کراچی : روزنامہ امت کے ملازمین کے 18 سے 20 ماہ کے واجبات کی ادائیگی بالآخر معاہدہ طے ،اطلاعات کے مطابق کراچی یونین آف جرنلسٹس نے روزنامہ امت کے ملازمین کے 18 سے 20 ماہ کے واجبات کی ادائیگی رفیق افغان مرحوم کی وصیت کے مطابق کرنے کیلئے روزنامہ امت کی انتظامیہ کے دو گروپوں میں بالآخر معاہدہ طے پاجانے پر امت کے ملازمین کو مبارکباد پیش کی ہے۔

معاہدے کے نتیجے میں قانونی ضرورتیں پوری ہونے کے بعد زیادہ سے زیادہ ایک ہفتے میں ملازمین کو واجبات ادا کردیئے جائیں گے ۔ پیر کو رات گئے ہونے والے معاہدے سے قبل انتظامیہ کے دونوں گروپس میں مذاکرات کیلئے کے یو جے کے جنرل سیکریٹری فہیم صدیقی نے پل کا کردار ادا کیا معاملے کے دو فریق رفیق افغان کے بھائی ڈاکٹر ناصر افغان اور ان کے بیٹے علی حمزہ ہیں جو واجبات کی ادائیگی کے معاملے پر بعض نکات پر اتفاق نہیں کرپارہے تھے تاہم کے یو جے کی مداخلت کے بعد دونوں گروپس واجبات کی ادائیگی کے طریقہ کار اور اس کی راہ میں حائل قانونی رکاوٹوں کو دور کرنے پر راضی ہوگئے

دونوں فریقوں نے اس حوالے سے ایک تحریری معاہدے پر دستخط کئے ہیں کے یو جے جس کی ضامن بنی ہے معاہدے پر روزنامہ امت کی انتظامیہ کی طرف سے ناصر افغان، صاحبزادے علی حمزہ، صائمہ اکبر اور آصف سعود نے دستخط کئے جبکہ کے یو جے سیکریٹری فہیم صدیقی نے بطور ضامن دستخط کئے ہیں معاہدے پر روزنامہ امت کے ملازمین اور یونین کے عہدیداروں نے بھی دستخط کئے ہیں

معاہدے کے مطابق روزنامہ امت کے ملازمین کو راولپنڈی میں واقع پلاٹ کی فروخت سے حاصل ہونے والی رقم سے واجبات ادا کئے جائیں گے اور اس مقصد کیلئے چیکس پر دستخط کی اتھارٹی روزنامہ امت کے سینئر کارکن نصیر ہاشمی کو دی گئی ہے۔ ملازمین کے واجبات کی رقم کا تعین ناصر افغان کریں گے جس کے بعد ہی چیکس جاری کئے جائیں گے۔

کوئٹہ: قاتل گرفتار نہ ہونے توکچھی کے لوگ کل کو قومی شاہراہ بند کریں گے ،اطلاعات کے مطابق پاکستان تحریک انصاف (پی ٹی ائی ) کے پارلیمانی لیڈر و رکن بلوچستان اسمبلی سردار یار محمد رند نے کہا ہے کہ 12 نومبر کو کچھی میں پانچ افراد کو قتل کیا گیا لیکن آج تک ملزمان گرفتار نہ ہوسکے

قاتل گرفتار نہ ہونے توکچھی کے لوگ کل کو قومی شاہراہ بند کریں گے یہ بات انہوں نے آج کوئٹہ میں ایک پریس کانفرنس سے خطاب کرتے ہوے کیا،انہوں نے کہا کہ کچھی میں اعوان برادری کے معصوم افراد کو گھر میں گھس کر قتل کیا گیا

جس پر حکومت سے رابطہ کیا گیا مگر کسی نے کچھی واقعے کو کوئی اہمیت ہی نہیں دی۔جس کے خلاف نہ صرف کچھی میں ہڑتال کی گئی بلکہ کل کچھی کے لوگوں نے قومی شاہراہ بند کرنے کااعلان کیا ہے،جس سے کل سندھ بلوچستان قومی شاہراہ پر سفر کرنے والوں کو مشکلات کا سامنا کرنا پڑے گا

سردار رند کے مطابق سابق صوبائی وزیر عاصم کرد گیلو کیخلاف ایف آئی آر درج کرنے والے ضلعی افسران کو حکومت نے تبدیل کردیا۔جس کے باعث نصیر آباد اور سبی ڈویژن کے لوگ کل ہڑتال میں مظلوم افراد کا ساتھ دینے پر مجبور ہوچکےہیں

انہوں نے مطابلہ کیا کہ اعوان برادری کے قتل میں ملوث نامز ملزمان کو گرفتار کیا جائے۔سردار رند نے کہا کہ ہم سے سیاسی غلطی ہوئی کہ ہم نے جام کمال کو سپورٹ کیاجبکہ نئی حکومت نے
بلوچستان کو ساڑھے تین سو ارب میں فروخت کیا گیا،پتہ نہیں کہ بلوچستان کو اس طرح نچھوڑا جائے گا۔

انہوں نے بتایا کہ موجودہ وزیر اعلیٰ نے تین ماہ میں ٹرانسفر پوسٹنگ کے علاوہ کچھ نہیں کیا،انہیں بلوچستان کےعوام کی فکر نہیں۔بقول سردار رند کے قدوس بزنجو اسلام آباد میں کیے گئے اپنے وعدوں کو پورا کرنے پر لگے ہوئے ہیں،پی ٹی آئی کے صوبائی پارلیمانی لیڈر نے بااختیار لوگوں سے اپیل ہے،کہ بلوچستان پر رحم کرے پانچ افراد کے قاتلوں کی گرفتاری کےلیے اقدامات کیے جائیں

ایک سوال کے جواب میں انہوں نے قدوس بزنجو کومخاطب کرتے ہوے کہا کہ اقتدار ہمیشہ نہیں رہے گی،جو کچھ کرناہے سوچ سمجھ کر کرے۔اور قاتلوں کے ساتھ بیٹھنے پر قدوس بزنجو کو صوبائی اسمبلی میں جواب دینا ہوگا۔سردار رند کے مطابق قاتل گرفتار نہیں ہوئے تو اگلی بار کچھی کےعوام ریڈزون میں داخل ہونگے۔

سرگودھا :تحریک لبیک پاکستان(ٹی ایل پی ) کو بڑا دھچکا:قومی اسمبلی امیدوار پی پی میں شامل ،اطلاعات کے مطابق تحریک لبیک پاکستان کو پہلا بڑا سیاسی دھچکا ، تحریک لبیک پاکستان کے ٹکٹ ہولڈر این اے 92 صاحبزادہ اظہر عباس سیالوی نے پی پی پی میں شمولیت اختیار کر لی۔

تفصیلات کے مطابق تحریک لبیک پاکستان کے سرگرم کارکن اور این اے 92 کے ٹکٹ ہولڈر بھی تھے ،صاحبزادہ اظہر عباس سیالوی کی پی پی میں شمولیت پر انہیں روایتی سکار ف بھی پہنایا گیا ۔

پاکستان پیپلزپارٹی کے رہنما راجہ پرویز اشرف نے کہا صاحبزادہ اظہر عباس کی شمولیت سے پی پی مزید مظبوط ہوئی ہے ، صاحبزادہ اظہر عباس سیالوی تحصیل ساہیوال سرگودھا کے سرگرم رہنما تھے، راجہ پرویز اشرف نے باضابطگی طور پر ان کو شمولیت پر سکارف پہنایا۔

راجہ پرویز اشرف نے مزید کہا بلاول بھٹو 27 فروری کو مزار قائد سے بذریعہ جی ٹی روڈ مزار قائد سے اسلام آباد پہنچیں گے،11 مارچ کو اسلام آباد پہنچ کر پیپلز پارٹی عوام کو سرپرائز دیگی، بلاول بھٹو کا قافلہ مختلف مقامات سے ہوتا ہوا 12 روز میں اسلام آباد پہنچے گا، پی پی اپوزیشن کی تمام جماعتوں کو ساتھ لیکر چلنے کی پالیسی پر یقین رکھتی ہے۔

انہوں نے کہا عوام بد حالی کی وجہ سے 27فروری کے مارچ کا بے صبری سے انتظار کر رہی ہے،لانگ مارچ کا مقصد عام آدمی کو موجودہ حکومت کی ظالمانہ پالیسیوں سے نجات دلانا ہے۔

اسلام آباد: پاکستان تحریک انصاف کے مرکزی رہنما اور رکن ریجنل ایڈوائزری کونسل اسلام آباد راجہ شیراز کیانی نے کہا ہے کہ پاکستان تحریک انصاف بلدیاتی انتخابات میں کارکردگی کی بنیاد پر کامیابی حاصل کرے گی،  اپوزیشن کی بھاگ دوڑ بتاتی ہے کہ عمران خان آج بھی عوام کا مقبول لیڈر ہے

ان خیالات کا اظہار انہوں نے این اے 54 کے علاقے سنیاڑی میں ایک کارنر میٹنگ سے خطاب کرتے ہوئے کیا، اس موقع پر علاقہ کی عوام کثیر تعداد میں موجود تھی، راجہ شیراز کیانی نے کہا کہ پاکستان تحریک انصاف کی حکومت نے اسلام آباد میں شہری اور دیہی تفریق کے بغیر ترقیاتی کام کروائے ہیں اور پہلی دفعہ دیہی اسلام آباد کو بھی شناخت دی گئی ہے

انہوں نے کہا کہ گزشتہ حکومت نے بلدیاتی انتخابات کروائے لیکن بلدیاتی نمائندوں کو اختیارات نہیں دیے گئے جن سے وہ اپنے مقامی علاقوں میں کام کروا سکتے، ہم با اختیار بلدیاتی نظام لے کر آئے ہیں اور انشاءاللہ ہم اس سسٹم کے تحت انتخابات کے ذریعے بلدیاتی نمائندوں کو بھرپور اختیارات دیں گے تاکہ مقامی مسائل مقامی سطح پر حل ہوں، انہوں نے کہا کہ عمران خان کو سیاست نہ آنے کا طعنہ دینے والے آج اسے ہرانے کے لیے دن رات بھاگ دوڑ میں لگے ہیں لیکن انشاءاللہ ہمیشہ کی طرح ناکامی ان کا مقدر ہوگی،

راجہ شیراز کیانی نے کہا کہ سنیاڑی سمیت تمام علاقوں کے متاثرین کو ان کا حق دیا جارہا ہے، اسلام آباد کے تینوں منتخب ارکان قومی اسمبلی اسد عمر، علی نواز اعوان اور راجہ خرم نواز نے متاثرین کو حق دینے کے لیے ہر ممکن کوشش کی ہے اور ہر صورت متاثرین کے ساتھ کھڑے ہیں