Author: +9251

کوئٹہ: وزیر اعلیٰ بلوچستان عبدالقدوس بزنجو کا پہلا عوامی اقدام :غریب اوربے بس زلزلہ متاثرین کو لاکھوں روپے دے دیئے ،اطلاعات کے مطابق وزیر اعلیٰ بلوچستان عبدالقدوس بزنجو عہدہ سنبھالنےکے بعد پہلا عوامی اقدام ایسا کیا ہے کہ سننے والے بھی حیران رہ گئے

ددوسری طرف اس حوالے سے ایک یہ بھی تاثر ابھرا ہے کہ نومنتخب وزیر اعلیٰ بلوچستان نے ہرنائی زلزلہ متاثرین کی آواز سن لی،وزیر اعلیٰ عبدالقدوس نے منصب سنبھالنے کے بعد پہلی سمری پر دستخط کر دئیے

یہ بھی معلوم ہوا ہے کہ ہرنائی زلزلہ متاثرین کی امداد اور بحالی سے متلعق سمری منظور کر لی ،زلزلے میں جاں بحق افراد و بچوں کے لواحقین کیلئے 5, 5 لاکھ امداد کی منظوری دی ہے ، جبکہ پہلے جاں بحق افراد کیلئے تین لاکھ تک مالی امداد کی جاتی تھی

ذرائع کے مطابق زلزلے میں زخمی ہونے والے افراد کیلئے 2،2 لاکھ روپے امداد کی منظوری بھی دی گئی ہے ،ادھر یہ بھی معلوم ہوا ہے کہ زلزلہ متاثرین کئی ہفتوں سے نقصانات کے ازالے کیلئے حکومت سے اپیل کر رہے تھے

ذرائع کے مطابق وزیر اعلیٰ عبدالقدوس بزنجو نے کل ہرنائی زلزلہ سے متعلق اعلیٰ سطحی اجلاس طلب کرلیا ہے اجلاس میں حلقہ کے ارکان اسمبلی اور متعلقہ اداروں کے افسران شرکت کرینگے ،اجلاس میں ہرنائی میں زلزلے سے ہونیوالے نقصانات اور بحالی کے اقدامات پر غور کیا جائے گا

سرینگر: نریندر مودی کی زیر قیادت فسطائی بھارتی حکومت نے مقبوضہ کشمیر میں آزادی کی آواز کو دبانے کے لیے پیراملٹری فورسز کے مزید 5 ہزاراہلکار تعینات کرنے کا حکم جاری کر دیا۔

کشمیر میڈیا سروس کے مطابق بھارتی وزارت داخلہ کے عہدیدارنے مقبوضہ علاقے میں 50 اضافی کمپنیوں کی تعیناتی کی تصدیق کرتے ہوئے کہا کہ 30 کمپنیاں صرف سرینگر میں تعینات کی جا رہی ہیں۔ قابض حکومت نے پیراملٹری اہلکاروں اور ان کے اہل خانہ کے لیے مستقل کیمپوں کی تعمیر کے لیے حال ہی میں جنوبی کشمیر میں آٹھ مقامات پر زمین الاٹ کی ہے۔

قابض بھارتی حکومت کی طرف سے جبراً زمین چھیننے کے بعد پلوامہ، اسلام آباد اور شوپیان اضلاع میں زبردست احتجاجی مظاہرے ہوئے۔ بھارتی فوجی اسٹیبلشمنٹ نے پہلے ہی سرینگر اور وادی کے دیگر قصبہ جات اور دیہات کے گلی کوچوں میں سینکڑوں کیمپ اور کنکریٹ بنکر قائم کر رکھے ہیں۔

کل جماعتی حریت کانفرنس کے وائس چیئرمین غلام احمد گلزار نے کہا کہ بھارتی حکومت مقبوضہ علاقے میں مسلم آبادی کوہراساں کرنے کی منظم کوششیں کر رہی ہے۔ کشمیری عوام کے جذبہ آزادی کو دبانے کے لئے مسلمان ملازمین کو برطرف کرنے، مسلمان طلباءپر بغاوت کے الزامات عائد کرنے اور انتہا پسند عناصر کو مسلمانوں اور ان کے مذہب پر حملہ کرنے پر اکسانے جیسے اقدامات بھارتی سازشوں کا حصہ ہیں۔

سینئر حریت رہنما پروفیسر عبدالغنی بٹ نے سرینگر میں ایک اجلاس سے خطاب کرتے ہوئے عالمی برادری پر زور دیا کہ وہ بھارت پر دباؤ ڈالے کہ وہ پاکستان کے ساتھ مسلسل اور متواتر مذاکراتی عمل کے ذرےعے تنازعہ کشمیر حل کرے تاکہ ایک بڑی جنگ سے بچاجاسکے ۔

دریں اثناءبھارت نے کشمیریوں کے گرد گھیرا مزیدا تنگ کرنے کے لیے مقبوضہ وکشمیر میں” سٹیٹ انویسٹی گیشن ایجنسی“ کے نام سے ایک خصوصی ادارہ قائم کرنے کا حکم دیا ہے۔حکم نامے کے مطابق یہ ادارہ کشمیریوں بالخصوص نوجوانوں کے خلاف مقدمات کی تیزی سے تفتیش اور استغاثہ کے لئے کام کرے گا۔

کراچی :ٹی ایل پی اور حکومت کے درمیان انتخابی اتحاد: مفتی منیب بھی بول اٹھے ،اطلاعات کے مطابق سابق چیئرمین رویت ہلال کمیٹی مفتی منیب الرحمان کا ٹی ایل پی اور حکومت کے حوالے سے انتہائی اہم بیان سامنے آگیا ہے۔

حکومت اور کالعدم تحریک لبیک پاکستان کے درمیان ثالثی کا کردار ادا کرنے والے سابق چیئرمین رویت ہلال کمیٹی مفتی منیب الرحمان نے کہا کہ پی ٹی آئی اور ٹی ایل پی میں الیکشن اتحاد کی باتیں کرنے والے اور کالعدم ٹی ایل پی جانیں

اس موقع پرمفتی منیب نے اگلے انتخابات کے لیے ٹی ایل پی اور پی ٹی آئی کے درمیان انتخابی اتحاد کی خبروں کی تردید نہیں کی ، یہ خبریں پہلے بھی گردش کرتی رہی ہیں‌لیکن اب اطلاعات ہیں کہ علیٰ محمد خان اس منصوبے کوپایہ تکمیل تک پہنچائیں گے ، کیونکہ وہ ٹی ایل پی کے بہت قریب جانے جاتےہیں‌

سابق چیئرمین رویت ہلال کمیٹی کا کہنا تھا کہ وزیراعظم کا بھی دانش پرمبنی فیصلے پرشکرگزارہوں۔ عمران خان کے عقاب خطرے کا سبب بن رہے تھے۔

مفتی منیب الرحمان نے کہا کہ ہمارا کوئی سیاسی ایجنڈا نہیں، مظاہرین دہشت گرد نہیں ملک کےوفادارہیں، کالعدم ٹی ایل پی کے خلاف الزام اورفتوے لگانا درست نہیں۔ان کا کہنا تھا کہ کالعدم ٹی ایل پی کے جوانوں کوآمادہ کرنا کوئی آسان کام نہیں تھا۔ سب اچھی باتیں منوالی گئی ہیں۔

سابق چیئرمین رویت ہلال کمیٹی نے کہا کہ لبرل دوستوں کو دکھ اورپریشانی ہے، لبرل دوست چند دن کرب کے برداشت کرلیں۔سابق چیئرمین رویت ہلال کمیٹی مفتی منیب الرحمان نے مزید کہا کہ اللہ نے وطن عزیزکوخون خرابے سے بچالیا، یقین دلاتا ہوں آنے والے دن اچھے ہونگے۔

لاہور :اب made in china نہیں بلکہ made in pakistan موبائل کی ہوگی حکومت، بڑا معاہدہ طے پا گیا،اطلاعات کے مطابق پاکستان میں موبائل کی تیاری کیلئے چینی موبائل کمپنی شاؤمی اور ایئرلنک کے درمیان معاہدہ ہوگیا ، چینی کمپنی جنوری 2022 سے پاکستان میں کام کا آغاز کرے گی۔

تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ پر اپنے پیغام میں کہا ہے کہ چینی موبائل کمپنی شاؤمی اور ایئرلنک میں موبائل اسمبلنگ کا معاہدہ ہوگیا ، جس کے تحت جنوری 2022 سے چینی موبائل کمپنی پاکستان میں موبائل اسمبلنگ کرے گی۔

Xiaomi
اور Air Link کے درمیان پاکستان میں موبائل اسمبلنگ معاہدہ
جنوری 2022 سے Xiaomi موبائل پاکستان میں اسمبل ہوں گے
حماد اظہر اور خسرو بختیار بلا شبہ مبارکباد کے مستحق ہیں، ان کا initiative تیزی سے نتائج کی طرف بڑھ رہا ہے@Hammad_Azhar@KhusroMakhdum

— Dr. Shahbaz GiLL (@SHABAZGIL) November 2, 2021

شہبازگل کا کہنا تھا کہ حماد اظہر اور خسرو بختیار بلا شبہ مبارکباد کے مستحق ہیں، ان کے اقدام تیزی سے نتائج کی طرف بڑھ رہے ہیں۔

یاد رہے رواں سال جولائی میں لکی گروپ اور سام سنگ کے درمیان پاکستان میں موبائل کی تیاری شروع کرنے کا معاہدہ طے پایا تھا ، انشااللہ یہ یونٹ دسمبر 2021 تک پیداوار کا آغاز کر دے گا۔

بعد ازاں وفاقی وزیر حماد اظہر نے سماجی رابطے کی ویب سائٹ ٹوئٹر پر لکی گروپ اور سام سنگ کوپاکستان میں موبائل کی تیاری شروع کرنےپر مبارکباد دیتے ہوئے کہا تھا موبائل فون تیار کرنے کی مثبت ڈیولپمنٹ ڈربزسسٹم کی کامیابی کاثبوت ہے ،موبائل تصدیقی نظام ڈربزسسٹم سے موبائل فون کی اسمگلنگ کاخاتمہ ہواہے، ڈربزسسٹم کےبعدگزشتہ سال ملک میں موبائل مینوفیکچرنگ پالیسی بھی تیار کی گئی۔