Author: +9251

بھارت کی ریاست تریپورہ میں مسلمانوں پر تشدد کے واقعات میں اضافہ ہوگیا ہے ، ایک ہفتے کے دوران ہندو انتہا پسندوں نےکئی مساجد کی بے حرمتی کی اور مسلمانوں کی املاک جلادیں۔

بنگلا دیش کی سرحد سے متصل بھارتی ریاست تریپورہ گذشتہ ایک ہفتے سے تشدد کی لپیٹ میں ہے جہاں بسنے والے مسلمانوں پر حملے کیے جارہے ہیں اور ان کے کاروبار سمیت مساجد پر بھی حملےکیے گئے ہیں۔

https://twitter.com/ZafarAafaq/status/1451501681321996293?ref_src=twsrc%5Etfw%7Ctwcamp%5Etweetembed%7Ctwterm%5E1451501681321996293%7Ctwgr%5E%7Ctwcon%5Es1_&ref_url=https%3A%2F%2Furdu.geo.tv%2Flatest%2F268019-

برطانوی میڈیا کے مطابق ہندو انتہا پسندوں کی جانب سےکم ازکم ایک درجن مساجد میں توڑ پھوڑ کی گئی ہے یا انھیں جلایا گیا اور متعدد مقامات پر مسلمانوں کے گھروں اور کاروبار پر حملےکیے گئے۔

Update from #Tripura:
Khadim's son from Kadamtala mosque area was brutally assaulted by a group of unidentified people. He has been referred to Dharamanagar District Hospital. Tense situations continue to prevail. #TripuraViolence pic.twitter.com/8vooe2RgTP

— Samriddhi K Sakunia (@Samriddhi0809) October 28, 2021

سوشل میڈیا پر مسجدوں اور مسلمانوں کے گھروں میں توڑ پھوڑ کی تصاویر شیئر کی جا رہی ہیں۔

مسلمانوں کے خلاف پرتشدد واقعات پر اپوزیشن رہنما راہول گاندھی نے مودی سرکار پر تنقید کرتے ہوئےکہا ہےکہ ہندو مذہب کے نام پر نفرت اور تشدد کرنے والے ہندو نہیں، منافق ہیں، حکومت کب تک اندھی اور بہری ہونے کا ڈرامہ کرتی رہےگی۔

دوسری جانب تریپورہ ہائی کورٹ نےمسلم اقلیت پر تشدد کے واقعات کا نوٹس لیتے ہوئے ریاستی حکومت سے جواب طلب کرلیا ہے۔

شمالی وزیرستان:سی ٹی ڈی کی کارروائی، کالعدم ٹی ٹی پی کے 2دہشت گرد ہلاک ،اطلاعات کے مطابق آج محکمہ انسداد دہشت گردی نے شمالی وزیرستان میں کارروائی کرتے ہوئے کالعدم ٹی ٹی پی کے 2دہشت گردوں کو ہلاک کردیا ہے

تفصیلات کے مطابق شمالی وزیرستان میں محکمہ انسداد دہشت گردی بنوں ریجن نے کارروائی کی ، کارروائی کے دوران 2دہشت گرد ہلاک کردیئے۔

محکمہ انسداد دہشت گردی کا کہنا ہے کہ گزشتہ رات سپین وام بوبلی میں دہشت گردوں نے چھاپہ مار ٹیم پرفائرنگ کی، ہلاک دہشت گردوں میں لعل مرجان عرف یاسر اور زر قیوم عرف زڑگے شامل ہیں۔سی ٹی ڈی کے مطابق دہشت گردوں کا تعلق کالعدم ٹی ٹی پی کمانڈرعلیم خان خوشحالی گروپ سے تھا۔

گذشتہ روز سی ٹی ڈی بنوں ریجن، پولیس اورحساس اداروں نے انٹیلی جنس کی بنیاد پر آپریشن کے دوران 2 دہشت گردوں کو ہلاک کردیا تھا۔

حساس اداروں نے مشترکہ کارروائی میرعلی کے گاؤں بوب علی سپین وام کے حدود میں کی تھی ، سی ٹی ڈی کا کہنا تھا کہ دہشت گردوں سے ایس ایم جی، ہینڈگرنیڈ، میگزین اورکارتوس برآمد ہوئے تاہم دیگر دہشت گرد رات کے تاریکی کا فائدہ اٹھاتے ہوئے فرار ہوگئے۔

حکام کے مطابق فرار دہشت گردوں کی گرفتاری کیلئے مشترکہ سرچ آپریشن جاری ہے۔سی ٹی ڈی نے بتایا تھا کہ دہشت گرد ٹارگٹ کلنگ، بھتہ خوری ،بم دھماکوں،فورسزپرحملوں میں ملوث تھے ، دہشت گردوں کاتعلق کالعدم ٹی ٹی پی کے لوکل کمانڈر سے ہے۔

اسلام آباد:علما کا طاہر اشرفی اور فواد چوہدری کی موجودگی میں مذاکرات سے انکار،وزیراعظم نے مجلس چھوڑنے کا کہہ دیا،اطلاعات کے مطابق آج اس وقت صورت حال بڑی خراب ہوگئی جب وزیراعظم سے ملاقات کے لیے آئے ہوئے علما کے وفد نے مذاکرات سے انکار کردیا

اس حوالے سے 24 نیوز چینل نے دعویٰ کیا ہے کہ علما جب مذاکرات کےلیے بنی گالہ پہنچے تو وہاں مذاکرات کے دوران حکومتی پارٹی کی طرف سے طاہراشرفی اور فواد چوہدری بھی موجود تھے ، ان کودیکھتے ہی علمانے وزیراعظم سے کہا کہ جب تک طاہر اشرفی اور فواد چوہدری یہاں سے نہیں جائیں گے وہ مذاکرات نہیں کریں گے

علماء کرام کی بنی گالہ میں وزیراعظم سے ملاقات ،علماء نے طاہر اشرفی اور فواد چوہدری کی موجودگی میں مذاکرات سے انکار کر دیا،،وزیراعظم نے مجبور ہو کر دونوں کو چلے جانے کا حکم دے دیا۔۔۔ pic.twitter.com/eGhTsp5lAv

— M Awais Kiyani (@awaiskiyani24) October 30, 2021

یہ بھی دعویٰ کیا گیا ہے کہ اس اصرار پروزیراعظم نے مولانا طاہراشرفی اور فواد چوہدری کوحکم دیا کہ وہ یہاں سے چلیں جائیں‌، یہ بھی معلوم ہوا ہے کہ وزیراعظم کے حکم کے بعد طاہر اشرفی اورفواد چوہدری بڑے بوجھل قدموں کے ساتھ وہاں سے چلے گئے

لاہور:این اے 133 ضمنی الیکشن ملتوی کرنے کا مطالبہ مسترد:اطلاعات کے مطابق ن لیگ نے کالعدم جماعت کے احتجاج کو بنیاد بنا کر پنجاب حکومت کی طرف سے این اے 133 کے ضمنی الیکشن کو ملتوی کرنے کے مطالبے کو مسترد کر دیا۔

لاہور میں میڈیا سے گفتگو کے دوران ن لیگ کے سینئر رہنما خواجہ سعد رفیق نے رکن قومی اسمبلی علی پرویز ملک اور نصیر بھٹہ کے ہمراہ پریس کانفرنس کرتے ہوئے کہا کہ حکومت پنجاب نے بہانہ بنایا کہ کالعدم جماعات کے احتجاج کے دوران الیکشن نہیں ہوسکتا۔

ن لیگ کی طرف سے کہا گیا ہے کہ صوبائی حکومت کے اس مطالبے کومسترد کرتے ہیں، شہرسے200کلومیٹردوراحتجاج کا بہانہ بنایا جارہا ہے۔ جب الیکشن کمیشن نے شیڈول جاری کیا تب امن وامان کی صورتحال انہیں یاد نہیں آئی، انتخابات کوملتوی نہیں ہونا چاہیے، اگرکورونا کے دوران انتخاب ہوسکتے ہیں تواب کیوں نہیں، این اے133میں پانچ دسمبرکوالیکشن ہونا ہے۔

ن لیگ نے کہا کہ آرڈیننس کے ذریعے بنانے جانے والے قوانین چیلنج ہونگے، ان کی کوئی قانونی حیثیت نہیں، موجودہ حکومت دھاندلی کی پیداوارہے، ہماری بہن شائستہ پرویزملک کی جیت یقینی ہے، ای وی ایم سے ان کوالیکشن کرانے کا حق نہیں ہے۔

سابق وفاقی وزیر ریلوے کا کہنا تھا کہ الیکشن کا اکھاڑہ سج چکا، اب حکومت بھاگنا چاہتی ہے، ساڑھے تین سالوں میں صوبے کو کھنڈربنادیا گیا ہے، جھوٹے بہانوں کوالیکشن شیڈول پراثراندازنہیں ہونا چاہیے۔ یہ الیکشن سے فراریا کچھ اورچاہتے ہیں۔

اس موقع پر رکن قومی اسمبلی علی پرویز ملک نے کہا کہ جمشید اقبال کے کاغذات نامزدگی مسترد ہونے کے بعد پاکستان تحریک انصاف (پی ٹی آئی) کوآج منہ کی کھانا پڑی،ان کے امیدوارکوحلقے کی حدود تک کا نہیں پتا تھا، انہوں نے اپنی اے ٹی ایم کواکھاڑے میں اتارا تھا، ان کی نالائقی کا جواب آج آراو نے دیدیا ہے۔

نئی دہلی :بھارت میں مذہبی آزادی کی صورتحال نے سنگین رخ اختیار کرلیا ہے کیونکہ بھارتیہ جنتا پارٹی کی حکومت مذہبی اقلیتوں کو پیٹ پیٹ کو قتل کرنے سمیت انہیں بڑے پیمانے پر ہراساں کرنے اورتشدد کا نشانہ بنائے جانے کے بہیمانہ عمل کی سرپرستی کر رہی ہے۔

کشمیر میڈیا سروس کی طرف سے آج جاری ایک رپورٹ میں کہا گیا ہے کہ آر ایس ایس کی حمایت یافتہ مودی حکومت دوسرے مذاہب پر ہندو مذہب کےغلبہ کی تبلیغ کر رہی ہے اور ہندو جتھوں کی طرف سے مسلمانوں، سکھوں اور عیسائیوں کے خلاف حملے بھارت میں روز کا معمول بن چکے ہیں۔

رپورٹ میں کہا گیا کہ مودی کا اصل چہرہ مقبوضہ جموںوکشمیر میں پوری طرح سے بے نقاب ہو چکا ہے جہاں مسلمانوں کی شناخت چھینی جا رہی ہے۔مودی آر ایس ایس کی ہندوتوا پالیسی کے مطابق بھارت کی تشکیل کر رہے ہیں۔ بی جے پی کی زیر قیادت بھارتی حکومت ہندو قوم پرستانہ پالیسیوں کو فروغ دے رہی ہے جس کے نتیجے میں مذہبی آزادی کی منظم اور سنگین خلاف ورزیاں ہو رہی ہیں۔

رپورٹ میں نشاندہی کی گئی کہ بین الاقوامی مذہبی آزادی پر امریکی کمیشن نے اپنی تازہ ترین رپورٹ میں مودی حکومت کے حقیقی چہرے کو بے نقاب کرتے ہوئے کہا ہے کہ بھارت کی مذہبی آزادی کے حالات 2021 میں منفی رفتار جاری رکھے ہوئے ہیں۔

امریکی کمیشن نے گزشتہ برس نئی دہلی میں فسادات کے دوران مسلمانوں کے خلاف تشدد میں پولیس کی ملی بھگت کو اجاگر کیا ہے اور بھارت کو مذہبی آزادی کے حوالے سے خاص تشویش کا حامل ملک قرار دینے کا مطالبہ کیا ہے۔

رپورٹ میں کہا گیا ہے کہ انتہا پسند ہندو جنہیں بی جے پی کی سرپرستی حاصل ہے گزشتہ ایک ہفتے سے ریاست تری پورہ کے مختلف علاقوں میں مسلمانوں کے مذہبی مقامات، مکانات اور دکانوں پر مسلسل حملے کر رہے ہیں۔ ہندو ہجوم نے اس عرصے میں کم از کم 16 مساجد، مسلمانوں کے درجنوں مکانات اور دکانوں کو توڑ پھوڑ کی۔

رپورٹ میں کہا گیا کہ انسانی حقوق کے عالمی اداروں کو بھارت میں مذہبی اقلیتوں کو ہندو فاشزم سے بچانے کے لیے آگے آنا چاہیے۔

رپورٹ میں مزید کہا گیا ہے کہ بھارت میں انتہا پسند ہندووں کا اصل ہدف مسلمان ہیں۔ گائے کا گوشت کھانے اور اسے ذبح کرنے پر بھارت بھر میں اکثر مسلمانوں کو مارا پیٹا جاتا ہے۔

آر ایس ایس کے مسلح اور منظم انتہا پسندوں کی طرف سے اقلیتوں کی مارپٹائی اور زدوکوب کرنے کی رپورٹیں معمول بن چکی ہیں۔ ہندو جتھوں سے نہ صرف مسلمانوں بلکہ بھارت میں دیگر اقلیتوں کو بھی خطرہ ہے۔

اسلام آباد :جو بھی قوم کے ساتھ دھوکہ کرے گا وہ جیل جائے گا:ایف آئی اے کا پٹرولیم مافیازکے خلاف آپریشن تیز,اطلاعات کے مطابق پٹرولیم مافیا -آئل مارکیٹنگ کمپنیز، اوگرا ، منسٹری آف انرجی و پٹرولیم ڈویژن و دیگران کے خلاف ایف آئی اے کا گھیرا تنگ ہوگیا ہے اوراس وقت بڑے اپریشن کی تیاریاں ہیں

ذرائع کے مطابق ایف آئی اے لاہورمیں وفاقی حکومت کے احکامات پرجون 2020میں پیٹرولیم بحران پر درج ہونے والی انکوائریزکے بعد فوسل انرجی اور عاسکر آئل (پیٹرولیم مارکیٹنگ کمپنیز) پر مقدمات درج کیے جاچکے ہیں‌

باغی ٹی وی ذرائع کے مطابق ایف آئی اےلاہورنےCEOفوسل انرجی ندیم بٹ ،اوگرا کےممبر گیس عامر نسیم ، ممبر آئل عبداللہ ملک اور منسٹری آف انرجی و پٹرولیم کے ڈی جی آئل شفیع اللہ آفرید ی اور اسسٹنٹ ڈائریکٹر آئل عمران ابڑوکو گرفتار کرلیا۔

ادھر ذرائع کا یہ بھی کہنا ہے کہ اوگرا کے افسران نے غیر قانونی پیٹرولیم مارکیٹنگ لائسنس جاری کئے۔ منسٹری آف انرجی و پٹرولیم ڈویژن کے افسران نے ناجائز پیٹرولیم امپورٹ کوٹہ جاری کیا۔

ذرائع پیٹرولیم مارکیٹنگ کمپنیز نے اوگرا کی اشیر آباد سے منظور شدہ پیٹرول پمپس سے زیادہ غیر قانونی پیٹرول پمپس کا ملک بھر میں جال بچھا دیا۔

ذرائع کے مطابق ملزمان کے خلاف باہمی ملی بھگت سے غیر قانونی پیٹرولیم مارکیٹنگ لائسنس، ناجائز پیٹرولیم امپورٹ کوٹہ اور غیر قانونی پیٹرولیم امپورٹس کی خریدوفروخت سے قومی خزانے کو اربوں روپے کا نقصان پہنچانےاور اس سے کمائے جانے والے اربوں روپے کے ناجائز دھن کی منی لانڈرنگ کا الزام ہے۔