Author: +9251

لاہور:این اے 133 ضمنی الیکشن، جمشید اقبال چیمہ کے کاغذات نامزدگی مسترد:فیصلہ چیلنج کرنے کا فیصلہ ،اطلاعات کے مطابق این اے 133 کے ضمنی الیکشن میں پاکستان تحریک انصاف کے امیدوار جمشید اقبال چیمہ کے کاغذات نامزدگی مسترد کر دیئے گئے۔

یاد رہے کہ پاکستان مسلم لیگ ن کے سینئر رہنما پرویز ملک کے انتقال کے بعد یہ سیٹ خالی ہوئی تھی جس کے بعد الیکشن میں پاکستان تحریک انصاف کی طرف سے جمشید اقبال چیمہ کو امیدوار بنایا گیا تھا، شائستہ پرویز ملک مسلم لیگ ن کی امیدوار تھیں جبکہ پاکستان پیپلز پارٹی نے اسلم گل کو میدان میں اُتارا تھا۔

پاکستان مسلم لیگ ن کے امیدوار جمشید اقبال چیمہ کے تجویز کنندہ پر اعتراض اٹھاتے ہوئے کہا کہ جمشید اقبال چیمہ کا تجویز کنندہ ماڈل ٹاون کا رہائشی ہے۔

مسلم لیگ ن کے نصیر بھٹہ نے دلائل دیتے ہوئے کہا کہ پی ٹی آئی امیدوار جمشید اقبال چیمہ کا تجویز کنندہ محمد بلال این اے 130 کا رہائشی ہے جبکہ الیکشن این اے 133 میں ہو رہا ہے۔ تائید کنندہ، تجویز کنندہ عدالت عظمی، عدالت عالیہ، الیکشن کمشن کی ججمنٹس موجود ہیں۔

مسلم لیگ ن کے نصیر بھٹہ نے دلائل دیتے ہوئے کہا کہ الیکشن ایکٹ کے سیکشن 60 کے تحت تجویز کنندہ اور تائید کنندہ موجودہ حلقہ کا ہونا چاہیے۔ الیکشن رولز کے تحت جمشید اقبال چیمہ الیکشن لڑنے کےلیے نااہل ہیں۔ جمیشد اقبال چیمہ کے کاغزات نامزدگی مسترد کیے جائیں۔

این اے 133 میں ضمنی الیکشن کے معاملے پر الیکشن کمیشن نے فیصلہ سناتے ہوئے پاکستان تحریک انصاف (پی ٹی آئی) کے امیدوار جمشید اقبال چیمہ کے کاغذات نامزد مسترد کر دیئے۔

ریٹرننگ افسر نے کہا کہ پاکستان تحریک انصاف (پی ٹی آئی) کے امیدوار جمشید چیمہ اور ان کی اہلیہ مسرت چیمہ کے تجویز کنندہ کا تعلق این اے 133 سے نہیں ہے۔

ادھر ذرائع سے معلوم ہوا ہے کہ جمشید چیمہ نےالیکشن کمیشن کا یہ فیصلہ چیلنج کرنے کا فیصلہ کرلیا ہے اورامید کی جارہی ہے کہ ریویو میں جمشید چیمہ کو الیکیشن لڑنے کا ریلیف مل جائے گا

کوئٹہ:اپنے ہی گراتے ہیں نشیمن پہ بجلیاں:اپنے ہی ساتھیوں کوہٹا کربزنجووزیراعلیٰ اوراب جمالی اسپیکرمنتخب ہوگئے ،اطلاعات کے مطابق بلوچستان اسمبلی کے نئے اسپیکر کا انتخاب، میر جان محمد جمالی بلا مقابلہ اسپیکر اسمبلی منتخب ہو گئے۔ بلوچستان اسمبلی کے اجلاس میں قائمقام اسپیکر نومنتخب اسپیکر اسمبلی کا اعلان کرینگے۔

وزیر اعلیٰ بلوچستان قدوس بزنجو کے اسپیکر شپ سے مستعفی ہونے کے بعد نئے اسپیکر کے انتخاب کا مرحلہ آج ہو رہا ہے۔ بلوچستان عوامی پارٹی کے میر جان محمد جمالی کے 5 کاغذات نامزدگی میں جمع کرائے گئے، تاہم مقررہ وقت تک کسی دوسرے امیدوار نے ان کے مقابلے میں کاغذات نامزدگی جمع نہیں کرائے۔

سیکریٹری اسمبلی طاہر شاہ کا کہنا ہے کہ قواعد کے مطابق جان محمد جمالی بلا مقابلہ اسپیکر اسمبلی منتخب ہوگئے، اسپیکر کے انتخاب کیلئے 3 بجے ہونیوالے اسمبلی اجلاس میں اب رائے شماری نہیں ہوگی، تاہم قائمقام اسپیکر نومنتخب اسپیکر کے نام کا اعلان کرینگے۔

یاد رہے کہ اس سے قبل بھی بی اے پی کے جام کمال خان وزیراعلیٰ بلوچستان تھے جن کوہٹانے کےلیے اپنے ہی ساتھیوں نے بے وفائی کی اورتمام ترتعلقات اوروابستگیوں کے باوجود ان کوزبردستی وزارت اعلیٰ کے عہدے سے ہٹانے کے لیے بڑی بڑی سازشیں رچائی گئیں اورپھرایک ایسا وقت بھی آیا کہ وہ مقولہ درست ثابت ہوگیا کہ اپنے ہی گراتے ہیں نشیمن پہ بجلیاں،

عبدالقدوس بزنجو جام کمال کو ان کے عہدے سے زبردستی ہٹا کراب وزیراعلیٰ بن گئے ہیں اور جان محمد جمالی اسپیکرکے منصب پربیٹھ گئےہیں ، اب یہ اتحاد کب تک چلتا ہے اس کا اگلے چند ہفتوں میں بتہ چل جائے گا

سرینگر:بھارت سُن لے:کشمیری طلبا کے خلاف مقدمات کا اندراج مضحکہ خیز ہے:اطلاعات کے مطابق بھارت کے غیر قانونی زیر قبضہ جموں و کشمیر میں نیشنل کانفرنس نے پاک بھارت کرکٹ میچ کے بعد کشمیری طلباءکے خلاف غداری کے الزامات کے تحت مقدمات کے اندراج پر برہمی کا اظہار کیا ہے۔

کشمیر میڈیا سروس کے مطابق نیشنل کانفرنس کے ترجمان عمران نبی ڈار نے سرینگر میں جاری ایک بیان میں جموں و کشمیر اور آگرہ میں کشمیری طلباءکے خلاف غداری کے الزامات کے تحت مقدمات کے اندراج کو انتہائی مضحکہ خیز قرار دیا۔

انہوں نے کہا کہ یہ قانون کا سراسر غلط استعمال ہے ۔ انہوں نے کہا کہ طلباءایک ہمسائیہ ملک کی فتح پر محض جشن منا رہے ہیں اور اس حوالے سے وائرل ویڈیوز میں تشدد کا کوئی پہلو دکھائی نہیں دیتا۔ ترجمان نے کیا اس سارے معاملے کو سیاسی میدان میں گھسیٹنا عجیب ہے۔

نئی دہلی: جواہر لال نہرو یونیورسٹی میں کشمیر کے موضوع پرویبنار بھارتی سرکارنےزبردستی منسوخ کروادیا ،اطلاعات کے مطابق بھارتی دارلحکومت نئی دلی کی معروف جواہر لال نہرو یونیورسٹی( جے این یو ) میں ہونے والا کشمیر کے متعلق ویبینار زبردستی منسوخ کروادیاگیا۔

کشمیر میڈیاسروس کے مطابق ویبنار سنٹر فار ویمن اسٹڈیز کی طرف سے منعقد کیا جا رہا تھا جس پر کیمپس میں احتجاج شروع ہوگیا۔ احتجاج کے فوراً بعد یونیورسٹی انتظامیہ کی جانب سے ایک بیان جاری کیا گیا جس میں کہا گیا کہ سینٹر فار ویمن اسٹڈیز کے زیر اہتمام پروگرام منسوخ کر دیا گیا ہے۔

خبر رساں ادارے ساوتھ ایشین وائر کی ایک خبر میں کہا گیا کہ جے این یو کے وائس چانسلر پروفیسر ایم جگدیش کمار نے کہا کہ سنٹر فار ویمن اسٹڈیز کی جانب سے رات ساڑھے آٹھ بجے ‘جینڈر ریزسٹنس اینڈ فریش چیلنجز ان پوسٹ 2019 کشمیر’ کے عنوان سے ایک ویبینار کا انعقاد کیا جا رہا تھا

یہ بھی معلوم ہوا ہے کہ جیسے ہی اس پروگرام کی اطلاع ملی تو منتظمین کو پروگرام کو فوری طور پر منسوخ کرنے کی ہدایت کی گئی کیونکہ یونیورسٹی انتظامیہ سے اسکے انعقاد کی اجازت نہیں لی گئی تھی ۔جواہر لال نہرو یونیورسٹی میں اکھل بھارتیہ ودیارتھی پریشد کے کارکنوں نے پروگرام کے انعقاد کے خلاف احتجاج کیا اور ہنگامہ آرائی کی۔

سری نگر:مقبوضہ کشمیر: پولیس نے مسلمانوں پر حملو ں کے حلاف احتجاج کرنے والوں کو گرفتار کر لیا،اطلاعات کے مطابق بھارتی پولیس نے ہندو انتہا پسندوں کی طرف سے ریاست تریپورہ میں مساجداور مسلمانوں کی املاک پر حملوں کے خلاف تریپورہ بھون کے قریب سراپا احتجاج کئی تنظیموں کے کارکنوں کو گرفتار کیا اور انہیں تشدد کا نشانہ بنایا۔

کشمیر میڈیاسروس کے مطابق پولیس نے مساجد اور مسلمانوں کی دکانوں اور گھروں کی حفاظت میں ناکامی پر تریپورہ کے وزیر اعلیٰBiplab Deb، تریپورہ پولیس اور ریاست کی حکمران بھارتیہ جنتا پارٹی (بی جے پی) کے خلاف نعرے لگانے والے متعدد مظاہرین کو گرفتار کر لیا۔

احتجاج کی کال کئی سول سوسائٹی گروپوں اسٹوڈنٹس اسلامک آرگنائزیشن، فراترنٹی موومنٹ، آل انڈیا اسٹوڈنٹس ایسوسی ایشن، مسلم اسٹوڈنٹ فیڈریشن اور یونائیٹڈ اگینسٹ ہیٹ نے دی تھی۔ احتجاج شروع ہوتے ہی پولیس کی بھاری نفری حرکت میں آگئی اور احتجاج کرنے والوںکو تشدد کا نشانہ بنایا اور انہیں گرفتار کرلیا۔

قبل ازیں فریٹرنٹی موومنٹ کے سکریٹری Wasim Arizوسیم آریز نے ذرائع ابلاغ کے نمائندوں سے بات کرتے ہوئے کہا کہ تریپورہ میں تشدد فروری 2020 کے دہلی فسادات جیساہے جنہیں ریاستی سرپرستی حاصل تھی۔

انہوں نے کہا کہ ہمارے لوگوں اور عبادت گاہوں پر حملے ہو رہے ہیں۔ ہم حکومت کو بتانا چاہتے ہیں کہ بھارتی مسلمان مزید تشدد برداشت نہیں کر سکتے، ہم اپنی آواز بلند کریں گے۔

تریپورہ میں گزشتہ ہفتے سے ہندو تو ا کے جتھو ں کی طرف سے مساجد اور مسلمانوں کے گھروں ، دکانوں اور دیگر املاک پر حملے کیے جا رہے ہیں ۔ گزشتہ ایک ہفتے کے دوران تری پورہ میں مختلف مقامات پر کم از کم 16 مساجد، درجنوں گھروں اور مسلمانوں کی دکانوں پر حملے کیے گئے ہیں ۔ ہندو انتہا پسندوں کے حملوں کے بعد پانی ساگر علاقے میں سخت کشیدگی پائی جاتی ہے۔