Author: +9251

شارجہ : بنگلادیش نےانگلینڈ کیخلاف میچ سے پہلے ہی پہلی کامیابی حاصل کرلی،طلاعات کے مطابق آئی سی سی ٹی ٹوئنٹی ورلڈ کپ کے سپر 12 مرحلے کے گروپ 1 میں بنگلادیش نے انگلینڈ کیخلاف میچ شروع ہونے سے پہلے ہی پہلی کامیابی حاصل کرلی ہے ،

شارجہ سے ذرائع کے مطابق آج بنگلہ دیش نے ٹاس جیت کر بیٹنگ کا فیصلہ کیا ہے۔

شارجہ کرکٹ اسٹیڈیم میں ہوئے ٹاس میں بنگلادیش کے کپتان محمداللہ نے ٹاس جیتا اور انگلش کرکٹ ٹیم کو فیلڈنگ کی دعوت دی۔بنگلا دیش اس سے پہلے اپنے پہلے میچ میں شکست سے دوچار ہوچکا ہے۔

آج کھیلے جانے والے دوسرے میچ میں نیمیبیا اور اسکاٹ لینڈ مدمقابل ہوں گے جن کا مقابلہ شام 7 بجے ہوگا۔

یاد رہے کہ کل پاکستان نے نیوزی لینڈ کے ٰخلاف اپنے میچ میں کامیابی حاصل کی تھی جس پر ابھی تک تبصرے جاری ہیں

حتی کہ نیوزی لینڈ کے شہریوں نے بھی اپنے کھلاڑیوں پرآوازیں کستے ہوئے بڑے طعنے دینے شروع کردیئےہیں

سکیورٹی کو جواز بناکر دورہ پاکستان منسوخ کرنے والی نیوزی لینڈ کرکٹ ٹیم کی ہار کے سوشل میڈیا پر کل سے کافی چرچے ہیں۔

گزشتہ روز ٹی ٹوئنٹی ورلڈکپ کے سپر 12 مرحلے کے میچ میں پاکستان کے ہاتھوں نیوزی لینڈ کی شکست کے بعد گراؤنڈ میں بھی سکیورٹی سکیورٹی کے نعرے لگائے گئے۔

اسی حوالے سے ایک ویڈیو سوشل میڈیا پر کافی وائرل ہے جس میں نیوزی لینڈ کے شائقین اردو زبان میں بولتے نظر آرہے ہیں۔

پاکستانی شہری کہتا ہے کہ سکیورٹی کا مسئلہ حل ہوا جس پر پاکستانی اور نیوزی لینڈ کے شائقین ہم آواز ہوکر کہہ رہے ہیں کہ ہوا۔ اب آرام ہوا، اس پر نیوزی لینڈ کے حمایتی کہہ رہے ہیں کہ ہوا۔ وائرل ویڈیو پر صارفین کے دلچسپ تبصروں کا سلسلہ جاری ہے

نئی دہلی :یہ ماننا پڑے گا کہ پاکستانی کھلاڑیوں میں اللہ اور اس کے رسول ﷺ. کی محبت کوٹ کوٹ کربھری ہوئی ہے،اطلاعات کے مطابق قومی کھلاڑیوں کے مذہبی رجحان کے ناصرف گرین شرٹس کے بیٹنگ کنسلٹنٹ میتھیو ہیڈن معترف ہیں بلکہ بھارتی میڈیا پر بھی اس کے خوب چرچے ہو رہے ہیں۔

یاد رہے کہ پاکستان اور بھارت کے درمیان میچ کے دوران پاکستان کے بلے باز محمد رضوان کے نماز پڑھنے کے عمل نے دنیا بھرکومتاثرکیا ہے ، یہی وجہ ہے کہ ٹی ٹوئنٹی ورلڈکپ میں بھارت کے خلاف میچ میں محمد رضوان کی ڈرنکس بریک کے دوران نماز کی ادائیگی کی ویڈیو اور تصاویر سوشل میڈیا پر وائرل ہوئی تھیں۔

یہ بھی یاد رہے کہ محمد رضوان کی دوران میچ نماز کی ادائیگی پر جہاں قومی ٹیم کے بیٹنگ کنسلٹنٹ اور سابق آسٹریلوی بلے باز میتھیو ہیڈن نے بھی قومی کھلاڑیوں کے مذہب سے لگاؤ پر پسندیدگی کا اظہار کیا وہیں افغانستان کے شہر جلال آباد کے میئر قاری احسان اللہ ساجد نے بھی کہا کہ محمد رضوان کی نماز کی ادائیگی سے اچھا میسج گیا۔

قومی کھلاڑیوں کے مذہب سے قریبی لگاؤ کے بھارتی میڈیا پر بھی خوب چرچے ہو رہے ہیں اور ایک ٹی وی شو کے میزبان نے تو باقاعدہ اس پر سیگمنٹ بھی کیا۔

Allah us sar ko kisi aur k aagay jhuknay nahi deta jo us k saamnay jhukta hai.
Subhan Allah. pic.twitter.com/pmeE9FwYQG

— Shoaib Akhtar (@shoaib100mph) October 24, 2021

بھارتی ٹی وی کے میزبان نے پاک بھارت میچ کے حوالے سے گفتگو کرتے ہوئے کہا کہ کل کے میچ میں پاکستانی کھلاڑیوں نے اپنے وطن اور مذہب کو سب سے آگے رکھا اور یہ کام وہ ہمیشہ سے کرتے آئے ہیں، چاہے معاملہ پاکستان کا ہو، چاہے کشمیر یا معاملہ اسلام کا ہو، وہ کھل کر اسلام کی بات کرتے ہیں اور وہ اس کی پرواہ بھی نہیں کرتے کہ کون کیا کہے گا۔

بھارتی میزبان نے محمد رضوان کی تصاویر دکھاتے ہوئے کہا کہ بھارت کیخلاف میچ کے دوران جب ڈرنکس بریک ہوا تو پاکستانی بلے باز محمد رضوان میدان پر ہی نماز پڑھنے لگے۔

ان کا یہ بھی کہنا تھا کہ بھارت کیخلاف میچ کے بعد پاکستانی کھلاڑیوں سے جب پوچھا گیا تو انہوں نے ہر سوال کا جواب اللہ کا نام لیکر ہی شروع کیا۔

اس کے بعد بھارتی ٹی وی پر محمد رضوان اور شاہین شاہ آفریدی کی پریس کانفرنس کے چند کلپس بھی دکھائے گئے۔

بھارتی ٹی وی میزبان نے آخر میں یہ بھی بتایا کہ پاکستان کا ہر کھلاڑی سب سے پہلے یہ بتاتا ہے کہ وہ ایک سچا مسلمان ہے، پھر وہ یہ بتاتا ہے کہ وہ ایک سچا پاکستانی ہے اور اگر ضرورت پڑتی ہے تو پاکستانی کھلاڑی کشمیر کے معاملے پر بھی کھل کر بولتے ہیں

دبئی :محمد رضوان کے ’گراؤنڈ میں نماز‘ سے متعلق بیان پر معافی :وقاریونس کا ردعمل آگیا،اطلاعات کے مطابق پاکستان کے سابق کوچ وقار یونس نے محمد رضوان کے گراؤنڈ میں نماز سے متعلق دیے جانے والے بیان پر معافی مانگ لی۔

یاد رہے کہ اس سے پہلے پاکستان کے سابق سٹارکرکٹر وقار یونس نے بھارت کیخلاف پاکستان کی شاندار فتح اور اس دوران رضوان کے نماز پڑھنے سے متعلق نجی ٹی وی شو میں ایک بیان دیا تھا جس میں ان کا کہنا تھا کہ رضوان کی سب سے اچھی بات یہ تھی کہ انہوں نے اس گراؤنڈ میں ہندوؤں کے بیچ کھڑے ہوکر نماز پڑھی جو کہ میرے لیے بہت خاص تھا۔

بعد ازاں وقار یونس کو ان کے بیان پر سرحد پار سے خاصی تنقید کا سامنا کر نا پڑا اور بھارت کے معروف کمنٹیٹر نے اس حوالے سے ٹوئٹ کرتے ہوئے وقار یونس پر تنقید کی تھی اور کہا تھا کہ یہ بیان ان کے لیے مایوس کن ہے۔

بھارتیوں کے ردعمل کے بعد اب اس بیان پر وقار یونس نے ٹوئٹر پر معذرت کرتے ہوئے کہا کہ ’میں نے بیان ہیٹ آف دی مومنٹ‘ (پرجوش انداز ) میں دیا جس سے کئی لوگوں کے جذبات مجروح ہوئے۔

وقاریونس نے لکھا کہ میں اس کے لیے معذرت خواہ ہوں، میرا کہنے کا ہرگز یہ مقصد نہیں تھا، یہ ایک غلطی ہے جو کہ جوش خطابت میں ہوئی۔سابق کپتان نے مزید لکھا کہ کھیل رنگ و نسل اور مذہب سے بالاتر ہوکر لوگوں کو متحد کرتاہے۔

ادھر ذرائع کے مطابق وقار یونس کی طرف سے اس معافی کے بعد سوشل میڈیا پرملا جلا رد عمل آرہا ہے جس میں کہا گیا ہے کہ وقاریونس نے بھارتیوں کو ناراض ہوتے دیکھ کراپنے موقف میں جو بڑی تبدیلی کی ہے وہ ایک سچے مسلمان کا شیوہ نہیں ہے