایا. سجل علی نے حال ہی میں ایک انٹرویو دیا ہے اس میں ان سے ایک سوال ہوا اس کے جواب میں سجل علی نے کہاکہ مجھے محبت کے معنی نہیں‌معلوم ہیں

میں محبت کے معنی تلاش کررہی ہوں لیکن ابھی مل نہیں سکے،. محبت کہتے کسے ہیں میں نہیں جانتی اور یہ جاننے کی کوشش میں لگی ہوئی ہوں لیکن ابھی تک کامیابی نہیں نہیں مل سکی. یاد رہے کہ سجل علی احد رضا میر کی اہلیہ ہیں لیکن پچھلے کچھ عرصہ سے دونوں کے درمیان تعلقات کافی کشیدہ ہیں اس حد تک کشیدہ ہیں کہ ان کی طلاق کی خبریں گردش کررہی ہیں لیکن ابھی تک ان دونوں کی طرف سے اس ھوالے سے نہ تصدیق ہوئی ہے اور نہ ہی تردید. سجل آج کل فلمی تقریبات میں بھی کم کم ہی نظر آرہی ہیں اور خصوصی طور پر اپنے اور احد کے رشتے پر بات کرنے سے گریز کررہی ہیں.

عالیہ بھٹ اور رنبیر کپور کی فلم براہمسٹرا جس کے بہت چرچے ہیںاس میں عالیہ بھٹ ، رنبیر کپور اور عالیہ بھٹ تینوں ایک دوسرے کے ساتھ پہلی بار کام کررہے ہیں.بائیس جولائی کو ریلیز ہونے والی اس فلم کا ایک گیت حال ہی میں ریلیز کیا گیا ہے گانے کے بول ہیں کیسریا تیرا عشق ہے پیا یہ گانا پاکستانی گانے کا چربہ ہے.کیسریا کے کمپوزر پریتم چکرورتی ہیں. کیسریا گانا پاکستانی گانا لاری چھوٹے گی کی ہوبہو نقل ہے. لاری چھوٹی گانا پاکستانی میوزک بینڈ کال کا گانا ہے، یہ بینڈ سال 2002 میں شروع ہوا اور آج بھی یہ بینڈ اپنے گانوں کی وجہ سے مشہور ہے۔گلوکار جنید خان اب اس بینڈ کی قیادت کر

رہے ہیں، اس بینڈ کے دیگر اراکین میں ذوالفقار جبار خان اور سلطان راجہ شامل ہیں۔ اس سے قبل اس گروپ میں وقار خان، عمر پرویز، دانش جبار خان، ندیم، سنی، عثمان ناصر، شہزاد حمید اور خرم جبار خان شامل تھے۔سوشل میڈیا پر کیسریا گانے کو تنقید کا نشانہ بنایا جا رہا ہے خصوصی طور پر کمپوزر کو بہت سنائی جا رہی ہے. یاد رہے کہ فلم براہمسٹرا میں سنجے دت اور رنبیر کپور اپنے کیرئیر کے بہترین اور مختلف کرداروں میں نظر آئیں گے اور یہ پہلا موقع نہیں ہے جب پاکستانی گانے کی نقل کی گئی ہے اس سے قبل حال ہی میں‌ ریلیز ہوئی فلم جگ جگ جیو میں ابرار الحق کے گانے نچ پنجابن کو کاپی کیا گیا ہے.

ڈیجیٹل میڈیا پلیٹ فار م سی پرائم کی مختصر فلم "XXL” یو ٹیوب چینل پر ریلیز کر دی گئی ہے. قدسیہ علی اور سلمیٰ حسن نے اس میں اہم کردار ادا کیے ہیں جبکہ ہدایتکاری دانش بہلم کی ہیں۔مختصر اس فلم کی کہانی کار فاطمہ فیضان ہیں۔ کہانی ایک نوعمر لڑکی کے گرد گھومتی ہیں جس کا وزن اس عمر کی اوسط لڑکیوں کے مقابلے میں زیادہ ہے جس کے سبب اس کی ذہنی صحت متاثر ہورہی ہے۔ اس کی ماں ا س کو وزن کم کرنے پر زور دیتی ہے۔

سی پرائم کی ایگزیکٹیوپروڈیوسرسیمیں نوید اس فلم کے بارے میں کہتی ہیں کہ "طویل عرصے سے ہمارے معاشرے میں انسانوں کے طور طریقوں اور رویّوں کو دیکھ کر شرم محسوس ہوتی ہے کہ ان میں عدم برداشت اور ایک دوسرے کا خیال نہ کرنا اور خواتین اور مردوں میں خاص ردعمل اور اظہار سے متعلق خاموش توقعات رکھنا عام ہے۔تاہم یہ آئیڈیلزانسان کی ذہنی صحت پر انتہائی حد تک اثرانداز ہوتے ہیں۔ اس پروڈکشن کا مقصد اس بدسلوکی کے رویّوں کواجاگر کرنا ہے جوانسانوں کے اندازکیلئے قابل شرم ہیں جس پروہ خود کوبزور معاشرے کے آئیڈیلز میں شمارکرتے ہیں اور اس کے ممکنہ نتائج کو سامنے لانا ہے۔سی پرائم کی تمام مختصر پروڈکشنزکی طرح ہم ایسا مواد پیش کرنے کیلئے پر امید ہیں جو ہمارے معاشرے میں ایک تحریک اور ایک مثبت تبدیلی کا باعث ہو۔”

ابوعلیحہ جن کی بنائی ہوئی فلم جاوید اقبال کو یوکے میں ایوارڈز ملے اب انہوں نے شاٹ کٹ کے نام سے فیملی کامیڈی فلم بنائی ہے. فلم کا میوزک باصلاحیت موسیقار جوڑی علی اور بلال اللہ دتہ نے کمپوز کیا ہے۔ فلم کا پہلا او ایس ٹی جسے اوریجنل ساؤنڈ ٹریک بھی کہا جا تا ہے وہ 21جولائی کو ریلیز کیا جارہا ہے۔ فلم کے پروڈیوسرز جاوید احمد کاکی پوتو اور فہیم سمیجو کہتے ہیں‌ کہ ”شاٹ کٹ“طنزو مزاح سے بھرپور فیملی کامیڈی فلم ہے جس میں انتہائی معیاری گیت بھی شامل ہیں۔ انہوں نے بتایا کہ فلم کی نمائش ڈسٹری بیوشن کلب کے پلیٹ فارم سے2 ستمبر کو ملک بھر کے سنیماؤں کی زینت بنے گی۔ فلم

کے ٹریلر کوعید قربان کے موقع پر ریلیز کیا گیا۔ جاوید احمد کاکی پوتو اور فہیم سمیجوکے مطابق علی اللہ دتہ اور بلال اللہ دتہ انتہائی باصلاحیت موسیقار جوڑی ہے جنہوں نے شاٹ کٹ کیلئے بہترین گیت تیار کئے ہیں جنہیں ڈائریکٹر ابو علیحہ نے باکمال انداز میں فلما کر مزید دلفریب بنادیا ہے۔ ”شاٹ کٹ“ کی لیڈ کاسٹ میں ورسٹائل فنکار گوہر رشد، جگن کاظم، نسیم وکی اور ثنا فخرشامل ہیں جبکہ سخاوت ناز، گوشی خان، قیصر پیا، نواز انجم، ارم ملہی اور احمد نواز نے سپورٹنگ کاسٹ میں منفرد کردار ادا کئے ہیں۔ فلم کی کہانی اندرون لاہور کے پس منظر میں دو دوستوں کی زندگی میں پیش آنے والے واقعات کا احاطہ کرتی ہے جس میں کامیڈی، رومانس، سسپنس اور ایکشن کا بہترین تڑکہ شامل ہے۔ابوعلیحہ کا کہنا ہے کہ انہوں‌نے پہلے کبھی بھی پنجابی فلم نہیں‌بنائی لیکن یہ تجربہ کافی خوشگوار رہا ہے امید ہے کہ شائقین اس فلم کو ضرور پسند کریں گے ہم نے کوشش کی ہے کہ کامیڈی ایسی رکھی جائے جن سے فیملیاں‌محظوظ ہوں.گوہر رشید اپنی زندگی کے بہترین کردار میں نظر آئیں گے .

بالی وڈ کی اداکارہ شرمیلا ٹیگور جو اپنی بہترین اداکاری اور خوبصورتی کی وجہ سے جانی جاتی ہیں.انہوں نے راجیش کھنہ کی دسویں برسی کے موقع پر انہیں یاد کیا اور اپنے تاثرات بیان کئے. انہوں نے کہا کہ میری اور راجیش کھنہ کی جوڑی کو بہت سراہا جاتا تھا.راجیش کھنہ بہترین اداکار تھے حسین تھے، ہم جس سٹوڈیو میں‌کام کررہے ہوتے تھے اس کے باہر ان کی ایک جھلک دیکھنےکےلئے نو سال سے نوے سال تک کی خاتون کو میں نے کھڑے دیکھا. راجیش کھنہ بہت اچھے اداکار تھے لیکن سیٹ پر یمیشہ تاخیر سے آتے تھے اگر صبح نو بجے کا وقت ہوتا تو وہ باراں بجے سیٹ پر آتے اور ان کی پکی عادت بن چکی تھی یہی وجہ ہے کہ میں نے دوسرے ہیروز کے ساتھ کام کرنے کا فیصلہ کیا حالانکہ میں‌ جانتی تھی کہ ہماری جوڑی بہت پسند

کی جا رہی ہے.راجیش کھنہ کی شخصیت تضادات سے بھری ہوئی تھی وہ دوستی میں بہت آگے تک چلے جاتے تھے یہاں تک کہ وہ دوستی میں مہنگے مہنگے تحائف بھی دیتے تھے، دوستوں کو گھر بھی خرید دیا کرتے تھے لیکن ایک ایسا وقت بھی آتا تھا کہ ان کے ان کے ساتھ تعلقات خراب ہوجاتے تھے.یاد رہے کہ راجیش کھنہ اور شرمیلا ٹیگور نے جتنی بھی فلموں میں ایکساتھ کام کیا وہ سپر ہٹ ہوئیں 1972 کی فلم امر پریم کا ایک ڈائیلاگ پشپا آئی ہیٹ ٹئیرز بہت ہٹ ہوا. 1969 میں ریلیز ہونے والی فلم ارادھنا میں ان دونوں‌کی خوبصورت کیمیسٹری کو کون بھول سکتا ہے. ان دونوں نے دس سے زائد فلموں میں بطور ہیرو ہیروئین کام کیا.

بالی وڈ کے کنگ شاہ رخ خان اور چلبلی اداکارہ جوہی چاولہ کی فلم یس باس کو ریلیز ہوئے 25 سال کا عرصہ بیت گیا ہے. نوے کی دہائی کی سپر ہٹ اس فلم کی ہدایتکاری عزیز مرزا نے کی تھی شاہ رخ اور جوہی چاولہ کے علاوہ کاسٹ میں آدتیہ پنچولی، کشمیرہ شاہ، گلشن گروور اور اشوک صراف نے اہم کردار ادا کیے تھے۔فلم کے پرڈیوسر رتن جین تھے، فلم ریلیز ہونے کے بعد کامیاب قرار پائی فلم کی ریلیز کے 25 سال مکمل ہونے پر جوہی نے اپنے سوشل میڈیا ہینڈل پر ایک وڈیو شئیر کی اور لکھا کہ مجھے آئیڈیا نہیں تھا کہ ہم تو یادیں بنا رہے ہیں، ہم نے اس فلم کے سیٹ پر بہت مزہ کیا .انہوں نے یس باس کی ٹیم کا شکریہ ادا کیابلکہ یہ کہا کہ میرے پاس شکریہ ادا کرنے کے لئے الفاظ نہیں ہیں. یاد رہے کہ فلم تو شائقین کو پسند آئی ہی

تھی لیکن ساتھ میں فلم کا میوزک بہت زیاد پسند آیا اس کے گانے آج بھی مقبول ہیں. کمار سانو الکا یاگنک ،ادت نارائن اور ابھیجیت نے اپنی آواز کی خوبصورتی سے گانوں کو مسحور کن بنایا .جوہی چاولہ نے شاہ رخ کے ساتھ رام جانے ، راجو بن گیا جینٹلیمن ، ڈوپلیکیٹ ، پھر بھی دل ہے ہندوستانی جیس سپر ہٹ فلموں میں بھی کام کیا دونوں کی جوڑی کو کافی سراہا جاتا تھا.جوہی چاولہ اور شاہ رخ کی فلم ڈر نے کامیابی کی تمام ریکارڈز ہی توڑ دئیے تھے اس فلم نے شاہ رخ خان کو صف اول کے اداکاروں میں‌لا کر کھڑا کر دیا تھا.