Author: +9251

کراچی/اسلام آباد:12 ربیع الاول:سیرت رسول ﷺ پراپنی زندگیوں کوگزارنے کے عہد کا دن ہے:بلاول بھٹو کا پیغام ،اطلاعات کے مطابق پاکستان پیپلزپارٹی کے چیئرمین بلاول بھٹو زرداری نے جشن عید میلاد النبی پر فرزندان توحیدوسنت کو مبارک باد دیتے ہوئے کہا ہے کہ 12 ربیع الاول دراصل وہ دن ہے کہ جب ہم اپنے پیارے نبی ﷺ کی سیرت کے مطابق زندگی گزارنے کے عزم کو دہراتے ہیں،

میڈیا سیل بلاول ہاؤس سے جاری اپنے پیغام میں انہوں نے کہا کہ محسن انسانیت حضور ﷺ کی زندگی ہمارے لئے ایک رول ماڈل ہے جبکہ نبی کریم ﷺ کی تعلیمات کا تقاضا ہے کہ ہم تمام اختلافات بھلا کر ایک امت بن جائیں، انہوں نے کہا کہ انسانیت کی فلاح کے لئے دنیا کو رحمت اللعالمین ﷺ کے اسوہ حسنہ کو مثال بنانا ہوگا،

چیئرمین بلاول بھٹو زرداری نے اپنے پیغام میں بتایا کہ پیغمبر اسلام ﷺ نے ایک ایسا سماج تشکیل دیا جس میں سب لوگوں کے لئے مساوی حقوق تھے اور ہمیں دنیا کے سامنے اپنے بہترین قول اور فعل سے ثابت کرنا ہوگا کہ ہم حضرت محمد مصطفی ﷺ کے سچے امتی ہیں۔

سابق وزیرخزانہ اورنوازشریف کے معتمد خاص،مسلم لیگ ن کے رہنما اسحاق ڈار نے لندن ہائی کورٹ سے نجی ٹی وی اے آر وائی کے خلاف کیس جیت لیا ہے

اسی حوالے سے پاکستان کے سینیئر تجزیہ نگار، معروف صحافی مبشرلقمان نے اسے خوش آئند قراردیتے ہوئے کہا ہےکہ یہ سن کراچھا محسوس کیا کہ پاکستان کے سابق وزیرخزانہ نے لندن کی عدالت سے ہتک عزت کا دعویٰ جیت لیا ہے

Ishaque Dar wins a mega defamation case in UK.

— Mubasher Lucman (@mubasherlucman) October 18, 2021

پاکستانی نیوز چینل اے آر وائی نیوز نے مسلم لیگ ن سے تعلق رکھنے والے سابق وفاقی وزیر خزانہ اسحاق ڈار سے جھوٹے الزامات پر معافی مانگ لی ۔اے آر وائی نیوز نے یہ معافی لندن کی عدالت کے فیصلے کے بعد مانگی ہے جو اے آر وائی کے نیو ویژن ٹیلی ویژن پر نشر کی گئی ہے۔چینل کی جانب سے "اسحاق ڈار سے معذرت” کے عنوان سے معافی نشر کی گئی ہے جس میں کہا گیا ہے ” نیو ویژن ٹیلی ویژن پر 8 جولائی 2019 کو دی رپورٹرز پروگرام نشر ہوا جس میں چوہدری غلام حسین اور صابر شاکر نے دعویٰ کیا کہ اسحاق ڈار نے حکومت پاکستان کا پیسہ چرایا اور پاکستان واپس آنے کی اجازت پر چرائی ہوئی رقم واپس کرنے پر آمادہ تھے۔ یہ دعویٰ بھی کیا گیا تھا کہ اسحاق ڈار کے بینک اکاؤنٹس کا سراغ لگالیا گیا ہے جن میں چرائے گئے لگ بھگ ایک ارب ڈالر موجود ہیں، پروگرام میں مزید تبصرے کیے گئے جس میں دعویٰ کیا گیا کہ اسحاق ڈار نے کسی فرد کو موت کی دھمکیاں دلوائیں تاکہ وہ فرد پاکستان سے باہر چلا جائے

اے آر وائی کے بیان میں معذرت کرتے ہوئے کہا گیا ” ہم اسحاق ڈار کا موقف تسلیم کرنے پر تیار ہیں، اول یہ کہ انہوں نے حکومت پاکستان کا کوئی پیسہ نہیں چرایا، دوئم یہ کہ اسحاق ڈار کے کسی بینک اکاؤنٹ کا سراغ نہیں ملا، نتیجتاً پیسے چرانے کا سوال ہی پیدا نہیں ہوتا۔ سوئم یہ کہ اسحاق ڈار کی جانب سے پاکستان واپسی کی اجازت ملنے کی شرط پر پیسہ واپس کرنے کا دعویٰ جھوٹا اور من گھڑت ہے اور چہارم یہ کہ اسحاق ڈار نے کسی فرد کو موت کی دھمکیاں نہیں دیں۔”اے آروائی کے معافی نامے میں ارشد شریف کے پروگرام پاور پلے پر بھی معافی مانگی گئی ہے۔ یہ پروگرام 8 اگست 2019 کو نشر ہوا تھا جس میں الزام عائد کیا گیا تھا کہ اسحاق ڈار مسلم لیگ ن کے دور میں فنانشل مانیٹرنگ یونٹ کے ذمہ دار تھے لیکن انہوں نے اس ادارے کو کام نہیں کرنے دیا۔ اے آر وائی انتظامیہ نے موقف اپنایا کہ "پروگرامز میں نشر کیے گئے مواد کی وجہ سے ہونے والی تکلیف، پریشانی اور شرمندگی پر ہم اسحاق ڈار سے غیر مشروط طور پر معذرت خواہ ہیں، ہم اسحاق ڈار کی بدنامی پر مناسب ہرجانے کی ادائیگی اور قانونی اخراجات برداشت کرنے کیلئے تیار ہیں۔”اسحاق ڈار کے صاحبزادے علی ڈار نے اے آر وائی کی معافی مانگنے کی ویڈیو شیئر کرتے ہوئے کہا "برطانوی ہائی کورٹ میں اسحاق ڈار صاحب کے اے آر وائی گروپ کے خلاف مقدمے میں الحمدللہ تاریخی جیت، برطانیہ میں بھی ثابت ہو گیا کہ نہ ہی کوئی کرپشن کی اور نہ ہی کوئی غیر اعلانیہ اثاثے موجود ہیں، نیوز چینل کی ہر الزام پر غیر مشروط معافی اور ہرجانے کی ادائیگی پر رضامندی

برطانوی ہائی کورٹ میں اسحاق ڈار صاحب کے ARY Group کے خلاف مقدمے میں الحمدللہ تاریخی جیت۔ برطانیہ میں بھی ثابت ہو گیا کہ نہ ہی کوئی کرپشن کی اور نہ ہی کوئی غیر اعلانیہ اثاثے موجود ہیں۔ نیوز چینل کی ہر الزام پر غیر مشروط معافی اور ہرجانے کی ادائیگی پر رضامندی۔ #اسحاق_ڈار_سرخرو pic.twitter.com/8pJ3sMdr2x

— Ali Dar (@alimdar82) October 18, 2021

اسحاق ڈار کے بیٹے علی ڈار نے سماجی رابطے کی ویب سائٹ ٹویٹر پر ویڈیو شیئر کی اور کہا کہ برطانوی ہائی کورٹ میں اسحاق ڈار صاحب کے ARY Group کے خلاف مقدمے میں الحمدللہ تاریخی جیت۔ برطانیہ میں بھی ثابت ہو گیا کہ نہ ہی کوئی کرپشن کی اور نہ ہی کوئی غیر اعلانیہ اثاثے موجود ہیں۔ نیوز چینل کی ہر الزام پر غیر مشروط معافی اور ہرجانے کی ادائیگی پر رضامندی۔ #اسحاق_ڈار_سرخرو

کراچی: پاک سر زمین پارٹی کے چیئرمین سید مصطفی کمال نے پاکستانی قوم سمیت پوری امت مسلمہ کو جشن میلادالنبیؐ کی دلی مبارکباد پیش کرتے ہوئے کہا کہ رحمت العالمین محمدﷺ نے عصبیت کے بت کو پاش پاش کر کہ بتایا کہ دین میں کسی تعصب کی گنجائش نہیں۔ آج جدید سائنسی ترقی کے دور میں دیگر مذاھب سے تعلق رکھنے والے اسکالرز اور سائنس دان بھی اس بات پر متفق ہیں کہ نبی کریم محمدﷺ ہر لحاظ سے کائنات کے ذہین ترین انسان ہیں۔

سید مصطفی کمال نے کہا کہ نبی کریم محمدﷺ کا کردار اور تعلیمات تاقیامت انسانیت کی فلاح اور نجات کا باعث ہیں۔ سرور کونین محمدﷺ سے محبت کا تقاضہ ہے کہ انکی سنت پر، جو قرآن کے علاؤہ کچھ نہیں، اس پر صدق دل سے عمل پیرا ہو جایا جائے۔

عید میلادالنبیؐ کے موقع پر پاکستان ہاؤس سے جاری ایک خصوصی پیغام میں سید مصطفیٰ کمال نے مزید کہا کہ رب العالمین کا احسانِ عظیم ہے کہ اس نے اپنے محبوب محمد مصطفٰیﷺ کو جملہ عالم کے لیے رحمت العالمین بناکر بھیجا۔ آقائے نامدار، سرور کائنات، امام الانبیاء، خاتم النبیین محمد مصطفٰیﷺ کی ولادت باسعادت صرف مسلمانوں ہی کیلئے باعث رحمت و برکت نہیں بلکہ پوری انسانیت کی نجات کا باعث ہے، لحاظہ آقائے دوجہاں محمدﷺ کے جشن ولادت کی جتنی خوشی منائی جائے وہ کم ہے۔

محبوب کبریا محمدﷺ کی بدولت دنیا سے جہاں جہالت، ظلم و جبر کے اندھیروں کا خاتمہ ہوا وہیں عدل و انصاف، مساوات اور رحمت کے نور سے دنیا کی آبیاری ہوئی۔ انہوں نے تمام مکاتب فکر سے تعلق رکھنے والے علمائے کرام و مشائخ سے اپیل کی ہے کہ وہ جشن عید میلادالنبی ؐ کے پر مسرت موقع پر نبی کریم محمدﷺ کی سیرت طیبہ پر روشنی ڈالتے ہوئے لوگوں کو مذہبی رواداری، فرقہ وارانہ ہم آہنگی، ایک دوسرے کے مسالک و عقائد کے احترام کا درس دیں۔

اسلام آباد:غیرت کا مظاہرہ کریں:پی ڈی ایم کا حکومت کے خلاف 20 اکتوبرسے احتجاج کا اعلان :پی ڈی ایم کا 20 اکتوبرسے احتجاج کا اعلان ،اطلاعات کے مطابق پاکستان ڈیمو کریٹک موومنٹ (پی ڈی ایم) نے مہنگائی کے پیش نظر ملک بھر میں مظاہرے شروع کرنے کا اعلان کر دیا۔

پاکستان ڈیمو کریٹک موومنٹ (پی ڈی ایم) کے اجلاس کے بعد میڈیا سے گفتگو کرتے ہوئے امیر جمعیت علمائے اسلام (ف) کے سربراہ مولانا فضل الرحمان نے کہا ہے کہ مہنگائی کے پہاڑکے نیچے قوم کراہ رہی ہے،ان کا یہ کہنا تھا کہ عمران خان کوہٹانے کے سوا اب کوئی چارہ کارنہیں رہا ، اس کو بھگانا ہوگا اورہمیں پھرسے موقع دے کرملک کو بچانا ہوگا، ان کا یہ بھی کہنا تھا کہ پی ڈی ایم شانہ بشانہ عوام کے ساتھ کھڑی ہو گی۔

اپنی بات کو جاری رکھتے ہوئے انہوں نے کہا کہ 20 اکتوبرسے پورے ملک میں مظاہرے شروع کر دیئے جائیں گے، اجلاس نے فیصلوں کی توثیق کی ہے، بیس اکتوبرسے ریلیاں، مظاہرے شروع ہوجائیں گے۔ تمام صوبائی قیادت آپس میں اپنے اجلاس کریں گی۔

انہوں نے کہا کہ الیکٹرانک ووٹنگ مشین آرٹی ایس کا دوسرا نام ہے، انتخابی اصلاحات کی مجوزہ ترمیم کومکمل مسترد کرتے ہیں۔ ہمارا مطالبہ عام الیکشن کا ہے، بلدیاتی انتخابات کا کوئی جوازنہیں ہے۔ جوحکومت خود دھاندلی کے نیتجے میں آئی اسے ترمیم کا حق نہیں۔

مولانا فضل الرحمان نے کہا ہے کہ آج کے اجلاس میں نئے ترمیمی آرڈیننس کومسترد کر دیا گیا ہے، نیب نے ہمیشہ مخالفین کے خلاف سیاسی انتقام کے طورپراستعمال ہوا، نیب سے انصاف کی کوئی توقع نہیں۔