Author: +9251

ونائیٹڈ ورکرز یونین بلدیہ شرقی کے صدر گل اسلام نے کہا ہے کہ کچھ عرصے سے تمام یونینز سے نکالے گئے مسترد کردہ نام نہاد مزدور رہنما سندھ سولڈ ویسٹ مینجمنٹ بورڈ کی انتظامیہ کو گمراہ کرکے فوٹوسیشن کے ذریعے ملازمین کو بے وقوف بنارہے ہیں۔
میونسپل ورکرز ٹریڈ یونینز الائنس کراچی کے بلدیاتی اداروں کی رجسٹرڈ یونینز لا واحد متفقہ اور مشترکہ اتحاد ہے جس میں تمام مکتبہ فکر سے تعلق رکھنے والے اعلیٰ تعلیم یافتہ اور تجربے کار لیڈران شامل ہیں جو کہ بلدیاتی اداروں کی ملک بھر میں پہچان ہیں ایسے تمام محنت کشوں کے نام پر اپنی لیڈری چمکانے والے لیڈران کا جلد محاسبہ ہوگا۔

جو خود جولی بھرتی اور جعلی پروموشن حاصل کرکے اپنے آپ کو بچانے کیلئے لیڈری کررہے ہیں وہ اپنا قبلہ درست کرلیں اور اپنی یونینز رجسٹرڈ کرکے قانونی طور پر ملازمین کی عملی خدمت کیلئے میدان میں ہیں نام نہاد لیڈران کو نہ پہلے تسلیم کیا ہے اور نہ ہی آئندہ کریں گے۔

کراچی کے علاقے بن قاسم ٹائون میں دوست نے موبائل فون کے لیے دوست کو قتل کر دیا تھا۔واقعہ 16ستمبر کو پیش آیا۔ پولیس نے دعوی کیا ہے ملزم کو گرفتار کرکے اس کے قبضے سے مقتول کا موبائل فون اور دیگر کاغذات برآمد کرلئے گئے ہیں۔پولیس حکام کے مطابق نوجوان کو سر پر وزنی چیز کے وار کرکے قتل کیا گیا تھا۔
ذرائع کے مطابق ملزم نے اپنے دوست سی26 ہزار میں موبائل خریدا اور8 ہزار کی ادائیگی کی تھی۔پولیس کے مطابق دوست مسلسل رقم کا تقاضا کر رہا تھا کہ، پیسے واپس دو یا موبائل واپس کرو۔ ملزم نے اپنے دوست کے سر پر بھاری چیز سے وار کیا، جس سے اس کی موت واقع ہوگئی۔ایس ایس پی ملیرعرفان بہادر نے بتایا کہ 16 ستمبر 2021 کو بیس سالہ گل محمد ولد شاہد علی کو سر پر وار کر کے قتل کیا گیا تھا۔
مقتول کے ورثا نے قتل کا مقدمہ نمبر 397/2021 نامعلوم ملزم/ملزمان کیخلاف درج کرایا تھا۔ پولیس نے قتل کے واقعے کی ٹیکنیکل بنیادوں پر تحقیقات کرتے ہوئے قاتل کو گرفتار کیا۔گرفتار ملزم محمد اعجاز سے مقتول گل محمد کا موبائل فون برآمد کرلیا گیا ہے۔ قاتل مقتول کا دوست تھا اور محض چند ہزار کے موبائل کیلئے قتل کرنے کا اعتراف کیا۔پولیس کی جانب سے ضابطے کی کارروائی کی جا رہی ہے۔ گرفتار ملزم کو مزید پوچھ گچھ کیلئے تفتیشی حکام کے حوالے کر دیا گیا ہے۔

آرٹس کونسل آف پاکستان کراچی کی جانب سے پاکستان کے معروف قوال مقبول صابری کی دسویں برسی کے موقع پر انہیں خراجِ عقیدت پیش کرنے کے لئے قوالی نائٹ کا اہتمام کیا گیا ،قوالی نائٹ میں مقبول صابری کے صاحبزادے شمائل صابری نے اپنی خصوصی پرفارمنس سے والد کی قوالیاں گاکر انہیں خراجِ عقیدت پیش کیا ، پروگرام میں مقبول صابری اور غلام فرید صابری دونوں قوالوں کے اہلِ خانہ موجود تھے، اس موقع پر صدر آرٹس کونسل محمد احمد شاہ نے اپنے خیالات کا اظہار کرتے ہوئے کہا کہ مقبول صابری بڑے انسان تھے ،وہ کلاسیکل موسیقی کے بہترین فنکار تھے ، مقبول صابری اور غلام فرید صابری دونوں بھائیوں نے فنِ قوالی کو جو شہرت بخشی دنیا میں اس کی نظیر نہیں ملتی ، شمائل صابری اپنے اجداد کے فن کو لے کر آگے چل رہا ہے ، دعا ہے کہ اللہ شمائل صابری کو اپنے باپ دادا کے نقشِ قدم پر چلنے والا بنائے اور اسے بھی وہی شہرت نصیب ہو جو انہیں نصیب ہوئی ، محمد احمد شاہ نے مزید کہا کہ آرٹس کونسل کراچی کی سپورٹ ہمیشہ آپ کے ساتھ ہے ، ہمیں یہ دیکھ کر بہت اچھا لگ رہا ہے کہ دونوں بھائیوں کی اُولادیں ایک ساتھ ہیں ، اپنے خیالات کا اظہار کرتے ہوئے شمائل صابری نے کہا کہ آرٹس کونسل کا بے حد مشکور ہوں ،میں کوشش کر رہا ہوں کہ اپنے خاندان کا نام آگے لے کر چلوں ،شمائل صابری نے مقبول صابری کی مشہور ِزمانہ قوالیاں پیش کیں جسے سن کر حاضرین ِ محفل جھوم اُٹھے ،قوالی نائٹ میں شہریوں کی بڑی تعداد شریک تھی۔

کراچی میں یونیورسٹی روڈ پر مشہور ریسٹورنٹ میں آگ لگ گئی، فائر بریگیڈ کی 2 گاڑیوں کی مدد سے آگ بجھا دی گئی ۔
فائر بریگیڈ حکام کے مطابق بیت المکرم کے قریب 4 منزلہ رہائشی عمارت کے گرائونڈ فلور پر واقع ریسٹورنٹ میں آگ لگ گئی، آگ کے باعث رہائشی عمارت میں واقع فلیٹ کے مکین باہر نکل آئے۔فائر بریگیڈ کی 2 گاڑیوں نے پہنچ کر آگ بجھانا شروع کی، آگ لگنے کے وقت ریسٹورنٹ بند تھا جس کے باعث کوئی جانی نقصان نہیں ہوا اور کچھ دیر بعد آگ پر قابو پا لیا گیا۔ عینی شاہدین کے مطابق سلینڈر پھٹنے کی وجہ سے واقعہ پیش آیا ریسٹورنٹ مکمل طور پر جل کر خاکستر ہوگیا ۔

کراچی میں جعلی پولیس مقابلے میں نوجوان کو قتل کرنے والے پولیس آفیسرز انجام کو پہنچ گئے، عدالت نے ایس ایچ او سمیت 3 ملزمان کو سخت ترین سزا سنا دی- تفصیلات کے مطابق کراچی کی انسداد دہشت گردی کی عدالت نے جعلی مقابلے میں نوجوان کی ہلاکت کا جرم ثابت ہونے پر ایس ایچ او سمیت تین ملزمان کو سزا سنادی۔
نجی ٹی وی کے مطابق کراچی کی انسداد دہشت گردی عدالت میں گلشن معمار میں جعلی مقابلے میں نوجوانوں کی ہلاکت کے کیس کی سماعت ہوئی۔ عدالت نے نوجوان کے قتل کا جرم ثابت ہونے پر سابق ایس ایچ او سمیت تین ملزمان کو عمر قید کی سزا سنادی، عدالت نے ملزمان پر ایک، ایک لاکھ روپے جرمانہ بھی عائد کیا۔ استغاثہ کے مطابق 2017 میں پولیس نے ناکے پر 2 موٹر سائیکل پر سوار چار شہریوں کو روکا تھا کاغذات نہ ہونے پر پولیس نے اشرف، علی اکبر کو روکا ساتھی کاغذات لے کر واپس آئے تو اشرف اور علی اکبر موجود نہیں تھے ۔
استغاثہ کے مطابق بعدازاں معلوم ہوا کہ پولیس نے اشرف کو جعلی مقابلے میں مار دیا جبکہ علی اکبر زخمی ہوگیا تھا۔ عدالت نے جرم ثابت ہونے پر سابق ایس ایچ او سمیت تین ملزمان کو عمر قید کی سزا سنائی اور ایک، ایک لاکھ روپے جرمانہ بھی عائد کیا۔ واضح رہے کہ رواں سال کے آغاز میں بھی کراچی میں ایک ایسا ہی دل دہلا دینے والا واقعہ پیش آیا تھا، کراچی کے علاقے سائٹ ایریا حبیب چورنگی کے قریب مبینہ پولیس مقابلے میں نوجوان ہلاک ہوگیا تھا، مقتول سلطان نذیر کے اہلخانہ نے مقابلے کو جعلی قرار دیا ہے، لواحقین کے احتجاج کے دوران ایس ایچ او سائٹ اے محمد ایاز تھانے سے فرار ہوگئے۔
لواحقین کا کہنا ہے کہ مقتول سلطان نذیر بی کام پرائیویٹ کا طالب علم تھا، وہ گزشتہ روز سائٹ ایریا میں رشتے دار کے سوئم سے واپس گھر جارہا تھا۔ مقتول کے لواحقین کا کہنا ہے کہ سلطان نے گارڈن میں گھر جانے کے لیے آن لائن موٹر سائیکل بک کروائی تھی، مقتول کو کزن نے آن لائن سروس سے موٹر سائیکل بک کروا کر دی، وہ دیر رات تک گھر نہ پہنچا تو کزن نے آن لائن سروس سے رابطہ کیا، موٹر سائیکل رائیڈر نے اطلاع دی کہ فائرنگ کا واقعہ ہوا اور میں فرار ہوگیا۔
سلطان کے اہلخانہ کے مطابق رائڈر کی اطلاع پر سائٹ اے تھانے پہنچے تو پولیس نے مقابلہ ظاہر کیا، اسے موٹر سائیکل چلانا نہیں آتی تھی، وہ بی کام کرنے کے بعد صدر میں گارمنٹس کی دکان چلاتا تھا اور اس نے گزشتہ دنوں ہی کاروبار ختم کیا تھا، سلطان کا ایک بھائی لاہور، والدین ، دو بہنیں ، چھوٹا بھائی ہنزہ میں رہتے ہیں۔ مقتول کے لواحقین نے بتایا کہ اعلیٰ افسران نے ایس اپی بلدیہ کو تحقیقاتی افسر مقرر کیا ہے، ہمارا مطالبہ ہے کہ پولیس کی تحقیقاتی کمیٹی میں ہمارے عمائدین کو بھی شامل کیا جائے۔ لواحقین کا کہنا ہے کہ ملوث پولیس اہلکاروں کو گرفتار نہ کیا گیا تو احتجاج کا دائرہ وسیع کریں گے۔

شہر قائد کے ایک متنازعہ پولیس افسر کے پُر اسرار طور پر لا پتہ ہونے کی اطلاعات ہیں۔ تفصیلات کے مطابق سچل تھانے کے سابق ایس ایچ او انسپکٹر ہارون کورائی پراسرار طور پر لاپتہ ہوگئے ۔ پولیس افسر کے اہل خانہ نے دعویٰ کیا کہ سادہ لباس میں ملبوس افراد انہیں اپنے ہمراہ لے گئے۔ پولیس حکام نے بتایا کہ پولیس افسر کے پُر اسرار طور پر غائب ہونے کا واقعہ منگل کی شب تقریباً 9 بجے پیش آیا لیکن اہل خانہ نے پولیس کو منگل اور بدھ کی درمیانی شب تقریباً ڈھائی بجے مطلع کیا۔
پولیس نے واقعہ کی تحقیقات کا آغاز کردیا ہے۔ ذرائع کے مطابق ہارون کورائی کو حال ہی میں معطل کیا گیا تھا جبکہ ان کے خلاف کئی تحقیقات بھی جاری تھیں اور وہ انتہائی متنازع کردار کے حامل ہیں۔
میڈیا رپورٹ کے مطابق سندھ پولیس کے بااثر افسران میں شمار ہونے والے اور انتہائی متنازع کردار کے حامل سچل تھانے کے سابق ایس ایچ او انسپکٹر ہارون کورائی سچل کے ہی علاقے میں قائم سعدی ٹائون کے رہائشی ہیں ، ان کے بیٹے عامر نے دعویٰ کیا ہے کہ کچھ گاڑیاں پولیس موبائلوں کے ہمراہ آئیں جن میں سادہ لباس افراد سوار تھے اور وہ لوگ ان کے والد ہارون کورائی کو اپنے ہمراہ لے گئے ۔

ان کے بیٹے عامر نے پولیس مددگار ہیلپ لائن ون فائیو پر ٹیلی فون کال کی اور بتایا کہ ان کے والد کو نامعلوم افراد لے گئے ، ون فائیو کی اطلاع پر ایس ایچ او اور دیگر پولیس افسران ان کے گھر گئے اور واقعے سے متعلق تفصیلات حاصل کیں ، ایک سوال کے جواب میں اورنگ زیب خٹک نے بتایا کہ رات نو بجے سے اور ڈھائی بجے تک پولیس کو مطلع نہ کرنے پر اہل خانہ نے بتایا کہ وہ انتظار کررہے تھے کہ شاید ان کے والد واپس آجائیں لیکن جب وہ واپس نہیں آئے تو پولیس حکام کو آگاہ کیا گیا۔
ایکسپریس ٹربیون کے مطابق ہارون کورائی کراچی پولیس کے ان چند افسران میں سے ہیں جو کہ انتہائی متنازع کردار کے حامل ہیں لیکن بااثر ہونے کی بنیاد پر وہ اپنے خلاف نہ صرف تحقیقات رکوانے میں کامیاب ہوجاتے تھے بلکہ بطور ایس ایچ او پوسٹنگ بھی حاصل کرلیا کرتے تھے ، انہیں چند روز قبل ہی ایس ایچ او سچل کے عہدے سے ہٹا کر معطل کیا گیا تھا ، ان کے خلاف کئی تحقیقات جاری تھیں ، ان پر ٹارچر سیل میں شہریوں کو تشدد کرنے ، زمینوں پر قبضے اور منشیات فروشی سمیت دیگر کئی سنگین جرائم میں ملوث ہونے کے الزامات ہیں ۔
گذشتہ ماہ ہارون کورائی نے مبینہ طور پر دو خواتین کے گھر پر چھاپہ مار کر 47 لاکھ روپے کی ڈکیتی کی تھی، اور خواتین کے خلاف منشیات فروشی کا جھوٹا مقدمہ درج کرکے جیل بھجوادیا تھا، جس پر انہیں عہدے سے ہٹایا گیا تھا۔ ہارون کورائی سچل تھانے کے علاوہ پی آئی بی کالونی ، لانڈھی اور اسٹیل ٹائون سمیت کئی تھانوں میں بطور ایس ایچ او تعینات رہ چکے ہیں۔