Author: +9251

اسلام آباد:چیئرمین سینیٹ صادق سنجرانی کے گھرتعزیت کے لیے آنے والوں کا سلسلہ جاری:عارف علوی بھی پہنچ گئے ،اطلاعات کے مطابق صدر پاکستان ڈاکٹر عارف علوی،چیئرمین سینیٹ محمد صادق سنجرانی کی اسلام آباد میں رہائش گاہ پر گئے۔

صدر مملکت ڈاکٹر عارف الرحمن علوی نے چیئرمین سینیٹ سے ان کے بھائی کے انتقال پر تعزیت کا اظہار کیا۔ ڈاکٹر عارف علوی نے مرحوم کی دعائے مغفرت اور لواحقین کے صبر جمیل کی دعا کی۔ صدر پاکستان نے کچھ وقت چیئرمین سینیٹ محمد صادق سنجرانی کے ساتھ گزارا۔

اس سے قبل چیئرمین سینیٹ محمد صادق سنجرانی کے بھائی (مرحوم)سالار خان سنجرانی کے ایصال ثواب اور دعائے مغفرت کیلئے پارلیمنٹ ہاؤس کی جامع مسجد میں قرآن خوانی کا اہتمام کیا گیا جس میں سپیکر قومی اسمبلی اسد قیصر، وزیر مملکت شہر یار خان آفریدی، سینیٹر فدا محمد، سینیٹر حاجی ہدایت اللہ اور دیگر پارلیمنٹرین کے علاوہ پارلیمنٹ ہاؤس کے اعلیٰ حکام، ملازمین اورصحافیوں کی بڑی تعداد نے شرکت کی۔ جامع مسجد کے خطیب اعلیٰ حافظ احمد الرحمان نے دعا کرائی۔

یاد رہے کہ چند دن پہلے چیئرمین سینیٹ صادق سنجرانی کے چھوٹے بھائی سالار سنجرانی اوتھل کے قریب کار حادثے میں ڈرائیور سمیت جاں بحق ہوگئے تھے۔

چیئرمین سینیٹ کے بھائی سالار سنجرانی اپنے ڈرائیور کے ہمراہ کراچی سے کوئٹہ جارہے تھے کہ واقعہ بلوچستان کے علاقے لسبیلہ کے قریب یہ حادثہ پیش آیا۔
اطلاعات کے مطابق لسبیلہ کے قریب سالار سنجرانی کی کار آئل ٹینکر سے ٹکرا گئی جس کے سبب سالار سنجرانی اور ان کا ڈرائیور دونوں جاں بحق ہوگئے۔

لاہور:”کھرا سچ” آتے ہی چھا گیا”ریٹنگ بڑی تیزی سے بڑھنے لگی،لوگوں کے دلوں میں چاہت بڑھنے لگی ،فیک نیوز اور فیک تجزیوں اور تبصروں کا شاید ختم ہونے والا ہے کہ سچ نے اپنی حقیقت ثابت کردی ہے، جو کچھ بھی ہے سچ ہمیشہ غالب ہی رہتا ہے اور صحافت کے میدان میں تواس کی بڑی ہی اہمیت ہے،چند دن پہلے سُنا تھا کہ فیک کے مقابلے میں‌ سچ آرہا ہے اورآج سُنا ہےکہ سچ چھا گیاہے

اس حوالے سے سوشل میڈیا پر ایک خوبصورت گفتگو ہورہی ہے جس میں‌ شائقین کہتے ہیں‌ کہ معروف صحافی سنیئر تجزیہ نگار مبشرلقمان جو کہ ہمیشہ سچ کی دعوت کے ساتھ میدان صحافت میں اترتے ہیں اور اس سچ کی بنیاد پران کا خصوصی پروگرام جسے "کھرا سچ” کے نام سے دنیا جانتی ہے ،آتے ہی سب کے دلوں کی دھڑکن بن گیا ہے

"کھراسچ "پروگرام جو کہ پی این این پر اپنا رنگ جماتے ہوئے تیسرے ہفتے میں‌ داخل ہوگیا ہے اور اس وقت کم ترین وقت میں بڑی تیزی سے مقبول ہورہا ہے اور اس کی ریٹنگ بڑی تیزی سے بڑھ رہی ہے

اس وقت پی این این پراس کی ابتدا تیسرے ہفتے میں داخل ہوئی ہے اور اس کی ریٹنگ 0.3 کی حد کو پارکرنے والی ہے جبکہ اس کے مقابلے میں دیگرقومی ٹی وی چینلز جو کہ پہلے ہی بہت زیادہ انویسٹمنٹ کے ساتھ اپنی ریٹنگ بڑھانے میں لگے ہیں‌ ایسے لگ رہا ہے کہ اگلے چند ہفتوں تک پی این این کی ریٹنگ ان معروف میڈیا برانڈز کو پار کرجائے گی

دیگر ٹی وی چینلز کی ریٹنگ کچھ اس طرح ہے دنیا نیوز اس وقت 0.38 ،ایکسپریس ٹی وی 0.41 ، اے آر وائی 0.73 اور جیو نیوز1.17 ہے

یہ بھی یاد رہے کہ معروف صحافی نے پی این این پر کچھ زیادہ نہیں‌ بلکہ دو ہفتوں میں چند پروگرام ہی کیئے جن میں سے ایک پروگرام مری پر سپیشل کیا، ایک منی بجٹ پر، ایسے شاہد خاقان عباسی کا انٹرویو کیا اور اس کے علاوہ جماعت اسلامی کے امیر سراج الحق کا انٹرویو کیا تھا

پی این این پر "کھرا سچ ” پروگرام میں حنا پرویز بٹ اور مسرت جمشید چیمہ تھیں جبکہ ایک میں سینیٹر سلیم مانڈوی والا بھی تھے اور ایسے ہی ایک میں بلاول زرداری کا ترجمان ۔مسرت جمشید تھیں

کراچی :محکمہ موسمیات نے17 جنوری کےبعد کیا ہونے جارہا ہے:وقت سےپہلے ہی بتادیا ،اطلاعات کے مطابق محکمہ موسمیات نے کراچی میں سردی کی شدت میں کمی کی پیش گوئی کرتے ہوئے کہا 17جنوری سےسائبرین ہوائیں بندہوجائیں گی ، جس سے دن اوررات کے درجہ حرارت میں اضافہ ہوگا۔

تفصیلات کے مطابق محکمہ موسمیات نے موسم کی صورتحال کے حوالے بتایا ہے کہ ملک میں 17جنوری سےمغربی ہواؤں کاسلسلہ داخل ہوگا، مغربی ہوائیں براستہ بلوچستان داخل ہوں گی۔

چیف میٹرولوجسٹ سردار سرفراز کا کہنا تھا کہ یہ ہوائیں بلوچستان ،بالائی سندھ،بالائی علاقوں میں بارشوں کا سبب بنیں گی جبکہ بالائی علاقوں میں برف باری کابھی امکان ہے۔

کراچی کے حوالے سے سردار سرفراز نے بتایا کراچی میں 17جنوری سےسائبرین ہوائیں بندہوجائیں گی ، جس سے شہر میں سردی کی شدت میں کمی آئے گی اور دن اوررات کےدرجہ حرارت میں اضافہ ہوگا۔

کراچی میں اس دوران بارش کاکوئی امکان نہیں ہے، آج کم سےکم درجہ حرارت 10.3ڈگری سینٹی گریڈریکارڈہوا اور زیادہ سے زیادہ درجہ حرارت 22 ڈگری سینٹی گریڈ ریکارڈہونے کا امکان ہے۔

محکمہ موسمیات نے بتایا کہ ہوا میں نمی کا تناسب 61فیصد ریکارڈ کیا گیا اور شہرمیں 12کلومیٹر فی گھنٹہ کی رفتارسےہواچل رہی ہے، آج مطلع صاف رہے گا تاہم بارش کا کوئی امکان نہیں ہے۔

محکمہ موسمیات کا کہنا ہےکہ بالائی علاقوں میں برف باری کابھی امکان ہے

پشاور:خیبرپختونخوا میں بلدیاتی انتخابات 13فروری کو ہوں گے:الیکشن کمیشن ،اطلاعات کے مطابق الیکشن کمیشن آف پاکستان نے خیبرپختونخوا کے 6 اضلاع میں ملتوی شدہ بلدیاتی انتخابات 13 فروری کو کروانے کا اعلان کیا ہے۔

ترجمان الیکشن کمیشن کے مطابق کے پی میں امیدواروں کے انتقال کے باعث ملتوی کیے گئے انتخابات اب 13 فروری کو ہوں گے۔ادھر اس حوالے سے صوبائی الیکشن کمیشن کے مطابق ڈیرہ اسماعیل خان( ڈی آئی خان) میں میئر سٹی کونسل کی نشست پر الیکشن بھی 13 فروری کو ہی ہوگا۔

ترجمان کے مطابق بلدیاتی انتخابات کے لیے مجموعی طور پر 89 امیدواروں نے کاغذات جمع کرائے، جن کی جانچ پڑتال 14 سے15جنوری تک ہوگی۔صوبائی الیکشن کمیشن کے مطابق کاغذات نامزدگی منظور یا مسترد ہونے کے خلاف اپیلیں17 سے 18 جنوری تک کی جاسکیں گی۔

ترجمان کے مطابق اپیلوں پر فیصلہ 21 جنوری، 22 جنوری کو امیدواروں کی نظرثانی شدہ فہرست جاری کی جائے گی جبکہ 24 جنوری تک امیدوار اپنے کاغذات نامزدگی واپس لے سکیں گے۔صوبائی الیکشن کمیشن کے مطابق 25 جنوری کو امیدواروں کو انتخابی نشانات الاٹ کیے جائیں گے۔

اسلام آباد:غیر قانونی آن لائن مواد، سوشل میڈیا کمپنیوں‌ کے حوالے سے اہم خبر،اطلاعات کے مطابق پی ٹی اے نے سوشل میڈیا کمپنیوں کی رجسٹریشن شروع کر دی۔

تفصیلات کے مطابق نئے سوشل میڈیا قوانین کے نفاذ کے بعد حکومت کو بڑی کامیابی حاصل ہوگئی ہے، سوشل میڈیا کمپنیوں نے پاکستان میں رجسٹریشن کا آغاز کردیا ہے، سنیک ویڈیو اور پیگو نے پی ٹی اے کے ساتھ رجسٹریشن کرا لی،پی ٹی اے نے سنیک ویڈیو اور بیگو کو رجسٹریشن سرٹیفکیٹ جاری کردیئے ہیں۔

تفصیلات کے مطابق سوشل میڈیا کے نئے قوانین کے تحت سوشل میڈیا کمپنیوں کو پاکستان ٹیلی کمیونیکیشن اتھارٹی (پی ٹی اے) کے ساتھ رجسٹر ہونا ضروری ہے۔

اس تناظر میں پی ٹی اے نے ایک بیان میں کہا ہے کہ جویو ٹیکنالوجی پاکستان پرائیویٹ لمیٹڈ (Snack Video) اور بیگو سروس پاکستان پرائیویٹ لمیٹڈ (BIGO Live, Likee) رجسٹر ہونے والی پہلی سوشل میڈیا کمپنیاں بن گئی ہیں۔

ترجمان پی ٹی اے کے مطابق دونوں کمپنیوں کے نمائندوں نے پی ٹی اے ہیڈ کوارٹرز اسلام آباد کا دورہ کیا، جہاں رجسٹریشن کا عمل مکمل کیا گیا، بعد ازاں کمپنیوں کو "رجسٹریشن سرٹیفکیٹ” سے جاری کیا گیا۔

واضح رہے کہ سوشل میڈیا کمپنیوں کو غیر قانونی آن لائن مواد ہٹانے اور بلاک کرنے کے رولز 2021 (پروسیجر، نگرانی اور حفاظت) کے تحت پی ٹی اے کے ساتھ رجسٹر ہونا ضروری ہے۔

ان کمپنیوں کو پاکستان میں اپنی سروس اور یوزر بَیس کی تفصیلات فراہم کرنی ہوں گی، اس سے قبل وزارت انفارمیشن اینڈ ٹیکنالوجی نے سوشل میڈیا کے ان نئے قوانین کا نوٹیفکیشن جاری کیا تھا۔