Author: +9251

ماورا حسین اور امیر گیلانی جو آخر ی بار ایکساتھ ڈرامہ سیریل ”صبات“ میں نظر آئے تھے ان دونوں کی جوڑی کو کافی پسند کیا گیا تھا اب یہ جوڑی ایکبار پھر سے دیکھنے کو ملے گی ۔دونوں اداکار ڈائریکٹر شہزاد کشمیری کے نئے ڈرامہ سیریل کےلئے کاسٹ کر لئے گئے ہیں کہانی کاشف انور کی لکھی ہوئی ہے ۔ڈرامہ ہم ٹی وی پر آن ائیر کیا جائیگا ۔
واضح رہے کہ ماورا حسین اور امیر گیلانی کی شادی کے حوالے سے ماضی قریب میں افواہیں گردش کرتی رہی ہیں کہا جا رہا تھا کہ دونوں بہت جد شادی کے بندھن میں بندھ جائیں گے۔ماورا حسین اعتراف کر چکی ہیں کہ ہم دونوں بہت اچھے دوست ہیں اگر ہمارے پرستار ہمیں ایکساتھ دیکھنا چاہتے ہیں

تو ہو بھی سکتا ہے کہ ہم شادی کر لیں ۔تاہم اس کے باوجود ابھی تک ان دونوں کی طرف سے ایسا کوئی اشارہ نہیں ملا کہ دونوں جیون ساتھ بننے جا رہے ہیں لیکن یہ ضرور ہے کہ ان کی آن سکرین کیمسٹری کو بہت زیادہ سراہاجاتا ہے اور شائقین ایک بار پھر صبات جیسی کیمسٹری دیکھنے کے لئے منتظر ہیں اور ان کا یہ انتظار شہزاد کشمیری کے ڈرامے کے آن ائیر ہوتے ہی ختم ہونے جا رہا ہے۔

گزشتہ شب لاہور میں فلم ”رہبرا “ کا ٹائٹل سانگ ریلیز کر دیا گیا اس موقع پر ڈائریکٹر امین اقبال اور پرڈیوسر سائرہ افضل کے ساتھ احسن خان ،ریشم،میرا ،غلام محی الدین، مسعود بٹ ،پرویز کلیم، خلیل الرحمان قمر ،خاور ریاض ،سید نور و دیگر موجود تھے جبکہ عائشہ عمر مصروفیت کے باعث نہیں پہنچ سکیں۔ہم نے اس موقع پر ڈائریکٹر امین اقبال سے بات کی انہوں نے کہا کہ اس فلم کو دیکھ کر آپ خالی دل اوردماغ لیکر نہیں نکلیں گے بہت دن تک یہ فلم آپکو بہت کچھ یاد دلاتی رہے گی۔ دو سال سے کورونا کی وجہ سے فلم کی پوسٹ پروڈکشن کا کام تاخیر کا شکار تھا لیکن جیسے ہی سینما گھر کھلے ہیں تو ہم فلم سینما گھر لے آئے ہیں۔جب میں اس فلم لکھ رہا تھا

تو میرے ذہن میں احسن خان اور عائشہ عمر ہی آئے اس لئے ان کو کاسٹ لیا ۔ایک سوال کے جواب میںامین اقبال نے کہا کہ میں فلمیں بنانے کا خواب لیکر ہی انڈسٹری میں آیا تھا لیکن جب ہم آئے فلمیں رک چکیں تھیں ۔میں سمجھتا ہوں کہ ہمیں ایسی فلمیں بنانی چاہیں جو نہ صرف پاکستان بلکہ دنیا بھر میں پذیرائی حاصل کریں ۔اس فلم کا میوزک سن کر آپ محسوس کریں گے کہ بہت دن کے بعد کچھ اچھا سننے کو مل رہا ہے راحت فتح علیخان اور عاصم اظہر جیسے گلوکاروں نے گیت گائے ہیں۔

اداکار ہ صنم جنگ اور اظفر رحمان شازیہ وجاہت کے نئے ڈرامہ سیریل میں نظر آئیں گے۔ڈرامے کا نام کیا ہو گا اور دیگر کاسٹ میں کون کون شامل ہو گا ابھی تفصیلات آنا باقی ہیں ،ابھی فی الحال اتنی ہی بات سے پردہ اٹھایا گیا ہے کہ یہ دونوں فنکار ایکساتھ نظر آئیں گے۔ان دونوں کے پرستار یہ خبر سن کر کافی پرجوش ہیں ۔واضح رہے کہ شازیہ وجاہت کی پرڈیوس کی ہوئی فلم ”پردے میں رہنے دو “ حال ہی میں عید الفطر پر سینما گھروں کی زینت بنی تھی۔فلم کچھ خاص بزنس نہیں کر سکی فلم کی کاسٹ میں ہانیہ عامر اور علی رحمان خان مرکزی کردارو میں تھے ۔فلم کی کہانی ایک ایسے سوشل ایشو کو ڈیل کرتی ہے جو ہر گھر بلکہ ہر دوسری لڑکی کا مسئلہ ہے کہ شادی کیوں نہیں ہوئی؟

شادی ہو گئی ہے تو بے بی کیوں نہیں ہوا اور اگر بے بی نہیں ہوا تو یقینا لڑکی میں ہی مسئلہ ہو گا ۔ شازیہ وجاہت ایک منجھی ہوئی پرڈیوسر ہیں ان کے کریڈیٹ پر بہترین پراجیکٹس ہیں امید کی جا رہی ہے کہ صنم جنگ اور اظفر رحمان کے ساتھ نیا وینچر بھی پسند کیا جائیگا ۔صنم جنگ اب ایک سال میں ایک آدھ پراجیکٹ ہی کرتی ہیں یوں ان کے پرستار انکی چھوٹی سکرین پر واپسی کے منتظر رہتے ہیں اسی طرح سے اظفر رحمان کے پرستار بھی انہیں دیکھنے کےلئے بےتاب رہتے ہیں ۔

ڈرامہ سیریل ”قصہ مہربانو کا“ جسے عوامی سطح پر خاصی پذیرائی ملی،”ہم ایوارڈز “ کی بہترین اداکارہ کی کیٹگری میں اداکارہ ماورا حسین کو نامزد کر دیا گیا ہے۔ماورا حسین اس نامزدگی پر خاصی خوش ہیں ۔ہم آپ کو یاد دلاتے چلیں کہ ڈرامے میں احسن خان اور نعمان اعجاز کا بیٹا زاویار نعمان مرکزی کرداروں میں نظر آئے ۔اقبال حسین کی ڈائریکشن میں بننے والے اس ڈرامے میں ایک ایسے معاشرتی مسئلے کو اجاگر کیا گیا جس کے بارے میں بات کرتے ہوئے بھی لوگ گھبراہٹ کا شکارہوتے ہیں اوریہ مسئلہ ایک شوہر کا بیوی کے ساتھ زبردستی ’میریٹل ریپ‘ کا ہے ،جو لوگ ایسے مسائل کو ہائی لائٹ کرتے ہیں ان پر تنقید ہوتی ہے ۔قصہ مہر بانو کا میں معاشرے کی ایک تلخ حقیقت کو

ڈرامائی انداز میں پیش کرنے کی کوشش کی گئی جسے دیکھنے والوں نے خاصا پسند کیا ۔احسن خان نے جو کردار ادا کیا وہ کافی سبق آموز تھا احسن اس سے قبل بھی ڈرامہ سیریل ”اڈاری“ میں ایسا کردار ادا کر چکے ہیں جس نے دیکھنے والوں کےلئے ایک نئی سوچ کو جنم دیا اور وہ سوچ تھی بچوں کی حفاظت اور جرم کرنے والے کو قانون کے کٹہرے میں لانا۔
واضح رہے کہ ماورا حسین ڈراموں کے ساتھ فلموں میں بھی اپنی اداکاری کے جوہر دکھا چکی ہیں یہاں تک کہ انہوں نے اپنی صلاحیتوں کا لوہا بھارت جا کربھی منوایا ۔

ٹی وی کے سینئر اداکار ”تنویر جمال “ جنہوں نے کئی سال تک ڈرامہ شائقین کے دلوں پر راج کیاہے ،ہر دلعزیز یہ فنکار کینسر جیسے موذی مرض میں مبتلا ہو گئے ہیں ، علاج کی غرض سے انہیں جاپان لیجایا جا چکا ہے ان کے گھر والوں نے ان کے چاہنے والوں سے دعا کی اپیل کی ہے۔ گزشتہ برس بھی ان کے کینسر میں مبتلا ہوجانے کی خبریں عام ہوئیں تو ان کی فیملی کی طرف سے تصدیق نہیں ہو سکی تھی کہ آیا ان خبروں میں کتنی سچائی ہے لیکن اس بار جب تنویر جمال کے کینسر میں مبتلا ہونے کی خبریں گردش کررہی ہیں تو ان کے اہلخانہ نے نہ صرف ایسی خبروں کی تصدیق کی ہے بلکہ دعاﺅں کی اپیل بھی کر دی ہے۔تنویر جمال کی بیماری کی خبر سن کر نہ صرف پرستار بلکہ ان کے ساتھی فنکاروں کے ساتھ شوبز انڈسڑی سے جڑے تمام لوگ افسردہ ہیں اور ان کی صحت کےلئے دعا گو ہیں۔

واضح رہے کہ تنویز جمال کا نوے کی دہائی میں ڈنکا بجتا تھا ،ہوٹلنگ کے شعبے سے وابستہ اس فنکار نے پی ٹی وی کے سنہرے دور کے کئییادگارڈراموں میں کام کیا ۔تنویر جمال نے اپنے ایک انٹرویو میں بتایا تھا کہ میں نے جس لڑکی سے شادی کی اس نے میری خاطر اسلام قبول کیا ،
تنویر جمال کے بچے اور اہلیہ جاپان میں مقیم ہیں یہی وجہ ہے کہ انہیں تھوڑے عرصے کے بعد جاپان جانا پڑتا ہے ۔ان کے بیٹے نے جاپانی نژاد امریکی لڑکی جبکہ بیٹی نے پاکستانی نژاد جاپانی لڑکے سے شادی کر رکھی ہے

فہد مصطفی ان دنوں امریکہ میں اپنی فیملی کے ساتھ چھٹیوں پر ہیں فہد کے ساتھ ان کی بیوی بچوں کے علاوہ عاصم اظہر اور فیضان شیخ بھی موجود ہیں ،ان سب کا کہنا ہے کہ سارا سال اتنی مصروفیت ہوتی ہے کہ اپنے اور فیملی کے لئے وقت ہی نہیں نکلتا اس لیے ضروری ہے کہ سال میں ایک مرتبہ پر سکون ماحول میں فیملی کے ساتھ یادگار وقت گزارا جائے ۔فہد مصطفی اور ان کے فیملی کے اس ٹوور کی تصاویر دیکھ کر اندازہ لگایا جا سکتا ہے کہ یہ سب کتنا کوالٹی ٹائم گزار رہے ہیں۔

فہد مصطفی نہ صرف ایک کامیاب اداکارہیں بلکہ ایک کامیاب ترین پرڈیوسر بھی ہیں،ان کے پروڈکشن ہاﺅس سے بننے والے ڈرامے شائقین خاصے پسند کرتے ہیں۔ ماہرہ خان کے ساتھ عید الاضحی پر ان کی فلم ” قائداعظم زندہ باد“ ریلیز ہو رہی ہے، اس فلم کے پوسٹر کے مطابق فہد پولیس والے کی وردی میں نظر آرہے ہیں فہد کے پرستار ان کو بڑی سکرین پر دیکھنے کےلئے بےتاب ہیں اور امید کی جا رہی ہے کہ یہ فلم تازہ ہوا کا جھوکا ثابت ہو گی ۔فلم کے ڈائریکٹر نبیل قریشہ ہیں جبکہ نبیل قریشی اور فضا علی مرزا نے کہانی لکھی ہے.

کانز فلم فیسٹیول میں پاکستانی فلم ”جوائے لینڈ” نے ان سرٹین ریگارڈ کی کیٹگری میں جیوری ایوارڈ جیت لیا ہے یقینا یہ ایک بڑی خوشخبری ہونے کے ساتھ ساتھ حوصلہ افزا امر ہے. یہ پہلا موقع ہے جب کانز فلم فیسٹیول کے لیے کسی پاکستانی فیچر فلم کو منتخب کیا گیا ہو۔اس سے قبل ہدایت کار صائم صادق کی مختصر فلم ‘ڈارلنگ’ 2019 میں کانز فلم فیسٹیول میں پیش کی گئی تھی۔‎‏مخنث افراد کے مسائل کی کہانی پر مبنی پاکستانی اس فلم نے فلمی میلے میں‌موجود لوگوں کے دل جیت لئے.

کانز میں فیچر فلموں کی کیٹیگری صرف 14 فلموں کی محدود تعداد میں ہوتی ہے اور یہ انتہائی خوشی کا لمحہ ہے کہ ایک پاکستانی فلم نے یہ اعزاز حاصل کیا اور جیوری ایوارڈ بھی حاصل کیا.

فلم کی کاسٹ‌ میں ثروت گیلانی، سلمان پیرزادہ، ثانیہ سعید، علی جونیجو، علینہ خان اور رستی فاروق شامل ہیں۔ اس فلم کو سرمد کھوسٹ، اپوروا گرو چرن اور لارین مان نے پروڈیوس کیا ہے. فلم ”جوائے لینڈ ” کو جیوری ایوارڈ ملنے کے بعد شوبز انڈسٹری میں خوشی کی لہر دوڑ‌گئی ہے، یقینا یہ ایوارڈ دوسرے فلم میکرز کو بھی حوصلہ دیگا کہ وہ ایسی چیز بنائیں جو دنیا کے اس بڑے میلے میں نہ صرف دکھائی جائے بلکہ اسے ایوارڈ بھی ملے. فلم سے جڑے لوگ کافی خوش ہیں سرمد سلطان کھوسٹ نے سوشل میڈیا پر لکھا کہ مجھے تو یقین ہی نہیں‌آرہا اور میں اس کامیابی پر بہت زیادہ خوش ہوں.