Author: +9251

اداکارہ نیلم منیر کہتی ہیں کہ مجھے بھارت سے کئی بار فلموں کی آفر آئی لیکن قبول نہیں کیں کیونکہ میں پاکستانی ہوں یہاں رہتی ہوں یہاں کے لوگوں کے لئے کام کرتی ہوں مجھے اپنے وطن سے بہت محبت ہے تو بھارت جا کر کام کیوں کروں ۔نیلم منیر نے حالیہ انٹرویو میں یہ بھی بتایا کہ وہ کرینہ کپور سے ملیں وہ خوبصورت ہونے کے ساتھ ساتھ عاجز بھی ہیں۔ ایک سوال کے جواب میں نیلم منیر نے کہا کہ مجھے ڈرامہ سیریل ” عشق زہے نصیب” آفر ہوا تھا لیکن میری بہت زیادہ مصروفیت تھی میں شوٹنگ کے لئے تاریخ نہیں دے سکی اس کے بعد یہ ڈرامہ یمنہ زیدی کے پاس گیا۔ میں سکرپٹ کے معاملے میں بہت زیادہ چوزی ہوں بہت سوچ سمجھ کر سکرپٹ پکڑتی ہوں۔ واضح رہے کہ نیلم منیر کافی عرصے سے ٹی وی پر نظر نہیں ٓآرہیں تھیں لیکن حال ہی میں ان کا ” پیار دیوانگی ‘ہے ” آٓن ائیر ہوا ہے اس میں وہ سمیع خان کے مقابلے میں نظر آرہی ہیں.

ابھی تک جتنی بھی قسطیں آن ائیر گئیں ان میں نیلم ایک ڈری سہیمی ہوئی لڑکی محسوس ہو رہی ہیں،ڈرامے کو ابیس رضا نے ڈائریکٹ کیا ہے اور لکھا مصباح علی سید نے ہے ڈرامے کی دیگر کاسٹ میں شجاع اسد ،صبا فیصل، جاوید شیخ ،حسن نیازی، عروج فاطمہ ،گل رعنا ،ندا خان ،صباحت بخاری اور عالیہ علی شامل ہیں.

پچھلے کچھ عرصہ میں اداکار عمیر رانا کافی تنقید اور سکینڈلز کی زد میں رہے ہیں وہ اس حوالے سے کافی پریشان بھی ہوئے، اپنے حالیہ انٹرویو میں انہوں نے کہا کہ ان سے زیادہ دیسی کوئی نہیں اور ان سے زیادہ ولایتی کوئی نہیں انہوں نے ایسا اس سوال کے جواب میں کہا جب ان سے فلم ” کملی ”میں ان کے کردار کے حوالے سے پوچھا گیا، انہوں نے بتایا کہ کملی میں ان کا کردار ایسا ہے کہ جو گائوں سے شہر پڑھنے لکھنے کے بعد واپس گائوں کا رخ کرتا ہے،

عمیر نے کہا کہ مجھے یہ کردار کرنے میں بہت مزا آیا اور جو میرے قریبی دوست ہیں وہ اچھی طرح جانتے ہیں کہ مجھ سے زیادہ دیسی کوئی نہیں اور مجھ سے زیادہ ولایتی کوئی نہیں‌. عمیر رانا نے مزید کہا کہ کامیڈی اس وقت ختم ہو گئی جب پنجاب سے کام شفٹ ہو گیا پنجاب میں‌ ہونے والی کامیڈی کی الگ ہی بات تھی اب ٹی وی پر بھی بہت کم کامیڈی کا کام ہو رہا ہے مآجٰ قریب میں کامیڈی ڈرامہ ”آنگن” دیکھا جو مجھے بہت پسند آیا. جب ان سے سوال ہوا کہ آپ کامیڈی کرداروں میں کم کیوں نظر آتے ہیں تو انہوں نے جواب میں کہا کہ مجھے ایسے کردار کم آفر ہوتے ہیں اور اگر ہوں گے تو یقینا میں کروں گا .انہوں‌ نے مزید کہا کہ میں نیگیٹیو یا پازیٹیو دیکھ کر کردار نہیں کرتا بلکہ یہ دیکھتا ہوں کہ جو کردار مجھے مل رہا ہے اسکی کہانی میں کتنی اہمیت ہے اور یہ کہانی کو کس طرح‌ لیکر چلے گا.

سرمد سلطان کھوسٹ جو اداکاری کرتے ہیں تو لگتا ہے کہ ان سے بہتر اداکار کوئی نہیں ڈائریکشن کرتے ہیں تو لگتا ہے کہ ان سے بہتر کوئی ڈائریکٹر نہیں ہیں‌.حال ہی میں‌ انہوں نے ایک انٹرویو دیا ہے جس میں ان سے جب سوال ہوا کہ آپ اداکاری میں‌ کم کم کیوں نظر آتے ہیں تو انہوں نے کہا کہ میں اداکاری میں اسلئے کم نظر آتا ہوں کیونکہ مجھے کردار آفر ہی نہیں ہوتے، اگر ہوں تو یقینا کروں اور میں ویسے بھی اپنی پسند کے مطابق کام کرتا ہوں.اسی انٹرویو میں جب ان سے سوال ہوا کہ

آپ کو اداکار کہا جائے یا ڈائریکٹر تو انہوں‌ نے جواب دیا کہ مجھے ڈائریکٹر کہا جائے تو زیادہ اچھا لگتا ہے . سرمد نے بتایا کہ وہ اپنے والد سے کسی بھی پراجیکٹ کو کرنے سے پہلے ڈسکشن کرتے ہیں ان سے مشورے لیتے ہیں اور جب ابا کو ڈائریکٹ کررہے ہوتے ہیں تو بیٹا اور ڈائریکٹر دونوں کے روپ میں‌ ہوتا ہیں کبھی کبھی ان کو ڈائریکٹ کرنے کے دوران ڈانٹ بھی پڑ جاتی ہے وہ بڑے ہیں ڈانٹ سکتے ہیں اور ابا تو ابا ہوتے ہیں. سرمد کہتے ہیں کہ میں جب بھی کوئی کام کروں تو اس سے مطمئن نہیں ہوتا میں سمجھتا ہوں کہ ہر وقت ہر کسی کے کام میں بہتری کی گنجائش رہتی ہے.جب اس انٹرویو میں ان سے شادی کے حوالے سے سوال ہوا تو انہوں نے کہا کہ جب میں شادی کروں گا سب کو بتا کر کروں گا.

شان شاہد جو پچھلے کچھ عرصہ میں پاکستان تحریک انصاف کے بہت بڑے سپورٹر بن کے ابھرے ہیں وہ عمران خان کو ٹھیک اور ان کے مخالفین کو غلط کہتے ہوئے نظر آتے ہیں ان کا ہر ٹویٹ یہ بتاتا ہے کہ وہ عمران خان سے عقیدت رکھتے ہیں اور انہی کو عوام کا مسیحا سمجھتے ہیں.اب جب سے ن لیگ کی حکومت آئی ہے وہ ان پر تنقید کرتے رہتے ہیں یہاں تک کہ کل جب پٹرول کی قیمتیں بڑھانے کا اعلان ہوا تو شان شاہد نے اپنا غصہ نکالا اور ٹویٹ کر ڈالا کہ ” پٹرول مہنگا اور ضمیر سستا کیوں بھلا” انہوں نے جیسے ہی یہ ٹویٹ کیا تو ان کے چاہنے والے اور مخالفین نے کمنٹس کرنا شروع کر دئیے. ایک صارف نے شان کے ٹویٹ کو قوٹ ری ٹویت کرکے ان کا پرانے ٹویٹ کا سکرین شاٹ لگا دیا

جس میں انہوں نے لکھا تھا ” منزلوں پر حوصلے سے پہنچا جاتا ہے پیٹرول سے نہیں” یہ ٹویٹ انہوں‌ نے اس وقت کیا تھا جب پی ٹی آئی کی حکومت تھی اور اُس دور میں پیٹرول کی قیمت بڑھی تھی. اس ٹویٹ کے جواب میں اس صارف کو شان شاہد نے لکھا کہ

” بھائی کونٹیکسٹ چیک کرلیں لفظ کے معنی بدل جائیں گے،لفظ معنی کے بغیر بے رنگ ہوتے ہیں. یوں شان کے حالیہ ٹویٹ جس میں انہوں‌ن ے پیٹرول کی قیمت بڑھنے پر تنقید ہے یہ تنقید ان کو مہنگی پڑگئی.

معروف اداکار ”احسن خان” نے حال ہی میں ایک انٹرویو دیا ہے اس میں انہوں‌ نے دعوی کیا ہے کہ ان کی فلم ”رہبرا” پاکستان کے ساتھ ساتھ یوکے اور یورپ میں بھی ریلیز کی جائیگی، فلم کے حوالے سے مزید بات کرتے ہوئے احسن نے کہا کہ امین اقبال نے ٹی وی میں ایک سے بڑھ کر ایک ڈرامہ بنایا ہے آج کل ان کا ”عشق لا” بہت پسند کیا جا رہا ہے اور یہ رہبرا کے زریعے فلم انڈسٹری میں بطور ڈائریکٹر اینٹری دے رہے ہیں یقینا اچھا اضافہ ثابت ہوں گے.جہاں تک فلم کی کہانی کی بات ہے تو اسکی کہانی ریفریشنگ ہے اور میوزک تو کمال ہے آپ دیکھیں تو پتہ چلے گا کہ فلم کو کتنی محنت سے بنایا گیا ہے.

احسن خان نے کہا کہ مجھے خوشی اس بات کی ہے کہ میرے پرستار میرے ہر کام کو سراہتے ہیں اور ایسا تب ہوتا ہے جب آپ اپنے پرستاروں‌ کی امیدوں پر ہمیشہ پورا تریں.میں نے ہمیشہ ایسا کام کیا ہے جس کو دیکھ کر میرے مداحوں نے فخر ہی کیا ہے.کسی بھی آرٹسٹ کی یہ بڑی کامیابی ہوتی ہے کہ اسکے بارے میں یہ سوچا جائے کہ یہ جس پراجیکٹ میں ہوگا یقینا وہ اچھا ہی ہو گا. ایک سوال کے جواب میں احسن خان نے کہا کہ مجھے بہت خوشی ہے کہ میرا ڈرامہ ”ہمنیشن” کو بہت پسند کیا جا رہا ہے خاص کر اس کے ڈائیلاگز بہت ہٹ ہو رہے ہیں. اس میرا کردار ایسے لڑکے کا ہے جو وقت کے ساتھ ساتھ اپنی سوچ کو نہیں بدلتا لڑکیوں کے پڑھنے کے حق میں نہیں اپنی مرضی کے مطابق وہ کیرئیر چوز نہیں کر سکتیں وغیرہ اسی طرح سے ”فراڈ” ڈرامے میں میرا کردار ایسا ہے کہ جو لڑکیوں سے شادی کرتا ہے صرف پیسے بنانے کے چکر میں اور شادی کے بعد رفو چکر ہوجاتا ہے وہ یہ بھی نہیں سوچتا کہ کسی لڑکی کے ماں باپ اگر اپنی بیٹی کی شادی اتنے چائو سے کررہے ہیں تو انکے بھی ارمان ہوں گے، یہ کہانی سبق آموز ہے.

فلمساز و اداکار کرن جوہر نے اپنی سالگرہ کے موقع پر رکھی ایک گرینڈ پارٹٰی جس میں فلم انڈسٹری سے جڑے ستاروں‌ نے بڑی تعداد میں شرکت کی. ایشوریا ہو ں یا کرینہ، کترینہ ہر کوئی وہاں موجود تھا اداکارہ تبو بھی وہاں پینچیں انہوں‌ نے نیلے رنگ کی ساڑھی زیب تن کر رکھی تھی اور نہایت ہی دلکش لگ رہی تھیں تبو نے اس لباس میں بنوائی ہوئی تصویر سوشل میڈیا پر جاری کی تو ان کے پرستاروں نے بے حد سراہا اس تصویر کو جہاں بہت سارے لائکس اور کمنٹس بھی ملے وہیں ایک ایسا کمنٹ ملا جس کو پڑھ کر سب حیران رہ گئے وہ کمنٹ تھا کترینہ کیف کا انہوں‌ نے تبو کی تصویر کے نیچے لکھا کہ ”

آپ بہت خوبصورت ہیں” کترینہ کے اس کمنٹ کو بہت سراہا گیا سب دیوانہ وار کترینہ کو جواب دینا شروع ہو گئے لیکن تبو کے پرستاروں نے کترینہ کے اس کمنٹ کو حد درجہ سراہا. عموما یہ تاثر دیا جاتا ہے کہ ہیروئینز کی آپس میں‌ نہیں بنتی یا ایک دوسرے سے جیلس ہوتی ہیں لیکن کترینہ کیف کے اس کمنٹ نے اس تاثر کو ذائل کر دیا اور ثابت کیا کہ ہیروئینز کے جتنے بھی پرستار کیوں‌ نہ ہوں یا انکی خوبصورتی سے کتنے ہی لوگ متاثر کیوں نہ ہوں وہ بھی کسی نہ کسی کی صلاحیت اور خوبصورتی سے متاثر ہوتی ہیں.واضح رہے کہ تبو کا شمار بالی وڈ کی ان ادکاارائوں میں‌ہوتا ہے جنہوں‌ نے جو اور جتنا کام کیا وہ ہمیشہ یاد رکھا جائیگا.

ڈرامہ سیریل” چوراہا” میں میکال ذوالفقار اور مدیحہ امام ایک ساتھ نظر آئیں گے. ڈرامے کا ایک پوسٹر دیکھیں تو پتہ چلتا ہے کہ کہانی کچھ مختلف ہے پوسٹر میں مدیحہ امام ہتھکڑی پہنے ہوئے ہیں اور میکال شدید غصے سے انکی طرف دیکھ رہے ہیں. اس پوسٹر کو دیکھنے کے بعد شائقین بے صبری سے ڈرامے کے آن ائیر ہونے کے منتظر ہیں. اسد صدیقی جو کہ اداکارہ زارا نور عباس کے شوہر ہیں زارا نور عباس اسماعباس کی بیٹی ہیں وہ بھی اس ڈرامے میں میکال اور مدیحہ امام کے ساتھ نظر آئیں گے.تینوں ایک عرصے سے شوبز انڈسٹری کا حصہ ہیں اور تینوں‌ ہی باصلاحیت ادکاار ہیں یقینا ان تینوں‌ کی سکرین پر کیمسٹری جادو جگائے گی.

دیگر کاسٹ میں عائشہ گل، اریشہ راضی، عائشہ مرزا بہروز سبزواری، بشری انصاری ، اومی بٹ ، صاحمید اور شبیر جان کے نام قابل زکر ہیں. ڈرامے کی کہانی ایڈیشن ادریس مسیح نے لکھی ہے،جبکہ عبداللہ کادوانی اور اسد قریشی پرڈیوسراو ڈائریکٹر احسن طالش ہیں.احسن طالش بلاشبہ ایک منجھے ہوئے ڈائریکٹر ہیں ان کے ڈائریکشن میں بننے والے ڈراموں‌کو شائقین خاصا پسند کرتے ہیں یقینا ماضی کی روایت کو برقرار رکھتے ہوئے اس بار بھی یہ ایسی ہی شاہکار چیز بنائیں گے جس کو لوگ نہ صرف سراہیں گے بلکہ یاد رکھیں گے.واضح رہے کہ ”چوراہا” 13 جون سے آن ائیر ہوگا.

برابری پارٹی کے چئیرمین جواد احمد نے پیٹرول کی قیمتیں بڑھنے پر برہمی کا اظہار کرتے ہوئے کہا ہے کہ تیس روپے بڑھ جانے سے ایلیٹ اور حکمران کلاس کو بالکل بھی فرق نہیں پڑتا.جواد نے پاکستان کی نوجوان نسل کو مخاطب کرتے ہوئے کہا کہ ان لوگوں‌ کے پاس اتنا پیسہ ہے کہ انکی آنے والی نسلیں بھی ایک اچھی زندگی گزار سکتی ہے. یہ سب سوشل میڈیا اور ٹی وی پر بیٹھ کر لڑتے ضرور ہیں لیکن اندر سے ایک ہی ہیں ایک ہی طبقے سے تعلق رکھتے ہیں.

جواد احمد نے ٹویٹر پر جب یہ ٹویٹ کیا تو صارفین نے دلچپسپ جوابات دئیے ایک صارف نے لکھا کہ

”ن امیروں کوکیا فرق پڑتا ہے چاہےپیٹرول 200 روپے بھی ہوجائے۔جینا توغریب کا مشکل ہوجائیگا اور مہنگائی کا طوفان انہیں بہا کر لے جائیگا۔اگر ان امیر حکمرانوں کا پیسہ جو تجوریوں میں پڑاہے،عوام کی فلاح پر لگا دیا جائے تو پیٹرول کی قیمتیں بڑھانے اور قرض کی ضرورت ہی نہیں رہے گی”. کچھ صارفین نے جواد احمد کے ٹویٹ کے کمنٹس باکس میں لکھا کہ شہباز شریف کا نام کیوں نہیں لکھا آپ نے ؟ کیا آپ اس سے ڈرتے ہیں؟ کچھ نے کہا کہ آپ پی ڈی ایم کے حوالے سے کچھ نہیں‌ کہتے جبکہ تحریک انصاف کے سپورٹرز نے بھی پوسٹ پر آکر خوب جلن نکالی. واضح رہے کہ جواب احمد کہہ چکے ہیں کہ وہ ایک سیاسی جماعت کے سربراہ ضرور ہیں لیکن تاحیات الیکشن نہیں‌لڑیں گے.

ڈرامہ سیریل ”فراڈ” جو حال ہی میں آن ائیر ہوا ہے اپنی منفرد کہانی کی وجہ سے پہلی قسط سے ہی ڈرامہ شائقین کی توجہ کا مرکز بن گیا ہے. اس ڈرامے کی شوٹنگ لاہورجاری ہے جبکہ ڈرامہ آن ائیر جا چکا ہے اور اسکی پہلی قسط نے ہی دھوم مچا دی ہے. ثاقب خان کی ڈائریکشن میں بننے والے اس ڈرامے میں صبا قمر،احسن خان اور میکال ذوالفقار مرکزی کردار ادا کر رہے ہیں.میکال اور صبا کی جوڑی کو ماضی میں‌ خاصا سراہا گیا کافی عرصے کے بعد دونوں ایکساتھ نظر آرہے ہیں.صبا قمر چھوٹی سکرین سے غائب تھیں ان کے پرستار ان کو دیکھنا چاہتے تھے ڈرامے کی پہلی قسط آن ائیر ہونے کے بعد سوشل میڈیا پر صبا کے پرستاروں نے اداکارہ کو چھوٹی سکرین پر ویلکم بیک کہنے کے ساتھ ساتھ ان کی اداکاری کو سراہا. .ڈرامے کی کہانی کی شروعات بیٹی کے رشتے کو رد کر دینے سے ہوتی ہے کہانی کی بنت کافی اچھی لگ رہی ہے زینجبل عاصم شاہ نے اسے لکھا ہے.میکال کا ایک سوال کے جواب میں اس ڈرامے کے ھوالے سے کہنا تھا کہ آپ لوگ ڈرامہ دیکھیں گے تو پتہ چلے گا کہ میرا جو کردار ہے وہ لوگوں‌کو دھوکہ دیتا ہے یا دھوکہ کھاتا ہے. احسن خان جو بظاہر منفی کردار نبھاتے ہوئے نظر آرہے ہیں ان کا کہنا ہے کہ میں کافی عرصے سے ایسے پراجیکٹ کی تلاش میں تھا.

پاکستان فلم انڈسٹری پر راج کرنے والی اداکارہ رانی کی آج 29 ویں برسی منائی جا رہی ہے کینسر جیسے موذی مرض میں مبتلا ہو کر جان کی بازی ہار گئیں تھیں. ناصرہ سے رانی بننے والی اس اداکارہ کی ابتدائی فلمیں فلاپ رہیں یوں یہ کہا جانے لگا کہ رانی جس فلم میں ہوتی ہیں وہ فلاپ ہو جاتی ہے لیکن رانی کی قسمت کا ستارا چمکا اور انہوں‌ نے اپنے ناقدین کو ثابت کیا کہ وہ بہترین اداکارہ ہیں ایک کے بعد ایک سپر ہٹ فلم دینے والی اس اداکارہ نے انور کمال پاشا کی فلم ” محبوب” سے فنی کیرئیر کا آغاز کیا اس کے بعد انہوں‌ نے فلم موج میلہ میں کام کیا. رانی نے اپنے دور کے ہر بڑے ہیرو کے ساتھ کام کیا لیکن ان کی جوڑی فلمسٹار شاہد اور وحید مراد کے ساتھ بہت سراہی گئی.رانی کو ڈانس پر مہارت حاصل تھی ہر کردار میں حقیقت کے رنگ بھر دینے والی اس اداکارہ نے اردو کے ساتھ پنجابی فلموں میں‌ بھی کام کیا اور دونوں میڈیم میں ہٹ رہیں.

سپر ہٹ اداکارہ رانی کو سنوتش کمار نے فلم ” دیور بھابھی” میں وحید مراد کے مقابلے میں‌کاسٹ کیا اس فلم کے بعد انہیں کافی زیادہ نوٹس کیا گیا.1968 میں ان کی نو فلمیں ریلیز ہوئیں اور ان میں سے تقریبا فلمیں‌ہٹ رہیں یہ وہ دور تھا جب رانی لالی وڈ پر چھا چکییں تھیں اور پرڈیوسرز کی پہلی چوائس بن چکی تھیں . رانی نے انجمن،تہذیب، سونا چاندی ،مکھڑا چن ورگا،دل میرا دھڑکن تیری،بہارو پھول برسائو،ناگ منی ،ایک گناہ اور سہی ،ثریا بھوپالی، بہن بھائی میرا گھر میری جنت،شمع اور پروانہ ،امرائو جان،دیدار جیسی شاندار فلموں میں‌اپنی اداکاری کے جوہر دکھائے. ان کے کئی گیت مقبول ہوئے جن میں‌” دل دھڑکے میں تم سے یہ کیسے کہوں، میں جس دن بھلا دوں تیرا پیار دل سے ، جو بچا تھا وہ لٹانے کے لئے آئے ہیں قابل ذکر ہیں. رانی نے بڑی سکرین کے ساتھ ساتھ چھوٹی سکرین پر بھی اپنے فن کا جادو بکھیرا انہوں‌ نے ڈرامہ سیریل ”خواہش” میں کام کیا ان کے پرستاروں‌ نے یہاں بھی انہیں خوب پسند کیا. رانی آج ہم میں‌ نہیں‌ ہیں لیکن اپنی بے مثال اداکاری کی بدولت وہ آج بھی ہمارے دلوں میں زندہ ہیں.