لاہور:15 دن سے پُرامن احتجاج کررہے تھے ،کسی حکومتی وزیرنے حال تک نہ پوچھا:21 اکتوبرڈیڈ لائین:قائدین کے خطابات جاری ،اطلاعات کے مطابق تحریک لبیک کے مرکزی قائدین اس وقت چوک یتیم خانہ میں حکومت کے خلاف دھرنے دے کربیٹھے ہیں اورساتھ ہی دو دن کا الٹی میٹم بھی دے دیا ہے
احتجاجی مظاہرین سے خطاب کرتے ہوئے تحریک لبیک کے قائدین کا شکوہ تھا کہ وہ 15 روز سے ملک بھر میں پرامن احتجاج جاری تھے لیکن کسی حکومتی وزیر نے ہم سے رابطہ نھیں کیا
اس موقع پراعلان کرتے ہوئے قائدین نے کہاکہ اب بھی ہم حکومت کو 2 دن کا ٹائم دیتے ہیں وہ ٹیبل پر بیٹھ کر ہم سے بات کرے اور ہم سے کئے گئے معاہدے کو من و عن پورا کرے
تحریک لبیک نے ریلی کے بعد یتیم خانہ چوک پردھرنا دے دیا۔ اطلاعات کے مطابق تحریک لبیک پاکستان (ٹی ایل پی) نے فرانسیسی سفیر کو ملک بدر کرنے کے مطالبے پرریلی کے بعد دھرنا دے دیا ہے
https://twitter.com/BaaghiTV/status/1450481006738300931?ref_src=twsrc%5Etfw%7Ctwcamp%5Etweetembed%7Ctwterm%5E1450481006738300931%7Ctwgr%5E%7Ctwcon%5Es1_&ref_url=https%3A%2F%2Fbaaghitv.com%2Ftehreek-e-labeek-staged-a-sit-in-at-orphanage-chowk-after-the-railly%2F
ذرائع کےمطابق اس حوالے سے اچانک یہ فیصلہ اس وقت سامنے آیا جب لاہور میں کالعدم تحریک لبیک نے 12 ربیع الاول کےسلسلے میں ایک ریلی نکالی تھی ، جس کے اختتام پرتحریک کی قیادت نے حکومت کے خلاف دھرنے کا اعلان کرکے سب کو حیران کردیا ہے
اس فیصلے کےبعد لاہور کی صورت حال انتہائی خراب ہے اورعوام الناس میں اس وقت بہت زیادہ خوف پایا جارہا ہے ، ادھر یہ بھی معلوم ہوا ہےکہ بہت جلد یہ دھرنا ملک بھر میں بھی پھیل سکتا ہے
واضح رہے کہ فرانس میں پیغمبر اسلام محمد ﷺ کے گستاخانہ خاکوں کی اشاعت پر تحریک لبیک پاکستان نے اسلام آباد میں احتجاج کیا تھا جسے حکومت کے ساتھ معاہدے کے بعد ختم کردیا گیا تھا
ادھر اطلاعات ہیں کہ بارہ ربیع الاوّل پر سکیورٹی ہائی الرٹ رکھی گئی۔ بڑے جلوسوں کے راستوں کو بم سکواڈ کے مدد سے کلیئر کیا گیا۔ سکیورٹی کے سخت انتظامات رہے۔
بارہ ربیع الاول عید میلادالنبیﷺ پر339 اجتماعات، ریلیاں، محافل شیڈول تھیں، 6 ہزار سے زائد پولیس اہلکار جلوسوں، ریلیوں اور محافل کی سکیورٹی پر تعینات کئے گئے تھے۔ 11 ایس پیز، 34 ڈی ایس پیز اور 83 ایس ایچ اوز نے فرائض انجام دیئے۔ 419 اے ایس آئیز اور 5 ہزار سے زائد کانسٹیبلز تعینات کیے گئے تھے۔
پولیس حکام کا کہنا ہے کہ تمام افسران عید میلادالنبیؐ تقریبات کے حوالے سے منتظمین سے مسلسل رابطے میں ہیں اور تمام پروگرامز کو فُول پروف سکیورٹی فراہم کی جا رہی ہے۔
واضح رہے کہ آج سرکار دو عالم صلی اللہ علیہ وسلم کی آمد کا مبارک دن ہے، اس حوالے سے سرکاری و نجی عمارتوں پر چراغاں، مساجد میں درود و سلام کی محافل کا انعقاد کیا جارہا ہے، نذرو نیاز اورلنگر کی تقسیم بھی جاری ہے، جگہ جگہ سبز پرچم لگے ہیں ، مختلف مقامات پر خانہ کعبہ اور مسجد نبوی کے ماڈل رکھے گئے ہیں۔
مساجد، اہم عمارتوں، گلیوں اور محلوں کو برقی قمقموں اور سبز جھنڈیوں سے سجایا گیا ہے ، شہر بھر میں12 ربیع الاول کے حوالے سے جلوس اور ریلیاں نکالی جارہی ہیں۔
ملک بھر میں آج جشن ولادت مصطفیٰ ﷺ عقیدت و احترام سے منایا جارہاہے، دن کے آغاز پر صوبائی دارالحکومت میں 21 توپوں کی سلامی دی گئی، اس موقع پرپاک فوج کے جوانوں نےاللہ اکبراور پاکستان زندہ باد کے فلک شگاف نعرے لگائے، تقریب کےاختتام پرپاک فوج کی جانب سےملکی سلامتی کے لیےخصوصی دعا بھی کی گئی۔
جشن عید میلاالنبیﷺ کے موقع پر لاہور میں سکیورٹی کے سخت انتظامات کیے گئے ہیں، جلوس اور ریلیوں کی سکیورٹی کے لیے پولیس کے خصوصی دستے تعینات کیے گئے ہیں۔
