Author: +9251

گجرات:نوازشریف کی حرکتیں دیکھ کرقریبی ساتھی امجد فاروق پاکستان مسلم لیگ میں شامل ہوگئے اطلاعات کے مطابق سابق وزیر اعظم نواز شریف کے قریبی ساتھی اور گجرات میں (ن) لیگ کے مرکزی رہنما الحاج امجد فاروق پاکستان مسلم لیگ میں شامل ہوگئے۔

الحاج امجد فاروق نے قائمقام گورنر پنجاب چودھری پرویزالہیٰ، چودھری وجاہت حسین اور وفاقی وزیر مونس الہیٰ کی موجودگی میں مسلم لیگ قائداعظم میں شمولیت کااعلان کیا۔

چودھری پرویزالہیٰ نے خطاب کرتے ہوئے کہا کہ الحاج امجد فاروق کا ذاتی گھر گجرات میں (ن) لیگ کا گڑھ سمجھاجاتا ہے، ہمارے پراجیکٹ اتنے پاور فل تھے کہ کوئی انہیں روک نہیں سکا، ہمارے دور میں ہیلتھ کارڈ کی ضرورت نہیں تھی، ہسپتالوں میں ادویات اور علاج بالکل فری تھا۔

انہوں نے مزید کہا کہ کچھ لوگوں کا خیال تھا کہ پاکستان مسلم لیگ (ق) ختم ہو، اب ان لوگوں کو ہم نے ہی مشکل میں ڈالا ہوا ہے،عمران خان ایماندار اور نیک نیت ہیں، وہ ملک کیلئے کچھ کرنا چاہتے ہیں، حکومت کو مشکلات کا سامنا ضرور ہے، جنہیں مل کر حل کررہے ہیں۔

چودھری پرویزالہیٰ نے کہا کہ بد قسمتی سے شہباز شریف نے ہیلتھ سیکٹرکو تباہ کر کے رکھ دیا، نیت صاف ہو تو رب کی مدد بھی حاصل ہوتی ہے اور مشکلات بھی کم ہوتی ہیں، گجرات میں 1122 کے مزید سٹیشن بنائے جارہے ہیں اور عوام کی بھلائی کے کام کر کے ہی لوگوں کے دل جیتے جا سکتے ہیں۔

کوئٹہ :وزیراعلٰی بلوچستان، چئیرمین سینٹ اور صوبائی وزراء کی ایف سی ہیڈ کوارٹر آمد ،یاد گار شہدا پر حاضری،اطلاعات کے مطابق آج وزیراعلٰی بلوچستان میر عبدالقدوس چئیرمین سینٹ محمد صادق سنجرانی اور صوبائی وزراء ایف سی ہیڈ کوارٹر پر پہنچے اور یادگار شہدا پرحاضری دی

ذرائع کے مطابق ایف سی ہیڈ کوارٹر پر معزز مہمانوں نے شہدا کی یاد گار پر حاضری دیتے ہوئے ان کی مغفرت اور درجات کی بلندی کے لیے دعائیں کیں

ذرائع کےمطابق معزز مہمانوں وزیراعلیٰ بلوچستان ، چیئرمین سینیٹ اور دیگر وزرا کو کمانڈنٹ ایف سی نے 2 فروری کے دہشت گردی کے واقعہ کے متعلق بریفنگ دی اور سارے حقائق سامنے رکھے

اس موقع پر وزیراعلئ چئیرمین سینٹ اور صوبائی وزراء نے دہشت گردوں کا دلیری سے مقابلہ کر کے شہادت کا رتبہ حاصل کرنے والے سیکیورٹی اہلکاروں کو خراج عقیدت پیش کیا ،وزیراعلئ اور چئیرمین سینیٹ نےوطن کے تحفظ کے لیۓ ایف سی بلوچستان کی قربانیوں اور کاوشوں کو خراج تحسین کیا

اس موقع پر چیئرمین سینیٹ صادق سنجرانی کے کہا کہ ہم ملت کے پاسبانوں ، اپنی سیکیورٹی فورسز کے ساتھ کھڑے ہیں۔وزیراعلئ،چئیرمین سینیٹ نے کہا کہ ہماری بہادر سیکیورٹی فورس کے ہوتے دشمن ہمیں نقصان نہیں پہنچا سکتا۔

معزز مہمانوں کو بریفنگ دیتے ہوئے کمانڈنٹ ایف سی نے انکشاف کیا کہ دشمن جدید ترین اسلحہ سے لیس تھے۔کمانڈنٹ ایف سی نے اللہ کا شکرادا کرتے ہوئے کہا کہ اللہ کے فضل و کرم اور عوام کی دعاؤں سے ہم نے دہشت گردوں کو انکے انجام تک پہنچایا۔

کمانڈنٹ ایف سی نے یہ بھی انکشاف کیا کہ دہشت گرد براہ راست افغانستان میں اپنے ہینڈلرز سے رابطے میں تھے، اس واقعہ میں ایک افسر سمیت چار سیکیورٹی اہلکا ر شہید ہوئے جبکہ 9 دہشت گردوں کو مارا گیا

۔وزیراعلئ چئیرمین سینٹ اور صوبائی وزرا نے فرزندان ملت ، پاسبان ملت قوم کے شاہینوں کی خدمات کو خراج تحسین پیش کیا اور ان کی حفاظت اور کامیابی کےلیےاللہ کے حضور دعائیں بھی کیں

اسلام آباد: یوم یکجہتی کشمیر پر کرمنلز نے آپس میں یکجہتی دکھائی:بلاول کو پھرایک پیشکش کرتا ہوں،اطلاعات کے مطابق وفاقی وزیر اطلاعات و نشریات فواد چودھری نے چیئرمین پاکستان پیپلز پارٹی کو اونٹ اور گھوڑے فراہم کرنے کی پیش کش کرتے ہوئے کہا کہ بلاول صاحب! لانگ میں جتنے الفاظ ہیں، آپ کے پاس اتنے لوگ بھی نہیں، یوم یکجہتی کشمیر پر کرمنلز نے آپس میں یکجہتی دکھائی، جیالوں اور متوالوں کی ملاقات چوریوں پر پردہ ڈالنے کی کوشش تھی۔

بلاول بھٹو زرداری کے نصیر آباد میں جلسے سے خطاب پر ردعمل دیتے ہوئے وزیر اطلاعات فواد چودھری کا کہنا تھا کہ اب ہم ونٹر سپورٹس کے حوالے سے ایک فریم ورک لے کر آرہے ہیں، کل ہم پانچ کی اک سیریز چلی ہے، جس طرح چیخیں اٹھی ہیں اس سے دورہ چین کی کامیابی کا پتاچلتا ہے، یہ اپنی چوریوں پر پردہ ڈالنے کی ملاقات ہے اور یہ اب علاقائی جماعتیں بن چکی ہیں۔

فواد چودھری نے مزید کہا اس دفعہ ہم کوشش کریں گے کہ آپ کو لوگ بھی دیں، یوں لگتا ہے کہ جب سے اکاؤنٹس کے معاملے سامنے آئے ہیں، محبتیں بڑھ رہی ہیں، شہباز شریف اور نواز شریف نے زرداری کا طریقہ کار استعمال کیا۔

انہوں نے بلاول کو مخاطب ہوتے ہوئے کہا کہ بلاول صاحب کل قوم دیکھ رہی تھی کہ ایک دوسرے کا پیٹ پھاڑنے والے اور گریبان نوچ کرنے والے قانون اور انصاف کے سامنے ملت واحدہ بن گئے

انہوں نے کہا چین کے صدر اور وزیر اعظم نے پاکستان کی معاشی صورتحال کی تعریف کی ہے، الحمد اللہ وزیر اعظم کا دورہ چین کامیاب رہا ہے، اس کے نتائج ظاہر ہوں گے کہ کوئی بھی سازش عمران خان کے خلاف کامیاب نہیں ہوگی۔

وزیر اطلاعات و نشریات نے کہا دورہ چین میں 21 شعبوں پر بات ہوئی ہے، ایک ملین چاول اورسیمنٹ برآمدات بڑھانے پر بات چیت کی گئی ہے، اس اقدام سے پاکستان کی چین کو برآمدات میں ایک ارب ڈالر کا فروغ ملے گا اور کورونا کے خاتمے کے بعد صدر شی جن پنگ بھی پاکستان آئیں گے۔

نصیر آباد:چیئرمین پیپلز پارٹی بلاول بھٹو نے کہا ہے کہ سندھ اور بلوچستان کو پانی کی قلت کا سامنا ہے، حکومت ملی تو سب سے پہلے پانی کا مسئلہ حل کریں گے۔ 27 فروری کو کراچی سے اسلام آباد کا رخ کریں گے۔

نصیر آباد میں جلسے سے خطاب کرتے ہوئے بلاول بھٹو کا کہنا تھا کہ پیپلز پارٹی پورے ملک میں ترقیاتی منصوبے شروع کرے گی، آبپاشی کے نظام میں پیپلزپارٹی کےعلاوہ کوئی حکومت بہتری نہیں لا سکی۔ موجودہ حکومت بلوچستان کے حق پر ڈاکہ مارنا چاہتی ہے، عمران خان نے عوام کے ووٹ کے حق پر بھی ڈاکہ مارا، کسی سے بھیک نہیں مانگتے اپنے حق کامطالبہ کرتے ہیں، نہ ملا تو حق چھیننا بھی جانتے ہیں۔ کسی کو اجازت نہیں دیں گے کہ عوام کو حقوق سے محروم رکھے، ہر سازش ناکام بنائیں گے۔

انہوں نے کہا کہ جب سے سلیکٹڈ حکومت آئی غربت اور بیروزگاری میں اضافہ ہوا، کپتان عوام سے روٹی کپڑا اور مکان چھین رہا ہے۔ 1973کا آئین ریاست اور عوام کے درمیان معاہدہ ہے، آئین کے مطابق ہر شہری اور صوبے کا اپنا اپنا حق ہے۔

شہید بی بی نے جمہوریت بہترین انتقام کا نعرہ لگایا، کٹھ پتلی کو پیغام پہنچا چکے، پیپلزپارٹی میدان میں اترچکی ہے، 27 فروری کو کراچی سے اسلام آباد کا رخ کریں گے۔امید ہے بلوچستان کے عوام پیپلزپارٹی کا ساتھ دیں گے۔

لاہور:دارالشفقت سعد رضوی کا ولیمہ:یتیم بچوں کے ساتھ بیٹھ کرکھانا کھایا:ایک اوربھی ولیمے کاذکرکرگئے سعد رضوی،اطلاعات کے مطابق لاہور میں یتیم بچوں کے مسکن دارالشفقت میں اس وقت دعوت ولیمہ جاری ہے اور اس ولیمہ کی اہم تقریب سعد رضوی کا بچوں کے ساتھ بیٹھ کر کھانا کھانا ہے

کسی کا ایسا عظیم لیڈر ہے تو لاۓ سامنے
جانم سعد حسین رضوی💪💪 pic.twitter.com/6LEJmcWwvq

— Khaki Badshah (@BadshahKhaki) February 6, 2022

یہ بھی معلوم ہوا ہےکہ اس دعوت ولیمہ میں بڑی تعداد میں لوگ شریف ہوئے ہیں ، جس پر سعد رضوی نے اپنے چاہنے والوں سے کہا کہ وہ تو اپنے ولیمہ کا کھانا یتیم بچوں کے ساتھ مل کر کھا رہا ہوں باقی جو احباب تشریف فرما ہیں وہ اپنے اپنے انداز سے کھانا کھالیں ،

اس موقع پر ان کا یہ بھی کہنا تھا کہ یہ ولیمہ جو یتیم بچوں کے ساتھ بیٹھ کر کھا رہا ہوں یہ میری طرف سے ہے اور جو عامتہ الناس کےلیے ولیمہ ہے وہ میرے چاہنے والوں کی طرف سے ہے ، اس موقع پر تما شعبہ ہائے زندگی سے تعلق رکھنے والے لوگ شریک ہیں

یہاں اس تقریب میں میڈیا اور دیگر جماعتوں کے قائدین کو بھی مدعو کیا گیا ہے اور اس دعوت ولیمہ کے سارے انتظامات تحریک لبیک کے کارکنان بڑے شوق سےکررہےہیں