Author: +9251

پچھلے کچھ عرصے سے ملکی ماحول خاصا گرم ہے، ہر طرف ہر کوئی اپنی اپنی پسند کی سیاسی جماعت کو سپورٹ کرتا نظر آرہا ہے ایسے میں فنکار بھی پیچھے نہیں رہے وہ بھی اپنے پسندیدہ سیاستدانوں کو سپورٹ کررہے ہیں اور ہر روز کئی گھنٹے اسی سلسلے میں سوشل میڈیا پر موجود رہتے ہیں. اس وقت جس سیاسی جماعت کو فنکار سب سے زیادہ سپورٹ کررہے ہیں وہ ہے ٔپاکستان تحریک انصاف ، ثمینہ پیرزادہ، شان شاہد ، ہمایوں سعید، ہارون شاہد،ایمان علی، صبا قمر و دیگر کے نام قابل زکر ہیں. ماڈل و اداکارہ عفت رحیم جو پہلے عمران خان کی بہت بڑی حمایتی تھیں انہوں‌نے اب اس حمایت کو روک دیا ہے انکے ٹویٹس سے توبظاہر لگتا ہے کہ جیسے مسلم لیگ ن کو سپورٹ کررہی ہیں .ٹی وی کے معروف اداکار جمال شاہ بھی ٹویٹر پر خاصے ایکٹیو ہیں وہ کسی بھی ایک جماعت کو سپورٹ نہیں کرتے لیکن عمران خان کی غلط پالیسیوں پر خاصی تنقید کرتے نظر آتے ہیں‌. شعیب منصور کی فلم سے ڈیبیو کرنے والے ” ہارون شاہد” عمران خان کو بہت پسند کرتے ہیں وہ تو عام دنوں میں بھی روزانہ کی بنیادوں‌ پرعمران خان کے حق میں پوسٹیں لگاتے ہیں وڈیوز شئیر کرتے ہیں.ہماہوں سعید بھی عمران خان کے سپورٹر ہیں وہ کراچی میں‌ہونے والے عمرا ن خان کے کئی جلسوں‌ میں بھی شرکت کر چکے ہیں .سارا یوسف بھی عمرا ن خان کے حق میں‌لکھتے نہیں‌تھکتیں.اسی طرح‌ سے دیگر فنکار اپنے پسندیدہ سیاستدانوں‌ کو سپورٹ‌ کررہے ہیں اور پاکستان کو بچانے پر زور دے رہے ہیں.

سب جانتے ہیں کہ اداکارہ مشی خان عمران خان کو دیوانہ وار سپورٹ کرتی ہیں اور وہ عمران خان پر تنقید کرنے والے ہر انسان کو آڑھے ہاتھوں لیتی ہیں.حال ہی میں انہوں‌نے غریدہ فاروقی،ریحام خان ،مائزہ حمید گجر اور عفت رحیم پر جم کر تنقید کی. انہوں نے عفت رحیم

کے ایک ٹویٹ کو قوٹ ری ٹویت کرکے لکھا کہ ” مجھے یقین ہو گیا ہے کہ تمہیں اب کسی سائکالوجسٹ کے پاس جانے کی ضرورت ہے کیونکہ تمارا ذہنی توازن بگڑ گیا ہے ”. اسی طرح‌سے انہوں نے غریدہ فاروقی

کے دو ٹویٹس کو قوٹ ری ٹویٹ کر کے لکھا ”چوروں کو کون قرض دیگا ، الحمد اللہ ملک نہیں جل رہا تمہارا دل جل رہا ہے ،یہاں زیادہ ڈرامہ نہ کیا کرو” .اسی طرح سے انہوں نے ریحام خان

سے بھی کہہ دیا کہ تم چمچہ گیری کرتی ہو.مشی خان نے مسلم لیگ ن کی رہنما مائزہ حمید گجر

کو بھی سنا دیں اور ان کا ٹویٹ قوٹ ری ٹویٹ کرکے لکھا ” تم بہت خوش ہو رہی ہو کہ جو بھی رانا ثنااللہ نے کیا اچھا کیا، شرم آنی چاہیے تمہیں”. مشی خان اسلام آباد میں موجود ہیں اور لمحہ بہ لمحہ اپنی وڈیوز شئیر کررہی ہیں کچھ گھنٹے پہلے انہوں نے ڈی چوک سے وڈیوز شئیر کیں اور مسلم لیگ ن کی حکومت پر الزامات لگائے کہ یہ پی ٹی آئی کے لوگوں‌ کے ساتھ زیادتی کررہی ہے.

نوجوان نسل کی نمائندہ بھارتی اداکارہ عالیہ بھٹ جنہیں ان کی اداکاری کی وجہ سے بے حد پسند کیا جا تا ہے اب وہ پروڈکشن کے شعبے میں بھی قسمت آزمائی کریں گی .عالیہ اپنی پہلی فلم ہی بالی وڈ کے بادشاہ شاہ رخ خان کے ساتھ بنائیں گے اور فلم کا نام ٕ ” ڈارلنگ ” ہو گا .کہا جا رہا ہے کہ یہ فلم نیٹ فلیکس پر ریلیز کی جائیگی .یہی نہیں‌عالیہ اس فلم میں خود بھی اداکاری کریں گی.

عالیہ بھٹ کی بطور پرڈیوسر یہ پہلی فلم ہو گی دیکھنا یہ ہے کہ قسمت انکا کتنا ساتھ دیتی ہے کیونکہ اس سے پہلے

جوہی چاولہ نے بھی شاہ رخ خان کے ساتھ مل کر فلمیں بنائیں ان کی بنائی ہوئی فلمیں غیرمعمولی ہٹ تو نہیں رہیں لیکن بہر حال ایک اچھا بزنس ضرورکیا.واضح رہے کہ عالیہ بھٹ کی فلم ” کنگو بائی” نے ہر طرف دھوم مچا رکھی ہے اس میں انہوں‌نے جو اداکاری کی ہے اس کی وجہ سے وہ بالی وڈ کی منجھی ہوئی اداکارائوں‌ میں شمار ہونے لگی ہیں. کپور خاندان کی بہو بالی وڈ میں اپنا سکہ جمانے کے بعد ہالی وڈ میں بھی کام کررہی ہیں ان کے پرستار ان کو ہالی وڈ کے نئے پراجیکٹ میں دیکھنے کےلئے منتظر ہیں.