Author: +9251

لجزائر سٹی: فرانس کی بدمعاشی ناقابل برداشت : الجزائر نے احتجاجا فرانس سے اپنا سفیر واپس بلالیا ،اطلاعات کےمطابق الجزائر نے فرانس پر ناقابل قبول مداخلت کا الزام عائد کرتے ہوئے فرانس سے اپنا سفیر واپس بلا لیا۔

عالمی خبر رساں ادارے کے مطابق الجزائر نے فرانسیسی صدر ایمانوئیل میکرون کے بیان کی مذمت اور ماضی کی نسل کشی کو درست قرار دینے پر احتجاجاً فرانس سے اپنا سفیر واپس بلانے کا اعلان کیا ہے۔

الجزائر کے صدر کے دفتر سے جاری ہونے والے بیان میں مزید کہا گیا ہے کہ فرانسیسی صدر نے اپنے بیان میں نوآبادیاتی دور میں آزادی کی جدوجہد میں جان قربان کرنے والے الجزائر کے شہریوں کی تضحیک کی ہے اور تاحال اپنے بیان کی تردید نہیں کی ہے۔

الجزائر کا فرانس سے اپنا سفیر واپس بلانے کا اقدام اس وقت اُٹھایا گیا ہے جب فرانس کی جانب سے الجزائر، مراکش اور تیونس کے شہریوں کو دیے جانے والے ویزوں کی تعداد میں تیزی سے کمی گئی ہے جس پر کشیدگی تاحال جاری ہے۔

ادھر فرانسیسی روزنامے لی مونڈے کے مطابق نے صدر ایمانوئیل میکرون نے کہا تھا کہ الجزائر پر ایک سیاسی عسکری نظام کا راج ہے جس نے ملک کی “سرکاری تاریخ” کو “مکمل طور پر دوبارہ لکھا ہے جو سچ پر نہیں بلکہ نفرت پر مبنی ہے۔

فرانسیسی اخبار صدر ایمانوئیل میکرون کے اس بیان پر وضاحت دی کہ وہ الجزائر کے معاشرے کا نہیں بلکہ حکمران اشرافیہ کا حوالہ دے رہے تھے تاہم فرانس کی حکومت کی جانب سے اس پر تاحال کوئی ردعمل نہیں دیا۔

واضح رہے کہ 1830 میں فرانس نے اپنے سفیر کی تحقیر کا الزام عائد کرتے ہوئے الجزائر پر حملہ کردیا تھا اور 1872 کے دوران مقامی آبادی شدید مزاحمت کرتے ہوئے اپنی جانیں قربان کی تھیں۔

لندن : لندن سے پاکستانیوں کیلئے اچھی خبرآگئی ،اطلاعات کے مطابق برطانیہ سفر کرنے والے پاکستانیوں کے لیے اچھی خبر ہے کہ اب پاکستانی مسافر اپنے ویکسی نیشن سرٹیفکیٹ کے ساتھ برطانیہ کا سفر کر سکیں گے۔

پاکستان میں تعینات برطانوی ہائی کمشنر کرسچن ٹرنر نے تصدیق کرتے ہوئے بتایا کہ نادرا کی جانب سے جاری ہونے والے ویکسی نیشن سرٹیفکیٹ اب برطانیہ میں قابل قبول ہوں گے۔اس سے قبل برطانیہ اپنی منظور شدہ ویکسین کی فہرست سمیت پاکستان میں لگائی جانے والی ویکسین کو قبول نہیں کرتا تھا۔

کرسچن ٹرنر نے یہ بھی تسلیم کیا کہ پاکستان کا ریڈ لسٹ میں ہونا انتہائی مایوس کن تھا کیونکہ اس نے دونوں ممالک کے لوگوں کے درمیان رابطے کو روک دیا تھا جس کی وجہ سے ہر کسی کو نقصان اٹھانا پڑا۔

اسلام آباد:وزیراعظم عمران خان نے سپیکرقومی اسمبلی اسد قیصر کے کان میں کیا خاص بات کی کہ سب ہوشیارہوگئے اطلاعات کے مطابق وزیراعظم عمران خان نے انتخابی اصلاحات پر سپیکر قومی اسمبلی کو اہم ٹاسک سونپ دیا ہے جس کے مطابق اسد قیصر اپوزیشن جماعتوں سے رابطہ کریں گے۔

ذرائع کے مطابق وزیراعظم عمران خان کی جانب سے دیئے گئے اہم ٹاسک کے تحت سپیکر قومی اسمبلی اپوزیشن جماعتوں کے پارلیمانی رہنماؤں سے انتخابی اصلاحات پر ان کی تجاویز طلب کریں گے، جبکہ الیکٹرانک ووٹنگ مشین، اوورسیز پاکستانیوں کو ووٹ کا حق دینے سے متعلق تجاویز پر بات ہوگی۔

ذرائع نے کہا کہ اپوزیشن جماعتوں کی تجاویز کو انتخابی اصلاحات پیکج کا حصہ بنایا جائے گا،سپیکرقومی اسمبلی نیب قوانین ترامیم پر بھی اپوزیشن سے مشاورت کریں گے۔حکومتی ذرائع کا کہنا ہے کہ وزیراعظم اپوزیشن جماعتوں کے اتفاق رائے سے انتخابی اصلاحات چاہتے ہیں۔

لاہور: حمزہ شہباز کا جنوبی پنجاب کا دورہ،پی پی کی وکٹیں گراتے گراتے ن لیگ کی وکٹ بھی لے اُڑے،اطلاعات کے مطابق مسلم لیگ ن کے مرکزی رہنما حمزہ شہباز کا جنوبی پنجاب کا دورہ، مخالفین کی وکٹیں اڑانے کا سلسلہ جاری ہے۔

پنجاب اسمبلی کے اپوزیشن لیڈر حمزہ شہبازجنوبی پنجاب کے دورے کے دوران سیاسی محاذ پر سرگرم ہو گئے، جہاں پی پی کی وکٹیں گراتے گراتے ن لیگ کی بھی وکٹ لے اڑے اورپھرایسی وکٹ کہ ن لیگ کا اپنا ہی سابق ڈپٹی اسپیکربھی حیران رہ گیا

اس حوالے سے حمزہ شہباز سے راجن پور سے تعلق رکھنے والے ن لیگ کے ہی سابق ڈپٹی سپیکر پنجاب اسمبلی سردار شیرعلی گورچانی جو اس وقت بھی ن لیگ کے اہم رہنما ہیں نے پھرشمولیت کا اعلان کرکے ایک عجیب روایت قائم کردی ہے ۔ ملتان سے پیپلزپارٹی کے سابق رکن پنجاب اسمبلی اسحاق بچہ بھی لیگی سکواڈ میں شامل ہوگئے۔

اپوزیشن لیڈر پنجاب اسمبلی سے خانیوال کے پیپلز پارٹی کے سابق ایم پی اے جمیل شاہ نے بھی ملاقات کی، لیگی قیادت پر اعتماد کا اظہار اور پارٹی میں شمولیت کا اعلان کر دیا۔

مظفر گڑھ کے حلقہ پی پی 271 سےپیپلزپارٹی کے ٹکٹ ہولڈر اخترعلی گوپانگ بھی مسلم لیگ ن میں شامل ہو گئے، ملتان سے بریگیڈیئر ریٹائرڈ قیصر بھی ساتھیوں سمیت مسلم لیگ ن کا حصہ بن گئے۔

حمزہ شہباز نے مسلم لیگ میں میں شمولیت اختیار کرنے والے رہنماؤں کا خیر مقدم کیا اور کہا کہ مسلم لیگ ن ملک کی بڑی جماعت ہے جوعوامی ایشوز پر بھرپور آواز بلند کررہی ہے۔

کراچی:شیخ رشید کراچی میں متحرک: پاک بحریہ ڈاک یارڈ کا دورہ، آبدوز حمزہ کا تفصیلی معائنہ کیا،اطلاعات کے مطابق وفاقی وزیر داخلہ شیخ رشید احمدنے پاک بحریہ ڈاک یارڈ کا دورہ کیا جس کے دوران آبدوز حمزہ کا معائنہ کیا، وزیر داخلہ کو پاک بحریہ کی آپریشنل تیاریوں پرتفصیلی بریفنگ دی گئی۔

وزیر داخلہ شیخ رشید احمد نے پاک بحریہ ڈاک یارڈ کراچی کا دورہ کیا۔ کمانڈر پاکستان فلیٹ ایڈمرل نوید اشرف نے ڈاک یارڈ پہنچنے پر وزیر داخلہ کااستقبال کیا۔ وزیر داخلہ کو پاک بحریہ کی آپریشنل طاقت اور نیول آپریشن کے مختلف پہلوؤں سے متعلق آگاہ کیا گیا۔

وزیر داخلہ شیخ رشید احمد کوآبدوز حمزہ کا تفصیلی دورہ کروایا گیا۔ شیخ رشید احمد نے سب میرین کے مختلف حصے دیکھے؛ نیول افسران سے آپریشنز سے متعلق تفصیلات لیں۔

کراچی سے ذرائع کے مطابق وزیر داخلہ نے پاک بحریہ کی آپریشنل صلاحیتوں پر انتہائی اعتماد کا اظہار کیا اور کارکردگی کو سراہا۔انہوں نے کہا کہ جنگ ہو یاامن دونوں صورتوں میں پاک بحریہ کے کردار کو خراج تحسین پیش کرتے ہیں۔

کراچی : آصف زرداری نے نیشنل ایکشن پلان کوملک میں دہشت گردی کے خاتمے کا حل قراردیا،اطلاعات کے مطابق سابق صدر آصف علی زرداری کا کہنا ہے کہ دہشتگردوں کا علاج صرف نیشنل ایکشن پلان پر مکمل عمل درآمد کرنا ہے۔

سابق صدر آصف علی زرداری نے شمالی وزیرستان میں سکیورٹی فورسز کی گاڑی پر حملے کی شدید مذمت کرتے ہوئے شہید ہونے والے جوانوں کے درجات کی بلندی کے لیے دعا کی۔

اپنے بیان میں آصف زرداری کا کہنا تھا ریاست کی رٹ کو چیلنج کرنے والوں کا علاج دہشتگردی کی نرسریوں کو گرانا ہے۔

سابق صدر کا کہنا تھا کہ دہشتگردوں کا علاج صرف نیشنل ایکشن پلان پر مکمل عمل درآمد کرنا ہے، ضرورت اس بات کی ہے کہ دہشتگردوں کو وطن دشمن سمجھ کر ان سے نمٹا جائے۔

یاد رہے کہ گزشتہ روز شمالی وزیرستان میں سکیورٹی فورسز پر دہشتگردوں کے حملے میں 5 اہکار شہید ہو گئے تھے۔

لاہور: قومی ایئرلائن کی پرواز تاخیر کا شکار، مسافررُل گئے،اطلاعات کےمطابق پاکستان ایئرلائن کے ذریعے کوئٹہ جانے والے مسافر پرواز میں تاخیر کے باعث لاہور ایئرپورٹ پر رُل گئے۔

پی آئی اے حکام کے مطابق لاہور سے کوئٹہ جانے والے پاکستان ایئرلائن کی پرواز تین گھنٹے تاخیر کا شکار ہوگئی۔

پرواز میں تاخیر کے باعث علامہ اقبال ایئرپورٹ پر بیٹھے مسافر رل گئے، مسافروں کو کہنا ہے کہ پرواز نے صبح دس بج کر پچاس منٹ پر کوئٹہ کےلیے روانہ ہونا تھا، لیکن تین گھنٹے گزر گئے ہمیں ابھی تک انتظار کروایا جارہا ہے۔

مسافروں نے کہا کہ پی آئی اے انتظامیہ کی جانب سے پہلے کہا گیا کہ پرواز 12 بجے روانہ ہوگی بعد میں کہا گیا کہ پرواز 1:30 پر اڑان بھرے لیکن یہ انتظامیہ کا یہ وعدہ بھی جھوٹا نکلا۔

مسافروں کو شکوہ ہے کہ پی آئی اے کی اکثر پروازیں تاخیر کا شکار ہوجاتی ہیں، بغیر کچھ کھائے پیے ہم مسلسل تین گھنٹے سے پرواز کا انتظار کررہے ہیں لیکن انتظامیہ کو کوئی پرواہ نہیں۔

اسلام آباد:عمران خان کے خلاف سازش سامنے آنے سے پہلے ہی دم توڑگئی:آف شورکمپنیوں کے مالک کے حٰیران کن انکشافات ،اطلاعات کے مطابق وزیراعظم کے لاہورکےگھر سے ملتےجلتے ایڈریس پر 2آف شورکمپنیوں کا انکشاف سامنے آیا ہے۔

ذرائع کے مطابق آف شورکمپنیز کے ڈیٹابیس میں مزید2آفشورکمپنیوں کا انکشاف سامنے آیا، جن کے ایڈریس لاہور کے زمان پارک کے پتے پر درج ہیں۔

ہاک فیلڈ لمیٹڈ اور لاک گیٹ انویسٹمنٹ نامی کمپنیاں سی شیلز میں رجسٹرڈ ہیں، جن کا ایڈریس وزیراعظم عمران خان کی لاہور میں موجود رہائش گاہ زمان پارک کا ہے۔

اطلاعات کے مطابق یہ دونوں آف شورکمپنیاں فریدالدین اوراس کےدوست کےنام پردرج ہیں، جب اس حوالے سے مزید معلومات حاصل کی گئیں تو معلوم ہوا کہ کمپنیوں کا ایڈریس وزیراعظم کے گھر کے پتے سے ملتا جلتا ہے۔

لاک گیٹ انویسٹمنٹ نامی آف شور کمپنی فریدالدین جبکہ ہاک فیلڈ لمیٹڈ نامی کمپنی فریدالدین کےدوست کےنام پردرج ہے۔ آف شور کمپنی کا مالک فریدالدین زمان پارک کارہائشی ہے اور وزیراعظم عمران خان کے گھر سے ملتےجلتے ایڈریس پر رہائش پذیر ہے۔

اے آر وائی نیوز کے پروگرام پاور پلے کے اینکر پرسن اور انویسٹی گیٹو جرنسلٹ کا کہنا ہے کہ کمپنی اور عمران خان کے گھر کے پتے میں یکسانیت ضرور ہے لیکن وزیراعظم عمران خان کا کمپنیوں سےتعلق نہیں ہے۔

اھرنجی ٹی وی کا دعویٰ ہے کہ زمان ٹاؤن میں ایک جیسے نمبر کے دو مکانات موجود ہیں، جن میں سے ایک میں آف شور کمپنی کا مالک فرید الدین رہائش پذیر ہے۔

آف شورکمپنیوں کے مالک فریدالدین نے آر وائی نیوز سے خصوصی گفتگو کرتے ہوئے بتایا کہ ’لاک گیٹ نامی آف شورکمپنی 2008 میں بنائی تھی جبکہ ہاک فیلڈ لمیٹڈنامی کمپنی دوست کےنام پربنائی۔

انہوں نے بتایا کہ ’میرا اور عمران خان کا برکی برادری سے تعلق ہے اورملاقاتیں ہوتی رہتی ہیں، عمران خان سے وزیراعظم بننےکے بعد ملاقات نہیں ہوئی، آف شورکمپنی میری ہے اور اس کا وزیراعظم عمران خان سے کوئی تعلق نہیں ہے‘۔

انہوں نے بتایا کہ زمان پارک میں3گھرایسےہیں جن کا ایڈریس ایک ہی ہے، لاک گیٹ انویسٹمنٹ نامی آف شورکمپنی میری تھی۔

یاد رہے کہ پاکستان کے پاس آف شورکمپنیاں رکھنے والےکئی پاکستانیوں کا ریکارڈ موجود ہے، جن پر قومی احتساب بیورو نیب تحقیقات کررہا ہے۔

واضح رہے کہ پانامہ لیکس کی طرز پر عالمی صحافتی ادارہ آئی سی آئی جے کی جانب سے ایک نئی رپورٹ جلد شائع ہونے جارہی ہے، جس میں دنیا بھر کی مختلف شخصیات کے نام ہیں، پاکستان میں عالمی ادارے کے ساتھ کام کرنے والے صحافیوں نے دعویٰ کیا کہ کئی پاکستانی شخصیات کے نام بھی ہیں۔