Author: +9251

لاہور:پنجاب میں کاشت کاروں کیلئےگنےکی فی من قیمت مقرر ،اطلاعات کے مطابق پنجاب حکومت نے گنے کی قیمت 225 روپے فی من مقررکردی ہے۔

وزیراعلیٰ پنجاب عثمان بزدار کا کہنا ہےکاشتکاروں کے حقوق کا تحفظ اورخوشحالی اولین ترجیح ہے، پی ٹی آئی کی حکومت کےتین سالوں میں کاشتکاروں کو معقول اوربروقت معاوضہ ملا ہے۔

ایک بیان میں وزیر اعلیٰ پنجاب عثمان بزدار نے کہا کہ حکومت نےگنےکی کم سےکم قیمت 225 روپےفی من رکھنےکافیصلہ کیا ہے۔انہوں نے کہا کہ 2018 تک گنے کا سرکاری ریٹ 180 روپے تھا جبکہ کاشتکار کو صرف 110 یا 120 روپےملتےتھے، اتنی کم ادائیگی بھی کئی ماہ بعد ہوتی تھی ۔

وزیر اعلیٰ پنجاب کا کہنا تھا کہ موجودہ حکومت نے کسانوں کو شوگرملوں سےاربوں روپے بقایاجات دلوائے ہیں جبکہ بینک اکاؤنٹ کے ذریعےادائیگی کا قانون بھی بروقت اورکٹوتی کےبغیر معاوضہ یقینی بنائےگا۔

لاہور:وزیراعلیٰ پنجاب سردار عثمان بزدارکے ڈپٹی سیکرٹری کے والد محترم قضائے الٰہی سے وفات پاگئے،اطلاعات کے مطابق وزیراعلیٰ پنجاب سردار عثمان بزدارکے ڈپٹی سیکرٹری محمد صہیب بٹ کے والد محمد سرفراز بٹ سابق چیف انجینئر ہائی ویز نارتھ کمیونیکیشن اینڈ ورکس ڈیپارٹمنٹ قضائے الٰہی سے انتقال کر گئے

محمد سرفراز بٹ مرحوم کی نماز جنازہ کل مورخہ یکم نومبر کو صبح ساڑھے نو بجے جامع مسجد ڈیفنس فیز ون میں ادا کی جائے گی

ادھر اس حوالے سے وزیراعلیٰ عثمان بزدار نے محمد صہیب بٹ کے والد کے انتقال پر دکھ اور افسوس کا اظہار کرتے ہوئے ان کی مغفرت کےلیے دعائیں بھی کیں‌

وزیراعلیٰ عثمان بزدار نے محمد صہیب بٹ اور سوگوار خاندان سے دلی ہمدردی و اظہار تعزیت کرتے ہوئے کہا کہ اللہ تعالیٰ آپ اور غمزدہ خاندان کو صبر جمیل عطا فرمائے۔
اللہ تعالیٰ مرحوم کی روح کو جوار رحمت میں جگہ دے۔

‏اسلام آباد: حکومت اور ٹی ایل پی کے درمیان معاہدے کے اہم نکات سامنے آ گئے،اطلاعات کے مطابق حکومت اور کالعدم ٹی ایل پی کے درمیان ہونےوالے معاہدے کے اہم نکات سامنے آگئے ہیں جوبہت ہی قابل غور ہیں‌

ذرائع کے مطابق اس معاہدے میں کہا گیا ہے کہ حکومت پچھلے معاہدے کے تحت فرانسسی سفیر کی ملک بدری کے قرارداد قومی اسمبلی میں لائے گی، وہاں جو فیصلہ آئے گا سب فریق اسے تسلیم کریں گے،

معاہدے کے مطابق تحریک لبیک پاکستان آئندہ آئین و قانون کے دائرے میں رہ کر احتجاج کرے گی، پرامن احتجاج کو حکومت سبوتاژ نہیں کرے گی، تحریک لبیک پاکستان آیندہ بطور سیاسی جماعت قومی سیاسی دھارے میں شریک ہوگی،

معاہدے کے مطابق حکومت نے کالعدم تنظیم کے تمام گرفتار کارکنوں بشمول حافظ سعد حسین رضوی کو رہا کرے گی، گردی سمیت سنگین مقدمات کا سامنا کرنے والے کارکن لیگل پروسیس کے ذریعے عدالتوں سے رہا ہونگے،

‏معاہدے میں یہ بھی طئے ہے کہ دھرنے کے شرکا آج رات تک راستہ کھول دیں گے،شرکا ایک سے دو روز میں واپس گھروں کو جائیں گے،حکومت ٹی ایل پی کو کالعدم تنظیم قرار دینے کا فیصلہ واپس لے گی،

معاہدے کے مطابق دھرنے کے شرکاء کے خلاف کسی قسم کی کوئی کارروائی نہیں کی جائے گی، ‏کالعدم تنظیم کی جانب سے مفتی منیب الرحمان نے بطور گارنٹر معاہدے کےلیے کردار ادا کیا

حکومت کی جانب سے آرمی چیف جنرل قمر جاوید باجوہ نے بطور گارنٹر کردار ادا کیا،حکومت کی جانب سے شاہ محمود قریشی، اسد قیصر، علی محمد خان نے معاہدے پر دستخط کیے

ڈیرہ غازیخان:عمران خان نے کشمیریوں کوتنہا چھوڑدیا:مولانا فضل الرحمان کی عمران خان پر سخت تنقید ،اطلاعات کےمطابق پی ڈی ایم کے جلسہ سے خطاب کرتےہوئے مولانا فضل الرحمان نے کہا کہ موجودہ حکمران ناجائز تھے، اب نالائق بھی ثابت ہوگئے،حالات کی بہتری چیلنج ہے اس لئے سب کو مل کر ملک بچانا ہوگا۔

ڈی جی خان میں پاکستان ڈیمو کریٹک موومنٹ(پی ڈی ایم) کے جلسہ سے خطاب کرتے ہوئے سربراہ پی ڈی ایم نے کہا کہ 25 جولائی 2018 جمہوری اورپارلیمانی تاریخ کا سیاہ ترین دن تھا، پہلے یہ ناجائز تھےاب یہ نالائق بھی ثابت ہوگئےہیں، آج آپ نے پاکستان کا کیا حشر کر دیا ہے، نوکریاں تو ملی نہیں لاکھوں لوگوں کو بےروزگار کر دیا گیا ہے۔

مولانا فضل الرحمان نے کہا کہ آج ہماراحکمران جہاں جاتاہےبھکاری کی طرح کھڑا ہوتا ہے، گزشتہ حکومت میں جی ڈی پی کی شرح ساڑھے5 فیصدتھی جبکہ کشمیریوں کا خون ہورہا ہے پاکستان سےکوئی آواز نہیں اٹھ رہی،ہم نے کشمیریوں کو تنہا چھوڑدیا ہے

ڈیرہ غازیخان:جو جنوبی پنجاب کے ساتھ ہم کرگئے وہ تبدیلی سرکار نہیں کرسکتی:اطلاعات کے مطابق پاکستان ڈیمو کریٹک موومنٹ(پی ڈی ایم) کے جلسے سے خطاب کرتے ہوئے پاکستان مسلم لیگ(ن) کے صدر میاں شہباز شریف نے کہا ہے کہ تین سال پہلے ملک ترقی کی راہ پر گامزن تھا، تبدیلی سرکار نے بیڑہ غرق کردیا، عمران نیازی کا وقت پورا ہوچکا ہے جبکہ عوام حکمرانوں سے نجات کیلئے گھروں سےنکلیں۔

پاکستان ڈیمو کریٹک موومنٹ(پی ڈی ایم) کی جانب سے احتجاجی تحریک کے سلسلہ میں ڈیرہ غازی خان میں جلسے کا انعقاد کیا گیا جس میں خطاب کرتے ہوئے قومی اسمبلی میں اپوزیشن لیڈر اور پاکستان مسلم لیگ(ن) کے صدر شہباز شریف نے کہا کہ آج میں ڈی جی خان میں اپنے گھر آیا ہوں، یاد کرو جولائی 2010میں جب پورے جنوبی پنجاب میں میانوالی سے اوچ شریف تک پانی سمندر کی طرح ٹھاٹھیں ماررہاتھا، ہزاروں ایکڑ رقبہ تباہ ہوگیا، ہزاروں گھر پانی میں بہہ گئے، اس وقت میں ڈی جی خان اور جنوبی پنجاب کے چپے چپے میں حاضر ہوتا تھا۔

شہباز شریف نےکہا کہ یہ وہ وقت تھا جب ہر طرف تباہی تھی ، میں یہاں پر خدمت بتانے نہیں آیا، اربوں روپےہم نے غریب لوگوں میں تقسیم کیا ،یہ وہ وقت جب بہت تنگی تھی ، ہم نے جنوبی پنجاب کو دوبارہ آباد کیا تھا جبکہ اس وقت کھاد کی قیمت 1200تھی آج 2400 ہے ،دانش سکول غریب علاقوں میں کس نے بنائے۔

اپوزیشن لیڈر قومی اسمبلی نے کہا کہ عوام کا اس وقت مہنگائی سے برا حال ہے،ادویات کی قیمتوں میں 400فیصد اضافہ ہوچکا ہے،آج بیروزگاری اور مہنگائی میں ریکارڈ اضافہ ہوچکا ہے،مہنگائی اور غربت نے عوام کی کمر توڑ دی ہے،کون کہتا تھا ڈالر مہنگا ہو تو وزیراعظم چور ہوتا ہے۔