Author: +9251

لاہور: کنٹونمنٹ بورڈز الیکشن:کہیں لڑائیاں تو کہیں فساد:کہیں ایجنٹس جارحیت پراترآئیں ،اطلاعات کے مطابق عام انتخابات کی طرف کنتونمنٹ بورڈ کے انتخابات بھی لرائیوں اورجھگڑوں‌ کی نذرہوگئے ہیں‌،

ادھر ملک بھرسے آنے والے واقعات اوراطلاعات کے مطابق ہرپارٹی دوسری پارٹی کو مات دینے کی کوشش میں‌تمام حدیں پارکرگئی ،

ادھر ملتان سے آمدہ اطلاعات میں کہا گیا ہےکہ کنٹونمنٹ بورڈز الیکشن کے دوران وارڈ نمبر 4کے پولنگ اسٹیشن پر جھگڑا ہوا، متحارب کارکنان ایک دورے الجھتے ہوئے گتھم گتھا ہو گئے۔ خواتین بھی پیچھے نہ رہیں جس سے پولنگ کا عمل متاثر ہوا۔

ملتان میں ہنگامہ آرائی پی ٹی آئی کی خواتین کارکنوں کی جانب سے پولنگ اسٹیشن کے اندر جانے کی کوشش پر ہوئی۔ دونوں جانب ن لیگ کی جنگجو خواتین نے لاتوں اور گھونسوں کا آزادانہ استعمال کیا۔

عورتوں کی لڑائی بھی ملتان کی تاریخ میں‌ یاد رکھی جائے گی مگرحسب روایت مرد ایک دوسرے سے گتھم گتھا ہوگئے ، پولنگ کا عمل متاثر ہوا تو پولیس حرکت میں آئی اور ہنگامہ آرائی کرنےوالوں کوباہرنکال دیا۔

راولپنڈی کے چکلالہ کینٹ وارڈ نمبر 7کے خواتین پولنگ اسٹیشن پر مسلم لیگ ن اور پی ٹی آئی کی خواتین کارکنوں میں تصادم ، الیکشن کا عمل متاثر ہوا ۔رتہ امرال میں تحریک لبیک اور تحریک انصاف کے کارکنوں میں بدمزگی اور ہاتھا پائی پر پولیس موقع پر پہنچ گئی اور ہجوم کو منتشر کر دیا۔

کراچی میں ریٹرننگ افسر کلفٹن کنٹونمنٹ بورڈ سلیم حسن وٹو نے کارروائی کرتے ہوئے وارڈ نمبر 4 سے 2جعلی پولنگ ایجنٹ گرفتار کر لئے جو بغیر دستاویزات کے وارڈ نمبر 4 خواتین کے پولنگ اسٹیشن کے اندر تھے، دونوں کا تعلق دو مختلف سیاسی جماعتوں سے بتایا جارہا ہے۔

سوات: صوبہ خیبر پختونخواہ کے ضلع سوات اور گرد و نواح میں زلزلے کے جھٹکے محسوس کیے گئے جس کے بعد لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے۔

تفصیلات کے مطابق صوبہ خیبر پختونخواہ کے ضلع سوات اور گرد و نواح میں زلزلے کے جھٹکے محسوس کیے گئے۔ زلزلہ پیما مرکز کے مطابق ریکٹر اسکیل پر زلزلے کی شدت 4.3 ریکارڈ کی گئی۔

زلزلہ پیما مرکز کا کہنا ہے کہ زلزلے کی گہرائی 143 کلو میٹر تھی اور مرکز کوہ ہندو کش کا پہاڑی علاقہ تھا۔

زلزلے کے جھٹکے محسوس ہونے کے بعد لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے۔ زلزلے کے نتیجے میں کسی قسم کے جانی یا مالی نقصان کی اطلاع موصول نہیں ہوئی ہے۔

اس سے قبل گزشتہ ماہ بھی سوات اور گرد و نواح میں زلزلے کے جھٹکے محسوس کیے گئے تھے، ریکٹر اسکیل پر زلزلے کی شدت 5.1 ریکارڈ کی گئی تھی۔

زلزلہ پیما مرکز کے مطابق زلزلے کی گہرائی 151 کلو میٹر اور مرکز کوہ ہندو کش کا پہاڑی سلسلہ تھا۔

دوسری طرف ضلع تورغر میں آسمانی بجلی گرنے سے تین گھر زمین بوس ہو گئے، ملبے تلے دب کر گیارہ افراد جاں بحق، 2 زخمی، تین افراد کی تلاش جاری ہے۔

ضلع تورغر میں طوفانی بارشوں نے تباہی مچادی، بارش کے دوران آسمانی بجلی گرنے سے تین گھر منہدم ہو گئے جس کے نتیجے میں 16 افراد ملبے تلے دب گئے۔مقامی افراد نے 11 لاشیں اور 2 زخمی ملبے سے نکال لیے ۔دیگر 3 افراد کی تلاش جاری ہے۔

وزیراعلیٰ خیبر پختونخوا نے ریسکیواورانتظامیہ کوفوری طور پر متاثرہ علاقےمیں پہنچنے کی ہدایت کی اور زخمیوں کو بہترین طبی سہولیات فراہم کرنے کے احکامات جاری کئے۔ وزیراعلیٰ نے متاثرہ خاندانوں سے دلی ہمدردی اورتعزیت کا اظہار کیا۔ ان کا کہنا تھا کہ متاثرہ خاندانوں کے غم میں برابرکےشریک ہیں۔

اسلام آباد:فافن کی ترمیمی بل میں خامیوں کی نشاندہی:انتخابی اصلاحات پر سیاسی اتفاق رائے کا مطالبہ،اطلاعات کے مطابق فری اینڈ فیئر الیکشن نیٹ ورک (فافن) کی طرف کہا گیا ہے کہ وسیع سطح پر سیاسی اتفاق رائے پیدا کیے بغیر الیکشنز ایکٹ 2017 میں ترمیم کرنے کی کوئی مساعی آمدہ انتخابات کی قانونی حیثیت پر سوال اٹھانے کے ساتھ ساتھ سیاسی عدم استحکام کا باعث بھی بن سکتی ہے، علاوہ ازیں اس پہلو کا امکان بھی ہے کہ جمہوری عمل کے استحکام کا عمل پٹڑی سے اتر جائے۔ انتخابی ترامیم پر حکومت اور اپوزیشن جماعتوں کے درمیان پیدا شدہ حالیہ تنازعہ پر فافن نے تشویش کا اظہار کیا ہے۔

بیان میں کہا گیا ہے کہ جمہوری روایات کے مطابق حکومت آئینی ترامیم اور انتخابی اصلاحات پر اتفاق رائے کو یقینی بناتی ہے۔ سیاسی گروہ بندی کے باوجود سیاسی جماعتوں نے تین سال کی بھر پور مشاورت کے بعد 2017 میں انتخابی اصلاحات پر کثیر جماعتی پارلیمانی کمیٹی کے زیر سایہ اتفاق رائے پیدا کر لیا تھا۔

حکومت کو ان روایات کو زندہ رکھتے ہوئے اہم انتخابی ترامیم پر آگے بڑھنا چاہیے۔ اگرچہ الیکشن( ترمیمی )بل 2020، انتخابی حلقہ بندیوں ،ووٹرز کی رجسٹریشن ، مخصوص نشستوں پر خواتین امیدواروں کی ترجیحی فہرست جمع کرانے کے طریقہ کار اور سیاسی جماعتوں کے قواعد و ضوابط میں بڑی تبدیلیوں کی تجاویز دیتا ہے لیکن عوامی حلقوں میں ساری بحث الیکشن (دوسرا ترمیمی ) بل2021 کے تحت الیکٹرانک ووٹنگ مشینوں کو متعارف کروانے اور بیرون ملک مقیم پاکستانی شہریوں کو ووٹنگ کے عمل پر ہے۔

فافن کا کہنا تھا کہ دونوں ترمیمی قوانین میں تجویز کی گئی تبدیلیاں انتخابی عمل پر دوررس نتائج مرتب کرنے کی اہل ہیں اور اس امر کا تقاضا کرتی ہیں کہ اِن پر تمام بڑی سیاسی جماعتیں گہرائی سے بحث کریں ، چاہے ان کی موجودہ پارلیمنٹ اور صوبائی اسمبلیوں میں نمائندگی ہو یا نہ ہو تاکہ ایک وسیع البنیاد اتفاقِ رائے پیدا ہو سکے۔ اس طرح کے اتفاق رائے کے حصول کی ذمہ داری وفاقی حکومت پر عائد ہوتی ہے۔ حکومت اور سیاسی جماعتیں سیاسی فیصلے کرنے کی ذمہ داری مبہم قانونی تبدیلیوں ذریعے الیکشن کمیشن کو منتقل نہ کریں۔ الیکشن کمیشن کو اس طرح کے تنازعات میں گھسیٹنے سے آمدہ انتخابات اور ان کے نتائج کی ساکھ کو نقصان پہنچے گا۔

فافن کا کہنا تھا کہ پارلیمنٹ کو الیکشن کمیشن کی استعداد بہتر بنانے اور اسے مالی وسائل فراہم کرنے کے لیے قانونی اقدامات کرنے چاہییں۔ آرٹیکل 218 (3) کے تحت دیے اپنے آئینی مینڈیٹ کے تحت آزادانہ رائے دینے پر الیکشن کمیشن پر غیر ضروری تنقید آئین کے عدم احترام کے مترادف ہے اور یہ عمل الیکشن ایکٹ 2017 کے سیکشن 10 کے دائرے میں آسکتا ہے۔جو بات خاص طورپر تشویش کی حامل ہے وہ الیکٹرانک ووٹنگ مشین کو متعارف کرانے اور اوورسیز پاکستانیوں کو ووٹ کا حق دینے کے معاملے سے جڑے پیچیدہ قانونی سوالات کا جواب دینے اور درکار اضافی قانون سازی کیے بغیر حکومت اس معاملے پرعملدرآمد کے لیے جارحانہ مہم چلا رہی ہے ۔

تنظیم کے مطابق مجوزہ ترمیم الیکشن کمیشن آف پاکستان کو اس کے قانونی ، انتظامی اثرات پر بغیر غور وفکر کیے بغیر عام انتخابات میں ووٹ ڈالنے کے لیے الیکٹرانک ووٹنگ مشین خریدنے کی اجازت دیتی ہے۔اس ترمیم کے تحت ٹیکنالوجی اور الیکٹرانک ووٹنگ مشینوں کی قسم کا انتخاب الیکشن کمیشن آف پاکستان کے سپرد کردیا گیا ہیلیکن اس میں یہ وضاحت نہیں کی گئی کہ خریدی جانے والی مشینیں ووٹنگ اور گنتی کے متعلق موجودہ قانونی شقوں پر پورا اتریں گی یا نہیں۔ الیکشن ایکٹ 2017 کے سیکشن 84 سے 90 تک ووٹنگ اور گنتی کے مراحل کا احاطہ کرتے ہیں۔

ان شقوں میں ترمیم کیے بغیر صرف مشینیں خریدنے سے الیکشن میں ان کا استعمال نہیں کیا جا سکتا۔ مشینوں کی خرید کے بعد ووٹنگ اور گنتی کے قوانین کو مشین کی محدودات کے مطابق تبدیل کرنا صائب نہیں ہو گا اور نہ ہی ان مراحل کو محض رولز میں ترامیم کر کے مشین کے تابع بنایا جانا چاہیے۔ ایسا کرنا پارلیمان کی قانون سازی کے اختیار میں مداخلت ہو گا۔ مجوزہ ترمیم میں یہ بھی واضح نہیں کہ کیا خریدی جانے والی ٹیکنالوجی میں ووٹ ڈالنے کے ساتھ ساتھ ووٹرز کی توثیق اور تصدیق کی سہولت بھی شامل ہو گی یا نہیں۔ اس بارے میں موجودہ انتخابی قانون کے سیکشن 84 کے ذیلی سیکشن 2 میں پہلے ہی صراحت موجود ہے ۔

ووٹ ڈالنے کی ٹیکنالوجی کے ساتھ ووٹرز کی تصدیق کی ٹیکنالوجی سے ممکنہ طور پر ووٹر کی رازداری کو متاثر کر سکتی ہے اور اس کے ذریعے ووٹرز کی پسند اور اس کے انتخاب کا پتہ بھی لگایا جا سکتا ہے۔ مزید، مشینیں خریدنے کے عمل سے پہلے مشینیں فروخت کرنے والی کمپنیوں کے کسی بھی کردار پر ممنوع قرار دیا جانا ضروری ہے۔ اسی طرح مجوزہ ترمیم میں بیرون ملک مقیم پاکستانیوں کو ان کے اپنے رہائشی ملک میں اپنے ووٹ کا حق استعمال کرنے کے قابل بنانے کے لیے انتخابی قوانین کے بہت سے پہلوں میں تبدیلیاں کرنے کی ضرورت ہے جن کے بغیر ہی یہ حق استعمال نہیں ہو سکتا۔ اس ترمیم میں بیرون ملک مقیم پاکستانیوں خاص طور پر محنت کش ووٹرز کی اہلیت طے کرنے کی ذمہ داری جیسے پیچیدہ سوالات کا جواب موجود نہیں ہے ۔

الیکشن ایکٹ 2017 کے سیکشن 94(2) میں بیرون ملک مقیم پاکستانی کی تعریف موجود ہے مگر اس ترمیم کے تحت ان میں ووٹنگ کے لیے اہل کون سے لوگ ہوں گے اور کون سے نہیں؟ اسی طرح ان کا بطور ووٹر اندراج اور انکے حلقوں کا تعین کرنے کی ذمہ داری کا سوال بھی تشنہ ہے کہ وہ اپنی مرضی کے پتے اپنا ووٹ درج کرا سکیں گی یا صرف یا نائیکوپ پر درج مستقل پتہ پر ؟سیکشن 30 اور سیکشن 37 کے تحت ووٹر رجسٹریشن کے لیے قانونی ضروریات پوری کرنے کا طریقہ کار کیا ہوگا؟ موجودہ انتخابی قانون کے سیکشن 41 کے ذیلی سیکشن 2 کے تحت امیدواروں کو انتخابی فہرستوں کی فراہمی کا طریقہ کار کیا ہوگا؟ ان فہرستوں میں ووٹروں کے صرف وہی پتے درج ہوتے ہیں جہاں انکا ووٹ درج ہے لیکن اگر ووٹرز ان پتوں پر رہائش پذیر ہونے کی بجائے بیرون ملک مقیم ہیں تو امیدوار اپنے ووٹرز سے رابطہ کیسے کر پائیں گے اور اور انہیں بیرون ملک جا کر انتخابی مہم چلانا پڑے تو مہم اور امیدواروں کے اخراجات کی حد کیا ہوگی؟

پولنگ کے دن ووٹروں کی تصدیق جو کہ سیکشن 84(1) کے تحت لازمی ہے، اوورسیز ووٹوں کی گنتی عبوری نتائج کی تیاری کے وقت کی جائیگی یا حتمی نتائج کے دوران کی جائیگی؟ بیرون ملک مختلف ٹائم زونز میں رہنے والے پاکستانیوں کے لیے ووٹ ڈالنے کا وقت کیا ہوگا؟ کیا ایڈوانس یا قبل از ووٹنگ متعارف کروائی جائے گی ؟ اوورسیز ووٹرز کی فہرست کیسے بنائی جائیگی، حلقے کی بنیاد پر ایک لسٹ یا پولنگ سٹیشنز پر مہیا کی جانیوالی فہرست کے مطابق جیسا پوسٹل بیلٹ کا طریقہ کار ہے ؟ اور بیرون ملک مقیم پاکستانیوں کی ووٹنگ پر امیدواروں کی نگرانی کا کیا نظام اپنایا جائیگا؟ ان تمام سوالوں کے جواب انتخابی قانون کے متعلقہ سیکشنز میں ترامیم کی صورت میں پارلیمان کو دینے چاہییں تبھی بیرون ملک مقیم پاکستانیوں کو ان کے رہائشی ملکوں میں حق دینے کا قانون قابل عمل ہو سکتا ہے۔

لاہور:پیپلز پارٹی صدمے میں ڈوب گئی:سینئر رہنما، سابق رکن قومی اسمبلی انتقال کر گئے ،اطلاعات کے مطابق پیپلز پارٹی کے سینئر رہنما، سابق رکن قومی اسمبلی انتقال کر گئے، پی پی رہنما ارشد گھرکی کئی روز سے شدید علالت کے باعث لاہور کے ایک نجی ہسپتال میں زیر علاج تھے۔

تفصیلات کے مطابق پاکستان پیپلز پارٹی اپنے سینئر اور دیرینہ رہنما سے محروم ہوگئی، میڈیا رپورٹس کے مطابق لاہور سے تعلق رکھنے والے متحرک پی پی رہنما ارشد گھرکی ہفتہ کے روز انتقال کر گئے۔

ارشد گھرکی ماضی میں پیپلز پارٹی کے ٹکٹ پر ایم این اے منتخب ہونے میں کامیاب ہوئے تھے۔ مرحوم کافی عرصہ سے علیل تھے اور لاہور کے گھرکی ہسپتال میں زیر علاج تھے، جہاں آج بروز ہفتہ وہ انتقال کر گئے۔ ارشد گھرکی کے انتقال پر پیپلز پارٹی سمیت دیگر سیاسی جماعتوں کے رہنماوں کی جانب سے افسوس کا اظہار کیا گیا ہے۔

دوسری طرف پیپلز پارٹی کے سابق صوبائی سربراہ اور خیبر پختونخوا کے سینئر وزیر رحیم داد خان ہفتے کے روز پشاور میں انتقال کر گئے۔

رحیم داد خان نے اپنے سیاسی کیریئر کا آغاز 1989 میں ذوالفقار علی بھٹو کی جدوجہد کے آغاز پر پیپلز پارٹی سے کیا اور 1977 ، 1988 ، 1990 اور 2008 کے انتخابات میں پارٹی سے منتخب ہوئے۔ان کی نماز جنازہ کل (اتوار) دوپہر 2 بجے مردان میں ادا کی جائے گی

برلن :جرمنی نے اپنی لیڈر کو الوداع کہ دیا۔ اینجلا مرکل جاتے جاتے پاکستانی حکمرانوں کوسبق دے گئیں، جن کی عیاشیوں‌ نے قوم کا بیڑہ ہی غرق کردیا ہے
‏ وہ اپنی بالکونی پر باہر آئی اور پورے ملک میں 6 منٹ تک کھڑے ہو کر تالیاں بجائیں گئیں۔

جرمن میڈیا نے دعویٰ کیا ہے کہ ‏اقتدار کے 16 سالوں میں اینجلا مرکل نے اپنے کسی بھی رشتہ دار آور دوست کو ریاستی عہدے پر تعینات نہیں کیا۔

جرمنی کی اینجلا مرکل جاتے جاتے پاکستانی حکمرانوں کوسبق دے گئیں نے رئیل اسٹیٹ ، کاریں, پلاٹ اور نجی طیارے نہیں خریدے آور نا ہی ایک دن بھی ہیلی کاپٹر ہر آپنے دفتر گئ اور نا ہی اقتدار میں آنے کے لئے بڑے بڑے جھوٹ بولے۔

16 سال تک ، اس نے اپنی الماری کا انداز کبھی نہیں بدلا۔‏ایک پریس کانفرنس میں ، ایک صحافی نے میرکل سے پوچھا: ” ہمیں احساس ہے کہ آپ نے وہی سوٹ پہنا ہوا ہے ، کیا آپ کے پاس دوسرا نہیں ہے؟ ” اس نے جواب دیا: "میں سرکاری ملازم ہوں ، ماڈل نہیں۔

ایک اور پریس کانفرنس میں ، انہوں نے اس سے پوچھا: ٕ”کیا آپ کے پاس ایک گھریلو ملازمہ ہے جو اپنا گھر صاف کرتی ہے ، کھانا تیار کرتی ہے ، وغیرہ۔” اس کا جواب تھا: "نہیں ، میرے کوئی نوکر نہیں ہیں اور نہ ہی ان کی ضرورت ہے۔

میرے شوہر اور میں یہ کام ہر روز گھر پر کرتے ہیں

‏محترمہ میرکل کسی دوسرے شہری کی طرح ایک عام اپارٹمنٹ میں رہتی ہیں۔ وہ جرمنی کی چانسلر منتخب ہونے سے پہلے اسی اپارٹمنٹ میں رہتی تھیں۔ اس نے اسے نہیں چھوڑا اور وہ ایک بھی ولا ، مکانات ، تالاب ، باغات کی مالک نہیں ہے۔

یورپ کی سب سے بڑی معیشت کی چانسلر انجیلا میرکل ہمیشہ اقدار ، بے لوث اصولوں ، حقائق اور ہمدردی سے چلنے والی قیادت کی عظیم مثال رہیں گی۔جرمن چانسلر جاتے جاتے پاکستان کے حکمران خاندانوں کے لیے ایک نصیحت چھوڑ گئی ہیں