Author: +9251

اسلام آباد: ظاہرشاہ کو ڈپٹی چیئرمین نیب تعینات:فیصلہ ہوگیا ،اطلاعات کے مطابق صدر مملکت کی جانب سے سمری کی منظوری کے بعد ڈی جی نیب ظاہر شاہ کو ڈپٹی چیئرمین قومی احتساب بیوروتعینات کردیا گیا ہے۔

ذرائع کے مطابق قومی احتساب بیورو کے ڈپٹی چیئرمین کے عہدے کے لئے صدر مملکت ڈاکٹر عارف علوی نے ڈی جی نیب ظاہر شاہ کے نام کی سمری کی منظوری دیدی ہے ۔

نیب نے ظاہر شاہ کی بطور ڈپٹی چئیرمین تعیناتی کے لیے سمری وزرات قانون کو بھجوائی تھی جبکہ وزارت قانون و انصاف کل ظاہر شاہ کی بطور ڈپٹی چئیرمین نیب تعیناتی کا نوٹیفکیشن جاری کریگی۔

ظاہر شاہ قومی احتساب بیورو میں ڈی جی نیب آپریشنز خدمات سرانجام دے رہے تھے جبکہ ڈپٹی چیئرمین نیب حسین اصغر کے استعفے پر عہدہ خالی ہوا۔

واضح رہے کہ گزشتہ دنوں ڈپٹی چیئرمین قومی احتساب بیورو حسین اصغر کا استعفیٰ صدر مملکت نے منظور کر لیا تھا۔

حسین اصغر نے اپنا استعفیٰ صدر عارف علوی کو بھیجا تھا، ڈپٹی چیئرمین نیب کے مستعفی ہونے کی وجوہات سامنے نہیں آئیں تھی،صدر مملکت نے ڈپٹی چئیرمین نیب حسین اصغر کا استعفیٰ منظور کر لیا اور اس سلسلے میں وزارت قانون و انصاف نے نوٹیفکیشن بھی جاری کردیا تھا۔

کراچی :عافیہ صدیقی کی رہائی کیلئے کراچی میں احتجاج ،اطلاعات کے مطابق عافیہ صدیقی کی رہائی کیلئے کراچی میں احتجاج کیا گیا ، اس دوران اس احتجاج کے مظاہرین نے امریکی قونصلیٹ جانے کی کوشش بھی کی جسے کراچی پولیس نے ناکام بنادیا

امریکا کی جیل میں قید عافیہ صدیقی کی رہائی کیلئے کراچی میں ریلی نکالی گئی جس میں سیاسی و مذہبی جماعتوں نے شرکت کی۔

جسٹس ریٹائرڈ وجیہہ الدین کی قیادت میں عافیہ صدیقی موومنٹ نے کراچی پریس کلب سے ریلی نکالی۔ مظاہرین نے امریکی قونصلیٹ جانے کی کوشش کی تاہم پولیس نے مظاہرین کو آرٹس کونسل چورنگی پرروک دیا۔

جسٹس ریٹائرڈ وجیہہ الدین کی قیادت میں عافیہ صدیقی موومنٹ کے تحت عافیہ صدیقی کی بہن فوزیہ صدیقی اور دیگرسیاسی ومذہبی جماعتوں کے رہنماؤں نے خطاب کیا۔

مقررین کا کہناتھا کہ پی ٹی آئی حکومت نے عافیہ صدیقی کی رہائی کیلئے اقدامات کا یقین دلایا تھا لیکن اس حوالے سے کوئی پیش رفت نہ ہوسکی، امریکا بھی افغانستان سے چلاگیا لیکن مظلوم عافیہ صدیقی پرجبرنہ رک سکا۔

عافیہ موومنٹ کی ریلی کے باعث امریکی قونصلیٹ جانے والی سڑک کوپی آئی ڈی سی اور جناح برج سے ٹریفک کیلئے بند کردیاگیا تھا جبکہ آرٹس کونسل سے پریس کلب جانے والی سڑک بھی ٹریفک کے لیے بند کردی گئی تھی جس کے باعث ریڈزون میں مختلف شاہراہوں پر ٹریفک کی روانی شدید متاثر رہی۔

تاہم 3گھنٹے بعد پولیس سے کامیاب مذاکرات کے بعد فوزیہ صدیقی عافیہ موومنٹ وفد کے ہمراہ امریکی قونصلیٹ یادداشت جمع کرانے روانہ ہوئیں اور ریلی میں موجود مظاہرین پرامن طور پر منتشرہوگئے۔

اسلام آباد:پاکستان کے تحفظات اور تشویش کو سمجھتے ہیں، امریکی وزیر خارجہ کا پی ٹی وی کوانٹریو،اطلاعات کے مطابق امریکی نائب وزیر خارجہ وینڈی شرمن نے کہا ہے کہ پاکستان اور امریکا کے کہی دہائیوں سے مضبوط اور بہترین تعلقات قائم ہیں، پاکستان کے تحفظات اور تشویش کا سمجھتے ہیں۔

پاکستان ٹیلی ویژن کو دیے گیے انٹرویو میں گزشتہ روز پاکستان پہنچنے والی امریکی وزیر خارجہ نے اعتراف کیا کہ امریکا کے پاکستان کے ساتھ مضبوط اور دو طرفہ تعلقات قائم ہیں، دونوں ممالک ایک دوسرے کا دل سے احترام کرتے ہیں۔

امریکی نائب وزیر خارجہ نے کہا کہ کرونا کے بعد دنیا کے معاشی معاملات میں بڑی تبدیلی رونما ہوئی، پاکستان نے بہتر حکمت عملی سے کرونا وبا کا مقابلہ کیا۔

وینڈی کا کہنا تھا کہ چین دنیا کی بہت بڑی ابھرتی ہوئی معیشت ہے، ہم کسی کی ترقی میں رکاوٹ بننا نہیں چاہتے بلکہ امریکا افغانستان کی ترقی کا خواہش مند بھی ہے۔

انہوں نے کہا کہ ’پاکستان کے تحفظات اور تشویش کو سمجھتے ہیں، پاکستان کئی دہائیوں سے افغان مہاجرین کی میزبانی کر رہا ہے، جس کا سب اعتراف کرتے ہیں‘۔ وینڈی کا مزید کہنا تھا کہ افغانستان کی بہتری کیلئے پاکستان کے ساتھ مل کر اقدامات کرتے رہیں گے۔

لاہور: سانحہ گریٹر اقبال پارک میں پیش رفت ہوئی ہے جس کے مطابق خاتون عائشہ اکرم کیساتھ دست درازی کے معاملے پر پولیس نے ریمبو کو حراست میں لے لیا ہے۔

ذرائع کے مطابق رواں سال 14اگست کو رونما ہونے والے سانحہ گریٹر اقبال پارک میں پیش رفت ہوئی ہے جس کے مطابق پولیس نے خاتون کے دوست ریمبو کو گرفتار کرلیا ہے۔

ڈی آئی جی انویسٹی گیشن شارق جمال کے مطابق ریمبو کیساتھ 6 اور ملزمان کو بھی پولیس نے حراست میں لیا ہے۔انہوں نے کہا کہ عائشہ اکرم کی تحریری درخواست پر پولیس نے ریمبو کو گرفتار کیا ہے۔

قبل ازیں رواں سال 14اگست کو رونما ہونے والے سانحہ گریٹر اقبال پارک میں مزید انکشافات سامنے آگئے ہیں جس کے مطابق 13 افراد کا گینگ عائشہ کی ایک نیم برہنہ فوٹیج پر اسے 2 سال سے بلیک میل کر رہا تھا جبکہ 14 اگست کو زبردستی بلیک میل کر کے مینار پاکستان لیجایا گیا۔

ذرائع کے مطابق مینار پاکستان واقعہ کے موقع پر 13 افراد پر مشتمل گینگ ہی دیگر ساتھیوں سے ملکر عائشہ کو نوچتے رہے اور کپڑے پھاڑ دئیے جبکہ رات ایک بجے ڈی آ ئی جی انویسٹی گیشن کے دفتر جا کر عائشہ اکرم نے تحریری طور پر حقیقت سے پردہ اٹھا دیا۔

ذرائع کا کہنا تھا کہ ڈی آئی جی انویسٹی گیشن شارق جمال نے ایس پی سٹی انویسٹی گیشن کی سربراہی میں اصل ملزم گرفتار کرنے کے لئے 2 ٹیمیں بنا دیں۔

عائشہ اکرم کا کہنا تھا کہ ایک ماہ قبل تبدیل ہونے والے ایس پی سٹی انویسٹی گیشن کو ساری حقیقت بتا دی تھی۔

ذرائع نے کہا کہ لاری اڈہ انویسٹی گیشن پولیس نے راولپنڈی میں معروف ٹک ٹاکر بادشاہ کے گھرپر چھاپہ مارالیکن پولیس کے پہنچنے سے پہلے ملزم فرار ہوگئے جبکہ عائشہ اکرم کو 13 افراد 2 سال سے بلیک میل کر رہے تھے۔