Author: +9251

پاکستان کی قومی ائیر لائن پی آئی اے کے عملے نے فرض شناسی اور دیانتداری کی نئی مثال قائم کر دی۔ تفصیلات کے مطابق کراچی کے جناح انٹرنیشنل ائیرپورٹ کے عملے نے ایک مسافر کو 15 لاکھ روپے سے زائد مالیت کے امریکی ڈالرز واپس کر کے دیانتداری کی ایک اور مثائل قائم کی۔ میڈیا رپورٹ کے مطابق پی آئی اے کی پرواز پی کے369 میں اسلام آباد سے کراچی جانے والے مسافر جلد بازی میں غیر ملکی کرنسی، قیمتی سامان سے بھرا بیگ ائیرپورٹ پر بھول گیا۔
بیگ میں دیگر سامان کے ساتھ مسافر کا پاسپورٹ بھی موجود تھا۔ ائیرپورٹ سے جانے کے بعد بیگ کے گم ہونے کا علم ہونے پر مسافر نے فوری طور پر ائیرپورٹ حکام سے رابطہ کیا۔ پی آئی اے عملے نے مسافر کی جانب سے رابطہ کرنے پر فوری طور پر بیگ کی تلاش کا آغاز کیا اور بیگ ڈھونڈ کر پوری ایمانداری سے مسافر کو واپس لوٹا دیا۔
مسافر نے بیگ میں اپنا سامان اور 9 ہزار سے زائد امریکی ڈالر کرنسی اور دیگر اہم سامان پوری حالت میں واپس ملنے پر ائیرپورٹ انتظامیہ کا شکریہ ادا کیا۔

مسافر کا کہنا تھا کہ ائیرپورٹ حکام نے بہترین سروس دی، سامان ڈھونڈ کر واپس کرنے پر انتظامیہ کا شکریہ ادا کرتا ہوں، ائیرپورٹ اتظامیہ نے میرا سامان پوری ایمانداری سے مجھے واپس کیا، سامان گم ہونے پر میں کافی پریشان تھا تاہم اپنا بیگ دیکھ کر مجھے بے حد مسرت ہوئی۔ میرا بیگ ڈھونڈ کر ایمانداری سے مجھے واپس کرنے پر میں فرض شناس عملے کا بے حد مشکور ہوں۔ قومی ائیرلائن پی آئی اے کے عملے کی جانب سے مسافر کی مدد کرنے اور ایمانداری اور فرض شناسی کا مظاہرہ کرنے پر سی ای او پی آئی اے ایئرچیف مارشل ارشد ملک نے عملے کو شاباش دی۔

پاکستان مسلم لیگ (ن)کے قائد نواز شریف اور نائب صدر مریم نواز کے ترجمان محمد زبیر نے سوشل میڈیا پر اپنی زیرگردش ویڈیو پر ردعمل دیتے ہوئے وائرل ویڈیو کو جعلی اور اپنے خلاف سازش قرار دیدیا۔
سماجی رابطے کی ویب سائٹ ٹوئٹرپر اپنے پیغام انہوں نے کہاکہ میرے خلاف جعلی اور تبدیل شدہ ویڈیوز جاری کرنا کوئی سیاست نہیں، دراصل پستی کی نئی مثال ہے۔انہوں نے کہاکہ جو کوئی بھی اس کے پیچھے ہے اس نے انتہائی گھٹیا اور شرمناک حرکت کی ہے۔محمد زبیر نے کہا کہ میں نے ایمانداری، خلوص نیت اور لگن کے ساتھ ملک کی خدمت کی ہے اور میں پاکستان کی بہتری کیلئے آواز بلند کرتا رہوں گا۔

المصطفیٰ ویلفیئرسوسائٹی کے زیراہتمام شیخ السید علی بن عثمان الہجویری المعروف حضرت داتاگنج بخش علی ہجویری ؒ کے سالانہ عرس میں زائرین کی خدمت کیلئے تین روزہ فری آئی کیمپ کا افتتاح سرپرست اعلیٰ المصطفیٰ سابق وفاقی وزیر پیٹرولیم ڈاکٹرحاجی محمدحنیف طیب نے کیا۔اس موقع میاں خالدحبیب الٰہی ایڈووکیٹ،عبدالرشیدارشد،رضا المصطفیٰ نوری،نوازکھرل،معین نوری،اعظم رانجھا سمیت بڑی تعدادمیں لوگ شریک تھے۔
حاجی محمدحنیف طیب نے کہاکہ بزرگان دین کے آستانوں سے روحانی فیوض وبرکات حاصل کرنے کے ساتھ ساتھ عوام کی فلاح وبہبودکیلئے ہمہ وقت سہولیات مہیاکی جاتی ہے حضرت داتا گنج بخش علی ہجویری جیسی عظیم ہستیوں کے بارے میں ہماری نئی نسل کو اُن کے کردار اور گرانقدر کارناموں سے آگاہ کرنے کی ضرورت ہے،داتاعلی ہجویری نے لاتعدادگمراہ لوگوں کوراہ ہدایت دکھائی اوران کو اسلام کا سچا پیروکاربنایا ۔
انہوں نے اپنی زندگی اللہ اوراس کے رسول کیلئے اوراللہ کے بندوں کی خدمت کیلئے وقف کردی تھی۔ انہوں نے کہا کہ داتا صاحب نے کئی کتابیں تحریر کیں ان میں مشہور زمانہ کتاب ’’کشف المحجوب ‘‘ہے۔ان کا 978واں عرس کے تقریبات جاری ہے پوری عرس کے تقریب کے دوران لاکھوں کی تعدادمیں مزارپر حاضری دے کر ا ن کو خراج عقیدت پیش کرتے ہیں۔

پاکستان پیپلزپارٹی کے چیئرمین بلاول بھٹو زرداری نے کہاہے کہ ہم نیب چیئرمین کی مدت ملازمت میں توسیع کی سخت مخالفت کریں گے۔
سماجی رابطے کی ویب سائٹ ٹوئٹرپر اپنے پیغام میں بلاول بھٹو زرداری نے کہا کہ پی پی پی نیب چیئرمین کی مدت ملازمت میں غیرقانونی توسیع کی سخت مخالفت کرے گی، قانون میں متعین مدت میں توسیع نہیں ہوسکتی لہٰذا تاریخ کے متنازع ترین چیئرمین کی مدت ملازمت میں توسیع کی کوشش منظور نہیں۔انہوں نے کہاکہ مدت ملازمت میں توسیع کی کوشش ہمارے اس بیانیے کو درست ثابت کرے گی کہ نیب غیرجانب دار ادارے کے بجائے عمران خان حکومت کا آلہ کار ہے۔

پاکستان پیپلز پارٹی سندھ کے نائب صدر اور وزیر اعلی سندھ کے مشیر برائے زراعت منظور حسین وسان نے کہاہے کہ عمران خان اپنے پانچ سال پورے نہیں کریں گے،خواب دیکھا ہے کہ 2022 کے اکتوبر میں الیکشن ہوں گے، عوام کی عمران سے جان چھوٹ جائیگی۔میڈیا سے گفتگوکرتے ہوئے انہوں نے کہاکہ پہلے بھی بتا چکا ہوں کے عمران خان خود ہی چلا جائیگا حالات ایسے بن جائیں گے۔
پی ڈی ایم کی پیپلزپارٹی کے بغیر کوئی اہمیت نہیں اور نہ ہی کوئی طاقت ہے۔
عمران خان نے اتنی مہنگائی کی ہے کہ عوام خودکشی کرنے پر مجبور ہیں۔انہوں نے کہاکہ افغانستان کا مسئلہ پوری دنیا کے لئے اہم ہے اگر افغانستان میں امن ہوگا تو پوری دنیا میں امن رہے گا۔انہوں نے کہا کہ نیب کو صرف مخالفین کے لئے ہی استعمال کیا جارہا ہے، حال ہی میں نیب چیئرمین کی مدت بڑھانا عجیب بات ہے۔ پیپلز پارٹی کی حکومت آتے ہی لوگوں کو نوکریوں پر بحال کریں گے۔ جی ڈی اے کا اب کوئی وجود نہیں رہا لوگ جی ڈی اے کو الوداع کررہے ہیں۔منظوروسان نے کہاکہ زراعت میں بہتری لانے کی کوشش کر رہے ہیں زراعت میں نئے اقدام کرنے کی کوشش کررہے ہیں۔جعلی دوائوں کے ڈیلروں کے خلاف جلد کریک ڈائون شروع کریں گے۔

شہرقائد کے علاقے صدر میں مائیکرو کلاؤڈ برسٹ(جزوی طور پر بادل پھٹا) ہوا جس کے نتیجے میں شدید بارشیں ہوئیں اور حد نگاہ کچھ دیر کے لیے صفر ریکارڈ کی گئی۔

تفصیلات کے مطابق صدر میں مائیکرو کلاؤڈ برسٹ کے بعد بارش نے ‘ہیوی شاور’ کی شکل اختیار کرلی تھی۔ شاور کے دوران حد نگاہ کچھ دیر کے لیے صفر ہوئی تاہم اب بادل آہستہ آہستہ صاف ہورہے ہیں۔

کراچی کے مختلف علاقوں میں تیز ہواؤں کے ساتھ بارش سے موسم خوشگوار ہوگیا ہے۔ ملیر، لانڈھی، کورنگی، گلستان جوہر، گلشن اقبال، ڈیفینس میں بادل جم کر برسے۔ محکمہ موسمیات نے اٹھائیس ستمبر سے دو اکتوبر تک کراچی میں کہیں ہلکی کہیں تیزبارش کی پیشگوئی کی ہے۔

بارش کے بعد گرمی سے ستائے شہریوں کے چہرے کھل اٹھے ہیں۔ ایم اے جناح روڈ، گلشن اقبال، شاہ فیصل کالونی، سرجانی اور گلشن حدید سمیت مختلف علاقوں میں بھی تیزہواؤں کے ساتھ بارش ہوئی۔

شاہراہ فیصل پر ٹریفک جام ہوگیا، نارتھ کراچی اور سپرہائی وے پر بارش سے پہلے گردوغبار کے طوفان سے حدنگاہ کم ہوگئی۔ محکمہ موسمیات کے مطابق شہر کے شمال، مشرقی علاقوں اور جنوب میں بادل بن رہے ہیں۔