لاہور کے علاقہ باغباپنورہ میں منشیات فروشوں کی اطلاع پولیس کو دینے پر منشیات فروش نے خاتون کو گولی مار دی۔

باغی ٹی وی کی رپورٹ کےمطابق صوبائی دارالحکومت لاہور کے علاقے باغبانپورہ میں لڑائی جھگڑے کے دوران سر میں گولی لگنے سے خاتون جان کی بازی ہار گئیں جب کہ ملزم موقع سے فرار ہوگیا۔مقتولہ کے اہل خانہ اور ورثا نے لاش سڑک پر رکھ کر جی ٹی روڈ احتجاجاً بلاک کرکے پولیس کے خلاف شدید نعرے بازی کی۔

واقعے سے متعلق پولیس کا کہنا ہے کہ مقتولہ کی شناخت روبینہ کے نام ہوئی ہے جسے منشیات فروشوں نے پولیس میں شکایت کرنے پر فائرنگ کرکے قتل کیا، پولیس تاحال ملزم کو گرفتار کرنے میں ناکام رہی ہے۔
ملزم کی خاتون پر فائرنگ کرنے کی ویڈیو بھی منظر آگئی جس میں مقتولہ روبینہ کو سر پر گولی لگنے کے بعد سڑک پر گرتے ہوئے بھی دیکھا جاسکتا ہے۔

پولیس کا کہنا ہے کہ مقتولہ نے کچھ روز قبل منشیات فروش اکرم خان کی شکایت کی تھی جس پر کارروائی کرتے ہوئے پولیس نے ملزم کو گرفتار کرلیا تھا۔ مقتولہ روبینہ پانچ بچوں کی ماں تھی۔

دوسری طرف لاہور کے علاقے گلشن اقبال پارک گیٹ نمبر 4 سے جعلی انسپکٹر انٹیلیجنس کو گرفتار کر لیا گیا۔
اقبال ٹاؤن پولیس کے مطابق ملزم جاوید نے اپنا تعارف پولیس کو بطور فیصل انسپکٹر انٹیلجنس کے کروایا، ڈیوٹی پر تعینات پولیس افسران کی طرف سے پوچھ گچھ پر شناختی کارڈ چیک کیا گیا جس پر معلوم ہوا کہ ملزم کا اصل نام جاوید تھا لیکن اس نے بطور فیصل انسپکٹر انٹیلیجنس کے اپنا تعارف کروایا۔ایس پی اقبال ٹاؤن ڈاکٹر عمارہ شیرازی کی ہدایت پر مقدمہ درج کرکے مزید تفتیش جاری ہے، ایس پ

وفاقی وزیر ایاز صادق اور صوبائی وزیر سلمان رفیق کے بعد صوبائی وزیر اویس لغاری نے بھی اپنے عہدے سے استعفیٰ دے دیا۔ صوبائی وزیر اویس لغاری کی جانب سے استعفے دئیے جانے کی تصدیق سماجی رابطے کی ویب سائٹ ٹویٹرپر کی گئی۔

Resignation from Punjab cabinet pic.twitter.com/X6YpPdXMY2

— Awais Leghari (@akleghari) July 11, 2022

ٹویٹر پر اپنا استعفی وزیراعلیٰ پنجاب کو ارسال کرتے ہوئے انہوں نے لکھا کہ میں صوبائی وزیر بنائے جانے پر حمزہ شہباز شریف کا مشکور ہوں، میں ذاتی وجوہات کی بناء پر عہدہ چھوڑ رہا ہوں۔ اسی لیے میری درخواست ہے میرا استعفیٰ قبول کیا جائے۔ میں پاکستان مسلم لیگ ن کے لیے ہر وقت موجود ہوں گے۔

ضمنی انتخابات :پی ٹی آئی 18سیٹیں جیتے گی:ان شااللہ ::فواد چوہدری

قبل ازیں دو روز قبل ضمنی اتنخاب کی مہم چلانے کے لیے وفاقی وزیر سردار ایاز صادق اور صوبائی وزیر خواجہ سلمان رفیق نے وزارتوں سے استعفے دیئے تھے۔سردار ایاز صادق نے وزارت سے استعفی دیتے ہوئے کہا کہ ذاتی وجوہات کی بناء پر مستعفی ہو رہا ہوں، اپنا استعفیٰ وزیراعظم شہباز شریف کو بھجوا دیا، پارٹی کی مضبوطی کے لیے کام کرتا رہوں گا،صوبائی وزیر سلمان رفیق نے بھی استعفیٰ دیا تھا، انہوں نے اپنا استعفیٰ وزیراعلیٰ پنجاب حمزہ شہباز شریف کو بھجوا دیا۔ وزیراعلیٰ پنجاب حمزہ شہباز شریف نے سلمان رفیق کا استعفیٰ منظور کر لیا ہے۔

مسلم لیک ن کے وزراء نے الیکشن کمیشن کے ضابطہ اخلاق کی پابندی کی وجہ سے استعفے دیئے ہیں اور اب متعلقہ ارکان اسمبلی ضمنی انتخابات کیلئے بھرپور الیکشن کمپین چلائیں گے، تحریک انصاف کے رہنماوں کی جانب بار ہا اعتراض کیا جارہا تھا کہ مسلم لیگ ن کے وزراء ضمنی الیکشن میں مداخلت کر رہے ہیں اور امیدواروں کی الیکشن کمپین چلا رہے ہیں جو الیکشن کمیشن کے ضابطہ اخلاق کی خلاف ورزی ہے.

یاد رہے کہ الیکشن کمیشن کی جانب سے مسلم لیگ ن کے صوبائی وزیر داخلہ عظاء اللہ تارڑ کو بھی پی ٹی آئی کی جانب سے ضمنی الیکشن کی کمپین کرنے کے الزام میں طلب کر چکا ہے

پی ٹی آئی کے رہنما اور سابق وزیر خارجہ شاہ محمود قریشی کا کہنا ہے کہ ضمنی انتخابات میں حکومتی مشینری استعمال ہو رہی ہے، الیکشن کمیشن کو تحریری طور پر شکایت کی ہے۔شاہ محمود قریشی نے چشتیاں میں پریس کانفرنس کرتے ہوئے کہا کہ حکومتی طاقت کے استعمال کے باوجود تحریک انصاف کے امیدوار کامیاب ہوں گے۔

مریم اورنگزیب نے دیا عمران خان کو آئینہ دیکھنے کا مشورہ

شاہ محمود کا کہنا تھا کہ موجودہ حکومت کے پاس کوئی ایجنڈا نہیں، ایک ماہ میں پیٹرول، بجلی اور گیس کی قیمتوں میں ہوشربا اضافہ کیا گیا۔انہوں نے کہا کہ پاکستان کے معاشی حالات سنگین صورت اختیار کر گئے ہیں، اللّٰہ نہ کرے پاکستان میں سری لنکا جیسے حالات پیدا ہو جائیں۔

شاہ محمود قریشی کا کہنا تھا کہ پاکستانی قوم عمران خان کا بیانیہ تسلیم کر چکی ہے، پہلے سازش کے تحت مداخلت پھر عدم اعتماد کے ذریعے شب خون مارا گیا۔انہوں نے مزید کہا کہ پی ٹی آئی کے امیدوار لوٹوں کا ڈٹ کر مقابلہ کر رہے ہیں۔ عام انتخابات میں تحریک انصاف بھاری اکثریت سے کامیاب ہوگی۔

شوہر سے لڑ کر بیوی بھی سیاست دان بن جاتی ہے، خورشید شاہ

علاوہ ازیں پاکستان تحریک انصاف (پی ٹی آئی) کے چیئر مین اور سابق وزیراعظم عمران خان نے کہا ہے کہ جن کے پاس طاقت تھی وہ کرپشن کو بُری چیز نہیں سمجھتے تھے، کون سی طاقت تھی اس ملک میں جو کرپٹ لوگوں کو سزا دینے سے روکتی تھی۔ضمنی الیکشن کے حوالے سے لودھراں میں انتخابی جلسے سے خطاب کرتے ہوئے پی ٹی آئی چیئر مین نے کہا کہ ملک پر دو ڈاکو آئے ہیں، ایک زرداری اور دوسرا شریف خاندان ہے، کراچی میں زیادہ بارش ہوئی ہے، قوم کی توجہ کراچی پر دینے لگا ہوں، کراچی پاکستان کا معاشی دارالحکومت ہے، 14 سال سے ڈاکو کراچی میں بیٹھا ہوا ہے، شہر کھنڈر بن گیا ہے، عثمان بزدار نے لاہور میں زیر زمین ٹینک بنائے، بارش کا پانی کھڑا نہیں ہوتا۔ زرداری اور مراد علی شاہ کے خلاف مقدمات تیار تھے، سندھ کا پیسہ چوری ہو کر دبئی جاتا ہے، انہوں نے کبھی نہیں سوچا، کراچی میں بارش کے پانی کے لیے کچھ کرنا ہے۔ جب تک زرداری ڈاکو سندھ پر قابض ہے صوبہ ترقی نہیں کر سکتا۔

پاکستان سمیت دنیا بھر میں پیر 11جولائی کو منائے جانے والے عالمی یوم آبادی کے موقع پر حکومتی وزرا نے آبادی میں مسلسل اضافے اور پاکستان میں دستیاب محدود وسائل پر اپنی تشویش کا اظہار کیا ہے۔ وفاقی وزرا نے اپنے پیغامات میں عام لوگوں کو آبادی میں اضافے کے منفی اثرات کے بارے میں ت پر زور دیا جو نہ صرف انسانی صحت بالخصوص ماں اور بچے کی صآگاہی دینے کی ضرورحت بلکہ قومی ترقی پر منفی اثرات مرتب ہوتے ہیں۔

وفاقی وزیر صحت عبدالقادر پٹیل نے عالمی یوم آبادی کے موقع پر اپنے پیغام میں کہا کہ ایک غلط فہمی ہے کہ خاندانی منصوبہ بندی کا مقصد بچوں کی پیدائش کو کنٹرول کرنا ہے۔ انہوں نے کہا کہ درحقیقت یہ اقدام ماں اور بچے کی بہتر صحت کو یقینی بنانے کے لیے شروع کیا گیا ہے۔وفاقی وزیر برائے منصوبہ بندی و ترقی احسن اقبال نے کہا کہ پاکستان میں تقریبا 60 فیصد آبادی30 سال سے کم عمر پر مشتمل ہے جو بہتر تعلیم اور معقول روزگار کی خواہاں ہے۔ تاہم، ملک بھر میں دستیاب وسائل کے ساتھ، بہترین تعلیم کی سہولیات اور ملازمتوں کی دستیابی ایک مشکل کام تھا۔

وفاقی وزیر برائے تخفیف غربت شازیہ مری نے پاکستان میں ترقیاتی منصوبہ بندی کے لیے زیادہ آبادی کو ایک بڑا مسئلہ قرار دیا۔ انہوں نے کہا کہ بڑھتی ہوئی آبادی کی شرح کے بارے میں عوام میں شعور بیدار کرنے کی اشد ضرورت ہے۔ انہوں نے کہا کہ اگر ہم قومی آبادی اور وسائل کے درمیان توازن برقرار رکھیں گے تو یہ لوگوں خصوصا ماں اور بچے کی بہتر صحت کو یقینی بنائے گا۔ اعداد و شمار سے پتہ چلتا ہے کہ پاکستان میں زچگی کے دوران شرح اموات فی سال 186 ہے۔ پاکستان میں فیملی پلاننگ کی ضرورت بہت زیادہ ہے۔

غلط تاثرات، تربیت یافتہ صحت کے عملے کی کمی، شراکت داروں کے درمیان کمیونیکیشن گیپ جیسے دیگر نچلی سطح پر چیلنجز موجود ہیں۔ اس علاقے میں حقیقی تبدیلی لانے اور عوام کے درمیان خاندانی منصوبہ بندی کو معمول پر لانے کے لیے، میڈیا ٹولز کے استعمال کے ذریعے طرز عمل کی تبدیلی کی مہمات کو ڈیزائن اور ان پر عمل درآمد کرنے کی ضرورت ہے جو دیہی اور پسماندہ کمیونٹیز سمیت معاشرے کے ہر فرد تک پہنچیں۔

خاندانی منصوبہ بندی کے اقدامات کو اپنانے کی اہمیت کے بارے میں بیداری پیدا کرنے کی کوششوں کے ایک حصے کے طور پر، خیرخواہ مہم کے نامسے عالمی یوم آبادی کے موقع پر حکومتی اہلکاروں کی تعریفی ویڈیوز کے ساتھ مہم کا آغاز کیا گیا ہے۔

ان ویڈیوز میں پاکستان کی تیزی سے بڑھتی آبادی اور پاکستان کو درپیش معاشی بحران، بے روزگاری، صحت کی دیکھ بھال وغیرہ جیسے مسائل کا مفصل احاطہ کیا گیا ہے اور لوگوں کو خاندانی منصوبہ بندی کے اقدامات کی ترغیب دی گئی ہے۔ اس مہم کا مقصد سرکاری اہلکاروں کو متحرک کرنا اور اس بڑھتے ہوئے مسئلے کو حل کرنے کے لیے عہد و عزم کرنا ہے۔

پاکستان مسلم لیگ ن کی نائب صدر مریم نواز نے کہا ہے کہ کراچی میں مون سون بارشوں سے جانی اور مالی نقصان پر پوری قوم فکرمند ہے۔

ملک میں بارشیں اور سیلاب،پاک فوج عوام کی جان ومال کے تحفظ کیلئے پرعزم

سماجی رابطے کی ویب سائٹ ٹویٹر پراپنے بیان میں انہوں نے لکھا کہ وفاقی حکومت کا عزم ہے صوبائی حکومت اور فوج کے جوانوں کے ساتھ مل کر ہنگامی بنیادوں پر متاثرین کو محفوظ مقامات پر پہچانے کا عمل جلد مکمل ہواور امدادی سرگرمیوں میں کوئی کمی نہ رہے۔

کراچی میں مون سون بارشوں سے جانی اور مالی نقصان پر پوری قوم فکرمند ہے۔ وفاقی حکومت کا عزم ہے کہ صوبائی حکومت اور فوج کے جوانوں کے ساتھ مل کر ہنگامی بنیادوں پر متاثرین کو محفوظ مقامات پر پہچانے کا عمل جلد مکمل ہواور امدادی سرگرمیوں میں کوئی کمی نا رہے۔کراچی! ہم آپ کے ساتھ کھڑے ہیں

— Maryam Nawaz Sharif (@MaryamNSharif) July 11, 2022

مریم نواز نے مزید لکھا کہ کراچی میں مون سون بارشوں سے جانی اور مالی نقصان پر پوری قوم فکرمند ہے۔ کراچی! ہم آپ کے ساتھ کھڑے ہیں۔

کراچی: موسلادھار بارش، متعدد علاقے ڈوب گئے، گھروں میں پانی داخل، کرنٹ لگنے سے 3 جاں بحق

قبل ازیں ملک کے سب سے بڑے شہر کراچی کے مختلف علاقوں میں وقفے وقفے سے جاری طوفانی بارش سے ہونے والے نقصانات کے حوالے سے وزیرِ اعظم شہباز شریف نے وزیرِ اعلیٰ سندھ مراد علی شاہ سے رابطہ کیا ہے۔

وزیرِ اعظم شہباز شریف نے اس حوالے سے بتایا ہے کہ ان کی وزیرِ اعلیٰ سندھ مراد علی شاہ سے بات ہوئی ہے، کراچی میں موسلا دھار بارشوں سے نقصانات پر دکھ ہے۔شہباز شریف کا کہنا ہے کہ یقین ہے کہ سندھ حکومت وزیرِ اعلیٰ سندھ کی قابل قیادت میں زندگی کو معمول پر لائے گی۔وزیرِ اعظم میاں شہباز شریف کا یہ بھی کہنا ہے کہ انہوں نے سندھ حکومت کو ہر ممکن تعاون کی پیشکش کی ہے۔

مزید برآن وزیرِ اعظم شہباز شریف نے کہا ہے کہ کراچی سمیت ملک کے دیگر حصوں میں اموات پر دکھ ہے، کرنٹ لگنے جیسے واقعات کے تدارک کے لیے ہنگامی اقدامات کیے جائیں۔وزیرِ اعظم نے بارشوں سے ہونے والے نقصانات پر افسوس اور متاثرین سے یکجہتی کا اظہار کرتے ہوئے کہا کہ عوام کے تحفظ اور مدد کے لیے تمام وسائل بروئے کار لائیں گے۔