ایڈمنسٹریٹر کراچی، مشیر قانون و ترجمان سندھ حکومت بیرسٹر مرتضی وہاب نے کہا ہے کہ اس شہر کا سب سے بڑا مسئلہ یہ ہے کہ جس کو جو کام کرنا چاہئے وہ نہیں کر رہا بلکہ دوسروں پر انگلیاں اٹھا رہا ہے،ہمیں دوسروں کو الزام دینے کے بجائے اپنی ذمہ داری نبھانی چاہئے، یہ شہر ماضی میں تنزلی کا شکار ہوا ہم سے اس کی دیکھ بھال میں کوتاہی ہوئی،جب تک غلطی کا اعتراف نہ ہو بہتری نہیں آسکتی، ان خیالات کا اظہار انہوں نے آرٹس کونسل آف پاکستان کراچی میں بشیر سدوزئی کی کتاب ’’بلدیہ کراچی‘‘ کی تقریب رونمائی سے بحیثیت مہمان خصوصی خطاب کرتے ہوئے کیا، اس موقع پر صدر آرٹس کونسل احمد شاہ، سیکریٹری کلچر سندھ رحیم سومرو، پرنسپل سیکریٹری گورنر سندھ ڈاکٹر سیف الرحمن، رو ٴف اختر فاروقی، پروفیسر توصیف احمد خان، میر حسین علی، احمد چنائے،کتاب کے پبلشرفرید حسین اور دیگر بھی موجود تھے، ایڈمنسٹریٹر کراچی بیرسٹر مرتضیٰ وہاب نے کہا یہ میرا شہر ہے، میں نے یہیں تعلیم حاصل کی، سندھ حکومت کے ساتھ اب میں کے ایم سی کا بھی ترجمان ہوں، شہر کے ساتھ ساتھ کے ایم سی ملازمین کی فلاح و بہبود کیلئے بھی کام کر رہے ہیں،ملازمین کی تنخواہوں اور پینشن کی ادائیگی کے مسائل حل کرنے ہیں اورسندھ میں پیپلز پارٹی کی حکومت یہ کام کر کے دکھائے گی، انہوں نے کہاکہ فادر آف سٹی کی حیثیت سے شہر کی ترجمانی نہ کرسکوں تو مجھے اس عہدے پر رہنے کا کوئی حق نہیں ہے، ہمیں خوف کی فضا سے باہر نکلنے کی ضرورت ہے اور اپنے شہر کے حقوق کے لئے بولنا ہے، عدالت میں یہ بتانے کی کوشش کی کہ کے ایم سی کام کررہی ہے، کے ایم سی کے اثاثے ویب سائٹ پر ڈال دیئے ہیں لوگوں کو معلومات ہوں گی تو پتہ چلے گا کیا کس کے پاس ہے،بہتری لانے کی کوشش کی تو لوگ عدالت چلے گئے، ہم سب بے حس ہوچکے ہیں، کے ایم سی اس بے حسی کو ختم کرنے کی کوشش کررہی ہے، ایڈمنسٹریٹر کراچی نے کہاکہ پچھلے تین ماہ میں کے ایم سی کے ملازمین کو ایک سمت نظر آئی ہے، کے ایم سی ملازمین میں کام کرنے کی صلاحیت ہے صرف رہنمائی کی ضرورت ہے، مجھے کے ایم سی میں افسران کی ٹرانسفر، پوسٹنگ سے دلچسپی نہیں جو کام کرے گا اسے سپورٹ کروں گا،تبدیلی تیس دن یا تین ماہ میں نہیں آتی اس میں کئی ماہ لگ سکتے ہیں،ماضی میں جو ہوا،سو ہواآج ہمیں شہر کی بہتری کے لئے مل کر کام کرنا ہے، انہوں نے کہاکہ ہمیں ہمیشہ حق اور سچ بات کرنی ہے، تفریق کی سیاست ختم کرکے اتفاق کی سیاست بحال کریں، مل کرکام کریں گے تو اس شہر میں بہتری آئے گی، درستگی کا عمل ہمارے اپنے اندر سے شروع ہونا چاہیئے، بشیر سدوزئی کو محنت اور جانفشانی سے کراچی کے متعلق کتاب لکھنے پر خراج تحسین پیش کرتا ہوں، تقریب سے خطاب کرتے ہوئے صدر آرٹس کونسل آف پاکستان کراچی احمد شاہ نے ایڈمنسٹریٹر کراچی کی آمد کا شکریہ ادا کرتے ہوئے کہاکہ کراچی کا ہر فرد مرتضی وہاب کو اپنے گھر کا فرد تصور کرتا ہے، امید ہے کہ مرتضی وہاب کراچی کیلئے بہت کام کریں گے، شہر میں بنیادی تبدیلی کیلئے ایڈمنسٹریٹر کراچی کے پاس بھرپور وسائل ہونا چاہئیں .

پاکستان پیپلزپارٹی کے شریک چیئرمین اور سابق صدرآصف زرداری نے کہا ہےکہ پیپلزپارٹی واحد جماعت ہے جو تباہ حال ملک کو دوبارہ تعمیر کرسکتی ہے، ہم غریبوں کے ہیں اور غریب ہمارے ہیں، مہنگائی پر قابو پائیں گے، ہم کسی سے انتقام لینے میں وقت ضائع نہیں کرتے۔ انہوں نے ملک بھر میں مہنگائی کیخلاف احتجاج کرنے پر جیالوں کو شاباش دی اور کہا کہ پیپلزپارٹی جنگ سے تباہ حال ملک کی دوبارہ تعمیر کرسکتی ہے تو پیپلزپارٹی میں مہنگائی پر بھی قابو پانے کی بھی صلاحیت ہے۔
مارے دور حکومت میں دو خطرناک سیلاب آئے لیکن پیپلزپارٹی کی حکومت نے مہنگائی ہونے دی اور نہ ہی انسانی خوراک میں کمی ہونے دی۔ انہوں نے کہا کہ ہم غریبوں کے ہیں اور غریب ہمارے ہیں، ملک کا ہر شہری مہنگائی اور بیروزگاری کا شکار ہے،ہم کسی سے انتقام لینے میں وقت ضائع نہیں کرتے بلکہ صرف عوامی خدمت کو ترجیح دیتے ہیں۔
انہوں نے کہا کہ بلاول بھٹو میدان میں آ چکے ہیں، فتح عوام کی ہوگی، پیپلزپارٹی پھر حکومت میں آئے گی، حکومت میں آکر برطرف ملازمین کو بحال کریں گے اور روزگار کے وسائل پیدا کریں گے۔

مزید برآں وفاقی دارالحکومت اسلام آباد میں بلاول بھٹو زر داری کی ہدایت پر ملک بھر میں مہنگائی کے خلاف احتجاج کیا گیا ۔ سیکرٹری جنرل پیپلز پارٹی سید نیر حسین بخاری نے مظاہرین سے خطاب کرتے ہوئے کہاکہ عمران خان کے وزیر توانائی کہتے ہیں پاکستان سستا ملک ہے،وزیر اپنی جیب سے پٹرول، بجلی، گیس سمیت کوئی چیز خود نہیں لیتے ،غریب عوام کا مذاق بنایا جا رہا ہے ،38 ماہ میں پاکستان میں لوگوں کی حالت ابتر ہوگی ،غریب طبقہ دو وقت کی روٹی نہیں کھا سکتا ،عوام اور اپوزیشن کو سڑکوں پر آکر عمران خان کی حکومت ختم کرنا ہوگی ،وزیر خزانہ نے مزید مہنگائی ہونے کا کہہ دیا ہے ،ان حکمرانوں کو الوداع کہنے کا وقت آگیا ہے ۔

ناظم آباد سی این جی پمپ دھماکے سے 4 شخص ہلاک 5 زخمی جس میں ایک عورت ہے
نام۔نامعلوم ولد نامعلوم
عمر تقریباً 30 سال ہلاک
نام۔نامعلوم ولد نامعلوم
عمر تقریباً 35 ہلاک
نام۔نامعلوم ولد نامعلوم
عمر تقریباً 65سال ہلاک
نام۔نامعلوم ولد نامعلوم
عمر تقریباً 30 سال ہلاک
نام۔سہیل ولد محمد اسحاق
عمر تقریباً 28 سال زخمی
نام۔عبدالوحید ولد ممتاز علی
عمر تقریباً 21 سال زخمی
نام۔عالیہ زوجہ ہمایوں خان
عمر۔تقریبا 45 سال زخمی
نام۔عابد ولد نامعلوم
عمر تقریباً 28 سال زخمی
نام۔نامعلوم ولد نامعلوم
عمر تقریباً 25 سال زخمی
ایریا۔نورتھ ناظم آباد بلاک اے نزد بورڈ آ فس بائی پمپ
تھانہ۔نارتھ ناظم آباد

تفصیلات کے مطابق ناظم آباد بورڈ آفس کے قریب پیٹرول پمپ پر دھماکا ہوا ۔ دھما کے میں 4 افراد جاں بحق اور 6 زخمی ہونے کی اطلاع ملی ہے ۔
ریسکیو حکام کے مطابق رینجرز اور پولیس کی بھاری نفری حادثے کی جگہ پہنچ گئی ہے اور زخمیوں کو اسپتال منتقل کیا جارہا ہے ۔
ابتدائی معلومات کے مطابق پمپ کے مالک کا کہنا ہے کہ کسی نے پمپ پر جلی ہوئی سگریٹ پھینکی ۔
واقعے کی مزید تحقیقات جاری ہے ۔
ڈی آئی جی ویسٹ ناصر آفتاب کے مطابق دھماکہ پمپ کے الیکٹرک روم میں ہوا ۔ الیکٹرک روم میں گیس بھری اور اسنے دھماکہ کیا ۔ الیکٹرک روم شیشے سے بند تھا ۔ جو لوگ جاں بحق اور زخمی ہوئے وہ شیشہ لگنے سے ہوئے ۔