Author: +9251

لاہور:وزیراعلیٰ پنجاب اور آئی جی پنجاب راؤ سردار علی خان کا قصور میں غیرت کے نام پر 4افراد کے قتل کے واقعہ کا نوٹس،اطلاعات کے مطابق غیرت کے نام پرقصور میں 4 افراد کے قتل پرپنجاب کی ساری انتظامیہ ہل کررہ گئی

یہ بھی معلوم ہوا ہے کہ آئی جی پنجاب راو سردار علی خان نے ڈی پی او قصور کو فورا موقع پر پہنچنے اور ملزم کی گرفتاری کے لیے چھاپے مارنے کی ہدایت کردی ہے، یہ بھی معلوم ہوا ہے کہ آر پی او شیخوپورہ سے واقعہ کی رپورٹ طلب کرلی گئی ہے

یہ بھی معلوم ہوا ہے کہ وزیر اعلی پنجاب سردار عثمان بزدار نے بھی قصور کے نواحی گاؤں میں فائرنگ کے واقعہ کا نوٹس لیا ہے اور انہوں نے انسپکٹر جنرل پولیس سے رپورٹ طلب کرنے کےساتھ ساتھ فائرنگ میں ملوث ملزمان کی جلد گرفتاری کا حکم بھی دے دیا ہے

وزیراعلیٰ عثمان بزدار نے قصور کے ان مقتولین کے لواحقین کو انصاف کی فراہمی یقینی بنائی ہدایت بھی کی ہے

یاد رہے کہ ستوکی میں فائرنگ سےدو خواتین سمیت 4 افراد قتل جبکہ ایک شدید زخمی ہوگیا ہے ، یہ بھی بتایا جارہا ہے کہ ڈی پی او قصور صہیب اشرف و پولیس کی بھاری نفری موقع پر پہنچ گئی ، یہ بھی معلوم ہوا ہے کہ ڈی پی او قصور صہیب اشرف نے کرائم سین کی ٹیمیں طلب کر لی

رپورٹ کے مطابق یسین نامی شخص نے بیوی، بیٹی کو قتل کرنے کے بعد بھتیجے پر حمام میں فائرنگ کی،حمام میں فائرنگ سے ملزم کا بھتیجا وقاص ، حمام مالک الیاس جاں بحق جبکہ آصف شدید زخمی ہوا

مقامی لوگوں کا کہنا ہے کہ یسین نامی ملزم نے غیرت کے نام پر بھتجے کی وجہ سے خواتین سمیت 4 افراد کو قتل کیا۔

دوسری طرف ڈی پی او قصور صہیب اشرف کا کہنا ہے کہ قتل کے افسوس ناک واقعہ کی ہر پہلو پر تفتیش کر رہے ہیں ، موقع پر موجود شواہد اکھٹے کر کے تمام چیزیں سامنے لائیں گے ۔

لاہور:کرکٹ کی دنیا کےایک اوربڑے میلے”انڈر19 کرکٹ” ورلڈکپ 2022 کے شیڈول کا اعلان،اطلاعات کے مطابق انٹرنیشنل کرکٹ کونسل (آئی سی سی) نے انڈر 19 کرکٹ ورلڈکپ 2022 کے شیڈول کا اعلان کردیا ہے۔

آئی سی سی کے مطابق ایونٹ 14 جنوری سے 4 فروری تک ویسٹ انڈیز میں ہو گا جبکہ اس میں 16 ممالک شریک ہوں گے جن کے درمیان 4 شہروں میں 48 میچز ہوں گے۔

گروپ اے میں بنگلادیش ،انگلینڈ ،کینیڈا اور متحدہ عرب امارات جبکہ گروپ بی میں بھارت ،آئر لینڈ ،جنوبی افریقا اور یوگنڈا شامل ہیں۔

Mark your calendars 🗓

Here are the full fixtures of the ICC Under 19 Men's Cricket World Cup 2022 👇https://t.co/cM3iSfgcZS

— ICC (@ICC) November 17, 2021

اس کے علاوہ گروپ سی میں افغانستان ،پاکستان ، پاپوانیو گنی اور زمبابوے اور گروپ ڈی میں آسٹریلیا ،اسکاٹ لینڈ ،سری لنکا اور ویسٹ انڈیز کی ٹیمیں شامل ہیں۔

نیوزی لینڈ کی ٹیم ایج گروپ کیلئے ملکی قرنطینہ قوانین کی وجہ سے شامل نہیں اس لیے ایونٹ میں نیوزی لینڈ کی جگہ اسکاٹ لینڈ کو شامل کیا گیا ہے۔

واضح رہے کہ پاکستان ٹیم 15جنوری کو پاپوانیو گنی، 20 کو افغانستان اور 22 جنوری کو زمبابوے کےخلاف میچ کھیلے گی۔

شکر گڑھ: نوجوت سدھو اوربھارتی پنجاب کے وزیراعلیٰ نے کل کرتارپورآنے کا اعلان کردیا،اطلاعات کے مطابق بھارتی پنجاب کے وزیراعلیٰ چرن جیت سنگھ اور نوجوت سنگھ سدھو جمعرات کو کرتارپور آئیں گے۔

تفصیلات کے مطابق بابا گورونانک کے 552 جنم دن کی تقریبات کے لیے بھارت سمیت دنیا بھر سے سکھ یاتریوں کی پاکستان آمد کا سلسلہ شروع ہو گیا ہے۔

سی ای او کرتار پور محمد لطیف کے مطابق بھارتی پنجاب کے وزیراعلیٰ چرن جیت سنگھ چنی کل بذریعہ راہداری کرتار پور آئیں گے۔ صدر کانگریس کمیٹی پنجاب نوجوت سندھو بھی کل راہداری سے دربار آئیں گے، ڈپٹی چیف منسٹر ز اوم پرکاش اور سکھویندر سنگھ رندھاوا بھی آنے والی شخصیات میں شامل ہیں۔

انہوں نے کہا کہ راجستھان کابینہ کے رکن ہریش چودھری،بھارتی پنجاب کی قانون ساز اسمبلی کے 9 ممبران کرتار پور راہداری پر اپنے مذہبی فرائض کی ادائیگی کے لیے آئیں گے۔

بابا گرو نانک کی برسی
بھارت سے سکھ یاتریوں کی آمد
بھارتی سکھ پاکستان آمد پر خوشی سے نہالhttps://t.co/6jF4cgeUsE#پاکستان_کی_ہوئی_جیت #Parliament #DhandhliKiTayari #SpiderManNowWayHome pic.twitter.com/99iK02nwwy

— Baaghi TV باغی ٹی وی (@BaaghiTV) November 17, 2021

بابا گورونانک کے 552 جنم دن کی تقریبات کے لیے بھارت سمیت دنیا بھر سے سکھ یاتریوں کی پاکستان آمد کا سلسلہ شروع ہو گیا ہے۔

دوسری طرف 27 سے زائد سکھ یاتریوں کو ویزا جاری کیا گیا جو واہگہ کے راستے لاہور پہنچ گئے، حکومت پاکستان نے یاتریوں کو دی جانے والی سکیورٹی، رہاٸش سمیت سفری انتظامات مکمل کر لیے۔

بھارتی یاتری دس روز قیام کے دوران لاہور سمیت ننکانہ صاحب، شیخوپورہ، گوجرانوالہ، اٹک، سیالکوٹ اور کرتاپور نارووال میں موجود گوردواروں میں اپنی مذہبی رسومات ادا کریں گے۔

اُدھر سکیورٹی کے فول پروف انتظامات کئے گئے ہیں جبکہ کورونا ایس او پی پر عملدرآمد کو ترجیح دی جارہی ہے۔ سکھ مذہب کے بانی اور پہلے گورو بابا نانک دیو جی کے جنم دن کی 552 ویں تقریبات کے لیے بھارتی سکھ یاتری پاکستان پہنے بھارتی سکھ یاتری واہگہ کےراستے پاکستان آنےکے بعد گوردوارہ جنم استھان ننکانہ صاحب کے لیے روانہ ہوجاٸیں گے۔

ننکانہ صاحب میں تین روزہ قیام کے دوران ننکانہ صاحب میں موجود ساتوں گوردواروں میں اپنی مذہبی رسومات کی ادائیگی کریں گے۔

اسلام آباد: بھارت میں نمازجمعہ کی ادائیگی پر پابندی اورمساجد کی توڑپھوڑ:پاکستان کی طرف سے شدید مذمت،اطلاعات کے مطابق پاکستان نے بھارت میں نمازجمعہ کی ادائیگی پر پابندی اورمساجد کی توڑپھوڑکی شدید مذمت کی ہے۔

ترجمان دفتر خارجہ کے مطابق بی جے پی کی ہریانہ حکومت کی طرف سے ریاست میں نمازجمعہ کی ادائیگی پرپابندی کی مذمت کرتے ہیں۔

ترجمان کا کہنا تھاکہ سنگھ پریوارکے انتہا پسندوں کی طرف سے مساجد کی مسلسل توڑ پھوڑ پر تشویش ہے۔

ترجمان کے مطابق مسلمانوں کی عبادت گاہوں پرحملوں پرگہری تشویش ہے، بنیاد پرست گروہوں نے مبینہ طورپرنمازجمعہ کے کئی مقامات پرگوبرپھینک کرمذہبی مقامات کی بے حرمتی کی۔

ترجمان نے بتایا کہ بین الاقوامی تشویش کے باوجود بھارتی ریاست تریپورہ میں مسلمانوں کی عبادت گاہوں اور گھروں کےخلاف حملے جاری ہیں۔ترجمان نے مطالبہ کیا کہ عالمی برادری اور اقوام متحدہ بھارت میں بڑھتی ہوئی اسلامو فوبیا کا نوٹس لے۔

اسلام آباد : پی ٹی آئی کے 26 لوگ کل رات تک ہمارے ساتھ رابطے میں تھے:پھرپتہ نہیں‌ کیا ہوا:رانا ثنااللہ کے اس دعوے پر وزیرمملکت پارلیمانی امور علی محمد خان اور ن لیگی رہنما رانا ثنا اللّٰہ آمنے سامنے آگئے۔

ذرائع کے مطابق آج ہونے والی قانون سازی کے حوالے سے علی محمد خان اور رانا ثنا اللّٰہ نے گفتگو کی۔جس پروزیرمملکت علی محمد خان نے کہا کہ پارلیمنٹ کے مشترکہ اجلاس میں انتخابی اصلاحات اور دیگر بل کثرت رائے سے منظور ہوئے ہیں۔

وزیرمملکت علی محمد خان نے کہا کہ مختلف فورمز پر اپوزیشن کے ساتھ بلوں پر بحث کی گئی، اگر قانون سازی میں کہیں ابہام ہے تو اپوزیشن نشاندہی کرے۔وزیر پارلیمانی امور نے مزید کہا کہ ن لیگ ووٹ کو عزت دو کی بات کرتی ہے وہیں چھانگا مانگا کی سیاست کرتی ہے۔

رانا ثنا اللّٰہ نے کہا کہ پی ٹی آئی کے 26 لوگ کل رات تک ہمارے ساتھ رابطے میں تھے، رانا ثنااللہ کا کہنا تھا کہ پھر پتہ نہیں‌کیا ہوا کہ کوئی بھی ہماری صف میں‌کھڑا ہونے کا لیے تیار کیوں نہ ہوا ، ان کا یہ بھی کہنا تھا کہ حکومت کا اعتماد کھو دینے پر ہماری خوشی ہوا میں نہیں تھی۔

انہوں نے علی محمد خان کی بات کا جواب دیتے ہوئے کہا کہ ہم کسی سے رابطے نہیں کرتے پی ٹی آئی کے لوگ ہم سے رابطے کرتے ہیں۔