فلمسٹار شان شاہد جو آج کل سوشل میڈیا پر کافی متحرک رہتے ہیں، وہ سیاسی معاملات میں بھی کافی دلچپسی لیتے ہوئے عمران خان کے حق میں لکھتے رہتے ہیں۔ انہوں نے حال ہی میں بالی وڈ کے تینوں خانز کو کٹہرے میں کھڑا کر لیا اور ان کی خاموشی پر سوال اٹھا دئیے۔ تفصیلات کے مطابق شان شاہد نے بھارت میں گستاخانہ بیانات دئیے جانے پر تینوں خانز شاہ رخ خان، عامر خان اور سلمان خان کی خاموشی پر سوال اٹھا دئیے شان نے ان تینون کی تصویر ٹویٹر پر شئیر کی اورلفظ لکھا لعنت یعنی شان شاہد ان تینوں خانز کی اس موقع پر خاموشی پر کافی ناراض ہیں ان کا خیال ہے کہ ان تینوں خانز کو بطور مسلمان ان کے ہی ملک میں پیارے نبی کے حوالے سے فضول قسم کی گفتگو پر آواز اٹھانی چاہیے جو کہ انہوں نے تاحال ایسا نہیں کیا۔ شان شاہد کی طرح تینوں خانز کے بہت سارے پرستار ان کی خاموشی پر مایوس ہیں۔ شان شاہد کی اس پوسٹ پر انہیں کافی سپورٹ کیا گیا۔اسی طرح سے بہت سارے شوبز ستارے اس حوالے سے میدان میں ہیں اور حکومت سے مطالبہ کررہے ہیں کہ بھارت سے بائیکاٹ کیاجائے۔
پاکستان میںہر سطح ہر بھارت کا بائیکاٹ کرنے کا مطالبہ کی جا رہا ہے.عمران خان ہوں یا شہباز شریف بلاول سب اس معاملے میں ایک پیج پر ہیں اور تینوں نے گستاخانہ بیانات پر مذمت کی ہے. واضح رہے کہ بی جے پی ترجمان نوپور شرما نے ایک ٹی وی چینل پر توہین رسالت کا ارتکاب کیا تھا.
Author: +9251
-
فلم سٹار شان شاہد بالی وڈ کے تینوں خانز سے ہوئے خفا
-
حرمت رسولﷺپرجان بھی قربان:نبی رحمتﷺکی شان میں گستاخی :شریف خاندان مودی کیخلاف سخت ایکشن لے:عمران خان
اسلام آباد:حرمت رسولﷺپرجان بھی قربان:نبی رحمتﷺکی شان میں گستاخی،شریف خاندان مودی کیخلاف سخت ایکشن لے: اطلاعات کے مطابق پاکستان تحریک انصاف (پی ٹی آئی) کے چیئر مین اور سابق وزیراعظم عمران خان نے کہا ہے کہ بھارت میں ہمارے پیارے نبی ﷺ کی شان میں گستاخی کی گئی، اگر چار عرب ممالک سخت ایکشن لے سکتے ہیں تو پاکستان بھی لے، شریف خاندان مودی سے اپنے تعلقات توڑ کر سخت ایکشن لے۔انہوں نے کہا کہ ہم نبی رحمت ﷺ کی حرمت پرقربان ہونے کے لیے تیار ہیں لیکن کسی کوگُستاخی اوربیحرمتی کی اجازت نہیں دے سکتے
بنی گالہ میں وکلاء کنونشن سے خطاب کرتے ہوئے سابق وزیراعظم نے کہا کہ میں نے تو سنا تھا تھوڑے سے لوگ آئیں گے، آپ لوگوں نے تو جلسہ کر دیا ہے، مجھے حکومت مخالف تحریک میں وکلا کی سب سے زیادہ ضرورت ہے۔ جمہوریت میں احتجاج ہر شہری کا حق ہے، سازش کے تحت چوروں، ڈاکوؤں کی حکومت مسلط کی گئی۔پاکستان کے وکلا کی سب سے زیادہ ضرورت ہے، دھمکی آمیز مراسلے کو نیشنل سیکیورٹی کے سامنے رکھا، صدر مملکت ڈاکٹر عارف علوی نے چیف جسٹس آف پاکستان جسٹس عمر عطاء بندیال کو بھی مراسلہ بھیجا، سپریم کورٹ کے پاس مراسلہ انویسٹی گیشن کے لیے پڑا ہے۔
انہوں نے کہا کہ ملک کے بڑے ڈاکوؤں کو سزا ہونا تھی، چیری بلاسم جوتے پالش کر کے اوپر پہنچ گیا ہے، یہ کیسے ہوسکتا ہے دنیا میں ملزم قاضی بن جائے؟ چھوٹی موٹی چوری نہیں شہبازشریف نے 16 ارب کی چوری کی، کرائم منسٹرکے کرپٹ بیٹے کو وزیراعلیٰ پنجاب بنا دیا گیا۔ قانون کی حکمرانی وکلا،عدلیہ کی ذمہ داری ہے۔ رول آف لا پرعدالتوں نے عملدرآمد کرانا ہے، وزیراعظم، چیف منسٹر 60 فیصد کابینہ پر مقدمات ہم سب کی توہین ہے۔
-
امت مسلمہ کو گستاخی کرنے والوں کے خلاف مشترکہ لائحہ عمل اپنانا ھو گا،تحریک انصاف
پاکستان تحریک انصاف وسطی پنجاب کی صدر ڈاکٹر یاسمین راشد . جنرل سیکرٹری وسطی پنجاب حماد اظہر اور سیکرٹری اطلاعات عندلیب عباس نے اپنے مشترکہ بیان میں بی جے پی کے رہنماء کی طرف سے حضور صلی اللہ علیہ وسلم کی شان میں گستاخی کی شدید الفاظ میں مذمت کی ھے۔ حضرت محمد صلی اللہ علیہ وسلم کی توہین کوئی مسلمان برداشت نہیں کر سکتا ۔ حضور صلی اللہ علیہ وسلم کی شان میں گستاخی سے پوری دنیا کے مسلمانوں کے دل دکھتے ہیں۔
رہنماؤں نے کہاکہ او آئی سی بی جے پی کے رہنماء کی حضور صلی اللہ علیہ وسلم کی گستاخی پر بھارت کے خلاف سخت ایکشن لے۔ مودی نے کشمیر اور بھارت میں مسلمانوں پر ظلم وبربریت کا بازار گرم کر رکھا ھے۔ تمام مسلمانوں کو ملکر مودی کے ظلم کو روکنا ھو گا۔
تحریک انصاف کے رہنماؤں کا کہنا تھا کہ پاکستان میں واحد لیڈر عمران خان ھے جنہوں نے اسلاموفوبیا پر اقوام متحدہ کے اجلاس میں آواز بلند کی اور دنیا کو بتایا کہ حضرت محمد صلی اللہ علیہ وسلم کی شان میں گستاخی سے سارے مسلمانوں کے دل دکھتے ہیں۔
وقت کی ضرورت ہے کہ تمام مسلمانوں کو یک جان ھو کر حضور صلی اللہ علیہ وسلم کی شان میں گستاخی کرنے والوں کے خلاف مشترکہ لائحہ عمل اپنانا ھو گا اور ان کے خلاف سخت ایکشن لینا ھو گا تاکہ آئندہ کوئی ایسی حرکت کرنے کی جرات نہ کر سکے۔
-
نوشکی:شمالی وزیرستان میں دہشت گردوں کے خلاف آپریشن 4 دہشت گرد ہلاک
شمالی وزیرستان:نوشکی:شمالی وزیرستان میں دہشت گردوں کے خلاف آپریشن 4 دہشت گرد ہلاک دہشت گردوں کے خلاف پاک فوج کی کارروائیاں جاری ہیں ، آئی ایس پی آر کے مطابق بلوچستان کے ضلع نوشکی میں دہشتگردوں کی موجودگی کی خفیہ اطلاع پر آپریشن کیا، کلیئرنس آپریشن شروع کے دوران دہشت گردوں نے ٹھکانے سے فرار ہونے کی کوشش کی اور سیکورٹی فورسز پر فائرنگ کردی۔ اسی دوران فائرنگ کے تبادلے میں کالعدم تنظیم کے دہشتگرد ندیم اور شہزاد عالم مارے گئے۔
بیان کے مطابق ہلاک ہونے والے دہشت گرد خاران اور گردونواح میں سکیورٹی فورسز کے قافلے پر آئی ای ڈی نصب کرنے کے علاوہ دیگر واقعات میں ملوث تھے۔ دہشتگردوں سے اسلحہ اور گولہ بارود بھی برآمد کیا گیا، دہشتگرد یہ اسلحہ اورگولہ بارود امن و امان میں خلل ڈالنے کے لیے استعمال کرنا چاہتے تھے۔
آئی ایس پی آر کے مطابق سکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔
امن دشمنوں کیخلاف کارروائی کرتے ہوئےسکیورٹی فورسز نے دو دہشتگردوں کو ہلاک کر دیا۔
سکیورٹی فورسز کا شمالی وزیرستان میں آپریشن، 1 دہشتگرد ہلاک، اسلحہ برآمد
پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق سکیورٹی فورسز نے دہشت گردوں کی موجودگی کی اطلاع پر خیبرپختونخوا کے ضلع شمالی وزیرستان کے علاقے حسن خیل میں انٹیلی جنس پر مبنی آپریشن کیا۔
سیکورٹی فورسزکی شمالی وزیرستان میں کارروائی، 2 دہشت گرد ہلاک
بیان کے مطابق اس آپریشن کے دوران شدید فائرنگ کا تبادلہ ہوا، فائرنگ کے تبادلے میں دو دہشت گرد مارے گئے، ہلاک دہشت گرد سیکورٹی فورسز کے خلاف دہشت گردی کی کارروائیوں میں سرگرم رہے۔ ہلاک دہشت گردوں سے اسلحہ اور گولہ بارود بھی برآمد ہوا ہے۔
سکیورٹی فورسز کا شمالی وزیرستان میں بڑا آپریشن
-
بابراعظم کی طرح نام بنانا چاہتا ہوں، قاسم اکرم:
بابراعظم کی طرح نام بنانا چاہتا ہوں، قاسم اکرم:
باغی ٹی وی کی رپورٹ کے مطابق محدود طرز کی عالمی درجہ بندی میں صف اول کے بیٹر اور پاکستان کے کپتان بابراعظم دنیائے کرکٹ کے نوجوانوں کے لیےایک مثال ہیں۔ دنیا بھر میں موجود لاتعداد پرستاروں کی طرح قومی انڈر 19 کرکٹ ٹیم کے سابق کپتان قاسم اکرم بھی بیٹنگ میں بابراعظم کو اپنے لیے مشعل راہ سمجھتے ہیں ۔
19 سالہ نوجوان کرکٹر کا کہنا ہے کہ بابراعظم ان کے پسندیدہ بیٹر ہیں اور وہ انہی کی طرح دنیائے کرکٹ میں نام کما نا چاہتے ہیں۔
بابراعظم کی طرح قاسم اکرم کا تعلق بھی لاہور سے ہے۔دونوں نے اپنے کرکٹ کا سفر کا آغاز دائیں ہاتھ کے مڈل آرڈر بیٹر اور آف اسپن باؤلنگ سے کیا۔ قاسم اکرم سینٹرل پنجاب اور کراچی کنگز میں بابراعظم کی زیرقیادت کھیل رہے ہیں۔
قاسم اکرم کا کہنا ہے کہ بابراعظم کے ساتھ سینٹرل پنجاب اور کراچی کنگز کے ڈریسنگ رومز شیئر کرنے کا تجربہ ناقابل فراموش ہے۔ ایک بیٹر کی حیثیت سےانہوں نے پاکستان کے کپتان سے لمبی اننگز کھیلنے کے لیے کریز پر ٹھہرے رہنے، کؤر ڈرائیو کھیلنے اور پل شاٹ میں بہتری لانے کے لیے مفید مشورے لیے ہیں۔
قاسم اکرم کے والد لاہور میں لُنڈا بازار کی دکان پر کام کرتے ہیں۔ نوجوان آلراؤنڈرنے آئی سی سی انڈر 19 کرکٹ ورلڈکپ 2022 کے 6 میچز میں 203 رنز بنانے کے ساتھ ساتھ 10 وکٹیں بھی حاصل کیں۔ انہوں نے نیشنل ٹی ٹونٹی میں سینٹرل پنجاب کی نمائندگی کرتے ہوئے 11 وکٹیں حاصل کیں جبکہ ایچ بی ایل پی ایس ایل 7 میں کراچی کنگز کی نمائندگی کرتے ہوئے انہوں نے ایک نصف سنچری بھی بنائی تھی۔گزشتہ سیزن میں کھیلے گئے پاکستان کپ میں بھی انہوں نے 285 رنز بنائے اور 10 وکٹیں حاصل کی تھیں۔
نوجوان کرکٹر نے کہا کہ بابراعظم نے دنیابھر میں شاندار بیٹنگ کا مظاہرہ کیا ہے اور وہ ان کی بیٹنگ صلاحیتوں کے مداح ہیں۔ وہ دنیا کے نمبر ون بیٹر کے ہمراہ ڈریسنگ روم کا تبادلہ کرنے پر خود کو خوش قسمت سمجھتے ہیں۔ انہوں نے کہا کہ بابراعظم نے اپنی بیٹنگ کے ذریعےدنیا بھر میں پاکستان کرکٹ کا جو معیار مقرر کیا ہے وہ اسے حاصل کرنے کی خواہش رکھتے ہیں۔
قاسم اکرم کا تعلق ان 107 نوجوان کھلاڑیوں میں سے ہے، جو پی سی بی پاتھ ویز پروگرام کا حصہ ہیں۔ ان باصلاحیت نوجوان کھلاڑیوں کا تربیتی کیمپ 14 جون سے مریدکے میں شروع ہوگا، جو چار ہفتے تک جاری رہے گا۔
ان کا کہنا ہے کہ پی سی بی پاتھ ویز پروگرام نوجوان کھلاڑیوں کے لیے ایک زبردست اقدام ہے، جس کے تحت نوجوان کھلاڑیوں کو مکمل تعلیمی اسکالرشپ اور 30 ہزار روپے ماہوار وظیفہ دیا جائے گا۔
قاسم اکرم اب تک 9 فرسٹ کلاس میچز میں 14 وکٹیں حاصل کرچکے ہیں۔ ان کا کہنا ہے کہ وہ شعیب ملک اور محمد حفیظ کی طرح ایک آلراؤنڈرکی حیثیت سے اپنے کیرئیر کو طول دینا چاہتے ہیں۔ وہ فی الحال اپنی آف اسپن باؤلنگ میں بہتری لانے کی ہر ممکن کوشش کررہے ہیں۔
-
فیصل قریشی بھڑک گئے لیکن کس بات پہ؟
بی جے پی کے رہنما کے گستاخانہ بیان پر ہر کوئی شدید غصے میں ہے، اداکار فیصل قریشی نے تو مطالبہ کر دیا ہے کہ بھارت کا بائیکاٹ کیا جائے. فیصل قریشی نے ایک وڈیو پیغام جاری کرتے ہوئے کہا کہ امت مسلمہ بھارت کا بائیکاٹ کررہی ہے لیکن ہماری طرف سے ابھی تک ایسا کوئی مطالبہ سامنے نہیں آیا۔ فیصل قریشی نے مزید کہا کہ اس وقت اتنا اہم مسئلہ چل رہا ہے لیکن ہمارے لوگ اس پر خاموش کیوں ہیں۔ فیصل قریشی نے مزید کہا کہ ہم سب کو مل کر اس پہ بات کرنی چاہیے اور بھارت کا بائیکاٹ کرنا چاہیے فنکار اور عوام اس حوالے سے اپنا احتجاج ریکارڈ کروائیں کیونکہ اب بہت ہو چکا۔
یاد رہے کہ حکمران جماعت بی جے پی کے رہنما کی طرف سے ہمارے پیارے نبی کے حوالے سے گستاخانہ بیانات دئیے گئے ہیں اس پر مسلمانوں کے جذبات مجروح ہوئے ہیں۔ہر کوئی سراپا احتجاج ہے بھارت کے خلاف اس وقت ہمارے لوگوں میں بہت زیادہ غم و غصہ پایا جاتا ہے۔وزیراعظم شہباز شریف نے بھی بھارت کی حکمران جماعت بھارتیہ جنتا پارٹی (بی جے پی) کے رہنماؤں کی جانب سے نبی کریم کی شان میں گستاخی کی شدید مذمت کی ہے۔ٹوئٹر پر اپنے بیان میں وزیراعظم نے کہا کہ بارہا کہہ چکے ہیں فاشسٹ مودی کی قیادت میں بھارت مذہبی آزادی پامال کررہا ہے، بھارت میں مسلمانوں پر شدید ظلم و ستم جاری ہے۔
-
ڈائریکٹر جنرل سپورٹس پنجاب جاوید چوہان کی ہدایت پر کوہسار فیسٹیول مری کی تیاریاں جاری
ڈائریکٹر جنرل سپورٹس پنجاب جاوید چوہان کی ہدایت پر کوہسار فیسٹیول مری کی تیاریاں جاری :
باغی ٹی وی کی رپورٹ کے مطابق ڈائریکٹر جنرل سپورٹس پنجاب جاوید چوہان کی ہدایت پر کوہسار فیسٹیول مری کی تیاریاں جاری کرنے کا فیصلہ کیا ہے۔
اس حوالے سے تاریخ کا اعلان بھی کر دیا گیا ہے ۔کوہسار فیسٹیول مری 13سے 15جون تک منعقد ہوگا
ریجنل گیمز کے فروغ کیلئے مری میں 8کھیلوں کے ایونٹس منعقد کئے جارہے ہیں ۔مزید یہ کہ اس فیسٹیول میں فٹبال، والی بال، ٹیبل ٹینس، رسہ کشی، سکیٹنگ، میراتھن، سائیکلنگ اور پیرا آرچری گیمز شامل ہیں
ریجنل گیمز کے فروغ سے پنجاب کے کونے کونے سے نیا ٹیلنٹ سامنے آرہا ہے۔
ڈی جی سپورٹس پنجاب نے نوجوانوں کو صلاحتیوں کے اظہار کیلئے ان کے گھر میں ہی مواقع فراہم کررہے ہیں، ۔ریجنل گیمز کے انعقاد سے مثبت نتائج سامنے آئے ہیں، ڈی جی سپورٹس پنجاب کا اس حوالے سے کہنا تھا ۔کوہسار فیسٹیول مری کے انعقاد سے ریجنل سپورٹس کو ترقی ملے گیا انہوں نے کہا کہ 8گیمز میں کھلاڑی اپنی صلاحیتوں کے جوہر دکھائیں گے
جاوید چوہان کا کہنا تھا کہ جنوبی پنجاب اور سینٹرل پنجاب میں مختلف کھیلوں کے ایونٹس میں نئے کھلاڑی سامنے آئے ہیں،کوہسار فیسٹیول مری میں کھلاڑیوں کو بہترین سہولیات فراہم کررہے ہیں، جاوید چوہان نے مزید کہا کہ فیسٹیول میں سامنے آنے والے ٹیلنٹ کو مزید ترقی دلائیں گے ۔
-
قطر امیری فضائیہ کے کمانڈر کی سربراہ پاک فضائیہ سے ملاقات
قطر امیری فضائیہ کے کمانڈر کی سربراہ پاک فضائیہ سے ملاقات۔
باغی ٹی وی کی رپورٹ کے مطابق 07 جون،2022: قطر امیری فضائیہ کے کمانڈر میجر جنرل(پائلٹ) جاسم محمد احمد المنائی نے آج سربراہ پاک فضائیہ ائیر چیف مارشل ظہیراحمد بابر سدھو سے انکے دفتر میں ملاقات کی۔ معزز مہمان کی آمد پر پاک فضائیہ کے ایک چاق وچوبند دستے نے انہیں سلامی پیش کی۔ ملاقات کے دوران دونوں معزز شخصیات نے پیشہ ورانہ اور باہمی دلچسپی کے امور پر تبادلہ خیال کیا۔
قطر امیری فضائیہ کے کمانڈر میجر جنرل(پائلٹ) جاسم محمد احمد المنائی نے پاک فضائیہ کی پیشہ ورانہ مہارت کو سراہتےہوئے پاک فضائیہ کی خود انحصاری کے میدان میں غیر معمولی ترقی کی تعریف کی۔ ایئر چیف نے کہا کہ پاکستان اور قطر کے مابین دیرینہ مذہبی، ثقافتی اور تاریخی رشتہ استوار ہے جو دونوں فضائی افواج کے مابین مضبوط روابط کا مظہر ہے۔ ایئر چیف نے کہا کہ دونوں ممالک کے درمیان خوشگوار تعلقات قائم ہیں۔ انہوں نے دونوں فضائی افواج کے مابین موجودہ دوطرفہ تعاون کو مزید فروغ دینے کے عزم کا اعادہ بھی کیا۔ ائیر چیف نے کہا کہ پاکستان قطر کے ساتھ اپنے تعلقات کو قدر کی نگاہ سے دیکھتا ہے جو علاقائی امن، سلامتی اور استحکام سے متعلق تمام اہم امور پر باہمی ہم آہنگی پر مبنی ہیں۔
-
بحیرہ جنوبی چین میں آسٹریلوی فوجی طیارہ خود مختاری کےلیےخطرہ ہے:چین
بیجنگ :چین کی حکومت نے بحیرہ جنوبی چین میں آسٹریلوی فوجی طیارے کی موجودگی کو اپنی خود مختاری کے لیے خطرہ قرار دے دیا۔چین کی وزارت دفاع نے کہا ہے کہ اس کی فوج نے ایک آسٹریلوی فوجی طیارے کی بحیرہ جنوبی چین میں شناخت کرنے کے بعد اسے وہاں سے نکل جانے کی تنبیہ کی ہے۔
بحیرہ جنوبی چین میں چین اورامریکی بحریں مشقیں:کیا نئی جنگ کاآغازہے:امریکہ
چینی وزارت دفاع کے ترجمان تان کیفی نے آج بروز منگل بتایا کہ آسٹریلوی فوجی طیارے سے چین کی خود مختاری اور سلامتی کو شدید خطرات لاحق ہوئے ہیں اور چین کی فضائیہ کے جے 16 طیارے کی جانب سے کیے گئے جوابی اقدامات مناسب اور قانونی ہیں۔
بحیرہ جنوبی چین کے معاملے پر چین کی بھرپورحمایت کرتے ہیں : پاکستان کا دبنگ اعلان
یہ بھی معلوم ہوا ہے کہ اس علاقے میں بھارت ، آسٹریلیا،جاپان اور امریکہ کے اتحاد پر مشتمل کواڈ ممالک نے مشترکہ بحری مانیٹرنگ کررکھی ہے جس کا مقصد چین کے بحری جہازوں کی نقل وحرکت پر نظررکھنا ہے ، یہ بھی بتایا جارہا ہےکہ آنے والے دنوں میں یہ اتحاد چین کے خلاف مزید ناکہ بندی کی کوشش کررہا ہےاور چین کے بڑھتے ہوئے اثرورسوخ کوکم کرنے کی کوشش بھی کررہا ہے
چین کے خلاف امریکہ اورجاپان کا اکٹھ:چین نے سخت جواب دے دیا
یاد رہے کہ اس سے قبل اتوار کے روز آسٹریلیا کے محکمہ دفاع نے کہا تھا کہ 26 مئی کو چین کے ایک لڑاکا جے 16 طیارے نے خطرناک طرز عمل اپناتے ہوئے بحیرہ جنوبی چین میں اس کے ایک فوجی نگرانی والے طیارے پی 8 اے پوزائیڈن کو روکا تھا جو اپنے معمول کے نگرانی مشن پر تھا۔ چینی لڑاکا طیارے کے اس اقدام سے اُس کے جہاز اور اس میں سوارعملے کی زندگیاں خطرے سے دوچار ہو گئی تھیں۔
-
رسول پاک ﷺ کی سیرت مبارک اور ان سے محبت کو فروغ دینے کے لیے متحدہ عرب میں عالمی مقابلے کا آغاز
رسول پاک ﷺ کی سیرت مبارک اور ان سے محبت کو فروغ دینے کے لیے متحدہ عرب میں عالمی مقابلے کا آغاز
باغی ٹی وی : رسول پاک (ص) کی سیرت مبارک اور ان سے محبت کو فروغ دینے کے لیے متحدہ عرب امارات میں عالمی مقابلے کے دوسرے مرحلے کا آغاز کردیا گیا ۔اس مقابلے میں 10 لاکھ درہم کے انعامات بھی دینے کا فیصلہ کیا گیا ۔اس شاندار ایوارڈ کا نام رسول اللہ کی محبت کیلئے‘ رکھا گیا ہے ۔یہ ایوارڈ بین الاقوامی کیٹگریز میں تقسیم کیا جائے گا۔ساتھ ہی یہ ایوارڈ مقامی کیٹگریز میں بھی تقسیم کیا جائے گا ۔
مزید یہ کہ یہ ایوارڈ 4 چار اصناف
مصوری
خطاطی
شاعری
ملٹی میڈیا
پر مشتمل ہے ۔جس میں انعامات بھی دیے جائیں گے اور انعامات کی رقم 10 لاکھ درہم ہے ۔ امارات کے البدر منصوبے کے تحت اس ایوارڈ کا اجراء کیا گیا ہے ۔مزید یہ کہ اس میں شرکت کی آخری تاریخ کا بھی اعلان بھی کر دیا گیا ۔شرکت کی آخری تاریخ 25 ستمبر 2022 ہے۔
شیخ محمد بن حمد بن محمد الشرقی نے نبی پاک (ص) کی عظیم تعلیمات کو فروغ دینے کے لیے فنی ،تحقیقی ادبی اظہار کے ذریعے مختلف اقدامات پر زور دیا ہے ۔انہوں نے نبی پاک (ص) کی زندگی اور اسلامی تاریخ کا مطالعہ کرنے والی آئندہ نسل کی پرورش کے لیے اقدامات پر روشنی ڈالی ہے ۔
اس کیٹگری میں 6 سے10 سال اور 11سے17 سال اور 18سے25 سال کے افراد شرکت کر سکتے ہیں ۔لیکن متحدہ عرب میں رہنے والے تمام افراد اس ایوارڈ میں شریک ہو سکتے ہیں ۔
بین الاقوامی کیٹیگری میں تمام عمر اور کسی بھی ملک کے افراد حصہ لے سکتے ہیں۔
ایوارڈ میں ریزیڈنسی پروگرام بھی شامل ہے جس کی مالیت 3 لاکھ درہم ہو گی جو کہ سب سے زیادہ تخلیقی صلاحیت کے حامل افراد کو دیا جانے کا فیصلہ کیا گیا ہے ۔