Author: +9251

لاہور:پی ایم اے کے ممتاز کیڈٹس کے تأثرات:ملک وملت پرقربان :ہم پاک فوج کے جوان ،اطلاعات کے مطابق پی ایم اے کے ممتاز کیڈٹس کے تأثرات نے پاک فوج کے جوانوں کی ملک وقوم سے محبت نے قوم کےدل خوش کردیئے ہیں ،

اس حوالے سے جن آفیسرز کے تاثرات سامنے آئےہیں ان میں‌

 

 

بٹالین سینئر انڈر آفیسر عثمان انور – اعزازی شمشیر
144 پی ایم اے لانگ کورس

میرا تعلق نوشکی بلوچستان سے ہے۔ میں نے ملٹری کالج سوئی سے تعلیم حاصل کی۔ الحمد للّہ آج مجھے اعزازی شمشیر سے نوازا گیا جو کہ لانگ کورس کے مجموعی طور پر بہترین کیڈٹ کو دی جاتی ہے۔
یہ کامیابی میری سخت محنت، والدین کی دعاؤں اور پی ایم اے کی فیکلٹی اور انسٹرکٹرز کی انتھک کوششوں کے باعث حاصل ہوئی۔ انشاء اللہ میں مستقبل میں بھی اسی جذبے اور لگن سے کام کروں گا تاکہ اپنی قوم کی امیدوں پر پورا اتر سکوں۔ اللّٰہ میری نصرت فرمائے کہ میں اپنے زیر کمان افراد کی جرأت مندانہ قیادت اور اپنے آخری سانس تک مادر وطن کی حفاظت کر سکوں۔

بٹالین سینئر انڈر آفیسر حمزہ نذیر – پریذیڈنٹ گولڈ میڈل
144 پی ایم اے لانگ کورس

میرا تعلق جہلم سے ہے۔ الحمد للّہ آج مجھے پریذیڈنٹ گولڈ میڈل سے نوازا گیا جو کہ لانگ کورس کے مجموعی طور پر دوسرے بہترین کیڈٹ کو دیا جاتا ہے۔ یہ کامیابی مجھے لگاتار محنت، والدین کی دعاؤں اور پی ایم اے اور اس سے پہلے میرے مادر علمی ملٹری کالج مری کے انسٹرکٹرز کی دی گئی عمدہ تربیت کے باعث حاصل ہوئی۔ میں اپنی قوم اور پاک فوج کے لیے ایک قابلِ فخر اثاثہ بننا چاہتا ہوں۔ پاکستان زندہ باد

 

سینئر انڈر آفیسر پیرس (سری لنکا) – چیف آف آرمی سٹاف گولڈ میڈل
144 پی ایم اے لانگ کورس

میں نے کامیابی کے ساتھ یہاں اپنی دو سالہ ٹریننگ مکمل کر لی ہے۔ آج مجھے چیف آف آرمی سٹاف بیسٹ اورسیز گولڈ میڈل سے نوازا گیا ہے۔ یہ میرے لیے بہت بڑے اعزاز کی بات ہے کہ میں نے پاکستان ملٹری اکیڈمی جیسے عظیم ادارے سے سے یہ ایوارڈ ملا جس کا شمار دنیا کی بہترین ملٹری اکیڈمیز میں ہوتا ہے۔
میں کمانڈنٹ پی ایم اے، میجر جنرل عمر احمد بخاری، پلاٹون کمانڈرز اور دیگر فیکلٹی، اساتذہ، اپنے والدین اور اپنے تمام ساتھیوں جنہوں نے اس دوران میری رہنمائی اور مدد کی، کا شکریہ ادا کرتا ہوں۔
میں بہت سارے ناقابلِ فراموش لمحات گزارنے کے بعد پی ایم اے کو اپنا دوسرا گھر اور 144 لانگ کورس کو اپنا خاندان سمجھتا ہوں۔ مجھے آپ سب کی بہت یاد آئے گی ۔ آپ کی مہمان نوازی کا بہت شکریہ۔

 

 

کورس انڈر آفیسر وقار – چیف آف آرمی سٹاف کین
33 ٹیکنیکل گریجوایٹ کورس
میرا تعلق جلال آباد، گلگت بلتستان سے ہے۔
الحمد للّہ مجھے آج چیف آف آرمی سٹاف کین سے نوازا گیا جو کہ کورس کے بہترین کیڈٹ کو دی جاتی ہے۔ میرا یہ اعزار والدین کی دعاؤں اور اساتذہ کی بے پناہ کوششوں کے مرہون منت ہے۔ انشاء اللہ میں اپنے آپ کو محنت کے ساتھ اس اعزاز کا اہل ثابت کروں گا اور اپنی قوم کی توقعات پر پورا اتروں گا۔ پاک فوج زندہ باد ، پاکستان پائندہ باد

 

کورس انڈر آفیسرحور فاطمہ – کمانڈنٹ کین
18 لیڈی کیڈٹس کورس

الحمد للّہ مجھے اس اعزاز سے نوازا گیا جو کہ کورس کی بہترین لیڈی کیڈٹ کو دیا جاتا ہے۔ پاک فوج خواتین کو زبردست مواقع فراہم کرتی ہے۔ پاک فوج میں تقریباً 27 فیصد خواتین ہیں جو کہ کیپٹن سے لے کر لیفٹیننٹ جنرل تک مختلف حیثیتوں میں اپنی خدمات سر انجام دے رہی ہیں۔
یہ سب ہی میرے لیے انسپائریشن کا ذریعہ رہی ہیں۔ انشاء اللہ میں اسی جذبے اور لگن سے کام کرتی رہوں گی تاکہ میں قوم کی خدمت کر سکوں اور پاک فوج کی توقعات پر پورا اتر سکوں۔ اللّٰہ میرا حامی و ناصر ہو آمین

لاہور:سعد رضوی کی رہائی میں تاخیر،تحریک لبیک نے پھر دھمکی دے دی،اطلاعات کے مطابق کالعدم تحریک لبیک کے سربراہ سعد حسین رضوی کی ایک طرف رہائی کا پروانہ جاری کردیا گیا ہے تودوسری طرف اس رہائی میں تاخیرپھرتحریک لبیک کو اپنے پرانے رویے کی طرف مجبورکررہی ہے

اس حوالے سے معلوم ہوا ہے کہ تحریک لبیک کی مرکزی قیادت کی طرف سے پنجاب حکومت کودھمکی دی گئی ہے کہ اگرانتظامیہ نے سعد رضوی کو جلد رہا نہ کیا توپھرمعاملات بگڑسکتے ہیں

اس حوالے سے انتظامیہ خصوصا سی سی پی او لاہور کو دھمکی دیتے ہوئے تحریک لبیک نے خبردار کیا ہےکہ ہٹ دھرمی کی وجہ سے نقصان کی ذمہ دارانتظامیہ ہوگی

مرکزی شوریٰ تحریک لبیک پاکستان کی جانب سے حکومت کو دو ٹوک پیغام دیتےہوئے کہا گیاہے کہ اگر سی سی پی او نے ابھی آرڈر نہ دیئے تو حالات خرابی کی ذمہ دار خود حکومت ہو گی

کالعدم تحریک لبیک کی طرف سے دھمکی دیتے ہوئے کہا گیا ہے کہ ہائیکورٹ اور پھر سپریم کورٹ کے حکم کے بعد بھی حکومت کی بدمعاشیاں نہیں چلیں گی اور اس کا جواب پھر اسی انداز سے دیا جائے گا ان کا کہنا تھا کہ اب اور ضبط نہیں رکھا جائے گا.

یاد رہے کہ کالعدم تحریک لبیک پاکستان (ٹی ایل پی) کے سربراہ سعد رضوی کی رہائی کے احکامات جاری کردیے گئے۔ڈپٹی کمشنر لاہور نے عدالتی فیصلے کی روشی میں سعد رضوی کی رہائی کے احکامات جاری کیے۔

ہزاروں کارکنان کوٹ لکھپت جیل کے باہر موجود اور حکومت کوسخت پیغام دیتے ہوئے کہا ہے کہ لیکن قائد محترم کے بغیر آج واپس نہیں جائیں گے

اس سے قبل پنجاب حکومت نے حافظ سعد رضوی کی نظر بندی میں توسیع کی درخواست واپس لے لی تھی۔

کالعدم تحریک لبیک کے سربراہ سعد رضوی کی نظر بندی سے متعلق درخواست کی سماعت ہوئی تھی۔ درخواست پر سماعت سپریم کورٹ کے جسٹس مقبول باقر کی سربراہی میں 3 رکنی وفاقی نظر ثانی بورڈ نےکی تھی۔

وفاقی نظرثانی بورڈ نے حکم دیا تھا کہ اگر سعد رضوی کسی اور کیس میں مطلوب نہیں تورہا کر دیا جائے۔

لاہور:کالعدم ٹی ایل پی کے سربراہ سعد رضوی کی رہائی کے احکامات جاری:مگرحکومت پرپھربھی خوف طاری،اطلاعات کے مطابق کالعدم تحریک لبیک پاکستان (ٹی ایل پی) کے سربراہ سعد رضوی کی رہائی کے احکامات جاری کردیے گئے۔

اس حوالے سے ڈپٹی کمشنر لاہور نے عدالتی فیصلے کی روشی میں سعد رضوی کی رہائی کے احکامات جاری کیے۔

اس سے قبل پنجاب حکومت نے حافظ سعد رضوی کی نظر بندی میں توسیع کی درخواست واپس لے لی تھی۔

 

 

کالعدم تحریک لبیک کے سربراہ سعد رضوی کی نظر بندی سے متعلق درخواست کی سماعت ہوئی تھی۔ درخواست پر سماعت سپریم کورٹ کے جسٹس مقبول باقر کی سربراہی میں 3 رکنی وفاقی نظر ثانی بورڈ نےکی تھی۔

وفاقی نظرثانی بورڈ نے حکم دیا تھا کہ اگر سعد رضوی کسی اور کیس میں مطلوب نہیں تورہا کر دیا جائے۔

پنجاب حکومت نے کالعدم تحریک لبیک پاکستان (ٹی ایل پی) کے سربراہ حافظ سعد رضوی کی نظر بندی میں توسیع کی درخواست واپس لے لی۔

خیال رہے کہ گزشتہ دنوں کالعدم تحریک لبیک کے سربراہ سعد رضوی کی حراست میں ایک ماہ کی توسیع کی گئی تھی۔

لاہور:ایندھن کی فراہمی معطل ہونے پرلبنان اندھیرے میں ڈوب گیا:ایرانی مدد بھی ناکافی ثابت ہورہی ہے،اطلاعات کے مطابق لبنان اس وقت اندھیرے میں ڈوبا ہوا ہے اوربڑے بڑے شہروں میں ہو کا عالم ہے، ملک کے دو اہم پاور سٹیشنوں کے ایندھن ختم ہونے کے بعد لبنان کا بجلی گرڈ مکمل طور پر بند ہو گیا ہے۔

ذرائع کے مطابق ڈیزل کی فراہمی بظاہر ختم ہونے کے بعد الزہرانی اور دیر عمار پاور اسٹیشنوں نے کام کرنا چھوڑ دیا ، اور توانائی کی پیداوار 200 میگاواٹ سے نیچے آگئی۔خبر رساں ادارے رائٹرز نے ایک سرکاری ذرائع کے حوالے سے بتایا ہے کہ یہ تعطل کچھ دنوں تک جاری رہے گا۔

لبنانی حکام کے مطابق "لبنانی پاور نیٹ ورک نے آج دوپہر مکمل طور پر کام کرنا چھوڑ دیا ، اور اس کا امکان نہیں ہے کہ یہ اگلے پیر تک یا کئی دنوں تک کام کرے گا۔”

ایندھن کی قلت کی وجہ سے جمعہ کے روز دیر عمار پلانٹ بند ہونے کے صرف ایک دن بعد تھرمو الیکٹرک پلانٹ زہرانی پاور اسٹیشن پر رک گیا۔

ادھر لبنانی حکام نے بتایا کہ ریاستی الیکٹرک کمپنی پاور پلانٹس کو عارضی طور پر چلانے کے لیے فوج کے فیول آئل ریزرو کو استعمال کرنے کی کوشش کرے گی لیکن یہ جلد کسی بھی وقت نہیں ہوگا۔

لبنان۔لوگ اپنی گاڑیاں بھرنے کے لیے میلوں تک قطار میں کھڑے ہیں ، اس افراتفری کے نتیجے میں بعض اوقات تشدد بھی ہوتا ہے۔ملک کی قومی خبر رساں ایجنسی کی رپورٹ کے مطابق ، ستمبر کے آخر میں ، ایک شخص پٹرول نگلنے کے بعد مر گیا جب وہ اپنی گاڑی کے ٹینک سے تیل نکال رہا تھا۔

لاہور: شہبازشریف کی رہائش گاہ پرسٹی 42 کے ڈی ایس این جی انجینئربےہوش،اطلاعات کے مطابق ن لیگ کے نائب صدر ش لیگ کے سربراہ میاں‌ شہبازشریف کی رہائش گاہ کے باہر سٹی فورٹی ٹو کے ڈی ایس این جی انجینئر شاہد بے ہوش ہوگئے

ذرائع کے مطابق سٹی فورٹی ٹو کے بے ہوش ہونے والے میڈیا کارکن کو اتفاق ہسپتال منتقل کر دیا گیا، جہاں ان کا علاج جاری ہے اورڈاکٹروں نے حالت تسلی بخش قراردی ہے ، یہ بھی معلوم ہوا ہےکہ سٹی فورٹی ٹو کے ڈی ایس این جی انجینئرہوش میں آگئے ہیں‌

ادھر اس حوالے سے یہ بھی معلوم ہوا ہے کہ میاں شہبازشریف کی رہائش گاہ پر سخت گرمی اور حبس کے باوجود میڈیانمائندگان کے لئے کوئی انتظام نہیں کیاگیا،جس کی وجہ سے یہ واقعہ پیش آیا

یہ بھی بتایا گیا ہے اس دوران کئی دیگرصحافیوں کی طبعیت بھی بگڑگئی تھی تاہم وہ بے ہوشی کے عالم میں پہنچے سے محفوظ رہے ، یہ بھی معلوم ہوا ہےکہ اس واقعہ پرصحافیوں نے احتجاج بھی کیا ہے لیکن ان کے اس احتجاج کوبڑے ہی احسن انداز سے ٹال دیا گیا