Author: +9251

لاہور:سابق چیف جسٹس ثاقب نثار سے منسوب مبینہ آڈیو پر مریم نواز بھی بول اُٹھیں ،اطلاعات کے مطابق مسلم لیگ ن کی رہنما مریم نواز کا سابق چیف جسٹس ثاقب نثار کی مبینہ آڈیو ٹیپ پر ردعمل سامنے آگیا۔

مسلم لیگ ن کی نائب صدر مریم نواز نے جسٹس ریٹائرڈ ثاقب نثارکی مبینہ آڈیو ٹیپ سے متعلق خبر اور اس سے متعلق متعدد ٹوئٹس کو ری ٹوئٹ کیا ہے۔مریم نواز نے اس کے علاوہ اپنے تبصرے میں ‘اللہ اکبر’ لکھا ہے۔

اللّہ اکبر 🙏🏼

— Maryam Nawaz Sharif (@MaryamNSharif) November 21, 2021

خیال رہے کہ سابق چیف جسٹس آف پاکستان جسٹس ریٹائرڈ ثاقب نثار سے منسوب ایک مبینہ آڈیو ٹیپ سامنے آئی ہے جب کہ سابق چیف جسٹس نے خود سے منسوب آڈیو کلپ کی تردید کی ہے۔

مبینہ آڈیو ٹیپ سوشل میڈیا پر تیزی سے وائرل ہورہی ہے جس میں وہ کہہ رہے ہیں کہ عمران خان کی جگہ بنانے کے لیے نواز شریف کو سزا دینی ہوگی، مریم نواز کو بھی سزا دینی ہو گی۔ آڈیو کلپ میں وہ مبینہ طور پر تسلیم کر رہے ہیں کہ مریم نواز کو بھی سزا دینی ہو گی اگرچہ مریم نواز کے خلاف کوئی کیس نہیں ہے۔

ادھر ذرائع کے مطابق سینیئر صحافی وسیم بادامی کا کہنا تھا کہ ان کی سابق چیف جسٹس سے اس حوالے سے بات چیت ہوئی ہے جس میں سابق چیف جسٹس ثاقب نثار نے خود سے منسوب مبینہ آڈیو ٹیپ کی تردید کر دی ہے۔

ان کا کہنا تھاکہ آڈیو میں آواز میری نہیں ہے، مجھ سے منسوب کی گئی آڈیو جعلی ہے، کبھی کسی کو اس حوالے سے کوئی ہدایات نہیں دیں۔

کراچی :پی آئی اے میں کرپشن؛ تحقیقات کا دائرہ وسیع:کرپٹ اہلکاروں کے‌خلاف گھیرا تنگ،اطلاعات کے مطابق پاکستان انٹرنیشنل ایئرلائن کے طیاروں میں آئی پیڈز لگانےکے معاملے میں ایف آئی اے کارپوریٹ کرائم سرکل نے ‏تحقیقات کا دائرہ کار وسیع کر دیا۔

ذرائع کے مطابق ایف آئی اے نے شعبہ برانڈکے افسران سےپوچھ گچھ کی اور مزید ریکارڈ تحویل میں لے لیا۔ ‏ایف آئی اے نےچنددن قبل ایک افسر کو بھی گرفتار کیا تھا۔ ‏

سابق ادوار میں آئی پیڈز لگانےکےنام پر خزانےکو اربوں کا نقصان پہنچایا گیا اور اس معاملے میں ملوث جی ایم ‏برانڈ اور منیجر ایجنسی افئیرز پہلے ہی گرفتارہیں۔

ایف آئی اے کارپورٹ کرائم سرکل کا کہنا تھا کہ پی آئی اےکے منیجرایجنسی افیئرز کے خلاف مقدمہ درج کر لیا ‏‏گیا ہے مزید کیسزکی تفتیش جاری ہے۔

ذرائع کا کہنا ہے کہ جہازوں کے پرزوں کی خریداری میں مبینہ کرپشن پر تحقیقات جاری ہیں۔ سپریم کورٹ کے ‏حکم پر پی آئی اے کا 10 سال کا آڈٹ کیا گیا جس میں کرپشن کا معاملہ سامنے ‏آیا تھا۔

ادھر سول ایوی ایشن اتھارٹی کے تین افسران کی بیش قیمت اراضی پر قبضہ کرنے والے میں ملوث نکلے، جن کے خلاف مقدمہ درج کردیا گیا ہے۔

ذرائع کے مطابق سول ایوی ایشن اتھارٹی کی9 ایکڑ بیش قیمت اراضی پر قبضہ کیس میں ایف آئی اے کا رپوریٹ کرائم سرکل نے دو مقدمات درج کر کے چار ملزمان کو گرفتار کرلیا۔

گرفتار کیے جانے والے ملزمان کی تعداد چار ہے، جن میں تین سول ایوی ایشن کے افسران ہیں۔

ایف آئی اے ذرائع کے مطابق گرفتار افسران کی شناخت زریں گل درانی، محمد یونس، سید محمد کلیم جبکہ ایک مشتاق نام سے ہوئی۔

فیڈرل انویسٹی گیشن ایجنسی کارپوریٹ سیل نے مقدموں میں مجموعی طور پر 32 ملزمان کو نامزد کیا، جن میں لینڈ یوٹیلائزیشن ڈیپارٹمنٹ کے سیکریٹری ثاقب سومرو ، اسسٹنٹ کمشنر، ڈپٹی کمشنر سید محمد علی شاہ، قاضی جان محمد، مختیار کار، تپیدار، سپروائزر، رجسٹرار، سی اے اے اسٹیٹ ڈیپارٹمنٹ کے افسران و دیگرپرائیوٹ افراد بھی شامل ہیں۔

لاہور: جسٹس ریٹائرڈ ثاقب نثار کی مبینہ آڈیولیک ،اطلاعات کے مطابق اس وقت سوشل میڈیا پرایک آڈیو کی بازگشت سنائی دی جارہی ہے جس کے بارے میں کہا گیا ہے کہ یہ آڈیوسابق چیف جسٹس آف پاکستان ثاقب نثار کی گفتگو ہے جس میں وہ نوازشریف کودوبارہ اقتدارمیں نہ لانے کے حوالے سے بعض گزارشات کا ذکرکررہے ہیں

ذرائع کے مطابق مبینہ آڈیو میں سابق چیف جسٹس ریٹائرڈ ثاقب نثارسے ملتی جلتی آوازمیں کہا جارہا ہے کہ مجھے کہا گیا کہ عمران خان کو اقتدار میں لانا ہے لٰہذا نوازشریف اور اس کی بیٹی کا راستہ روکنے کے لیے کچھ کریں‌

اس حوالے سے سابق چیف جسٹس کی آؤاز سے ملتی جلتی آواز میں وہ صاحب کہتے ہیں میں نے اپنے ساتھیوں سے اس حوالے سے مشاورت کی یاد رہے کہ چند دن پہلے سابق چیف جسٹس گلگت بلتستان رانا شمیم نے الزام عائد کیا تھا کہ انکی موجودگی میں سابق چیف جسٹس نے کسی کو فون کرکے کہا تھا کہ میاں نواز شریف اور مریم نواز کی ضمانتیں الیکشن تک نہیں ہونی چاہیں ،

رانا شمیم کے الزامات کے بعد اسلام آباد ہائی کورٹ نے ان الزامات کا نوٹس لیتے ہوئے اس سازش میں شامل تمام کرداروں کونوٹس جاری کردیئے ہیں‌

بعد میں اس حوالے سے یہ معلوم ہوا ہ کہ جن دو معزز ججز کے بارے میں رانا شمیم نے الزام عائد کیا تھا وہ تو اس بینچ کا حصہ نہیں تھے جن کے بارے میں رانا شمیم کا دعویٰ تھا کہ اس کی موجودگی میں سابق چیف جسٹس نے ان کوفون کرکے ہدایات جاری کی تھیں‌

اسلام آباد: بھارتی وزیر دفاع کے اشتعال انگیز بیان کوسختی سے مسترد کرتے ہیں‌:اطلاعات کے مطابق پاکستان نے بھارتی وزیر دفاع کے انتہائی غیر ذمہ دارانہ اور اشتعال انگیز بیان کو مسترد کرتے ہوئے کہا ہے کہ بھارتی وزیر کے بے بنیاد ریمارکس ایک طرف فریب ہیں اور دوسری طرف اپنے ہمسایہ کے خلاف خاص دشمنی کی عکاسی کرتے ہیں۔

دفتر خارجہ کے ترجمان عاصم افتخار نے کہا کہ پاکستان کے خلاف بھارت کی مہم مکمل طور پر بے نقاب اور بدنام ہو چکی ہے،کوئی ڈھکی چھپی بات نہیں کہ بھارتی رہنما پاکستان سمیت ہمسایہ ممالک کے خلاف جھوٹے پراپیگنڈا میں مصروف رہتے ہیں،بھارت عالمی برادری کی توجہ غیر قانونی طور پر مقبوضہ جموں و کشمیر میں انسانی حقوق اور بین الاقوامی انسانی قانون کی وسیع پیمانے پر ہونے والی خلاف ورزیوں سے ہٹانا چاہتا ہے۔

ترجمان کا مزید کہنا تھا کہ پاکستان کسی بھی جارحیت کے خلاف اپنے دفاع کی مکمل صلاحیت رکھتا ہے، فروری 2019 میں بھارتی مہم جوئی کو ناکام بنانے میں پوری دنیا پاکستان کی صلاحیت اور عزم کی گواہ تھی، یہ ایک مستند حقیقت ہے کہ بھارتی قابض افواج مقبوضہ جموں و کشمیر میں انسانی حقوق کی سنگین خلاف ورزیوں اور سنگین جرائم کا ارتکاب کر رہی ہیں، ماورائے عدالت قتل، حراست میں ہلاکتیں، تشدد، معصوم بچوں سمیت لوگوں کو انسانی ڈھال کے طور پر استعمال کرنا اور گھروں کو گرا کر سزا دینا ان جرائم میں شامل ہے۔

عاصم افتخار نے کہا کہ عالمی برادری کے سامنے ڈوزیئر میں کشمیر میں بھارتی قابض افواج کی طرف سے انسانی حقوق کی سنگین خلاف ورزیوں کے ناقابل تردید ثبوت موجود ہیں،بھارتی حکومت کشمیرمیں اپنی ریاستی دہشت گردی کے باوجود کشمیریوں کے حق خودارادیت کا مطالبہ کرنے والی پرامن آوازوں کو خاموش کرنے میں مکمل طور پر ناکام رہی جس کا وعدہ اقوام متحدہ کی سلامتی کونسل نے اپنی مختلف قراردادوں میں کیا تھا۔

ترجمان دفتر خارجہ نے کہا کہ بھارت کی اشتعال انگیزیوں اور غیر ذمہ دارانہ رویے کا جواب دینے کے لیے مکمل طور پر تیار ہیں،پاکستان ذمہ داری سے کام کرتا رہے گا،پاکستان خطے میں امن، سلامتی اور استحکام کے فروغ کے لیے تمام کوششوں میں اپنا کردار ادا کرے گا۔