Author: +9251

لاہور: انگلینڈ کرکٹ بورڈ چیف ایگزیکٹواچانک لاہور پہنچ گئے:رمیزراجہ سے اہم ملاقات ،اطلاعات کے مطابق انگلینڈ کرکٹ بورڈ کے سربراہ ٹام ہیرسن نے پی سی بی چیئرمین رمیز راجا سے اہم ملاقات کی ہے۔

انگلش کرکٹ بورڈ (ای سی بی) کے چیف ایگزیکٹو ٹام ہیری سن آج دوپہر میں پاکستان کرکٹ بورڈ کے چیئرمین رمیز راجہ سے ملاقات کی جس میں انگلینڈ کے آئندہ سال دورہ پاکستان سے متعلق بات چیت گئی

.@ECB_cricket Deputy Chairman Martin Darlow and Chief Executive Tom Harrison are in Lahore to meet PCB Chairman Ramiz Raja and Chief Operating Officer Salman Naseer. pic.twitter.com/XHomZBl4mF

— Pakistan Cricket (@TheRealPCB) November 9, 2021

انگلش کرکٹ بورڈ کے سربراہ ٹام ہیری سن چیئرمین پی سی بی کو آئندہ برس کے مکمل دورے کی یقین دہانی کرائیں گے جب کہ وہ اس دورے کے بعد آئی سی سی اجلاس میں شرکت کے لیے دبئی روانہ ہوں گے۔

ستمبر میں نیوزی لینڈ کے بعد انگلینڈ کی جانب سے بھی دورہ پاکستان منسوخ کرنے پر دونوں بورڈز کے تعلقات کشیدہ ہوگئے تھے جس کےباعث ای سی بی کے سربراہ پاکستان کرکٹ بورڈ کے ساتھ تعلقات استوار کرنے کیلئے پاکستان آئے ہیں۔

واضح رہےکہ ستمبر میں پہلا ون ڈے شروع ہونے سے کچھ دیر قبل نیوزی لینڈ کرکٹ ٹیم نے سکیورٹی خدشات کو جواز بناکر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی۔

نیوزی لینڈ کی جانب سے دورہ منسوخ کرنے کے بعد انگلینڈ کرکٹ بورڈ نے بھی پاکستان کا طے شدہ دورہ منسوخ کیا تھا۔

واضح رہے کہ 13 اکتوبر کو انگلینڈ نے پاکستان آنا تھا۔ ستمبر میں راولپنڈی میں موجود نیوزی لینڈ کی جانب سے سیکیورٹی کو جواز بناکر وطن واپس روانگی کے بعد انگلینڈ نے پاکستان کا دورہ کرنے سے انکار کردیاتھا۔

اسلام آباد :مہنگائی پرقابوبھی پائیں گے اوراگلے پانچ سال بھی حکومت کریں گے:اطلاعات کے مطابق وفاقی وزیر اطلات ونشریات فواد چودھری نے کہا ہے کہ اپوزیشن کو پہلے 2 سال پھر5 سال مزید صبرکرنا پڑےگا،اپوزیشن کو مشورہ ہے کہ سازشیں چھوڑیں اور اپنے پاؤں پر کھڑا ہونا سیکھیں، مہنگائی کا طوفان دو تین ماہ میں سیٹل ہوجائے گا۔

میڈیا سے گفتگو کرتے ہوئے وفاقی وزیر اطلاعات کا کہنا تھا کہ یہ نہیں ہوسکتا کہ ریاست مسلسل حالت جنگ میں رہے، پاک فوج نے دہشت گردی کے خلاف جنگ میں سب سے زیادہ قربانیاں دی ہیں۔ اس وقت صرف سیز فائر پر بات ہو رہی ہے۔ ٹی ٹی پی سے مذاکرات میں مقامی لوگوں کوبھی شامل کیا ہے۔ ہم اس پورے خطے میں امن چاہتے ہیں۔ یہ مقامی لوگ ہیں اس لیے ریاست ان کوموقع دے رہی ہے۔

وفاقی وزیراطلاعات فواد چودھری نے کابینہ اجلاس کے بعد میڈیا بریفنگ میں کہا کہ افغانستان میں انسانی المیہ جنم لے سکتا ہے، افغانستان کے ساتھ تاریخی برادرانہ تعلقات ہیں، اوآئی سی وزراء خارجہ کا اجلاس اگلے ماہ اسلام آباد میں بلا رہے ہیں، 2 کروڑ 30 لاکھ افغان غذائی قلت کا شکار ہیں، مسلم امہ سے اپیل ہےکہ وہ افغان عوام کی مدد کیلئے آگے آئے،

فواد چوہدری نے میڈیا پرگفتگو کرتے ہوئے کہا کہ افغان عوام کی مدد کیلئے خصوصی فنڈ قائم کرنے کا فیصلہ کیا ہے، موجودہ صورتحال سے افغانستان میں بچے زیادہ متاثر ہو رہے ہیں، چاول اورگندم افغانستان کیلئے بھجوا رہے ہیں، افغان وزیر خارجہ کے دورے پر معاملات طے کیے جائینگے، پاکستان کےعوام بھی افغانستان کےعوام کی مدد کرسکیں گے، افغان عوام کیلئے جو کچھ ہوسکا وہ کرینگے۔

انہوں نے کہا کہ چینی 160 روپے سے اوپر چلی گئی لیکن آن لائن ایپ پر آپ 100روپے میں منگوا سکتے ہیں۔ گیس پرسبسڈی دی گئی جس کاغلط استعمال کیاگیا۔فواد چودھری نے کہا کہ ہر چیز پر سبسڈی دینگے تو ملک نہیں چل سکتا، کابینہ نے برآمدی صنعت کیلئے گیس سستی کرنے کا فیصلہ کیا ہے، مارچ کے بعد گیس بحران کم ہوجائےگا۔

اپنی بات کو جاری رکھتے ہوئے وفاقی وزیر اطلاعات کا کہنا تھا کہ 2023 میں الیکشن کی طرف جائیں گے۔ یہ 90 کی دہائی نہیں کہ آپ سازشوں میں لگے رہیں۔ اپوزیشن کو ڈیڑھ 2سال صبرکرنا پڑے گا اور پھر 5 سال مزید صبر کرنا پڑے گا۔

سری نگر:سرینگر کے مختلف علاقوں میں 10دن کیلئے کرفیو نافذ کردیاگیا،اطلاعات کے مطابق غیر قانونی طور پر بھارت کے زیر قبضہ جموں و کشمیر میں مہلک کورونا وبا کے باعث تین افراد جاں بحق جبکہ مزید 125افراد میں وائرس کی تصدیق ہوئی ہے ۔

کشمیرمیڈیاسروس کے مطابق مہلک وبا کے باعث وفات پانیوالے تینوں افراد کا تعلق وادی کشمیر سے تھا ۔ قابض حکام نے وادی کشمیر اور جموں ریجن میں سیاہ فنگس کے 49مریضوں کی تصدیق بھی کی ہے۔

ادھر قابض انتظامیہ نے کورونا وائرس کی آڑ میں سرینگر کے 14علاقوں میں 10دنوں کیلئے کرفیو نافذ کردیا ہے۔ ضلعی انتظامیہ کی جانب سے جاری کئے گئے حکم نامہ کے مطابق سرینگر میں لال بازار، حیدر پورہ،چھانہ پورہ،بمنہ ہمدانیہ کالونی اوربمنہ ہائوسنگ کالونی کے متعد د علاقوں میں کرفیو نافذ کردیا ہے ۔

قابض انتظامیہ نے دفعہ 144کے تحت لوگوں کے اجتماعات اورپبلک ٹرانسپورٹ پر بھی پابندی عائد کر دی ہے ۔ یہ کرفیو پیر اور منگل کی درمیانی شب سے نافذ کردیاگیا ہے ۔

ادھر دوسری طرف اطلاعات کے مطابق بھارتی ذرائع ابلاغ کا کہنا ہے کہ چینی اداروں نے بھارت کے خلاف سوشل میڈیا مہم تیز کردی اور بھارت کو اروناچل پردیش میں فوجی کارروائی کی دھمکی دی ہے جس کے بعد بھارتی فوج کو ہائی الرٹ پررکھا گیا ہے۔

کشمیر میڈیا سروس کے مطابق چین کی طرف سے جارحانہ سوشل میڈیا مہم پینٹاگون کی ایک حالیہ رپورٹ کے بعد سامنے آئی ہے جس میں دعویٰ کیا گیا تھا کہ چین نے اروناچل پردیش کے متنازعہ علاقے میں 100 گھروں پر مشتمل ایک گاوں تعمیر کیا ہے۔

سوشل میڈیا پر مختلف ہینڈل سامنے آئے ہیں جوبھارتی سرحد پر چین کی پیپلز لبریشن آرمی کے فوجیوں کی ویڈیوز اور تصاویر جاری کر رہے ہیں۔ایسی ہی ایک تصویر میں بھارتی فوجی چینی فوج کے سامنے کان پکڑے ہوئے نظر آ رہے ہیں اور بظاہراس کامقصد یہ دکھانا ہے کہ بھارت نے لداخ خطے میں چین کے سامنے سر تسلیم خم کیاہے

نئی دہلی:اروناچل پردیش واپس لینے کی چین کی دھمکی کے بعد بھارتی فوج ہائی الرٹ ،اطلاعات کے مطابق بھارتی ذرائع ابلاغ کا کہنا ہے کہ چینی اداروں نے بھارت کے خلاف سوشل میڈیا مہم تیز کردی اور بھارت کو اروناچل پردیش میں فوجی کارروائی کی دھمکی دی ہے جس کے بعد بھارتی فوج کو ہائی الرٹ پررکھا گیا ہے۔

کشمیر میڈیا سروس کے مطابق چین کی طرف سے جارحانہ سوشل میڈیا مہم پینٹاگون کی ایک حالیہ رپورٹ کے بعد سامنے آئی ہے جس میں دعویٰ کیا گیا تھا کہ چین نے اروناچل پردیش کے متنازعہ علاقے میں 100 گھروں پر مشتمل ایک گاوں تعمیر کیا ہے۔سوشل میڈیا پر مختلف ہینڈل سامنے آئے ہیں جوبھارتی سرحد پر چین کی پیپلز لبریشن آرمی کے فوجیوں کی ویڈیوز اور تصاویر جاری کر رہے ہیں۔ایسی ہی ایک تصویر میں بھارتی فوجی چینی فوج کے سامنے کان پکڑے ہوئے نظر آ رہے ہیں اور بظاہراس کامقصد یہ دکھانا ہے کہ بھارت نے لداخ خطے میں چین کے سامنے سر تسلیم خم کیاہے۔

اکنامک ٹائمز کی ایک رپورٹ میں کہا گیا ہے کہ ٹوئٹر بھارتی سرحد پر تعینات پی ایل اے کے فوجیوں کی تصاویر اور معلومات سے بھرا ہوا ہے۔ بھارت نے حال ہی میں اس سلسلے میں لداخ اور اروناچل پردیش دونوں سرحدوں پر ہائی الرٹ جاری کیاہے۔یہ پیش رفت امریکی محکمہ دفاع کی رپورٹ جاری ہونے کے دو دن بعد سامنے آئی ہے۔

رپورٹ کے بعد ایک ٹویٹر پوسٹ میں دعویٰ کیا گیا کہ چینی فوج نے ڈونگ ژانگ آبشار پر کنٹرول حاصل کرنے کے ارادے سے اروناچل پردیش میں توانگ سرحد کی طرف پیش قدمی کی ہے۔ چین کے تصدیق شدہ سے سرکاری میڈیا کے ایک اکاونٹ کی ایک اور ٹویٹر پوسٹ 2020 میں لداخ کی وادی گالوان میں تصادم کے بارے میں تھی جو گزشتہ45 سال میں سرحدی علاقے کی بدترین جھڑپوں میں سے ایک ہے۔

بھارتی ذرائع ابلاغ کے مطابق بھارت اور چین کے درمیان مشرقی لداخ میں سرحدی مسائل کو حل کرنے میں فوجی مذاکرات ناکام رہے ہیں کیونکہ چینی فوج گاگرا، ہاٹ اسپرنگس اور ڈیمچوک کے مقامات سے اپنی فوجیں واپس بلانے پر راضی نہیں ہوئی۔ چینی فوج نے بھارتی فوج کو اسٹریٹجک لحاظ سے اہم میدانی علاقے ڈیپسانگ میں گشت کی اجازت دینے سے بھی انکار کردیا۔