Author: +9251

راولپنڈی : بلوچستان نے سدرن پنجاب کو 7 وکٹوں سے شکست دے دی ،اطلاعات کے مطابق آج نیشنل ٹی ٹوئنٹی کپ میں بلوچستان نے سدرن پنجاب کو باآسانی 7 وکٹوں سے شکست دے دی ۔

آج راولپپنڈی کرکٹ اسٹیڈیم میں نیشنل ٹی ٹوئنٹی کپ کے اتوار کے روز کھیلے گئے پہلے میچ میں بلوچستان نے ٹاس جیت کر بولنگ کا فیصلہ کیا اور سدرن پنجاب کو صرف 101رنز پر آؤٹ کردیا۔

سدرن پنجاب کی جانب سے صہیب مقصود 24 رنز بنا کر نمایاں رہے جبکہ بلوچستان کی جانب سے عماد بٹ نے 3 کھلاڑیوں کو آؤٹ کیا۔102 رنز کا ہدف بلوچستان نے باآسانی 3 وکٹوں کے نقصان پر حاصل کرلیا۔

بلوچستان کی جانب سے عبدالواحد بنگلزئی نے ناقابل شکست 58 رنز کی شاندار اننگز کھیلی۔اس کے علاوہ اتوار کے روز کھیلے جارہے دوسرے میچ میں سینٹرل پنجاب اور خیبرپختونخوا کی ٹیمیں مدمقابل ہیں ۔

راولپنڈی:جھگڑے ورکرزکے نہیں قیادت کے ہیں:خواجہ آصف نے پارٹی قیادت کے اختلافات کی تصدیق کردی اطلاعات کے مطابق پاکستان مسلم لیگ (ن) کے سینئر رہنما اور سابق وزیر خارجہ خواجہ آصف نے کہا ہے کہ جھگڑے ورکرزکے نہیں قیادت کے ہیں،

خواجہ آصف نے کہاکہ پارٹی کے یہ جھگڑے ختم ہونے چاہیئں ،ہاتھ جوڑ کر درخواست ہے کہ پنجاب،کے پی،سندھ،کراچی میں مقامی قیادت کے جھگڑے ہیں اور یہ جھگڑے ختم کرکے پارٹی میں اتحاد آنا چاہیئے۔

راولپنڈی میں پاکستان مسلم لیگ(ن) کے ورکرز کنونشن سے خطاب کرتے ہوئے سابق وزیر دفاع اور قومی اسمبلی میں (ن) لیگ کے رکن خواجہ آصف نے کہا ہے کہ ملک کے طول وعرض میں نواز شریف کی محبت کا سمندر رواں دواں ہے ، پانچ سال عوام کی خدمت کی۔

سابق وزیر خارجہ کا کہنا تھا کہ ن لیگی ورکرز سے عرض ہے کہ مہربانی کریں اور اپنی صفوں میں اتحاد پیدا کریں کیونکہ انتخابات کسی وقت بھی آسکتے ہیں،یہ تبدیلی نہیں ملک کی تباہی کا علمبردار ہے، مہنگائی، بے روزگاری سے عوام تنگ آ چکے ہیں۔

خواجہ آصف نے (ن)لیگی ورکرز کو کہا کہ نواز شریف کے پیچھے سیسہ پلائی دیوار بن کر کھڑے ہو جائیں،یہ وقت کی ڈیمانڈ ہے اور وقت کسی کا انتظار نہیں کرتا ،آپ اتحاد کامظاہرہ کریں،

لاہور:آرمی چیف کی ایکسٹینشن کے معاملے میں کوئی ابہام نہیں،اطلاعات کے مطابق ن لیگ کے رہنما اور پنجاب اسمبلی میں قائد حزب اختلاف حمزہ شہباز شریف نے کہا ہے کہ آرمی چیف کی ایکسٹینشن کے معاملے میں کوئی ابہام نہیں،پارلیمنٹ میں ووٹ دینے کا فیصلہ پارٹی قیادت کا تھا

حمزہ شہباز نے کہا کہ ،قوموں کی زندگی میں ایسے معاملات آتے ہیں جبکہ ایسے معاملات میں قومی مفاد کو ذاتی مفاد سے اوپر رکھنا چاہیے،حمزہ شہباز کا کہنا تھا کہ سنا ہے کہ کچھ لوگ کہہ رہےہیں کہ آرمی چیف کی ایکسٹینشن کے گناہ میں آج کی ن لیگ شامل نہیں ، ان کا یہ بھی کہنا تھا یہ بیانات نے پارٹی کو بہت نقصان پہنچایا ہے

میڈیا سے گفتگوکرتے ہوئے پنجاب اسمبلی میں اپوزیشن لیڈر حمزہ شہباز نے کہا کہ آرمی چیف کی توسیع کا فیصلہ درست اور پارٹی قیادت کا تھا جبکہ پہاڑجیسےمسائل حل کرنےکیلئے شفاف الیکشن لازمی ہیں۔

اپوزیشن لیڈر پنجاب اسمبلی کا کہنا تھا کہ ہم سیاسی جدوجہد پر یقین رکھتے ہیں، پی ٹی آئی حکومت نےکرپشن کےتمام ریکارڈتوڑ دیئے، حکومت لاءاینڈ آرڈر میں بھی بری طرح ناکام ہو چکی ہے جبکہ حکومت کے پاس کوروناکےحوالےسےکوئی پالیسی نہیں ، جنوبی ایشیا میں سب سے زیادہ مہنگائی پاکستان میں ہے اور حکومت ہر محاذ پر بری طرح ناکام ہو چکی ہے، اب دوغلی پالیسی نہیں چلنے دیں گے۔

حمزہ شہباز شہبازشریف نے کہا کہ اپنی حکومت میں ڈینگی کامقابلہ کیا، خطرناک مہنگائی کاسلسلہ رکتانظرنہیں آرہا، پی ٹی آئی نےجوسبزباغ دکھائےتھےوہ چکناچورہوچکے جبکہ پاکستانی قوم بہت مشکل دور سے گزر رہی ہے، سردی آئی نہیں ،گیس مہنگی ہونےکی خبریں آرہی ہیں، پی ٹی آئی کی حکومت میں لاکھوں افرادبیروزگارہوگئےہیں۔

انہوں نے مزید کہا کہ پشاورمیٹرومنصوبےمیں اربوں روپےکےغبن نظرآتےہیں،یہ قوم ڈینگی کوبھول چکی تھی، آج ڈینگی سے بچےبیمارہورہےہیں، مہنگائی کاطوفان تھمنےکانام نہیں لےرہا، ادویات کی قیمتوں میں 400 فیصداضافہ ہوچکا ہے ، جبکہ پی ٹی آئی نےجوخواب دکھائےتھےوہ چکناچورہو گئے۔

کابل : ترجمان افغان حکومت ذبیح اللہ مجاہد کی والدہ محترمہ وفات پاگئیں:پاکستان کا اظہارتعزیت ،اطلاعات کے مطابق نائب ترجمان افغان حکومت ذبیح اللہ مجاہد کی والدہ محترمہ قضائے الٰہی سے وفات پا گئی ہیں‌

کابل سے اس حوالے سے افغان میڈیا کا کہنا ہے کہ ذبیح اللہ مجاہد کی والدہ محترمہ کی نماز جنازہ افغان صوبے پکتیا میں ادا کی جائے گی۔

@Zabehulah_M33 زبیح اللہ مجاہد مور دہ مرگ خبر باندے ڈیر خفہ شوم ، اللہ دے تاسو اور ستاسو ٹبر لہ صبر درکی ۔ دہ مور سایہ چی دہ سر نہ چواتہ شی نو جوندون گران شی ، اللہ دے ورلہ ڈیر ڈیر جنتونہ نصیب کڑی آمین

— Ch Fawad Hussain (@fawadchaudhry) September 26, 2021

وفاقی وزیر اطلاعات فواد چوہدری نے ذبیح اللہ مجاہد کی والدہ کے انتقال پر افسوس کا اظہار کرتے ہوئے کہا کہ اللہ تعالی مرحومہ کی مغفرت فرمائے اور لواحقین کو صبر جمیل عطا فرمائے۔

ان کا یہ بھی کہنا تھا کہ دکھ کے موقع پرپاکستان کواپنے برادراسلامی ملک کے ترجمان کی والدہ محترمہ کی وفات پرگہرا دکھ ہوا ہے اورپوری قوم غم کی اس گھڑی میں ذبیح اللہ مجاہد کے ساتھ ہے اورمرحومہ کی بخشش اورلواحقین کے لیے صبرجمیل کے لیے دعا گو ہے

فواد چوہدری کا کہنا تھا کہ ماں کے بغیر زندگی مشکل ہو جاتی ہے، اللہ تعالیٰ مرحومہ کو جنت الفردوس میں جگہ دے۔