Author: +9251

لاہور:شادی کے باوجود مریم نواز کا صاحبزادہ جنید صفدرخوبصورت ادا کارہ کے دل کی دھڑکن بن گیا،اطلاعات کے مطابق اس وقت کچھ ایسی خبریں آرہی ہیں جن میں بتایا جا رہا ہے کہ ن لیگ کے سربراہ سابق وزیراعظم میاں نوازشریف کے نواسے،مریم نواز کے صاحبزادے جنید صفدر کو ایک خوبرو اداکارہ اپنا دل دے بیٹھی ہیں‌

بعض نے اس انداز سے لکھا ہے کہ ” مسلم لیگ (ن) کی نائب صدر مریم نواز کے صاحبزادے جنید صفدر پر پاکستانی اداکارہ اپنا دِل ہار بیٹھیں”

View this post on Instagram

A post shared by @mahibutt310

اس حوالے سے یہ خبریں اب منظرعام پرآنا شروع ہوگئی ہیں کہ پاکستان کی ابھرتی ہوئی اداکارہ اور میک اپ آرٹسٹ زویا ناصر نے اعتراف کیا کہ وہ جنید صفدر کو پسند کرتی ہیں۔

حال ہی میں اداکارہ کی جانب سے اپنے انسٹاگرام اکاؤنٹ پر سوال و جواب کا ایک سیشن رکھا گیا جس میں ان کے مداحوں نے منفرد اور انوکھے سوالات پوچھے۔

ایک صارف نے سوال کیا کہ آپ کا کرش کون ہے؟ جس پر زویا ناصر نے سوال کے جواب میں جنید صفدر کے نکاح کی تصویر شیئر کردی۔

یہ تصویر اس وقت کی ہے جب جنید صفدر نے نکاح کی تقریب میں گانا گایا تھا جس کی ویڈیو کئی دن تک سوشل میڈیا کی زینت بنی رہی تھی۔

ادھربعض ذرائع نے یہ بھی دعویٰ کیا ہے کہ شریف فیملی جنید صفدر اور ادکارہ کے درمیان اس قسم کے افسانوی تعلقات پربہت زیادہ پریشان ہے

یاد رہےکہ اس سے پہلے جب جنید صفدر کی چند ماہ پہلے شادی ہوئی تھی اس وقت اطلاعات کے مطابق مسلم لیگ(ن) کی نائب صدر مریم نواز کے بیٹے جنید صفدر کی اپنے نکاح کی تقریب میں گانا گانے کی ویڈیو سوشل میڈ یا پر وائرل ہوگئی ۔

جنید جنید صفد کی جانب سے فوٹو اینڈ ویڈیو شیئرنگ ایپ انسٹاگرا م پر ایک ویڈیو شیئر کی گئی جس میں وہ اپنے نکا ح کی تقریب کے دوران ماضی کا مقبول ترین گانا’ کیا ہو اتیرا وعدہ‘ خوبصورت آواز میں گا رہے ہیں۔

 

View this post on Instagram

 

A post shared by Blockbuster (@hithaiboss00)

ویڈیو میں جنید صفدر کے پہلو میں ان کی اہلیہ بھی موجود ہیں جو شوہر کی گلوکاری سے محظوظ ہورہی ہیں جبکہ جنید کی گلوکار ی کی ویڈیو سوشل میڈیا پر مقبول ہورہی ہے جسے صارفین کی جانب سے پسند کیا تھا ۔

اس وڈیو میں دیکھا جاسکتا ہے کہ جنید صفدرایک پروفیشنل گلوکار کی طرح بڑے ردھم سے گانا گاتے ہیں اوران کےساتھ خواتین اورکچھ نوجوان اس گانے کے ردھم کوبہتر سے بہتر کرنے کے لیے تالیاں بجاتے ہیں ،

جبکہ مذہبی حلقوں نے سخت پریشانی کا اظہارکیا ہے اورکہا ہے کہ شریف فیملی میں یہ گلوکاری کے شوق نے شرافت کے سارے پردے چاک کردیئے ہیں اگریہ حال ان کے بچوں کا دیارغیر میں ہے توپھران کوان کے حال پرہی چھوڑ دیا جائے

لاہور:ملک میں فوری نئے انتخابات کروائے جائیں:ن لیگ مطالبہ:حکومت نے غورشروع کردیا،اطلاعات کے مطابق پاکستان مسلم لیگ ن کے رہنماؤں نے مطالبہ کیا ہے کہ ملک میں فوری طور پر نئے انتخابات کرائے جائیں۔ دوسروں پر ووٹ چوری کے الزام لگانے والے خود دھاندلی کے چیمپئن ثابت ہو گئے، ڈسکہ الیکشن انکوائری رپورٹ میں سچ سامنے آگیا۔

پاکستان مسلم لیگ ن کے سینئر رہنماؤں خواجہ سعد رفیق، ایاز صادق سمیت دیگر رہنماوں نے لاہور میں پریس کانفرنس کے دوران مطالبہ کیا۔

خواجہ سعد رفیق نے کہا کہ حالات کوکنٹرول کرنا اس حکومت کے بس کی بات نہیں۔ عمران خان کو جو مینڈیٹ ملا یا دلوایا گیا وہ فیل ہوگئے۔ پاکستانی توچاہتے ہیں اگلا سورج طلوع ہونے سے پہلے یہ حکومت چلی جائے۔

خواجہ سعد رفیق نے کہاکہ پارلیمنٹ میں اپوزیشن متحد ہوگئی ہے، الیکشن اصلاحات، نیب ترمیمی آرڈیننس پر تمام اپوزیشن جماعتوں کا ایک موقف ہے۔ گلیوں،کوچوں میں جا کر زورلگانے کے بجائے عمران خان کو خود جانا چاہیے۔

سابق وفاقی وزیر ریلوے کا کہنا تھا کہ عدم اعتماد، ایک آئینی و قانونی راستہ موجود ہے، ہمارے پاس اتنے ووٹ نہیں، حکومتی جماعت کے کریکس بڑے واضح ہوچکے ہمیں انتظارکرنا چاہیے، تمام تجربات کودیکھ چکے ہیں، عمران خان کی حکومت کو گرانے کے لیے ہم نے کوئی کھیل نہیں کھیلا، عمران خان خود ہی گڑھا کھود رہے ہیں۔

خواجہ سعد رفیق نے مزید کہاکہ عدم مقبولیت انتہا کی طرف جا چکی ہے۔ جتھوں کے ذریعے حکومتیں گرانے کے خلاف ہیں، عمران خان خود ہی اپوزیشن سے رابطہ کرکے روڈ میپ بنائیں اورمستعفی جائیں، ایسا بھی تو ہو سکتا ہے ای وی ایم کوئی اوراستعمال کرجائے؟ بہتر ہے عدم استحکام کے بجائے خود ہی فیصلہ کرلیں، حکومتی اتحادیوں سے بھی گزارش کرتے ہیں ہماری بات پرغورکریں۔

اس موقع پر سینیٹر مصدق ملک کا کہنا تھا کہ جوریاست عوام کے تابع نہ ہو وہاں مہنگائی کیوں نہ ہو؟ اگریہ عوام کے تابع نہیں تو کس کے تابع ہیں؟ یہ ایسٹ انڈیا کمپنی کس کے تابع ہیں؟ فرانس، جرمنی، برطانیہ، ہالینڈ، فلپائن،

امریکا نے ای وی ایم کواستعمال کرنا بند کردیا، یہ ای وی ایم اس لیے لائی جارہی ہیں کہ حکومت عوام کے تابع نہ ہو، ہرسال مہنگائی 12 سے 14 فیصد تک ہورہی ہے، یہ ایسٹ انڈیا کمپنی آئی ایم ایف کی تابع ہیں۔

دوسری طرف اہم حلقوں سے یہ معلوم ہوا ہے کہ پی ٹی آئی حکومت نے ن لیگ کے اس مطالبے پرغورشروع کردیا ہے

ابوظہبی :ویسٹ انڈیز کا آسٹریلیا کو جیت کیلئے 158 رنز کا ہدف:ویسٹ انڈیزکے جیتنے کے چانسز زیادہ،اطلاعات کے مطابق آئی سی سی مینز ٹی ٹوئنٹی ورلڈ کپ کے سپر 12 مرحلے میں ویسٹ انڈیز نے آسٹریلیا کو جیت کے لیے 158 رنز کا ہدف دے دیا۔

ابوظبی میں کھیلے جارہے میچ میں آسٹریلیا کے کپتان ایرون فنچ نے ٹاس جیتا اور ویسٹ انڈین کپتان کیرن پولارڈ کو بیٹنگ کی دعوت دی۔

ویسٹ انڈیز نے پہلےکھیلتے ہوئے مقررہ 20 اوورز میں7 وکٹ پر157 رنز بنائے، کپتان کیرن پولارڈ 44 اور شمرون ہیٹمائر 24 رنزبناکرنمایاں رہے۔

ان کے علاوہ آندرے رسل نے18 ، کرس گیل نے 15 اور ڈوائن براوو نے 10 رنزبنائے۔ آسٹریلیا کی جانب سے جوش ہیزل ووڈ نے چار وکٹیں حاصل کیں جب کہ ایڈم زمپا ، مچل اسٹارک اورپیٹ کمنز نے ایک، ایک وکٹ حاصل کی۔

خیال رہے کہ آج دوسرے مقابلے میں جنوبی افریقا اور انگلینڈ آمنے سامنے ہوں گے۔اس وقت پوائنٹس ٹیبل پر گروپ ون میں انگلینڈ پہلے، آسٹریلیا دوسرے اور جنوبی افریقا تیسرے نمبر پر موجود ہے۔

تاہم گروپ 1 میں ویسٹ انڈیز ، بنگلادیش اور سری لنکا کا سیمی فائنل میں پہنچنے کا خواب ٹوٹ چکا ہے۔

ادھرویسٹ انڈین بلے باز کرس گیل ٹی ٹوئنٹی ورلڈکپ میں اپنی بیٹنگ سے مداحوں کو محظوظ تو نہ کر سکے لیکن اس کے باوجود انہیں ہمیشہ ایک بڑے کھلاڑی کے طور پر یاد رکھا جائے گا۔

ٹی ٹوئنٹی ورلڈکپ میں آسٹریلیا کے خلاف گروپ 12 کے لیگ میچ میں رنگ برنگے گلاسز لگا کر بیٹنگ کے لیے آنے والے 42 سالہ کرس گیل جارحانہ موڈ میں نظر آئے اور انہوں نے دو چھکے لگا کر اس کی جھلک بھی دکھائی لیکن بدقسمتی سے وہ زیادہ دیر وکٹ پر نہ ٹھہر سکے اور 9 گیندوں پر 15 رنز بنا کر پیٹ کمنز کی گیند پر بولڈ ہو گئے۔

کرس گیل جب آسٹریلیا کے خلاف بیٹنگ کے لیے میدان میں آئے تو ٹیم کے تمام کھلاڑیوں نے تالیاں بجا کر انہیں خراج تحسین پیش کیا اور جب وہ آؤٹ ہو کر پویلین لوٹے تو اس وقت بھی بائیں ہاتھ سے کھیلنے والے جارح مزاج بلے باز نے بلا ہلا کر شائقین کرکٹ سے داد وصول کی اور کھلاڑیوں سے گلے بھی ملے۔

ویسٹ انڈین کرکٹ بورڈ یا کرس گیل کی جانب سے باقاعدہ طور پر ریٹائرمنٹ کا اعلان تو تاحال سامنے نہیں آیا ہے تاہم غیر ملکی ویب سائٹ کرک انفو نے سوشل میڈیا پر کرس گیل کی تصویر شیئر کرتے ہوئے لکھا کہ ’اختتام پزیر‘۔

کرس گیل 79 ٹی ٹوئنٹی انٹرنیشنل میچز میں دو سنچریوں اور 14 نصف سنچریوں کی مدد سے 1899 رنز بنا چکے ہیں۔

دو روز قبل ویسٹ انڈین اسٹار آل راؤنڈر اور دو مرتبہ ٹی ٹوئنٹی ورلڈکپ جیتنے والی ٹیم کا حصہ رہنے والے ڈیوائن براوو نے بھی ٹی ٹوئنٹی کرکٹ سے ریٹائرمنٹ کا اعلان کیا تھا۔

سری نگر:”6 نومبر”:کشمیر ی آج یوم شہدائے جموں منا رہے ہیں:بھارتی فوج مظالم ڈھا رہی ہے ،اطلاعات کے مطابق کنٹرول لائن کے دونوں جانب اور دنیا بھر میں مقیم کشمیری آج یوم شہدائے جموںاس عزم کی تجدید کے ساتھ منارہے ہیں کہ وہ اپنا ناقابل تنسیخ حق، حق خود اراداریت تسلیم کیے جانے تک شہداءکا مشن جاری رکھیں گے۔

تاریخ کشمیر کے مطابق ڈوگرہ مہاراجہ ہری سنگھ کی فورسز ، بھارتی فوجیوں اور ہند و انتہا پسندوں نے جموں کے مختلف علاقوں میں نومبر 1947کے پہلے ہفتے میں پاکستان ہجرت کرنے والے لاکھوں کشمیری مسلمانوں کو شہید کردیاتھا۔

کشمیر میڈیاسروس کے مطابق حریت رہنماﺅں اور تنظیموں نے اپنے بیانات میں شہدائے جموں کو شاندار خراج عقیدت پیش کرتے ہوئے کہا کہ شہداءکا خون ہرگز رائیگاں نہیں جائے گا۔

انہوں نے کہا کہ شہداءنے اپنی جانیں ایک عظیم مقصد کیلئے قربان کیں اور انکی بیش بہاقربانیاں ہرگز فراموش نہیں کی جاسکتیں۔حریت رہنماﺅں نے کہا کہ 1947میں جموں میں مسلمانوں کی دل دہلا دینے والی نسل کشی دنیا کا سب سے بڑا سانحہ تھاجس میں لاکھوں مسلمانوں کو بے دردی سے شہید کیا گیا تھا۔

حریت رہنماﺅں اور تنظیموں نے کہا کہ شہداءکو خراج عقیدت پیش کرنے کا بہترین طریقہ یہ ہے کہ انکے مشن کو منطقی انجام تک پہنچایا جائے۔

دوسری طرف بھارت نے مقبوضہ کشمیر میں مزید افواج بھیج کرہرکشمیری کے دروازے پرایک بندوق والا بٹھا دیا ہے ، اطلاعات ہیں کہ بھارتی فوج نے گھر گھر تلاشی کا سلسلہ شروع کررکھا ہے اوربے گناہ کشمیریوں کوگرفتارکرکے فوجی کیمپوں میں منتقل کیا جارہا ہے