Author: +9251

نیویارک: پاکستان کی طالبان سے متعلق پالیسی حقیقت پسندی، تحمل، رابطہ ،اورتنہائی سے اجتناب پر مبنی ہے: اطلاعات کے مطابق نیویارک وفاقی وزیر خارجہ شاہ محمود قریشی نے کہا ہے کہ طالبان سے ڈیل کرنے کے لئے نیا رویہ اپنانا ہوگا، پچھلا رویہ ناکام رہا ہے، عالمی برادری طالبان کو تسلیم کرنے سے متعلق روڈ میپ تشکیل دے۔

جنرل اسمبلی اجلاس کی سائیڈلائن میں امریکی خبر رساں ادارے اے پی کو خصوصی انٹرویو دیتے ہوئے وفاقی وزیر خارجہ کا کہنا تھا کہ پاکستان کی طالبان سے متعلق پالیسی حقیقت پسندی، تحمل، رابطہ ، اور تنہائی سے اجتناب پر مبنی ہے۔

انہوں نے کہا کہ عالمی برادری طالبان کو تسلیم کرنے سے متعلق روڈ میپ تشکیل دے۔ روڈ میپ تشکیل دینے کے بعد عالمی برادری طالبان سے براہ راست بات کرے، طالبان تمام مطالبات پر پورا اتریں تو انہیں مراعات بھی دی جائیں، توقعات پر پورا اترنا طالبان کے اپنے لئے اچھا ہے۔

شاہ محمود قریشی کا کہنا تھا کہ دنیا کے لئے طالبان کو تسلیم کرنا آسان ہوجائے گا، عالمی برادری کو یہ بھی سوچنا چاہیے کہ انکے پاس اسکے علاوہ کیا آپشن موجود ہے؟ کیا حقیقت سے نظریں چرانا عالمی برادری کے لئے ممکن ہوگا؟ پاکستان بھی بین الاقوامی برادری کی طرح ، پر امن اور مستحکم افغانستان دیکھنا چاہتا ہے، طالبان کو افغانستان کی سرزمین کو کسی اور ملک کے خلاف استعمال ہونے سے روکنا ہوگا۔

انہوں نے کہا کہ طالبان سے ڈیل کرنے کے لئے نیا رویہ اپنانا ہوگا، پچھلا رویہ ناکام رہا ہے، طالبان سے وسیع البنیاد حکومت کے قیام، انسانی حقوق بالخصوص خواتین کے حقوق کے احترام کی توقع ہے، افغانستان کی حکومت کو امداد دے کر طالبان کو ترغیب دی جاسکتی ہے۔

اپنی بات کو جاری رکھتے ہوئے وفاقی وزیر خارجہ کا کہنا تھا کہ عالمی مالیاتی ادارے (آئی ایم ایف) اور امریکا افغانستان کے منجمد اثاثے بحال کرے، پاکستان طالبان کے ساتھ رابطوں کی بحالی میں مثبت کردار ادا کرنے کو تیار ہے، اچھی بات یہ ہے کہ طالبان ہمسایوں اور بین الاقوامی برادری کی سن رہے ہیں، طالبان نے پشتون اکثریتی کابینہ میں تاجک ،ازبک اور ہزارہ برادری کے اراکین شامل کئے، افغان حکومت میں اب تک خواتین موجود نہیں، ہمیں تھوڑا انتظار کرنا چاہیے۔

شاہ محمود قریشی کا کہنا تھا کہ پاکستان کو اطلاع ملی ہے افغانستان میں امن و امان کی صورتحال بہتر ہوگئی ہے، لڑائی ختم ہوچکی ہے، پاکستان کو بڑے پیمانے پر افغان پناہ گزینوں کے مسئلے کا سامنا نہیں ہوا۔

اسلام آباد : پی آئی اے کچن سروسزمیں بےضابطگیاں:67کروڑ روپےکولگ گیا چونا ،اطلاعات کے مطابق پی آئی اے کچن سروسز میں 67 کروڑ کے ٹھیکے میں بے ضابطگیوں کا انکشاف سامنے آیا ، بعض ارکان نے مطالبہ کیا ایف آئی اے کی حتمی رپورٹ پیش ہونےتک معاملہ موخرکیا جائے۔

تفصیلات کے مطابق پی اےسی کا رانا تنویر حسین کی زیرصدارت اجلاس ہوا ، اجلاس میں ایوی ایشن ڈویژن کی آڈٹ رپورٹ 2008-09کا جائزہ لیا گیا۔پبلک اکاونٹس کمیٹی کے اس اہم اجلاس میں جس کی صدارت رانا تنویرحسین نے کی پی آئی اے کچن سروسز میں 67 کروڑ کے ٹھیکے میں بےضابطگیوں کا انکشاف ہوا،

پبلک اکاونٹس کمیٹی کے بعض ارکان نے اعتراض کیا کہ پی اے سی نے آڈٹ پیرا نمٹا دیا، ایف آئی اےکی حتمی رپورٹ پیش ہونےتک معاملہ موخرکیاجائے۔رانا تنویرحسین کی صدارت میں اجلاس میں بریفنگ دیتے ہوئے کہا بولی کےعمل میں پانچ کمپنیوں نے حصہ لیا تھا، 2005 میں پی آئی اے کاعالمی معیار کاکچن نہیں تھا۔

اس حوالے سے اپنی رپورٹ جمع کرواتے ہوئے ایف آئی اے نے کہاہے کہ کچن سروس بہترہونے سے کئی ممالک نے سروسز لینا شروع کیں، کچھ مسائل کی وجہ سے انتظامیہ کچن سروس کامعیار برقرار نہ رکھ سکی۔

چیئرمین پی آئی اے نے کہا ایف آئی اے میں انکوائری کاعمل بہت سست ہے، ڈھائی سال میں 2031 کیس تیارکیے آج تک صرف 3نمٹائے گئے، 2006 کاڈیٹا ہے اورمیں دوسروں کے گواہ دھونے آتا ہوں،آڈٹ والے بھی آسانی سے جان نہیں چھوڑتے، ایف آئی اے والے بار بار ریکارڈ اور ڈیٹا مانگتے ہیں۔

اسلام آباد:دنیا سن لے ! چین کے ساتھ دوستی سے ایک انچ پیچھے نہیں ہٹیں گے:پاکستانی قوم اس کے پیچھے مشکلات کی وجہ سمجھتی ہے: اطلاعات کے مطابق وفاقی وزیر برائے منصوبہ بندی اسد عمر نے کہا ہے کہ چینی سرمایہ کاری بڑھنے سے سکیورٹی کی اہمیت بڑھتی جارہی ہے۔ سی پیک مشرقی پڑوسی کی آنکھ میں کھٹکتا ہے، دوسروں کی جنگ میں شرکت کرکے پاکستان نے بھاری قیمت ادا کی،چین کے ساتھ دوستی سے ایک انچ پیچھے نہیں ہٹیں گے۔

اسد عمر نے کہاکہ اس وقت چین مخالف اتحاد جوبھارتی خواہشات کے مطابق پراکسی کررہا ہے اس اتحاد کی خواہش ہےکہ پاکستان چین سے الگ ہوجائےاورپھراکیلے چین کوگھیرکربے وفائی کی سزا دی جائے ، ان کا یہ بھی کہنا تھا کہ اس وقت دنیا پاکستان سے بڑے مطالبے کررہی ہے اورجومختلف زاویوں سے پاکستان کومشکلات کا سامنا ہے قوم سمجھتی ہے کہ اس کی وجہ چین سے محبت اوردوستی کی سزا ہے ، ان کا یہ بھی کہنا تھا کہ قوم اپنے موقف پرکھڑی ہے اورکامیاب بھی ہوگی

وزیراعظم عمران خان کے معاون خصوصی برائے سی پیک خالد منصور کے ہمراہ میڈیا سے گفتگوکرتے ہوئے وفاقی وزیر برائے منصوبہ بندی کا کہنا تھا کہ چین کے ساتھ انفارمیشن ٹیکنالوجی سمیت دیگر دیگر معاہدوں پر دستخط کیے ہیں کیونکہ کل کی دنیا ڈیجیٹل کی دنیا ہے۔ آئی ٹی ایکسپورٹ میں47فیصداضافہ ہوا، پاک چین اقتصادی راہداری کے منصوبوں کے لیے چین کے مزدور واپس آ گئے تھے اور ان پر کام دوبارہ شروع ہو گیا تھا۔

انہوں نے کہا کہ آج جن معاہدوں پر دستخط ہوئے ان میں سب سے خوش آئند یہ امر ہے کہ انفارمیشن ٹیکنالوجی کا جوائنٹ ورکنگ گروپ شروع کرنے کا فیصلہ کیا گیا ہے، وزیر انفارمیشن ٹیکنالوجی امین الحق اور ان کے چینی ہم منصب نے اس پر دستخط کیے۔

ان کا کہنا تھا کہ آج ہماری معیشت میں زراعت اس لحاظ سے سب سے زیادہ اہمیت رکھتی ہے کیونکہ دو تہائی آبادی کا زراعت پر بالواسطہ یا بلاواسطہ انحصار ہے۔ پاک چین راہداری بہت اہمیت کی حامل ہے، پاک چین قیادت نے سی پیک کو واضح اہمیت دینے کی ہدایت دی۔ سی پیک کے کچھ نئے معاہدے اور ایک نیا جوائنٹ ورکنگ گروپ بنایا ہے۔

اسد عمر کا کہنا تھا کہ جے سی سی میں کے سی آر کا ذکر ہے۔ وزیراعظم جلد کے سی آر انفرااسٹرکچر منصوبے کا افتتاح کریں گے۔ چینی سرمایہ کاری بڑھنے سے سکیورٹی اہمیت بڑھتی جا رہی ہے۔ سی پیک ہمسایہ ملک کی آنکھوں میں کھٹکتا ہے۔

اپنی بات کو جاری رکھتے ہوئے ان کا کہنا تھا کہ دوسروں کی جنگ میں شرکت کر کے پاکستان نے بھاری قیمت ادا کی، پاکستان کی واضح خارجہ پالیسی ہے، چین کے ساتھ دوستی سے ایک انچ پیچھے نہیں ہٹیں گے۔ جتنا مرضی پریشرآجائے چین پاکستان کے ساتھ کھڑا ہوتا ہے، بیجنگ کے ساتھ اسلام آباد کا تعلق خصوصی ہے، دوست ملک نے ہمیشہ ہرمشکل وقت میں ہمارا ساتھ دیا، چین کئی ایسی بھلائیاں کرتا ہے لیکن کہتا ہے بتانا نہیں، داسوڈیم واقعہ کی تحقیقات جاری ہے، ملوث افراد کوکیفرکردارتک پہنچایا جائے گا

لاہور:مریم نوازنے جنرل باجوہ کی ایکسٹینشن کی حمایت کرنے والے پارٹی قائدین کوگنہگار،بڑے وڈّھے”پاپی”قراردیا ،اطلاعات کے مطابق مریم نوازنے ایک بارپھرپارٹی قائدین اوردیگرممبران کوگہنگار اوربڑے "وڈھے پاپی” قرار دیا ہے ،

ن لیگ کی نائب صدر مریم نوازنے یہ سنگین الزام پہلی مرتبہ نہیں بلکہ اس سے پہلے بھی دیا لیکن اس بار توپارٹی قائدین اورممبران کوبہت بہت بڑا گہنگار اورپاپی قراردیتےہوئے کہا کہ جن لوگوں نے پاک فوج کے سربراہ جنرل باجوہ کی ایکسٹینشن میں حمایت کی مریم نواز کی انہوں نے نوازشریف کو ناراض کیا

آج کے تازہ بیان نے پارٹی میں بہت زیادہ بے چینی اورغیریقینی کی صورت حال اس وقت پیدا کردی جب آج مریم نوازاپنے جرائم کے دفاع میں کمرہ عدالت میں پہنچی توصحافی نے ایک سوال کردیا

صحافی نے ن لیگ کی نائب صدر مریم نواز سے سوال کیا کہ بی بی صاحبہ ذرا یہ تو بتائیں کہ ایک ایکسٹینشن پہلے دی گئی تھی اب چئیرمین نیب کو دی جا رہی کیا کہیں گی؟مسلم لیگ ن نے تو ووٹ دیا تھا؟

اس پر مریم نوازنے بڑے متکبرانہ اورتحقرانہ انداز میں کہاکہ پہلی والی ایکسٹینشن کے گناہ میں میں شریک نہیں تھی،میں اُس ن لیگ میں نہیں تھی

دوسری طرف پارٹی ورکرزمریم نواز کے اس بیانیئے پربہت زیادہ پریشان ہیں اوراکثرکا سوشل میڈیا پلیٹ فارم پرکہنا ہےکہ مریم نواز نے پارٹی تباہ کردی ہے اورمریم نواز کیوجہ سے آج ن لیگ بہت پیچھے چلی گئی ہے اب بھی وقت ہے کہ مریم نواز کو پارٹی امورسے ہٹا دیا جائے اورپارٹی میاں شہبازشریف کے سپرد کردی جائے

لاہور:شریف فیملی قومی دولت لوٹ کرلے گئی اورپارٹی ارکان قسمیں دے رہے ہے:یہ ہے ان کی زندگی کا مقصد:اطلاعات کے مطابق وزیراعظم کے معاون خصوصی شہبازگل کہتے ہیں کہ ہوتا ہے انسان سے غلطی بھی ہوجاتی ہے لیکن معاشرےمیں سمجھ داراپنے بیٹے اور خاندان کے کسی فرد کی قسم نہیں کھاتے

شہبازگل کہتے ہیں دیکھا ہےمعاشرے میں کبھی کبھار کوئی معاملہ ہوجائے اورایسے معاملات انسان کی زندگی میں ہوتے رہتے ہیں ، لیکن اکثر دیکھا ہے کہ لوگ خوف خدا کی وجہ سے کہتے ہیں کہ ٹھیک ہےمیرا فلاں سچا ہے لیکن میں‌ تو سگے بیٹے کی بھی قسم نہیں کھاوں گا ، جس پرالزام ہے وہ اپنے آپ کو خود سچا ثابت کرے ، شہبازگل کہتے ہیں یہ معاشرے کا ایک پلس پوائنٹ ہے

ڈاکٹرشہباز گل کہتے ہیں کہ شریف فیملی نے توپارٹی ارکان کی زندگیاں بھی برباد کردی ہیں ، جو میرٹ پربات کرتےہوئے اپنے خاندان کے فرد کےلیے قسمیں نہیں اٹھاتے وہ سارے پارٹی ارکان شریف فیملی کے لیے قسمیں کھا رہے ہیں ، ان کی صفائیاں دے رہے ہیں، وہ کہتے ہیں کہ وہ حیران ہیں کہ زندگی میں اور بھی معاملات ہوتے ہیں لیکن جب بھی کوئی بات ہوئی ہے تو ن لیگ کے مقلد کارکنان ، پارٹی ممبران قسمیں کھاتے ہیں کہ نوازشریف کی ساری کی ساری دولت محنت اور خون پسینے سےبنائی ہوئی ہے

ان کا کہنا تھا کہ کوی مریم نوازکی دولت کوجائزثابت کرنے کےلیے قسمیں کھارہےہیں تو کوئی شہبازشریف کوسمجھی تے ہیں کہ ان کی ساری کی ساری دولت اپنے ہاتھ سے کمائی کی ہے

ڈاکٹرشہازگل کہتے ہیں کہ وہ حیران ہیں کہ بڑے بڑے معزز،بذرگ اورقابل احترام پارٹی ارکان کو بھی مجبور کردیا گیا ہےکہ وہ بس ہر وقت صفائیاں پیش کریں ، ان کا کہنا تھا کہ دنیا میں کہیں بھی ایسے نہیں دیکھا کہ ملزم اس کے انتہائی قریبی خونی رشتے اورپھروکیل کے علاوہ کوئی بھی سامنے نہیں آیا لیکن یہاں تو پوری کی پوری پارٹی ہی قسمیں کھانے اورصفائیاں دینے پرلگی ہوئی ہے

وہ کہتے ہیں کہ وہ اس بات پر بھی حیران ہیں کہ ان قسمیں کھانے والوں کوکیا یہ احساس نہیں ہوتا کہ ہمارا کیا بنے گا اورہم لگے ہوئے ہیں ہر وقت شریف فیملی کی دولت کے دفاع میں

شہاز گل کہتےہیں کہ شہباز شریف منی لانڈرنگ کیس میں اہلیہ اوربچوں سے لاتعلق،معاون خصوصی شہبازگل کا کہنا تھا کہ نوازشریف کے بیٹے والد سے لاتعلق لیکن دادا کی جائیداد سے تعلق ہے،

معاون خصوصی شہبازگل کا کہنا تھا کہ نئی بات نہیں،نوازشریف سپریم کورٹ میں اپنے بچوں سے لاتعلقی کا اظہارکرچکے ہیں، وہ کہتے ہیں کہ دولت نے سگے باپ کواولاد سے دولت کی خاطرلا تعلق پیش کردیا

ان کا کہنا تھا آئندہ جب ووٹ دینا پڑا ن لیگ لائن میں لگ کر دے گی اور آپ خاموش ہوں گی،

ڈیرہ اسمعٰیل خان:مولانا فضل الرحمن نے دوست بدلنے کا فیصلہ کرلیا:اشارہ بھی دے دیا ،اطلاعات کے مطابق بڑی تیزی سے بدلتےسیاسی حالات اورپی ڈی ایم کی نامرادیوں کے بعد مولانا فضل الرحمن نے اپنے دوست بدلنے کا فیصلہ کرلیا ہے

اس سلسلے میں معلوم ہوا ہےکہ اس کے اشارے مولانا پہلےبھی دے چکے اوراب بھی ن لیگ اورجے یو آئی ف کے درمیان کچھ ایسی دوریاں پیدا ہوگئی ہیں کہ مولانا فضل الرحمن کے ساتھیوں نے مشورہ دیا ہے کہ نوازشریف اورمریم نواز کوبچاتے بچاتے کہیں ہم اپنا سب گنوا نہ لیں‌

یہ بھی معلوم ہوا ہےکہ اس سلسلے میں پہلے بھی کئی بار ایسا فیصلہ ہوا لیکن نوازشریف فورا مریم نواز کو مولانا کے پاس بھیج کرمنا لیتےتھے ، جس پرمعاملہ ٹل جاتاتھا، تاہم اب مولانا نے مریم سے متاثرنہ ہونے کا ارادہ کرلیا ہے

اس بار یہ بھی سننے کو آرہا ہے کہ نوازشریف محمود خان اچکزئی اور مولانا کے کے بعض قریبی دوستوں کو بھی اپروچ کرچکےہیں

ادھراس حوالے سے تازہ ترین اپ ڈیٹس کے متعلق یہ کہا جارہاہےکہ مولانا فضل الرحمن نے قانون سازی کے لیے بننے والی انتخابی اصلاحات کی کمیٹیوں سے الگ رہنے کا فیصلہ کیا ہے جس کا سرا سرنقصان ن لیگ اورفائدہ حکومت کو ہوگا، ادھر اس حوالے سے یہ بھی معلوم ہوا ہے مولانا فضل الرحمن الیکٹرانک ووٹنگ کے خلاف نہیں ہیں

یہ بھی معلوم ہوا ہے کہ مولانا فضل الرحمن الیکٹرانک ووٹنگ کے حق میں ہیں لیکن ن لیگ کے اتحادی ہونے کی وجہ سے وہ معاہدے کے مطابق ن لیگ کے موقف کے ساتھ غیرارادی طور پرہیں لیکین وہ ان انتخابی اصلاحات کی مخالفت نہیں کریں گے

دوسری طرف مولانا فضل الرحمن نے واضح طورپرکہہ دیا ہے کہ ن لیگ پی ڈی ایم کا حصہ ہے کسی بھی معاملہ پر پی ڈی ایم کو اعتماد میں لینا ہوگا ، لیکن اس کا دوسرا پہلو یہ ہے کہ جے یو آئی ف کو اب ن لیگ پراعتماد نہیں رہا

یہ معتبر ذرائع کا دعویٰ ہے کہ انتخابی اصلاحات کمیٹی سے متعلق مولانا فضل الرحمان نے خدشات کا اظہار کیا ہے اور مولانا فضل الرحمان کا ن لیگ سے شدید احتجاج بھی کیا ہے جواگلے آنے والے دنوں میں پی ڈی ایم کی ٹوٹ بٹوٹ کا سبب بنے گی