Author: +9251

تنظیم بحالی کمیٹی ایم کیو ایم کے سربراہ ڈاکٹر فاروق ستار نے ملیر میں قتل ہونے والے نوجوان ناظم جوکھیو کے گھر جاکر ان کے اہل خانہ سے واقعہ پر اظہار افسوس اور تعزیت کی ۔ڈاکٹر فاروق ستارنے ناظم جوکھیو کے بچوں کو مکمل تعلیم دلانے اور قانونی مدد فراہم کرنے کا اعلان بھی کیا۔اس موقع پر میڈیا سے گفتگو کرتے ہوئے ڈاکٹر فاروق ستار نے کہا کہ ایم کیو ایم ملک کی واحد جماعت ہے جس نے ملک میں جاگیرانہ وڈیرانہ نظام کے خلاف آواز بلند کی اس نظام کے خاتمہ کیلئے جدوجہد جاری رکھی ہے

انہوں نے کہا کہ شہید ناظم جوکھیو ایک انتہائی بہادر نوجوان تھا جسے پیپلز پارٹی کے ایم پی اے نے بہیمانہ تشدد کرکے قتل کیا یہ واقعہ انسانیت کے نام پر بدنما داغ ہے ۔سندھ بھر میں پیپلز پارٹی کے وڈیروں نے غریب عوام پر ظلم و بربریت کی بازار گرم کر رکھا ہے جس کی جتنی مذمت کی جائے وہ کم اور پیپلز پارٹی پر ایک بہت بڑا سوالیہ نشان ہے۔ ڈاکٹر فاروق ستار نے پیپلزپارٹی کی اعلی قیادت وزیر اعلی سندھ سے مطالبہ کیا کہ ان قاتل ظالم وڈیروں ،سرداروں کی فی الفور اسمبلی رکنیت کے ساتھ ساتھ پارٹی کی بنیادی رکنیت سے بھی خارج کرکے قاتلوں کو اپنے کیفر کردار تک پہنچا یا جائے ۔

ایڈمنسٹریٹر کراچی مرتضیٰ وہاب کا کہنا ہے کہ کراچی کے شہری بڑی اسکرینز پر پاکستان اور آسٹریلیا کا سیمی فائنل میچ انجوائے کرسکتے ہیں، پاکستان کی فتح کی خوشی ہم مل کر منائیں گے۔

تفصیلات کے مطابق ایڈمنسٹریٹر کراچی مرتضیٰ وہاب نے ورلڈ کپ ٹی 20سیمی فائنل میں‌ پاکستان بمقابلہ آسٹریلیا کے حوالےسے کہا ہے کہ مختلف علاقوں میں میچ دکھانے کےانتظامات کرلئے ہیں۔

ایڈمنسٹریٹر کراچی کا کہنا تھا کہ شہری نارتھ ناظم آباد ، آفاق شہیدپارک،اورنگی نمبر 5میں سرجانی پارک ، کیماڑی ،بلدیہ ،مسان روڈ پر بڑی اسکرین پر براہ راست میچ دیکھ سکیں گے۔

مرتضیٰ وہاب نے بتایا کہ ہل پارک ،سفاری پارک ، پیپلز اسکوائر ، ایمپریس مارکیٹ گراؤنڈ میں یمی فائنل میچ دکھانے کیلئےاسکرین نصب کی گئیں ہیں۔

ان کا کہنا تھا کہ پاکستانی ٹیم فتوحات کا سلسلہ برقرار رکھے گی، پوری قوم کی دعائیں گرین شرٹس کے ساتھ ہیں، گرین شرٹس فائنل میں پہنچ کر ٹرافی پاکستان لائے گی۔

ایڈمنسٹریٹر کراچی نے مزید کہا کہ کراچی کے شہری بڑی اسکرینز پرسیمی فائنل میچ انجوائے کرسکتے ہیں، پاکستان کی فتح کی خوشی ہم مل کر منائیں گے۔

سندھ ہائی کورٹ نے غیر قانونی تعمیرات کو مسمار کرنے کا حکم دیتے ہوئے کہا علاقہ پولیس کی مدد لے کر غیر قانونی تعمیر علیزہ آرکیڈ کا فورتھ فلور خالی کراکر مسمار کریں۔

تفصیلات کے مطابق سندھ ہائی کورٹ میں گلشن اقبال تیرہ 13ون میں غیر قانونی تعمیر علیزہ آرکیڈ سےمتعلق سماعت ہوئی ، غیر قانونی تعمیرات مسمار نہ کرنے پر عدالت نے ڈی جی ایس بی سی اے اوردیگر پر برہمی کا اظہار کیا۔

عدالت نے کہا واضح کرچکے غیر قانونی تعمیرات پرصرف بلڈرز کے خلاف کارروائی نہیں ہوگی، غیرقانونی تعمیرات کےخلاف کارروائی نہ کرنے والوں کو نہیں چھوڑیں گے۔

عدالت کا کہنا تھا کہ ایک پلر بھی غیر قانونی تعمیر ہوگا تو ایس بی سی اے افسران عمارت سیل کرسکتے ہیں ، یہاں افسران کی ملی بھگت سے غیر قانونی تعمیرات کی بھرمار ہے، غیر قانونی تعمیرات کرنے والے سمجھ رہے ہیں کوئی کچھ نہیں بگاڑ پا رہا۔

جسٹس فیصل کمال نے ریمارکس میں کہا کہیں کہیں صرف کاسمیٹک کارروائی کی جاتی ہے ، کارروائی کریں اور الاٹیز کو معاوضہ دلوائیں۔

وکیل ایس بی سی اے نے بتایا کہ علیزہ آرکیڈ کی گراؤنڈ پلس تھری تعمیرات کی اجازت ہے، جس پر عدالت نے استفسار کی 5منزلہ عمارت کیسے بن گئی؟ کیا ایس بی سی اے افسران چھپ سادھ کر بیٹھے رہے؟

وکیل ایس بی سی اے نے بتایا کہ بلڈر محمد احمد واحدی کے خلاف مقدمہ درج کیا تھا، جس پر جسٹس ظفر احمد راجپوت کا کہنا تھا کہ مقدمہ 2016 میں درج کیا پھر اس کے بعد کیا ہوا؟ مقدمے کی پیروی کیوں نہیں کی؟

وکیل ایس بی سی اے کا کہنا تھا کہ چوتھا فلور مسمار کرنے گئے رہائشیوں کے بچےآگے ، جس پر عدالت نے کہا تو آپ لوگ بچوں سے ڈر کر واپس آگئے؟ جن افسران کی تعیناتی کےدوران تعمیرات ہوئی ان کےخلاف کیا ہوا؟ وکیل ایس بی سی اے نے بتایا افسران کے خلاف کارروائی کا آغاز کردیا ہے۔

عدالت نے غیر قانونی تعمیرات کو مسمار کرنے کا حکم دیتے ہوئے کہا علاقہ پولیس کی مدد لے کر فورتھ فلور خالی کراکر مسمار کریں اور 9دسمبر کو ایس بی سی اے سے رپورٹ طلب کرلی۔

بینظیر بھٹو اورسابق صدر آصف علی زرداری کی صاحبزادی بختاور بھٹو نے اپنے بیٹے میر حاکم محمود چوہدری کی پیدائش کو ایک ماہ مکمل ہونے پر نئی تصویر سوشل میڈیا پر شیئر کردی۔

بینظیر بھٹو اورسابق صدر آصف علی زرداری کی صاحبزادی بختاور بھٹو نے اپنے بیٹے میر حاکم محمود چوہدری کی پیدائش کو ایک ماہ مکمل ہونے پر نئی تصویر سوشل میڈیا پر شیئر کردی۔

تفصیلات کے مطابق بے نظیر بھٹو اور سابق صدر آصف علی زرداری کی صاحبزادی بختاور بھٹو زرداری نے سوشل میڈیا ویب سائٹ انسٹاگرام پر اپنے بیٹے میر حاکم محمود چوہدری کی نئی تصویر شیئر کردی۔

بختاور بھٹو نے بیٹے کی تصویر شیئر کرتے ہوئے اپنے پیغام میں لکھا ’ماشاءاللّہ! میرا بیٹا ایک ماہ کا ہوگیا ہے۔

اس سے قبل رواں ماہ کے آغاز میں بختاور بھٹو نے اپنے بیٹے میر حاکم محمود چوہدری کی پیدائش کے ایک ہفتے بعد کی تصویر شیئر کی تھی۔

یاد رہے بینظیر بھٹو اور سابق صدر آصف علی زرداری کی بیٹی بختاور بھٹو زرداری نے اپنے بیٹے کے نام کا اعلان کرتے ہوئے پیغام میں کہا تھا کہ اپنے بیٹے کا نام “میر حاکم محمود چوہدری” رکھا ہے، بیٹے کا نام میرے مرحوم ماموں ‘میر’ اور میرے دادا ‘حاکم علی زرداری’ کے ناموں پر رکھا گیا ہے۔

خیال رہے 10 اکتوبر کو بختاور بھٹو زرداری کے ہاں بیٹے کی پیدائش ہوئی تھی ، بختاور نے بیٹے کی پیدائش کا اعلان سماجی رابطے کی ویب سائٹ ٹوئٹر کرتے ہوئے بیٹے کی ولادت پر اللہ کا شکر ادا کیا تھا۔

ناظم جوکھیوقتل کیس میں عدالت نے ممبر صوبائی اسمبلی جام اویس کے جسمانی ریمانڈ میں 16 نومبر تک توسیع کردی۔

تفصیلات کے مطابق کراچی کی ملیر کورٹ میں ناظم جوکھیوقتل کیس کی سماعت ہوئی ، پولیس نے ممبر صوبائی اسمبلی جام اویس کوعدالت میں پیش کیا۔

جام اویس اوردیگرملزمان کو سخت سیکیورٹی میں عدالت پہنچایاگیا ، دوران سماعت پولیس نے ملزمان کےجسمانی ریمانڈمیں توسیع کی استدعا کی۔

وکیل ملزمان نے سوال کیا وکیل ہی خودگواہ ہیں، گواہ خود وکیل کیسے ہوسکتےہیں؟ مقدمےکی تفتیش پولیس کا کام ہے۔

جس پر تفتیشی افسر نے بتایا ویڈیومیں موجود گاڑی کا ریکارڈ ایکسائز کے پاس سےنہیں ملا، کسٹم حکام سےگاڑی کی تفصیلات حاصل کررہےہیں۔

عدالت نے جام اویس سمیت دیگر ملزمان کے جسمانی ریمانڈ میں 16نومبر تک توسیع کردی۔

خیال رہے ناظم جوکھیو قتل کیس میں تفتیشی ٹیم نے موبائل ڈیٹاکی مدد سے تفتیش تیزکردی جبکہ جام گوٹھ میں افضل جوکھیو، نیاز اور جام عبدالکریم کے فون کی لوکیش سامنے آگئی ہے۔

تفتیشی ذرائع کا کہنا تھا کہ مقتول ناظم جوکھیو کی ویڈیوکوشواہد کےطورپراستعمال کرنےکافیصلہ کرلیا ، خدشہ ہے ناظم جوکھیو کو سر پر لگنے والا ڈنڈا جان لیوا ثابت ہوا ہو تاہم تفصیلی میڈیکل رپورٹ سےمزیدحقائق سامنےآئیں گے۔