Author: +9251

دبئی :ٹی ٹوئنٹی ورلڈ کپ سیمی فائنل ہارنے کے بعد قومی ٹیم کی بنگلہ دیش ہجرت کی تیاریاں ،اطلاعات کے مطابق ٹی ٹوئنٹی ورلڈ کپ کے سیمی فائنل میں آسٹریلیا کے ہاتھوں سیمی فائنل میں شکست کے بعد قومی ٹیم کا ورلڈکپ کا سفر اختتام ہوا۔

ادھر اطلاعات ہیں کہ ورلڈکپ میں شکست کے بعد اب پاکستان کرکٹ ٹیم جمعہ کی رات کو دبئی سے بنگلادیش ہجرت کرجائےگی جبکہ کپتان بابر اعظم اور آل راؤنڈر شعیب ملک 16 نومبر کو بنگلا دیش میں اسکواڈ کو جوائن کریں گے۔

واضح رہے کہ بنگلادیش کے خلاف 3 ٹی ٹوئنٹی میچز پر مشتمل سیریز 19 نومبر سے ڈھاکا میں شروع ہوگی۔سیریز کے تینوں میچز 19، 20 اور 22 نومبر کو ڈھاکا میں کھیلے جائیں گے۔

یاد رہے کہ بنگلادیش کے خلاف ٹی ٹوئنٹی سیریز کیلئےٹی ٹوئنٹی ورلڈ کپ کے قومی اسکواڈ میں صرف ایک تبدیلی کی گئی ہے،محمد حفیظ کی جگہ افتخار احمد کو اسکواڈ کا حصہ بنایا گیا ہے۔

یہ بھی یاد رہے کہ آئی سی سی مینز ٹی ٹوئنٹی ورلڈکپ میں اب تک ناقابل شکست رہنے والی پاکستان ٹیم آسٹریلوی قلعہ فتح کرنے میں ناکام رہی اور ورلڈ کپ سے باہر ہوگئی جبکہ آسٹریلیا فائنل میں پہنچ گیا۔

پاکستان نےآسٹریلیا کی دعوت پر پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 176 رنز بنائے، محمد رضوان 67 اور فخر زمان 55 رنز بناکر نمایاں رہے۔

آسٹریلیا نے 177 رنز کا ہدف 19 اوورز میں 5 وکٹوں کے نقصان پر پورا کرکے ایونٹ میں ناقابل شکست رہنے والی پاکستان ٹیم کو شکست دی۔ میتھیو ویڈ کو میچ کا بہترین کھلاڑی قرار دیا گیا۔

اسلام آباد:افغانستان کی آریانا ایئرلائنز کی کابل سے اسلام آباد کیلئے پروازوں کا آغاز:کرایہ کتنا ہوگا یہ بھی اعلان ہوگیا ،اطلاعات کے مطابق افغانستان کی سرکاری آریانا ایئرلائنز نے کابل سے اسلام آباد کے لیے ہفتے میں دوپروازوں کا باقاعدہ آغاز کردیا۔

خبرایجنسی رائٹرز کے مطابق آریانا نے رواں ہفتے دبئی کے لیے باقاعدہ پروازیں شروع کردی تھیں اور اب کابل سے اسلام آباد کے لیے پیر اورجمعرات کو ہفتے میں دو پروازیں شروع کرے گی۔

اریانا ائیر لائن نے اپنے سوشل میڈیا پیج پر بیان میں کہا تھا کہ انہوں نے کابل اور مغربی شہر ہرات، افغانستان کے شمال میں واقع مزار شریف اور جنوب میں واقع قندھار کی پروازیں دوبارہ بحال کردی ہیں۔بیان میں کہا گیا تھا کہ’اریانا افغان ائیر لائنز کو مقامی پروازوں کی بحالی پر فخر ہے‘۔

رپورٹ کے مطابق افغانستان کی سرکاری ایئرلائن کا کابل سے کرایہ 400 ڈالر اور اسلام آباد سے 100 ڈالر ہوگا۔اس سے قبل افغانستان کی ایئرلائن کام ایئر نے بھی پروازیں شروع کی تھیں، جس کی کابل اور اسلام آباد کے درمیان ہفتے میں 5 پروازیں ہیں۔

نجی ایئر لائن کام ایئر نے رواں ہفتے کے آغاز میں اسلام آباد کے لیے ہفتےمیں 5 پروازیں شروع کی تھی اور اس کے ساتھ طالبان کے اقتدار میں آنے کے بعد بین الاقوامی پروازوں کا سلسلہ بتدریج بحال ہورہا ہے۔

آریانا ایئرلائنز نے اسلام آباد کے لیے پروازیں شروع کرنے کا اعلان ایک ایسے وقت میں کیا ہے جب عبوری وزیرخارجہ امیرخان متقی تین روزہ دورے پر پاکستان آئے ہوئے ہیں اور یہ کسی طالبان وزیر کا پہلا غیر ملکی دورہ ہے۔

لاہور:’ہمیں تم پر فخرہے’تُم ہارکر بھی جیتے: صدر، وزیراعظم سمیت دیگر کا قومی ٹیم کو خراج تحسین ،اطلاعات کے مطابق صدر ، وزیراعظم عمران خان، مسلم لیگ ن کے صدر شہباز شریف سمیت ہر کوئی گرین شرٹس کو ہار کے باوجود خراج تحسین پیش کیا ہے۔

ادھر آج دبئی میں کھیلے گئے ٹی20 ورلڈ کپ کے دوسرے سیمی فائنل میں آسٹریلیا نے ٹاس جیت کر پاکستان کو بیٹنگ کی دعوت دی تھی۔پاکستان نے پہلے کھیلتے ہوئے محمد رضوان اور فخر زمان کی شاندار بیٹنگ کی بدولت 176 رنز بنائے تھے، کینگروز نے یہ ہدف 19 اوورز میں حاصل کر لیا۔ ڈیوڈ وارنر، میتھیو ویڈ اور مارکس سٹوئنس نے ذمہ دارانہ بیٹنگ کی۔

آسٹریلیا کے ہاتھوں اعصاب شکن میچ ہارنے کے باوجود ٹویٹر پر ٹاپ ٹرینڈ بن گیا اور ہر کوئی گرین شرٹس کو خراج تحسین پیش کرنے لگا۔ اسی دوران کچھ شائقین نے حسن علی پر طنزیہ وار بھی کیے۔

To Babar Azam & the team: I know exactly how all of you are feeling right now bec I have faced similar disappointments on the cricket field. But you shd all be proud of the quality of cricket you played & the humility you showed in your wins. Congratulations Team Australia.

— Imran Khan (@ImranKhanPTI) November 11, 2021

وزیراعظم عمران خان نے سماجی رابطے کی ویب سائٹ ٹویٹر پر بابر اعظم کے بارے میں کہا کہ بخوبی جانتا ہوں آپ سب اس وقت کیسا محسوس کر رہے ہیں کیونکہ مجھے کرکٹ کے میدان میں بھی ایسی ہی مایوسیوں کا سامنا کرنا پڑا ہے لیکن گرین شرٹس نے اپنی کرکٹ کے معیار اور جیت میں جس عاجزی کا مظاہرہ کیا اس پر فخر ہوگا۔

آخر میں انہوں نے آسٹریلوی کرکٹ ٹیم کو فائنل میں جگہ بنانے پر مبارکباد دی۔

Green Shirts you played well but lost. Congratulations to Australia. A good game of cricket.

— Dr. Arif Alvi (@ArifAlvi) November 11, 2021

صدر مملکت ڈاکٹر عارف علوی نے ٹویٹر پر لکھا کہ میچ میں جیت پر آسٹریلوی ٹیم کو مبارکباد دیتا ہوں، قومی ٹیم اچھا کھیلی لیکن پھر بھی میچ ہار گئے۔

You have united the land truly and you have refreshed it’s mood with promise. We thank you and we are proud the way you fought. Well done boys. #PakistanZindabad

— Ramiz Raja (@iramizraja) November 11, 2021

Great game of cricket … Boys in green played brilliantly throughout the tournament … Pakistan Zindabad! 🇵🇰

— Shehbaz Sharif (@CMShehbaz) November 11, 2021

دبئی :آسٹریلیا جیسی ٹیم کو چانس دینگے تو وہ میچ لے جاتے ہیں،حسن علی ٹرننگ پوائنٹ تھا:اطلاعات کے مطابق آئی سی سی مینز ٹی ٹوئنٹی ورلڈکپ کے دوسرے سیمی فائنل میں آسٹریلیا نے پاکستان کو شکست دیکر فائنل کیلئے کوالیفائی کیا۔

میچ کے بعد گفتگو کرتے ہوئے قومی کرکٹ ٹیم کے کپتان بابر اعظم کاکہنا تھا کہ اچھی ٹیم کو اگر چانس دیں گے تو میچ جیتنا مشکل ہوجاتا ہے۔بابر اعظم نے کہا کہ میچ کا ٹرننگ پوائنٹ حسن علی کا کیچ ڈراپ کرنا تھا۔اس کے علاوہ انہوں نے کہا کہ جس طرح ٹیم نے ایونٹ کھیلا میٕں بطور کپتان مطمئن ہوں۔

واضح رہے کہ پاکستان نے آسٹریلیا کو جیت کیلئے 177 رنز کا ہدف دیا جو اس نے 5 وکٹوں کے نقصان پر 19 اوورز میں مکمل کیا۔

ہدف کے تعاقب میں آسٹریلیا کی 5 وکٹیں 96 رنز پر گر گئیں تھیں لیکن مارکس اسٹوئنس اور متھیو ویڈ نے شاندار بیٹنگ کرتے ہوئے اپنی ٹیم کو دوسری بار ٹی ٹوئنٹی ورلڈکپ کے فائنل میں پہنچا دیا۔

19ویں اوور میں حسن علی نے میتھوویڈ کا کیچ چھوڑ اجو پاکستان کی شکست کی وجہ بنی،ویڈنے کیچ ڈراپ ہونے کے بعد شاہین آفریدی کو 3 لگاتار چھکے مار کر میچ ختم کردیا۔

ویڈ نے17 گیندوں پر برق رفتار 41 رنز بنائے جبکہ مارکس مارکس اسٹوئنس نے 40 رنز بناکر ٹیم کو فتح دلوانے میں اہم کردار ادا کیا۔

دبئی :محمد رضوان عظیم کرکٹرز محمد یوسف اور ٹنڈولکر کی صف میں شامل ہوگئے ،اطلاعات کے مطابق متحدہ عرب امارات میں جاری ورلڈ ٹی ٹوئنٹی کے سیمی فائنل میچ میں آسٹریلیا کیخلاف وکٹ کیپر بیٹر رضوان ایک اورکارنامہ انجام دےکر عظیم بلے بازوں کی صف میں آگئے۔

محمد رضوان نے سال 2021 میں اب تک 57.79 کی اوسط سے 1ہزار 33 ٹی ٹوئنٹی انٹرنیشنل رنز بنائے ہیں جو کہ ایک کیلنڈر ایئر میں سب سے زیادہ ہیں، وہ ایک کیلنڈر ایئر میں ہزار ٹی ٹوئنٹی انٹرنیشنل رنز بنانے والے دنیا کے پہلے بیٹر بھی ہیں۔

اس طرح ایک سال کے دوران ٹی ٹوئنٹی انٹرنیشنل میں سب سے زیادہ رنز بنانے کا اعزاز رضوان نے حاصل کرلیا ہے۔

خیال رہے کہ ٹیسٹ کرکٹ میں ایک کیلنڈر ایئر میں سب سے زیادہ رنز کا ریکارڈ پاکستان کے محمد یوسف کے پاس ہے جنہوں نے 99.33 کی اوسط سے 1788 رنز بنائے تھے۔

ایک روز ہ کرکٹ میں ایک کیلنڈر ایئر میں سب سے زیادہ رنز کا اعزاز بھارتی بلے باز سچن ٹنڈولکرکے پاس ہے جنہوں نے 1998 میں 65.31 کی اوسط سے 1894 رنز بنائے تھے۔

اسلام آباد: اگریہ کام نہ کیا تو نظام ختم ہوجائیگا:اطلاعات کے مطابق جسٹس قاضی فائزعیسیٰ نے جائیداد تنازعہ کے مقدمے کے دوران ریمارکس دیتے ہوئے کہا ہے کہ ہم نے قانون پرعمل کرنے کا حلف اٹھا رکھا ہے۔غیرقانونی چیزوں کونظرانداز کرنے لگے تو نظام ختم ہوجائیگا۔

سپریم کورٹ میں جسٹس قاضی فائز کی سربراہی میں دو رکنی بنچ نے جائیداد کے تنازع سے متعلق کیس کی سماعت کی۔ دوران سماعت جسٹس قاضی فائزعیسیٰ نے ریمارکس دیئے کہ ججزقانون بناتے نہیں اس کی تشریح کرتے ہیں جبکہ وکلاء کا کام ہماری معاونت کرنا ہے۔ اپیل درخواست گزارکا حق ہے جبکہ نظرثانی جج کی صوابدید پرمنحصرہے۔

اپنے ریمارکس میں جسٹس قاضی فائز عیسی نے کہا ہم نے قانون پر عمل کرنے کا حلف اٹھا رکھا ہے۔ غیرقانونی چیزوں کونظراندازکرنے لگ گئے تو نظام ختم ہو جائیگا۔ ججز کمزور لوگ ہوتے ہیں جن کے ہاتھ آئین وقانون نے باندھ رکھے ہیں۔ قانون کو ردی کی ٹوکری میں نہیں ڈال سکتے۔

دبئی:محمد رضوان کی زبردست بیٹنگ پاکستانی خوش ہوگئے:،اطلاعات کے مطابق ٹی 20 ورلڈ کپ کے دوسرے سیمی فائنل میں آج پاکستان کے اوپنربلے باز محمد رضوان کی زبردست بیٹنگ نے پاکستان کی پوزیشن مضبوط بنا دی اوردوسری طرف پاکستانی بھی رضوان کی اس اننگز سے خوش دکھائی دیتے ہیں،

آئی سی سی مینز ٹی ٹوئنٹی ورلڈکپ کے دوسرے سیمی فائنل میں پاکستان کی جانب سے محمد رضوان 67 رنز بنا کر آؤٹ ہوئے۔

خیال رہے کہ ایک روز قبل ہی شعیب ملک اور محمد رضوان فلو کا شکار ہوگئے تھے جس کے باعث دونوں کھلاڑیوں کی سیمی فائنل میں شرکت مشکوک ہوگئی تھی تاہم میڈیکل بورڈ کی سفارش کے بعد دونوں کھلاڑیوں کو میچ کھیلنےکی اجازت مل گئی۔

آسٹریلیا کےکپتان نے ٹاس جیت کر پاکستان کو پہلے بیٹنگ کی دعوت دی تو ابتدا میں محمد رضوان کچھ سست نظر آئے اور پہلے دو اوورز تک وہ کوئی رنز نہ بناسکے۔

تیسرے اوور میں میکس ویل کو رضوان نے آگے بڑھ کر شاٹ مارا تاہم وارنر ان کا کیچ نہ پکڑ سکے اور چوکا بھی ہوگیا، اس وقت رضوان صفر پہ کھیل رہے تھے۔

چھٹے اوور میں ایک بار پھر کمنز کی گیند پر رضوان کا کیچ چھوٹ گیا، اس بار فیلڈر زمپا تھے جنہوں نے کافی اچھی کوشش کی تاہم رضوان کا کیچ نہ پکڑ سکے۔محمد رضوان 18 ویں اوور میں اسٹارک کی گیند پر بالآخر کیچ آؤٹ ہوگئے انہوں نے 4 چھکوں اور 3 چوکوں کی مدد سے 52 گیندوں پر 67 رنز بنائے۔

محمد رضوان نے آج کے میچ میں سال 2021 میں ایک ہزار ٹی ٹوئنٹی انٹرنیشنل رنز بھی مکمل کرلیے۔ رضوان ایک کیلنڈر ایئر میں ہزار ٹی ٹوئنٹی انٹرنیشنل رنز بنانے والے دنیا کے پہلے بیٹر ہیں۔