Author: +9251

سٹی ڈسٹرکٹ پولیس نے حساس اداروں کےہمراہ اہم کارروائی کرتے ہوئے بین الاقوامی دہشت گرد گروہ کے3 ہائی پروفائل ٹارگٹ کلرز کو گرفتار کرلیا، ملزمان سیکیورٹی اہلکاروں کی ٹارگٹ کلنگ کی پلاننگ کررہے تھے۔

تفصیلات کے مطابق کراچی میں سٹی ڈسٹرکٹ پولیس نے حساس اداروں کے ہمراہ اہم کارروائی کی اور کارروائی کے دوران بین الاقوامی دہشت گرد گروہ کے3 ہائی پروفائل ٹارگٹ کلرز کو گرفتار کرلیا۔

ایس ایس پی سٹی سرفرازنواز نے بتایا ہے کہ گرفتارملزمان خصوصی تربیت یافتہ ہیں، ملزمان سیکیورٹی اہلکاروں کی کی ٹارگٹ کلنگ کی پلاننگ کررہے تھے۔

ایس ایس پی سٹی کا کہنا تھا کہ گرفتارملزمان میں نوازافغانی،امیرنوازعرف مینادار،محمدخان شامل ہیں ، کارروائی میں ملزمان سے ایک ہینڈ گرنیڈ،2پستول اور2 کلوچرس بھی برآمد کرلی گئی ہے جبکہ ملزمان سےلاانفورسمنٹ ایجنسیز سےمتعلق ڈیٹا بھی برآمد ہوا ہے۔

سرفرازنواز نے بتایا کہ گروہ کی فنڈنگ،ٹارگٹ سےمتعلق معلومات بیرون ملک سے دی جاتی تھیں، سہولتکاروں کی گرفتاری کیلئے شہر میں چھاپے مارے جا رہے ہیں، گرفتار ملزمان منشیات فروشی میں بھی ملوث ہیں۔

ایس ایس پی ایسٹ کے مطابق ملزمان سے ملنے والااسلحہ فارنزک کیلئے روانہ کردیا گیا ہے اور ملزمان کے خلاف مقدمات درج کرکے مزید تفتیش جاری ہے۔

میڈیکل کالج میں ہونے والے داخلہ فہرستوں میں مسلسل دوسرے سال بھی مبینہ بے ضابطگیوں ،کمراہ امتحان میں انتظامیہ کی مشکوک سرگرمیوں کیخلاف سیکڑوں طلباء وطالبات کراچی پریس کلب کے باہراحتجاجی مظاہرہ کیا گیا،مظاہرین نے پی ایم سی فہرست کے طریقہ کاراوردیگربے ضابطگیوں کڑی تنقیدکرتے ہوئے طلباء و طالبات کاکہنا تھا کہ ٹیسٹ دوبارہ لیے جائیں ،اس موقع پرمظاہرین طلباء نے پی ایم سی انتظامیہ نامنظورکے نعرے اورانصاف دوانصاف دوکے نعرے لگائے ،مظاہرے میں شامل ایک طالبہ نے نوائے وقت سے خصوصی گفتگوکرتے ہوئے کہاکہ دوران امتحان پی ایم سی انتظامیہ کی مشکوک سرگرمیاں سامنے آئی ہیں ،انہوں نے انکشاف کیا کہ منظور نظر امدیدواروں کونقل کیلئے مواد فراہم کیا جا رہا ہے،دوران امتحان وائی فائی بند کر دیا جاتا ہے، مظاہرین نے انکشاف کیاکہ بعض منظور نظر طلباء اورطالبات کوالگ کمرہ امتحان میں بٹھاکرٹیسٹ لیے جارہے ہیں جوسراسردیگرطلباء کے ساتھ زیادتی ہے،انہوں نے کہاکہ ہمارے احتجاج کرنے پرکمرہ امتحان میں موجودانتظامیہ طلبہ کوکہتی ہے کہ ہم آپ کوجوابدہ نہیں ہیں آپ کے پاس ہمارے کوئی ثبوت ہیں توشوق سے عدالت جائیں مظاہرین نے انتباہ دیتے ہوئے کہاک ہمیں انصاف کیلئے عدالتوں کادروازہ بھی کھٹکھٹاناپڑاتواس سے دریغ نہیں کریں گے انہوں نے کہاکہ ہمیں پی ایم سی کے تحت ہونے والے ان ٹیسٹوں پرتحفظات ہیں ،ٹیسٹ منسوخ کرکے ازسرنوٹیسٹ منعقدکیے جائیں تاکہ میرٹ کے تقاضے پورے ہوسکیں

امیرجماعت اسلامی کراچی حافظ نعیم الرحمن نے سندھ حکومت کی جانب سے کے الیکٹرک کے بلوں میں کے ایم سی کے کنزروینسی ٹیکس کی وصولی کی کوششوں کی شدید مذمت کرتے ہوئے کہا ہے کہ اہل کراچی بجلی کے بلوں میں بلدیاتی ٹیکس وصولی کے فیصلے کو ہرگز قبول نہیں کریں گے،بجلی کے بلوں میں بلدیاتی ٹیکس کی زبردستی وصولی عوام کے ساتھ ظلم و زیادتی ہے،جماعت اسلامی اس کراچی دشمن فیصلے کے خلاف بھرپور احتجاج اور مزاحمت کرے گی اور اگر سندھ حکومت اپنی من مانی کرنے سے باز نہ آئی تو جماعت اسلامی مشاورت کے بعد بہت جلد اس کے خلاف لائحہ عمل کا اعلان کرے گی جس میں اہل کراچی سے بجلی کے بل ادا نہ کرنے کے حوالے سے اپیل بھی کی جائے گی۔
حافظ نعیم الرحمن نے کہاکہ سندھ حکومت اور ایڈمنسٹریٹر کراچی کی جانب سے بار بار وفاقی حکومت کی رضا مندی کی بات کی جارہی ہے اس لیے ضروری ہے کہ وفاقی حکومت بھی فی الفور اس حوالے سے اپنی پوزیشن واضح کرے تاکہ عوام کو معلوم ہو کہ وفاقی حکومت کی اصل پالیسی کیا ہے یاکہیں اندر سے وفاقی وصوبائی حکومتیں اہل کراچی کے خلاف ملی ہوئی تو نہیں ہیں۔
حافظ نعیم الرحمن نے کہاکہ مہنگائی میں مسلسل اضافے نے عوام کی زندگی پہلے ہی اجیرن بناکر رکھ دی ہے ان حالات میں ان پر مزید ٹیکس کا بوجھ ان کے مسائل اور مشکلات میں اضافے کا باعث بنے گا۔ ایڈمنسٹریٹر کراچی کے مطابق بجلی کے بل میں 200روپے شامل کیے جائیں گے جو ماہانہ 60کروڑ روپے اور سالانہ 7ارب روپے بنیں گے اس طرح کراچی کے عوام سے سالانہ 7ارب روپے زبردستی وصول کرنے کی کوشش اور تیاریاں کی جارہی ہیں اور بہت سے گھرانوں اور مکانوں میں ایک سے زائد میٹر لگے ہیں تو اس طرح تو ان گھرانوں کو بلا وجہ اضافی رقم ادا کرنی پڑے گی۔
3کروڑ سے زائد عوام کے جائز اور قانونی حق اور مسائل کے حل کے لیے مسلسل آواز بلند کی جارہی ہے،جماعت اسلامی سندھ حکومت کے اس کراچی دشمن فیصلے کے خلاف بھی عوام کی مؤثر اور توانا آواز بنے گی اور عوامی احساسات و جذبات کی ترجمانی کرے گی۔

جماعت اسلامی کے تحت 4 ستمبر ’’عالمی یوم حجاب ‘‘کی اہمیت کے پیش نظر شہر بھر کے مختلف مقامات پر ماہ ستمبر میں ’’تہذیب ہے حجاب‘‘کے عنوان سے بڑے پیمانے پر سرگرمیاں جاری ہیں،اس سلسلے میں کراچی کے تمام اضلاع میں نوجوان بچیوں،معاشرے کے مؤثرطبقات ، اساتذہ،وکلاء صحافیات،ادیبوں ،ڈاکٹروں،پروفیشنلز اور شوبزسے تعلق رکھنے والی خواتین سے خصوصی طور پر رابطے اور ملاقاتیں کی جارہی ہیں۔
سلوگن کے تحت بڑے پروگرامات اور ورکشاپ کا انعقاد کیا جارہا ہے۔سوشل میڈیا پر ویڈیوز و دیگر ذرائع سے قرآن کے پیغام کو عام کیا جارہا ہے۔ ان سرگرمیوں کے ذریعے واضح کیا گیا ہے کہ حجاب محض ایک کپڑے کے ٹکڑے کا نام نہیں بلکہ حجاب ایک مکمل تہذیب ہے جس سے معاشرے میں توازن اور استحکام قائم ہوتا ہے اور ترقی کے راستے کھلتے ہیں۔