Author: +9251

ابوظہبی :پاکستانی کھلاڑیوں نے جو جٹسو ایشیائی یونین (جے جے اے یو) کے زیراہتمام ابوظہبی-متحدہ عرب امارات میں 13-16 ستمبر 2021 کو منعقد ہونے والی 5 ویں ایشیائی جو جٹسو چیمپئن شپ 2021 کے دوران 8 کانسی کے تمغے جیت کر اپنی صلاحیتوں کا مظاہرہ کیا ہے۔ اس میگا ایونٹ میں 18 ممالک سے کل 468 انٹریز ھوئیں جبکہ پاکستان نے فنڈز کی کمی کی وجہ سے صرف 8 کھلاڑیوں کو میدان میں اتارا

یہ قابل ذکر ہے کہ ملک میں حکومت کی جانب سے کورونا پابندیوں کے باوجود پاکستان میں کوئی تربیت یا تقریب منعقد نہیں کی گئی کیونکہ حکومت نے گزشتہ دو سالوں سے وائرس کے پھیلاؤ کو روکنے کے لیے تمام اندرونی قریبی رابطہ کھیلوں پر پابندی عائد کر رکھی ہے۔ دوسری طرف ، دوسرے ممالک کے شرکاء اس ایونٹ کے لیے مسلسل تربیتی سیشن میں رہے ہیں۔ اس کے باوجود ، پاکستان نے جوڑی مین ، ویمن ، مکسڈ اینڈ شو مین ، ویمن اور مکسڈ کیٹیگریز میں 8 کانسی کے تمغے حاصل کیے ہیں۔

محمد عمار اور ابو ہریرہ نے شو مین کیٹیگری میں دلاور خان سنن اور محمد علی راشد کے ساتھ کانسی کا تمغہ جیتا جنہوں نے جوڑی کے زمرے میں ایک اور کانسی کا تمغہ بھی جیتا۔ جبکہ اسرا وسیم اور کائنات عارف نے جوڑی خواتین کے ساتھ ساتھ شو ویمن کیٹیگری میں کانسی کا تمغہ جیتا۔ ابو ہریرہ اور کائنات عارف نے شو مکسڈ میں دلاور خان سنن اور اسرا وسیم کے ساتھ کانسی کا تمغہ جیتا جنہوں نے جوڑی مکسڈ کیٹیگری میں بھی کانسی کا تمغہ جیتا۔

پاکستان جو جیتسو فیڈریشن نے ہمارے باصلاحیت کھلاڑیوں کی اس کامیابی پر دل کی گہرائیوں سے مبارکباد پیش کی ہے ، جنہوں نے ہر بین الاقوامی فورم پر ہمیشہ ہماری مادر وطن کا سر فخر سے بلند کیا ہے۔ "اللہ تعالی کے فضل سے ، ہمارے کھلاڑیوں نے یہ تمغے جیتے ہیں۔ ان کی محنت اور سرشار تربیت کا نتیجہ نکلا ہے۔ اگرچہ ، کوویڈ پابندیوں کی وجہ سے کوئی قومی ایونٹ منعقد نہیں ہو سکا ، اور یہاں تک کہ ایک کھلاڑی ایونٹ سے صرف دو دن پہلے کوویڈ 19 میں مبتلا ہوا۔

انہوں نے اپنی صلاحیتوں کو ثابت کیا ہے اور یہ تمغے جیتے ہیں۔ انہوں نے پی جے جے ایف کے ایسوسی ایٹ سیکرٹری جناب طارق علی کی محنت اور عزم کو بھی سراہا جنہوں نے ٹیم کی رہنمائی کی اور ان کی تربیتی صلاحیتوں کو بڑھایا۔ انہوں نے مزید کہا کہ پاکستان سپورٹس بورڈ کے ایگزیکٹو بورڈ نے تین سال قبل پاکستان جو جیتسو فیڈریشن کے لیے غیر ملکی کوچ کی خدمات حاصل کرنے کی منظوری دی تھی جو ابھی تک فراہم نہیں کی گئی ہے تاہم مناسب انفراسٹرکچر اور فنڈز کی عدم دستیابی کے باوجود ہمارے کھلاڑی نے ہمیں ایک بار پھر فخر کیا ہے۔ پاکستانی کھلاڑیوں نے ان زمروں میں اپنے تمام ہندوستانی حریفوں کو پیچھے چھوڑ دیا اور شکست دی۔

ہندوستان نے چیمپئن شپ میں 82 اندراجات کیے تھے جبکہ قازقستان اور تھائی لینڈ نے 64 اور 59 اندراجات کیے تھے۔ یہ بتانے کی ضرورت نہیں کہ تھائی لینڈ اگلے ایشین انڈور اینڈ مارشل آرٹس گیمز 2022 کا میزبان ہے جبکہ چین ایشین بیچ گیمز اور ایشین گیمز 2022 کا میزبان ہے۔ دوسری طرف ، پاکستان جس نے 2006 سے 2014 تک ایشین چیمپئن کے طور پر غلبہ حاصل کیا ، سہولیات کی کمی یا مالی مدد کے باوجود ، وہ اب بھی ہر ایونٹ میں تمغے لے کر آرہا ہے جہاں وہ شرکت کرتا ہے جو کہ ناقابل یقین ہے۔ یہاں یہ بات بھی قابل ذکر ہے کہ صرف دو دن پہلے پاکستان جونیئر جو-جیتسو ٹیم نے جو-جیتسو انٹرنیشنل فیڈریشن کے تحت ورلڈ جو-جیتسو ای ٹورنامنٹ میں شرکت کی اور عملی طور پر منعقد ہوئی اور 7 گولڈ اور 2 سلور میڈلز حاصل کیے اور مجموعی طور پر دوسری پوزیشن حاصل کی کیونکہ پاکستان کی صرف 9 ٹیمیں مجموعی طور پر 64 کے مقابلے میں حصہ لیا۔

کھیلوں کا حلقہ درخواست کرتا ہے کہ ایسے کھیل اور کھلاڑی جو ہماری قوم کے لیے تمغے اور کارنامے لے کر آئے ہیں ان کی حوصلہ افزائی اور نمایاں ہونا ضروری ہے۔ اگر اچھی سہولیات اور انفراسٹرکچر فراہم کیا جائے تو یہ کھلاڑی پاکستان کو تمغے کے مقام پر سرفہرست مقام پر لے جا سکتے ہیں

لاہور:سیکرٹری یوتھ افیئرز اینڈ سپورٹس پنجاب فواد ہاشم ربانی سے اہم شخصیت کی ملاقات ،اطلاعات کے مطابق سیکرٹری یوتھ افیئرز اینڈ سپورٹس پنجاب فواد ہاشم ربانی سے ڈی جی پراجیکٹس پنجاب پرائیویٹ پبلک پارٹنر شپ اتھارٹی نے ملاقات کی ہے

تفصیلات کے مطابق 16ستمبر2021ء۔ سیکرٹری یوتھ افیئرز اینڈ سپورٹس پنجاب فواد ہاشم ربانی سے ڈائریکٹر جنرل پراجیکٹس پنجاب پرائیویٹ پبلک پارٹنر شپ اتھارٹی محمد دانش اور ڈپٹی ڈائریکٹر جنرل پراجیکٹس پنجاب پرائیویٹ پبلک پارٹنر شپ اتھارٹی محمد منصور نے بدھ کے روز پنجاب سٹیڈیم میں ملاقات کی،

ملاقات میں نشتر پارک سپورٹس کمپلیکس میں بین الاقوامی معیار کے 5سٹار ہوٹل سے متعلق امور پر بات چیت کی گئی، وفد سے گفتگو کرتے ہوئے سیکرٹری یوتھ افیئرز اینڈ سپورٹس پنجاب فواد ہاشم ربانی نے کہا ہے کہ نشتر پارک سپورٹس کمپلیکس میں فائیوسٹار ہوٹل کی تعمیر سے پنجاب میں سپورٹس کلچر کو فروغ ملے گا،

ان کا کہنا تھا کہ فائیوسٹار ہوٹل نجی شعبہ کے تعاون سے تعمیر کیا جائے گا جس میں بین الاقوامی معیار کی سہولیات فراہم کی جائیں گی، سپورٹس ایرینا میں فائیوسٹار ہوٹل تعمیر ہونے پر ملکی اورغیرملکی ٹیموں کو یہاں ٹھہرایا جائے گا جس سے سپورٹس ایونٹس کی سکیورٹی اور ٹریفک کے مسائل حل ہوں گے۔

سیکرٹری یوتھ افیئرز اینڈ سپورٹس پنجاب فواد ہاشم ربانی سے ڈائریکٹر جنرل پراجیکٹس پنجاب پرائیویٹ پبلک پارٹنر شپ اتھارٹی محمد دانش اور ڈپٹی ڈائریکٹر جنرل پراجیکٹس پنجاب پرائیویٹ پبلک پارٹنر شپ اتھارٹی محمد منصور نے ڈپٹی ڈائریکٹر پلاننگ رؤف باجوہ کے ہمراہ نشتر پارک سپورٹس کمپلیکس کا دورہ کیا اور فائیوسٹار ہوٹل کی تعمیر کے لئے جگہ کا جائزہ لیا۔

اسلام آباد:قومی اسمبلی کا اجلاس کل صبح 11 بجے ،اہم معاملات پرہوگی بحث ،اطلاعات کے مطابق قومی اسمبلی سیکرٹریٹ کی طرف سے 22 نکاتی ایجنڈا جاری کردیا گیا،

اسمبلی سیکرٹریٹ کےمطابق کل کے اجلاس میں وزارت صنعت و پیداوار کے ماتحت اداروں کی ناقص کارکردگی بارے توجہ ولاو نوٹس اورحکومت کی طرف سے الیکشن ترمیمی بل2021 کو منظوری کے لئے مشترکہ اجلاس میں بھیجنے کی تحریک پیش کی جائے گی،

اس کے علاوہ الیکشن دوسرے ترمیمی بل2021 کو بھی سینٹ سے پاس نہ ہونے کی وجہ سے مشترکہ اجلاس بھیجنے کی تحریک پیش کی جائے گی،ادھر ذرائع کے مطابق فیڈرل گورنمنٹ پراپرٹیز منیجمنٹ اتھارٹی آرڈیننس ایوان کے سامنے پیش کیا جائے گا،

یہ بھی معلوم ہوا ہے کہ پاکستان بیت المال ترمیمی بل2021 منظوری کے لئے پیش کیا جائے گا،اس کے علاوہ متروکہ وقف املاک منیجمنٹ اینڈ ڈسپوزل ایکٹ 1975 میں ترمیم کا بل بھی پیش کیا جائے گا،جبکہ گورنمنٹ سیونگز بنک ترمیمی بل ہر قائمہ کمیٹی فنانس کی رپورٹ پیش کی جائے گی،

ذرائع کے مطابق پوسٹ آفس نیشنل سیونگز سرٹیفیکیٹ ترمیمی بل2021 پر قائمہ کمیٹی فنانس کی رپورٹ پیش کی جائے گی، وفاقی وزیر قانون دستور پاکستان کے آرٹیکل48 میں ترمیم کا بل پیش کریں گے،ہائیر ایجوکیشن ترمیمی بل21 بھی قانون سازی کے لئے پیش کیا جائے گا،اس کے ساتھ ساتھ وزیر خزانہ آڈیٹر جنرل کی 2020-21 کی آڈٹ رپورٹ ایوان میں پیش کریں گے

کراچی : زکریا ایکسپریس کوحادثہ: ایک بوگی پٹری سے اترگئی ،اطلاعات کے مطابق کراچی سے ملتان روانگی کے لیے تیار بہاؤالدین زکریا ایکسپریس کے پاور پلانٹ پر مشتمل بوگی پٹری سے اتر گئی۔

ریلوے ذرائع کے مطابق کراچی کینٹ ریلوے اسٹیشن کے پلیٹ فارم نمبر ایک سے بہاؤالدین زکریا ایکسپریس کو ملتان کے لیے روانہ کیا جانا تھا، ٹرین پلیٹ فارم نمبر ایک پر پہنچ رہی تھی کہ اس دوران پاور پلانٹ پر مشتمل بوگی پٹری سے اتر گئی۔

ریلوے حکام کے مطابق اس حادثے میں کسی جانی نقصان کی اطلاع نہیں ملی تاہم حادثے کی وجہ سے ٹرین کی روانگی میں تاخیر ہوئی۔ریلوے ذرائع کے مطابق اس حادثے کی وجہ سے کراچی سے ٹرینوں کی ملک گیر روانگی متاثر نہیں ہوئی۔

لاہور:ن لیگ ،میم لیگ اورش لیگ:بیانیئے کی جنگ:شہبازشریف آج پھراجلاس میں نہ آئے،اطلاعات کے مطابق ، ن لیگ پراب عملا میم لیگ کا قبضہ ہے اورشاید یہی وہ وجہ ہےکہ ش لیگ کے سربراہ شہبازشریف جو کہ فی الحال ن لیگ کے صدرہیں‌آج پھرپارٹی کے اہم اجلاس سے غائب رہے،یہ بھی کہا جارہا ہے کہ شہبازشریف کودعوت ہی نہیں دی گئی

یہی وجہ ہے کہ ن لیگ میں بیانیے کی جنگ شدت اختیار کر گئی، پارٹی صدر شہباز شریف اور پنجاب میں اپوزیشن لیڈر حمزہ شہباز شریف پارٹی کے تنظیمی معاملات سے عدم دلچسپی لینے لگے۔

تفصیلات کے مطابق پاکستان مسلم لیگ بہاولپور ڈویژن کا اجلاس ہوا، اجلاس اڑھائی گھنٹے جاری رہا، اجلاس میں شہباز شریف اورحمزہ شہباز نے شرکت نہ کی۔ شہباز اور حمزہ ماڈل ٹاؤن میں موجود ہونے کے باوجود شرکت نہ کر سکے۔

ذرائع کے مطابق قائدمسلم لیگ ن نے اجلاس کے شرکا سے ورچوئل خطاب کیا۔ مسلم لیگ ن کی نائب صدر مریم نواز، سینئر رہنما احسن اقبال ، پرویز رشید ،رانا ثناء اللہ ، رانا تنویر، خرم دستگیر، ریاض پیرزادہ، سعود مجید سمیت دیگر رہنماؤں نے شرکت کی ۔

ذرائع کا کہنا ہے کہ پاکستان مسلم لیگ ن میں بیانیے کی جنگ شدت اختیار کر گئی، مفاہمتی اور مزاحمتی بیانیے کے باعث ڈویژنل عہدیداران بھی کنفیوژن کا شکار ہیں۔

ذرائع کا کہنا ہے کہ شہباز شریف اور حمزہ شہباز مسلسل 2 پارٹی اجلاسوں سے غائب رہے، مقامی ڈویژنل لیگی رہنماؤں میں تشویش کی لہر پیدا ہو گئی، شرکا ایک دوسرے سے شہباز شریف کی عدم شرکت کی وجوہات پوچھتے رہے۔

مسلم لیگ ن کے رہنما اویس لغاری نے شہازشریف کی عدم موجودگی کوآڑے ہاتھوں لیتےہوئے کہا کہ مسلم لیگ نون میں بائیکاٹ کی کوئی گنجائش نہیں، اگروہ آتے ہیں تو جی بسم اللہ اگرنہیں آتے توپھر بھی بسم اللہ پارٹی میں مریم نوازجیسی لیڈرہیں جو پارٹی کوچلا سکتی ہیں