Author: +9251

کراچی: بلدیاتی ملازمین کو اب زیادہ عرصہ تک حقوق سے محروم نہیں رکھا جاسکتا ۔

آل پاکستان لوکل گورنمنٹ ورکرز فیڈریشن کے مرکزی چیئرمین سید ذوالفقار شاہ (کراچی)، صدر ملک نوید اعوان (پشاور)، سینئر نائب صدر رسول بخش شاہانی (لاڑکانہ)، نائب صدر ساجد محمو بھٹہ (لودھراں)، عارف خان (حیدرآباد)، سوار خان (تخت بائی)، جنرل سیکریٹری ملک نصیرالدین ہمایوں (گوجرانوالہ)، ڈپٹی جنرل سیکریٹری میاں یاسین وٹو (پاک پتن)، جوائنٹ سیکریٹری کشن لعل راجہ (نوشہروفیروز)، محمد عالم سموں (اوستہ محمد)، آرگنائزنگ سیکریٹری راجہ عاصم شہزاد (کراچی)، فنانس سیکریٹری پرویز چیدا مسیح (راولپنڈی)، مرکزی رہنما بانی فیڈریشن غلام محمد ناز (راولپنڈی) نے کہا ہے کہ بلدیاتی ملازمین کو اب زیادہ عرصہ تک حقوق اور قانونی مراعات سے محروم نہیں رکھا جاسکتا۔

موجودہ صوبائی حکومتیں انگریزوں کی طرح ملازمین کو ذاتی غلام سمجھتے ہوئے خوفزدہ کرنے کیلئے سرکاری مشینری کے ذریعے یونین رہنمائوں پردائو ڈالنے کیلئے انہیں مقدمات، انکوائری میں الجھارہی ہے تاکہ وہ اپنی جدوجہد سے ہٹ جائیں لیکن انہیں نہیں پتہ کہ آل پاکستان لوکل گورنمنٹ ورکرز فیڈریشن کے لیڈران نہ بکنے والے ہیں اور نہ ہی جھکنے والے ہیں۔
انہوں نے مزید کہا کہ آن لائن ٹریژری سے تنخواہوں کی ادائیگی کیلئے ملک گیر کامیاب احتجاج خوش آئند ہے۔ جس سے بلدیاتی ملازمین کے حوصلے بلند ہوگئے ہیں۔ 29 نومبر کو سندھ میں تالابندی ہوگی۔ اگر حکومت سندھ نے رکاوٹ ڈالی تو پھر پورے ملک میں دمادم مست قلندر کرتے ہوئے صفائی کے نظام کو جام کردی اجائے گا۔ لہٰذا حکومت سندھ 29 نومبر سے قبل بلدیاتی ملازمین کی تنخواہیں آن لائن ٹریژری سے کرنے کا نوٹیفکیشن جاری کرے۔

کراچی : جمعیت علماء اسلام پاکستان کے مرکزی ترجمان محمد اسلم غوری اور ضلع جنوبی کراچی کے امیر شیخ الحدیث مولانا نور الحق کا آتشزدگی سے متاثرہ صدر کوآپریٹو مارکیٹ کا دورہ

تفصیلات کے مطابق جمعیت علماء اسلام پاکستان کے مرکزی ترجمان محمد اسلم غوری اور ضلع جنوبی کراچی کے امیر شیخ الحدیث مولانا نور الحق کا آتشزدگی سے متاثرہ صدر کوآپریٹو مارکیٹ کا دورہ کیا مارکیٹ میں ہونے والے نقصانات پر افسوس کا اظہار کیا مارکیٹ کے صدرشیخ فیروز اور آتشزدگی سے متاثرہ تاجروں سے ملاقات کی

مرکزی ترجمان محمد اسلم غوری نے میڈیا سے گفتگو کرتے ہوئے آتشزدگی کے واقعے اور آگ بروقت نہ بجھنے پر ناقص انتظامات کی تحقیقات کا مطالبہ کیا۔ اور کہا کہ سندھ اور مرکزی حکومت فی الفور تاجروں کے نقصان کا ازالہ کرکے مالی تعاون بھی فراہم کریں۔ الیکٹرانک ڈیلر ایسوسی ایشن کے صدر محمدرضوان عرفان سے ملاقات کرکے انکو مذکورہ معاملے پر مکمل تعاون کی یقین دھانی کرواتے ہیں ۔
انہوں نے مزید کہا کہ آتشزدگی کے واقعے اور تاجروں کے مسائل کو قومی اسمبلی اور سینیٹ کے فلور پر بھی آواز اٹھانے کی یقین دہانی کراتا ہوں۔

اور کہا کہ گزشتہ روز کراچی میں پی ڈی ایم کے مہنگائی مارچ میں تاجروں کی بھرپور شرکت پر انکا شکریہ ادا کرتے ہیں۔

کراچی : ایم کیو ایم پاکستان کے وفد نے گزشتہ روز صدر میںکوآپریٹو مارکیٹ آتشزدگی سے متاثر ہونے والے تاجروں سے ملاقات کی ۔

ایم کیو ایم کے وفد میں رکن سندھ اسمبلی منگل شرما ،ٹاؤن انچارج عرفان اللہ خان ،اظہر علی ،عابدہ سلطانہ ،جون ،اظفر ،نبیل ،یوسی ذمہ داران اور دیگر شامل تھے ۔

ایم کیو ایم کے رہنماؤں نے تاجروں سے گفتگو کرتے ہوئے کہا کہ واقعہ میں تاجروں کے کروڑوں روپے کے نقصان پر دلی افسوس ہوا ہے ۔

ہم مشکل کی اس گھڑی میں تاجر برادری کے ساتھ کھڑے ہیں اور نقصان کے ازالے کے لیے ہر فورم پر آواز اٹھائیںگے۔تاجر رہنماؤں نے آتشزدگی کے واقعہ کے حوالے سے قومی اسمبلی میں آواز اٹھانے پر ایم کیو ایم پاکستان کی قیادت کا شکریہ ادا کیا گیا ۔

کراچی : شہر قائد میں راشن دلوانے کے بہانے خاتون کو جھانسہ دے کر ہوس کا نشانہ بنا دیا گیا۔

تفصیلات کے مطابق کراچی کے علاقہ شاہ لطیف ٹاؤن میں راشن دینے کا جھانسہ دے کر غریب خاتون کو زیادتی کا نشانہ بنایا گیا۔ کراچی کی بن قاسم پولیس نے ملزم پرویز جٹ کو گرفتار کرکے واقعہ کا مقدمہ درج کرلیا ہے۔ واضح رہے کہ کراچی میں خواتین کے ساتھ مبینہ زیادتی کے واقعات میں اضافہ ہوتا جارہا ہے لیکن پولیس ایسے واقعات میں کمی لانے میں ناکام ہوتی دکھائی دے رہی ہے۔
قبل ازیں کراچی کے علاقہ گلشن حدید میں پولیس اہلکار نے لڑکی کو زیادتی کا نشانہ بنا دیا۔ پولیس کا کہنا ہے کہ کراچی کے علاقے گلشن حدید میں 18 سالہ لڑکی کے ساتھ رشتے دار کی جانب سے زیادتی کا مبینہ واقعہ پیش آیا ، جس کے بعد ملزم کو گرفتار کرلیا گیا ہے۔

پولیس کی جانب سے جاری بیان میں بتایا گیا کہ لڑکی سے زیادتی کا مقدمہ متاثرہ لڑکی کے والد کی مدعیت میں اسٹیل ٹاؤن تھانے میں درج کیا گیا جس کے مطابق ملزم وقار پولیس اہلکار ہے جو لڑکی کا رشتے دار بھی ہے۔

پولیس نے بتایا کہ ملزم وقار پہلے سے شادی شدہ ہے، ملزم اور متاثرہ لڑکی کے میڈیکل کے بعد مزید تفتیش کی جائے گی۔ واضح رہے کہ جوں جوں ملک بھر میں جنسی زیادتی کے واقعات میں اضافہ ہو رہا ہے ویسے ہی ان واقعات کے رپورٹ ہونے کے بعد انصاف کی فراہمی میں بھی تاخیر ہو رہی ہے۔ ایک اندازے کے مطابق ’پاکستان میں روزانہ 11 خواتین اور آٹھ بچے زیادتی کا شکار ہوتے ہیں۔

کراچی : خواجہ سراؤں کا بڑی تعداد میں پیپلز پارٹی میں شمولیت کا اعلان

کراچی: خواجہ سراؤں کی بڑی تعداد نے پیپلز پارٹی میں شمولیت کا اعلان کردیا۔

با خبر ذرائع کے مطابق کراچی میں خواجہ سراؤں نے بڑی تعداد میں پیپلزپارٹی میں شمولیت کا اعلان کردیا۔ اس موقع پر خواجہ سراؤں کے 25 سرکردہ رہنماؤں نے پیپلزپارٹی سندھ کے صدرنثار کھوڑو کے ہمراہ پریس کانفرنس کرتے ہوئے پارٹی قیادت پر اعتماد کا اعلان کیا۔

پیپلزپارٹی سندھ کے صدر نثار کھوڑو نے پریس کانفرنس کرتے ہوئے کہا کہ خواجہ سراؤں کے 25 سرکردہ رہنما پیپلزپارٹی میں شامل ہوئے ہیں، جب کہ ان کے زیر سایہ رہنے والے خواجہ سرا بھی پارٹی میں شامل ہوچکے ہیں، پیپلزپارٹی سوشل ڈیموکریٹ پارٹی ہے یہاں سب کے لئے یکساں مواقع ہیں۔

کراچی : ناطم جوکھیو قتل کیس کی تفتیشی ٹیم کو تبدیل کر دیا گیا ہے۔

تفصیلات کے مطابق کراچی کے علاقہ ملیرجام گوٹھ میں ناظم جوکھیو کے قتل کیس کی تفتیشی ٹیم تبدیل کردی گئی ہے۔ نئی تفتیشی ٹیم کی تشکیل کے لیے ایڈیشنل آئی جی کراچی نے نوٹیفکیشن بھی جاری کر دیا۔ ایڈشنل آئی جی کراچی کی جانب سے جاری نوٹیفکیشن کے مطابق نئی جوائنٹ تین رکنی تفتیشی ٹیم کی سربراہی اے آئی جی پی تنویرعالم اوڈھو کریں گے اور ڈی ایس پی غلام علی جومانی اور انسپکٹر سراج احمد لاشاری بھی ٹیم کا حصہ ہوں گے۔
کیس کی تفتیش میں مدعی مقدمہ کی جانب سے عدم اطمینان کےاظہار کے بعد نئی مشترکہ تحقیقاتی ٹیم تشکیل دی گئی۔نئی تحقیقاتی ٹیم تشکیل دینے کے بعد پرانی مشترکہ تحقیقاتی ٹیم خود بخود تحلیل ہو جائے گی، ذرائع کے مطابق تین رکنی ٹیم پرانی مشترکہ تحقیقاتی ٹیم سے اب تک ہونے والی تمام تفصیلات حاصل کرے گی اور فورا اپنا کام شروع کرے گی۔

یاد رہے کہ ناظم جوکھیو کے بھائی نے کیس کی پیش رفت اور تفتیش پر عدم اطمینان کا اظہار کرتے ہوئے ایڈیشنل آئی جی کراچی سے تحقیقاتی ٹیم تبدیل کرنے کی درخواست کی تھی۔

درخواست میں اے آئی جی فنانس تنویر عالم اوڈھو ، انسپکٹر سراج لاشاری اور ڈی ایس پی غلام علی جمانی کے نام پیش کیے تھے اور کہا تھا کہ تفتیش متعلقہ افسران کو سونپی جائے۔ جس کے بعد ایڈیشنل آئی جی کراچی کی جانب سے بنائے گئے بورڈ نے درخواست منظور کرتے ہوئے قانون کے مطابق تفتیش میں تبدیلی کی منظوری دی ۔ واضح رہے کہ ناظم جوکھیو قتل کیس میں اب تک 6 ملزمان کو گرفتار کیا جا چکا ہے، کیس میں نامزد جام عبدالکریم سمیت 4 ملزمان ضمانت قبل از گرفتاری حاصل کرچکے ہیں۔

کراچی : قومی کرکٹ ٹیم کے سابق کپتان شاہد آفریدی نے کہا ہے کہ اٴْنہیں شعیب اختر کے مسائل سن کر بہت اچھا لگا۔
میڈیارپورٹ کے مطابق پاکستان کرکٹ ٹیم کے سابق فاسٹ بولر شعیب اختر نے انکشاف کیا ہے کہ اٴْنہیں سابق کپتان شاہد آفریدی سے بہت سے مسئلے ہیں جس کی ویڈیو اٴْنہوں نے اپنے ٹوئٹر اکاؤنٹ پر شیئر کی۔
اب شاہد آفریدی نے شعیب اختر کی ویڈیو پر ردّعمل دیتے ہوئے سابق فاسٹ بولر کا شکریہ ادا کیا ہے۔شاہد آفریدی نے مزاحیہ انداز میں کہا کہ آپ کے منہ سے اتنا سارا سچ سن کر بہت اچھا لگا۔

سابق کپتان نے کہا کہ میرے دوست! آپ کو دیکھ کر بہت اچھا لگا۔اٴْنہوں نے کہا کہ آپ فٹ نظر آتے ہیں، اٴْمید ہے آپ کے گھٹنے آپ کا ساتھ دیتے رہیں گے۔واضح رہے کہ شعیب اختر نے مزاحیہ انداز میں کہا تھا کہ پہلا مسئلہ یہ ہے کہ شاہد آفریدی ان سے زیادہ بہتر نظر آتے ہیں، دوسرا مسئلہ یہ ہے کہ شاہد آفریدی میں ان سے زیادہ دور تک شاٹ مارنے کی صلاحیت ہے۔

انہوں نے کہا تھا کہ تیسرا مسئلہ یہ ہے کہ شاہد آفریدی کے پاس مجھ سے زیادہ شہرت ہے اور آخری مسئلہ یہ ہے کہ اٴْنہیں آفریدی کے بالوں سے بھی مسئلہ ہے کیونکہ شاہد آفریدی کے سر پر اٴْن سے زیادہ بال ہیں۔