Author: +9251

کراچی:آصف علی زرداری نے ن لیگ کی ایک اوروکٹ گرادی:سینیٹرکے بیٹے پی پی میں اڑان کےلیے تیار،اطلاعات کے مطابق ن لیگ کے زوال کا سلسلہ کچھ دن رکنے کےبعد اب پھرشروع ہوگیا ہے ، ن لیگ میں ٹوٹ پھوٹ جاری ہے اورتازہ واقعہ میں ن لیگ کے ایک اہم رکن سینیٹر دلاورخان کے بھائی اعظم خان اوربھتیجوں نے ن لیگ سے اظہارنفرت کرتےہوئے پی پی میں شمولیت کا فیصلہ کیا ہے

ذرائع کے مطابق اس حوالے سے پیپلزپارٹی کے چیئرمین بلاول بھٹو کی دعوت پر سینیٹر دلاور خان کے بیٹے اور بھائی نے پیپلز پارٹی میں شمولیت کا فیصلہ کرلیا ہے، عدنان خان اور اعظم خان کل شمولیت کا اعلان کریں گے، اعظم خان کا تعلق مسلم لیگ(ن) سے تھا۔

ذرائع کے مطابق سینیٹ میں آزاد گروپ کے پارلیمانی لیڈر سینیٹر دلاور خان کے بیٹے اور بھائی نے پیپلزپارٹی میں شمولیت کا فیصلہ کرلیا ہے، چیئرمین پیپلزپارٹی بلاول بھٹو نے عدنان خان اور اعظم خان کو پارٹی میں شمولیت کی دعوت دی تھی۔

عدنان خان گزشتہ انتخابات میں صوبائی اسمبلی کی نشست کے لیے آزاد امیدوار تھا، سینیٹر دلاور خان کے بھائی اعظم خان کا تعلق مسلم لیگ(ن) سے تھا، عدنان خان اور اعظم خان کل شمولیت کا اعلان کریں گے۔

گزشتہ روز پیپلزپارٹی نے سندھ میں فنکشنل لیگ کی اہم سیاسی وکٹ گرائی، فنکشنل لیگ کے اکبر شاہ راشدی اور مہتاب اکبر راشدی نے پیپلزپارٹی میں شامل ہونے کا فیصلہ کیا ہے، فنکشنل لیگ کے رہنماء اکبرشاہ راشدی نے پیپلزپارٹی میں شمولیت کی تصدیق کردی ہے، اکبر راشدی نے کہا کہ پیپلزپارٹی میں شمولیت کے فیصلے پر پیرپگارا نے نیک خواہشات کا اظہار کیا۔

اس سے قبل مسلم لیگ ق سے تعلق رکھنے والے مظہرعباس اور متحدہ قومی موومنٹ کے رہنما رانا امجد علی بھی پیپلز پارٹی میں شامل ہوچکے ہیں۔ چئیرمین پی پی پی بلاول بھٹو زرداری سے ملاقات کے دوران مظہر عباس اور رانا امجد علی نے پی پی میں شمولیت کا اعلان کیا۔

لاہور:خان صاحب کتنے مافیےمارو گےہرگھر سے مافیا نکلےگا:ایم جی گاڑی کی خریداری موت مل گئی مگرگاڑی نہیں،اطلاعات کے مطابق اس وقت سوشل میڈیا پرایک ایسی ویڈیو وائرل ہورہی ہے کہ جس کو سننے کے بعد ہرآنکھ اشکبار ہوجاتی ہے

یہ ویڈیو ایک بے بس بیٹے کی ہے ، یہ ویڈیو ایک بے گناہ مقتول کے بیٹے کی دکھ بھری کہانی ہے،

یہ ویڈیو غوث گوندل کی ہے کہ جو چیخ چیخ کر کہہ رہےہیں کہ دنیا والوں آپ کس امید سے جی رہےہیں یہاں قوم سے وعدے کیے جاتے ہیں کہ پاکستان سے مافیاز کا خاتمہ کیا جائے گا لیکن کسی نے سچ کیا ہے ک”خان صاحب تم کتنے مافیے ماروگے ہرگھرسے مافیا نکلے گا”اورپھرواقعی ہی ایسے ہوا

غوث گوندل بتاتے ہیں کہ پاکستان میں کچھ ایسے مافیاز بھی ہیں جوبڑے مقتدراداروں سے اپنا تعلق ظاہرکرکے لوگوں کویرغمال کرتے ہیں ، لوگوں کی عزتیں اچھالتے ہیں ، لوگوں کا مال لوٹتے ہیں ،

غوث گوندل کہتے ہیں کہ ایک مافیا جاوید آفریدی بھی ہے جوایم جی موٹرز کا پاکستان میں سپلائیر ہے ، کنٹریکٹر ہے ، یہ مافیا جواپنے ساتھ پاکستان کے بڑے مقتدرادارے کی ہمدردیاں ظاہرکرکے لوگوں کوخوفزدہ کرکے ان کی جان لیتا ہے

غوث گوندل کہتے ہیں کہ میرے والد محترم نے ایم جی گاڑی خریدنے کےلیے جاوید آفریدی کے مینجرکوایڈوانس رقم جمع کروائی اورپھرکئی ماہ تک انتظار کرتے رہے

آج انہوں نےمیرے والد محترم کو فون کیا کہ آپ باقی پے منٹ کرکے گاڑی لےجائیں ، جب میرے والد محترم نے باقی پے منٹ کردی اورپھرگاڑی کا مطالبہ کیا تو پھر جاوید آفریدی کےمینجر نے کہا کہ کوئی گاڑی شاڑی نہیں ہے

اس دوران اس جاوید آفریدی کے شوروم کے مینجر کی طرف سے سخت دھمکیوں کے بعد میرے والد صاحب شوروم سے واپس میری گاڑی میں آگئے اور واپس جانے لگے تو جاوید آفریدی کے کارخاص شوروم کے مینجر نے 15 ، 20 کے لگ بھگ مسلح لوگ بھیج کرمیرے والد کو گھر واپس لوٹنے نہ دیا

غوث گوندل کہتے ہیں کہ اد دوران میرے والد صاحب نے کہاکہ آپ نے پیسے بھی لے لئیے اور گاڑی بھی نہیں دے لیکن پھر جانے بھی نہیں دے رہے ایسا کیوں کررہے ہو

غوث گوندل کہتے ہیںکہ ان مسلح افراد نے میرے والد محترم کو وہاں زبردستی روکے رکھااس دوران خوف اورپریشانی سے میرے والد محترم کی طبعیت خراب ہونا شروع ہوگئی اور اس قدر زیادہ طبعیت خراب ہوگئی کہ ان کی سانس رکنے لگی

غوث گوندل کہتے ہیں‌ کہ میرے والد محترم اورمیرے ڈرائیور نے منتیں کیں کہ طبعیت خراب ہورہی ہےہمیں جانیں دیں لیکن جاوید آفریدی کے مسلح گارڈ ز نے ہمیں جانے نہ دیا اوراس دوران میرے والد محترم اللہ کوپیارے ہوگئے

غوث گوندل کہتے ہیں کہ دنیا بتائے کہ میں اپنے والد کا خون کہاں سے تلاش کروں ، کوئی ہے جواس موقع پران ظالم مافیاز سے پوچھے کہ تم کون ہوتے ہیں انتا زیادہ ظلم کرنے والے ، وہ کہتے ہیں کہ اس دوران 15 پرکال بھی کی لیکن مافیا اتنا طاقتور ہےکہ کوئی بھی میرے والد کی مدد کو نہ پہنچ سکا

غوث گوندل نے اہل پاکستان سے درخواست کی ہےکہ میرے والد محترم توان ظالموں کے ظلم سے دنیا چھوڑ گئے مگرکیا باقی والد بھی ایسی ہی بے بسی سے دنیا سے جائیں گے ، وہ کہتے ہیں میں ایسے نہیں ہونےدوں گا ، میں کسی کے باپ کواس قدران مافیاز کے ہاتھوں رسوا نہیں ہونے دوں گا

غوث گوندل کہتے ہیں کہ یہ وقت ہےکہ ہر نوجوان اپنے والد کی عزت کے لیے اپنے والد کی وقار کےلیے میدان میں اترے اوران مافیاز کوبے نقاب کرنےتک چین سے نہ بیٹھے ، وہ کہتے ہیں کہ یہ امتحان ہے حق اورسچ ،انصاف اورعدل کا ،

اسلام آباد :پاکستان کےمسائل کا حل صرف اورصرف صدارتی نظام:چیف جسٹس آف پاکستان نے بینچ تشکیل دے دیا ،اطلاعات کے مطابق پاکستان میں پارلیمانی نظام کے فیل ہونے اوراس کے نتیجے میں پیدا ہونے والے مسائل کےخلاف سخت ردعمل آناشروع ہوگیا ہے اور اس نظام سے جان چھڑانے کے لیے سپریم کورٹ آف پاکستان میں ایک درخواست دائر ہوگئی ہے

پاکستان میں پارلیمانی نظام سے جان چھڑانے اورصدارتی نظام کے نفاذ کے حوالے سے قصور کی ایک اہم شخصیت کی درخواست پر چیف جسٹس پاکستان نے صدارتی نظام کے نفاذ سے متعلق کیس کیلئے بینچ تشکیل دے دیا

چیف جسٹس آف پاکستان گلزار احمد نے ملک بھر میں صدارتی نظام کے نفاذسے متعلق کیس کیلئے بینچ تشکیل دے دیا ہے۔

تفصیلات کے مطابق جسٹس عمر عطا بندیال کی سربراہی میں تین رکنی بینچ 27 ستمبر کو سماعت کرے گا۔ذرائع کے مطابق جسٹس منصور علی شاہ اور جسٹس منیب اختر بھی بینچ میں شامل ہیں۔

واضح رہے کہ احمد رضا قصوری سمیت چار افراد نے صدارتی نظام کے نفاذ سے متعلق درخواستیں دائر کر رکھی ہیں۔

ادھرذرائع کے مطابق عوام توصدارتی نظام کے حق میں ہیں لیکن چند سیاسی جماعتیں جن کے قائدین کوصدارتی نظام کی صورت میں اپنے کنٹرول اوراپنی سیاست کے ختم ہونے کا ڈر ہے وہ اس کی مخالفت کررہے ہیں‌

لندن یہ گھٹیا حرکت تھی:انگلش کرکٹ بورڈ اب بزدلانہ خاموشی توڑ دے ورنہ بہت کچھ ٹوٹ جائے گا،اطلاعات کے مطابق انگلش کرکٹ
ٹیم کے سابق سابق کرکٹراورکمنٹیٹر مائیکل ایتھرٹن نے دورہ پاکستان منسوخ کرنے پر انگلینڈ اینڈ ویلز کرکٹ بورڈ (ای سی بی) کی خاموشی کوبہت بزدلانہ حرکت قرار دیا ہے ۔

مائیکل ایتھرٹن کہتے ہیں کہ ابھی بھی وقت ہےکہ انگلینڈ کرکٹ بورڈ پاکستان کےخلاف لابنگ کرنے والوں کوسامنے لے کرآ جائے ورنہ اگردیر ہوگئی توپھر کل کو یہ عناصر اور ان کا یہ انداز انگلینڈ کرکٹ بورڈ کوتباہ کرکے رکھ دے گا

پاکستان کا دورہ منسوخ کرنے کے حوالے سے دی ٹائمز کے اپنے کالم میں مائیکل ایتھرٹن نے انگلش کرکٹ بورڈ کے چیئرمین ایان واٹمور کو سنجیدہ ردعمل نہ دینے پر شدید تنقید کا نشانہ بنایا۔ مائیکل ایتھرٹن کا کہنا تھا کہ انگلش کرکٹ بورڈ یہ فرض کرتا ہے وہ ایک انتہائی کمزور بیان دے کر اس کے پیچھے چھپ سکتا ہے،

مائیکل ایتھرٹن کہتےہیں کہ انگلینڈ کووقت یاد رکھنا چاہیے جب پاکستانی کرکٹرز جنہوں نے گذشتہ موسم گرما میں یہاں بائیو سیکور ببل میں 2 ماہ گزارے تاکہ انگلش کرکٹ کو مالی تباہی سے بچایا جا سکے ، پاکستان کرکٹ حکام جنہوں نے کرکٹ کو ملک میں واپس لانے کے لیے بہت کچھ کیا اور سپورٹرز اس سے بہتر سلوک کے مستحق ہیں، پاکستان کرکٹ بھی اس سے بہتر کی مستحق ہے۔

انہوں نے کہا کہ بالخصوص پاکستان کی جلاوطنی میں کرکٹ کھیلنے کی حالیہ تاریخ کو دیکھتے ہوئے دورے سے پیھے ہٹنا سنجیدہ بات ہے اور اس پر رد عمل بھی سنجیدہ آنا چاہیئے تھا۔

انہوں نے کہا کہ ای سی بی چاہتا ہے کہ کہانی غائب ہو جائے لیکن صرف ایک چیز جو غائب ہوئی ہے وہ اس کا چیئرمین ہے۔ انہوں نے مزید کہا کہ منسوخی کے اعلان کے بعد سے واٹمور 5 دن سے خاموش ہے حالانکہ کے پاکستان کا منسوخ کردہ دورہ بھی صرف 4 دن کا تھا۔
مائیکل ایتھرٹن نے یہ بھی کہا کہ دورہ انگلینڈ سے قبل انگلش پلیئر پارٹنرشپ (ٹی ای پی پی) کا کھلاڑیوں سے مشورہ نہ لینے کا بیان پاکستانی شائقین کے زخموں پر نمک چھڑکنے کے مترادف ہے۔ پاکستان اور انگلینڈ میں کرکٹ کے حامی جاننے کے مستحق ہیں کہ دورے کو کیوں منسوخ کیا گیا؟ ۔