Author: +9251

کوئٹہ:اِنَّا لِلّٰہِ وَاِنَّآ اِلَیْہِ رَاجِعُوْنَ:پیپلزپارٹی صدمے میں ڈوب گئی:اہم رہنما کی گاڑی پر فائرنگ :ساتھیوں سمیت جانبحق ،اطلاعات کے مطابق کوئٹہ میں قومی شاہراہ پر پیپلز پارٹی کے مقامی رہنما میر محمد خان ابابکی کی گاڑی پر فائرنگ کی گئی جس کے نتیجے میر محمد خان سمیت 4 افراد جاں بحق ہوگئے۔

تفصیلات کے مطابق جاں بحق افراد میں میر محمد خان کے سیکیورٹی گارڈز بھی شامل ہیں۔فائرنگ سے 4 افراد زخمی بھی ہوئے، جنہیں اسپتال منتقل کردیا گیا۔پیپلزپارٹی بلوچستان کی صوبائی قیادت نے ضلعی رہنما میر محمد خان ابابکی کی شہادت پر اظہار افسوس کیا ہے۔

صوبائی صدر میر چنگیز جمالی، جنرل سیکرٹری روزی خان کاکڑ، سیکرٹری اطلاعات سردار سربلند خان جوگیزئی سمیت دیگر نے میر محمد خان ابابکی کے اہل خانہ و لواحقین سے تعزیت کا اظہار کیا۔

رہنما پیپلز پارٹی بلوچستان نے حکومت سے واقعہ کی تحقیقات کرکے ملوث عناصر کو کیفر کردار تک پہنچانے کا مطالبہ کیا۔

پیپلز پارٹی بلوچستان کی جانب سے جاری بیان میں کہا گیا کہ سیاسی و قبائلی رہنماؤں کے قتل کے واقعات کا رونما ہونا حکومتی کارکردگی پر سوالیہ نشان ہے۔

وزیراعلیٰ بلوچستان میر عبدالقدوس بزنجو نے ابابکی قبیلے کے سربراہ و سیاسی رہنما سردار زادہ میر محمد خان ابابکی پر نامعلوم افراد کی فائرنگ کے واقعہ کی مزمت کی ہے۔

وزیراعلیٰ بلوچستان نے ہدایت جاری کی کہ پولیس اور انتظامیہ اس کاروائی میں ملوث عناصر کی گرفتاری کے لئے ہر ممکن اقدامات کریں۔

وزیراعلیٰ بلوچستان نے کہا کہ قبائلی تنازعات بھی امن کے قیام میں ایک بڑی رکاوٹ ہیں۔ امن کے قیام کے لیے قبائلی تنازعات کو صوبے کی دیرینہ روایات کے مطابق حل کیا جائے۔

وزیراعلیٰ بلوچستان نے اپیل کی کہ تمام سرکردہ قبائلی اکابرین تنازعات کے حل میں اپنا سرگرم اور متحرک کردار ادا کریں۔ صوبائی حکومت بھی قبائلی تنازعات کے حل میں اپنا کردار ادا کرنے کے لیۓ تیار ہے۔

اسلام آباد:25نومبر کو ملک بھر میں تمام پیٹرول پمپ بندرہینگے: پٹرولیم ڈیلرز ایسوسی ایشن کا اعلان،اطلاعات کے مطابق پٹرولیم ڈیلرز ایسوسی ایشن نے اعلان کیا ہے کہ 25نومبر کو ملک بھر میں تمام پیٹرول پمپ بند رہیں گے۔

پٹرولیم ڈیلرز ایسوسی ایشن کی جانب سے ایک مرتبہ پھر ہڑتال کا اعلان کرتے ہوئے پٹرول پمپوں کو بند کرنے کا کہا گیا۔

ترجمان پٹرولیم ڈیلرز ایسوسی ایشن کے مطابق حکومت چھ فیصد مارجن پر جھوٹی تسلیاں دے رہی ہے جبکہ مطالبات منظور نہ ہونے پر ہڑتال کا اعلان کررہے ہیں۔انہوں نے مزید کہا کہ کشمیر اورگلگت بلتستان میں بھی پیٹرول پمپ بند رہیں گے۔

پاکستان پیٹرولیم ڈیلرزایسوسی ایشن کے سیکر ٹری اطلاعات نعمان علی بٹ کا کہنا تھاکہ پیٹرول پمپس 25 نومبر سے بندکردیں گے جبکہ آزاد کشمیر اورگلگت بلتستان میں بھی پیٹرول پمپس بند ہوں گے۔

انہوں نے کہا کہ پاکستان پیٹرولیم ڈیلرزایسوسی ایشن کامطالبہ ہےکہ ڈیلرز منافع میں اضافہ کیا جائے۔ان کا مزید کہنا تھاکہ حکومت نے ہمارے مطالبات تسلیم نہیں کیے، جب تک ڈیلر مارجن 6 فیصد نہیں کیاجاتا حکومت سے مذاکرات نہیں ہوں گے۔

نعمان علی بٹ کا کہنا تھاکہ حکومت کی یقین دہانی کے بعد 5 نومبر کی ہڑتال کی کال واپس لی تھی لیکن حکومت نے یقین دہانی پر کوئی عملددرآمد نہیں کیا۔

خیال رہے کہ پیٹرولیم ڈیلرزایسوسی ایشن نے اس سے قبل 5 نومبر سے ہڑتال کا اعلان کیا تھا تاہم ہڑتال کی کال وفاقی وزیرحماداظہر اور سیکرٹری پیٹرولیم سے ملاقات کے بعد واپس لی گئی تھی۔پیٹرولیم مصنوعات پرڈیلرزمنافع بڑھانے کی حکومتی یقین دہانی پرہڑتال کی کال واپس لی تھی۔

کراچی: سول ایوی ایشن اتھارٹی کے تین افسران کی بیش قیمت اراضی پر قبضہ کرنے والے میں ملوث نکلے، جن کے خلاف مقدمہ درج کردیا گیا ہے۔

ذرائع کے مطابق سول ایوی ایشن اتھارٹی کی9 ایکڑ بیش قیمت اراضی پر قبضہ کیس میں ایف آئی اے کا رپوریٹ کرائم سرکل نے دو مقدمات درج کر کے چار ملزمان کو گرفتار کرلیا۔گرفتار کیے جانے والے ملزمان کی تعداد چار ہے، جن میں تین سول ایوی ایشن کے افسران ہیں۔

ایف آئی اے ذرائع کے مطابق گرفتار افسران کی شناخت زریں گل درانی، محمد یونس، سید محمد کلیم جبکہ ایک مشتاق نام سے ہوئی۔

فیڈرل انویسٹی گیشن ایجنسی کارپوریٹ سیل نے مقدموں میں مجموعی طور پر 32 ملزمان کو نامزد کیا، جن میں لینڈ یوٹیلائزیشن ڈیپارٹمنٹ کے سیکریٹری ثاقب سومرو ، اسسٹنٹ کمشنر، ڈپٹی کمشنر سید محمد علی شاہ، قاضی جان محمد، مختیار کار، تپیدار، سپروائزر، رجسٹرار، سی اے اے اسٹیٹ ڈیپارٹمنٹ کے افسران و دیگرپرائیوٹ افراد بھی شامل ہیں۔

ایف آئی اے کی چھاپہ مارٹیم نے اس وقت کے اسسٹنٹ کمشنر اور ڈپٹی کمشنر محمد علی شاہ کو گرفتار کرنے کے لیے گھر پر چھاپہ بھی مارا مگر وہ ہاتھ نہ آسکے۔

نامزد ملزمان کی گرفتاری کے لئےایف آئی اے کے مختلف سرکل کے اہلکاروں پر ایک ٹیم تشکیل دی ہے، جسے جلد از جلد نامزد ملزمان کو گرفتار کرنے کا ٹاسک سونپا گیا ہے۔

اسلام آباد(محمداویس) اب اسلام آباد کے باسی کہاں جائیں:فضا میں زہرپانی بھی زہریلا،کھانے پینے کی اشیا میں ملاوٹ ،اطلاعات کے مطابق وفاقی دارالحکومت کی فضا ء صحت کے لیے انتہائی خطرناک ہوگئی،پاک ای پی اے کی رپورٹ نے تصدیق کردی،زہریلے ذرات PM 2.5کی مقدار60ug/m3 سے تجاوزکرگئی۔

ذرائع کے مطابق تحقیقی رپورٹ میں فضائی آلودگی سے مردوخواتین میںبانجھ پن کاخطرہ 20 فیصد بڑھنے کاانکشاف ہواہے۔فضاء میںزہریلے ذرات کی مقدارخطرناک حد تک بڑھ گئی جو کسی صورت 35ug/m3سے زیادہ نہیں ہونی چاہیے ،زہریلے ذراتPM2.5 کی مقدرمقررہ حدسے تجاوز سانس کی بیماریاں،پھیپھڑوں کاکینسراور اورہارٹ اٹیک بھی ہوسکتاہے۔یہ زیریلے ذرات گاڑیوںاورفیکٹریوں میں فوصل فیول کے جلنے سے خارج ہوتے ہیں۔ پاکستان انوائرمنٹل پروٹیکشن ایجنسی(پاک ای پی اے) نے فضائی آلودگی کی رپورٹ جاری کی ہے۔

ذرائع کےمطابق وفاقی دارالحکومت اسلام آباد کی فضا ء میں آلودہ زرات PM2.5کی مقدارمقررہ حد سے تجاوزکرگئی ہےمقررحد 35ug/m3 ہے جبکہ ان کی مقدار60ug/m3تک اوسط بتائی گئی ہے18نومبر کو پاک ای پی اے نے(ائیرکوالٹی ) فضائی آلودگی کے حوالے سے رپورٹ جاری کی جس کے بعد سے ڈیلی رپورٹ جاری نہیں کی گئی۔18نومبرکو سرکاری رپورٹ کےمطابق زہریلی ذرات PM2.5 کی مقدار 60ug/m3 تک گئی ہے۔رات 1بجے سے صبح 8 بجے تک 40ug/m3 اوسط جبکہ صبح 8 بجے سے شام 4 بجے تک 56ug/m3اورشام 4 بجے سے رات 12 بجے تک 60ug/m3کی اوسط مقرار رہی ہے ۔

پیکنگ یونیورسٹی کے سینٹر فار پروڈکٹیو میڈیسین کی معروف جریدے جرنل انوائرمینٹل انٹرنیشنل میںشائع ہونے والی تحقیق کے مطابق فضائی آلودگی سے مردوں اورخواتین دونوں میںبانجھ پن کاخطرہ نمایاں حدتک بڑھ جاتاہے طبی تحقیق کے دوران فضائی آلودگی سے آبادی کے لیے بڑھنے والے خطرات کاتجزیہ کیاگیا۔ماہرین نے چین کے 18 ہزارجوڑوں کے اعدادوشمار کاتجزیہ کرنے پر دریافت ہواکہ ایسے علاقے جہاں چھوٹے ذرات کی آلودگی کی شرح زیادہ ہوتو ان علاقوں میں بانجھ پن کاخطرہ 20 فیصد تک بڑھ جاتاہے تحقیق میںیہ تعین نہیں کیاجاسکاکہ فضائی آلودگی کس طرح بانجھ پن کاباعث بن سکتی ہے مگر یہ پہلے سے معلوم ہے کہ آلودہ ذرات سے جسم میں ورم بڑھ جاتاہے جس سے مردوںناورخواتین کاتولیدی نظام متاثر ہوسکتاہے۔

رپورٹ کے مطابق بانجھ پن دنیا بھر میںلاکھوں جوڑوں کی زندگی کومتاثرکرتاہے مگر اس حوالے سے فضائی آلودگی کے اثرات پر اب تک کچھ خاص کام نہیںنہواہے۔فضائی آلودگی سے قبل ازوقت پیدائش اور پیدائش کے قت کم وزن جیسے مسائل کے خطرات بڑھ جاتے ہیں۔ماہرین صحت کا کہناہے کہ زہریلی ذرات PM2.5کی مقداراگر 35ug/m3سے بڑھ جائے تویہ انسانی صحت کے لیے انتہائی نقصان دہ ہوتے ہیں اس سے سانس کی بیماریوں میں اضافہ ہوتاہے اور خاص کردمہ کے مریضوں کوسانس لینے میں دشوار ی ہوتی ہے آنکھ ناک اورگلے میں سوزش،پھیپھڑوں کاکینسر، دل کی دھڑکن کی بے ترتیبی اورہارٹ اٹیک بھی ہوسکتاہے۔ماہرین نے ہدایت کی ہے کہ شہری گھروں سے باہرنکلتے وقت ماسک لازمی استعمال کریں۔

کوئٹہ : علی وزیر اور محسن داوڑ بلوچستان میں داخل نہیں ہوسکتے:وزارت داخلہ، اطلاعات کے مطابق محکمہ داخلہ بلوچستان نے پی ٹی ایم کی قیادت اور محسن داوڑ کے داخلے پر پابندی عائد کردی ہے۔

محکہ داخلہ بلوچستان کی جاب سے جاری نوٹیفیکیشن کے مطابق پشتون تحفظ مومنٹ کے منظور پشتین، علی وزیر اور محسن داوڑ بلوچستان میں داخل نہیں ہوسکتے۔

نوٹیفیکیشن کے متن میں کہا گیا ہے کہ پی ٹی ایم کے سعید عالم، عبداللہ ننھیال اور ثناء اعجاز کے داخلے پر بھی پابندی عائد ہوگی۔

نوٹیفیکیشن میں کہا گیا ہے کہ داخلے پر 90 روز کی پابندی کا اطلاق عوامی مفاد اور امن و امان کی صورتحال کو بہتر رکھنے کیلئے کیا گیا ہے۔

یاد رہےکہ دو دن قبل قومی اسمبلی کے آ زاد رکن محسن داوڑ نے علی وزیر ایم این اے کو اجلاس میں نہ بلانے پر احتجاج کیا تھا ۔ پارلیمنٹ کے مشترکہ اجلاس میں اپنی ترمیم پیش کرنے سے قبل انہوں نے سپیکر سے کہا کہ متحدہ اپو زیشن نے علی وزیر کے پروڈکشن آرڈر کیلئے آپ کو درخواست دی تھی مگر آپ نے پروڈکشن آرڈر جاری نہیں کیا۔

انہوں نے کہا کہ یہ بہت افسوس اور شرم کا مقام ہے کہ آج علی وزیر اجلاس میں مو جود نہیں ہیں ۔ وزیرستان کی نما ئندگی نہیں ہے۔ ایک تقریر کرنے پر وہ ایک سال سے قید ہیں