Author: +9251

اسلام آباد: کالعدم تنظیموں اورعہدیداروں کیلئے پراپرٹی خریدنا ایف اے ٹی ایف نے ناممکن بنادیا ،اطلاعات کے مطابق فنانشل ایکشن ٹاسک فورس کے اہداف میں پاکستان نے ایک اور کامیابی حاصل کر لی ہے اور اقوام متحدہ کے کالعدم افراد کی فہرست تمام سٹیٹ ایجنٹس کو جاری کردی گئی ہے۔

فنانشنل ایکشن ٹاسک فورس کے اہداف کے سلسلے میں کالعدم تنظمیوں اور ان کے عہدیداروں کے لیے پراپرٹی خریدنے ناممکن بنادیا گیا ہے۔ اس سلسلے میں کالعدم تنظیموں اور ان کے عہدیداروں کی کی فہرست جاری کردی ہے۔ یہ فہرست 99 صحفات پر مشتمل ہے۔

فہرست میں 3676 کالعدم تنظمیوں کے عہدیداروں کے نام شامل ہیں۔ کالعدم تنظیموں کے عہدیداروں کے نام، شناختی کارڈ نمبر اور دیگر معلومات درج ہیں۔ فہرست میں پنجاب سے 2085 کالعدم افراد کیے گئے ہیں۔ فہرست میں خیبر پختون خوا کے 906 کالعدم افراد شامل کیے گئے ہیں۔

فہرست میں سندھ سے 391 کالعدم تنظیموں کے کارکن شامل کیے گئے ہیں۔ فہرست میں بلوچستان کے 191 کالعدم تنظیموں کے کارکن شامل ہیں، فہرست میں اسلام آباد کے 25 افراد کو شامل کیا گیا ہے۔

کالعدم تنظیموں کے 41 افراد آزاد جموں کشمیر سے شامل کیے گئے۔ فہرست میں گلگت بلتستان کے 37 کالعدم تنظیموں کے افراد شامل ہیں۔ ان نام افراد کی پراپرٹی خریدنے پر مکمل پابندی ہے۔

اسلام آباد: پنجاب میں‌ پھرتبدیلی آگئی : کامران علی افضل چیف سیکرٹری پنجاب، راؤ سردار آئی جی کیلئے فائنل،اطلاعات کےمطابق وزیراعظم عمران خان نے کامران علی افضل کو نیا چیف سیکریٹری اور راؤ سردار کو آئی جی پنجاب بنانے کی حتمی منظوری دیدی ہے۔

وزیراعظم عمران خان سے وزیراعلیٰ پنجاب عثمان بزدار کی ملاقات ہوئی۔ اس دوران نئے چیف سیکرٹری اور آئی جی پنجاب کے پینلز میں موجود تین تین افسروں کے ناموں پر تفصیلی غور کیا گیا۔

وزیراعظم نے کامران علی افضل کو چیف سیکریٹری اور راؤ سردار کو آئی جی پنجاب تعینات کرنے کی ابتدائی منظوری دیدی۔

وفاقی کابینہ کے اجلاس سے منظوری کے بعد سٹیبلیشمنٹ ڈویژن کی طرف سے باقاعدہ نوٹیفکیشن جاری کیا جائے گا۔

ادھر ذرائع نے یہ بھی دعویٰ‌کیا ہے کہ وزیراعظم عمران خان کو اور بھی نام بھیجے گئے تھے ، تاہم وزیراعظم نے بڑے غورخوض کے بعد ان دوناموں کی منظوری دی ہے ،

یہ بھی بتایا جارہا ہے کہ پہلے چیف سیکرٹری اورآئی جی پنجاب کوبعض ناگزیروجوہات کی بنا پرہٹایا جارہا ہے

کابل: لڑائی کے دوران میں زخمی ہوا تو سر میں 2 گولیاں مار دینا:معزول افغان صدر امراللہ صالح کی اپنے گارڈ کووصیت ،اطلاعات کے مطابق یہ الفاظ اور وصیت اس شخص کی ہے جو کبھی افغانستان کے نائب صدر رہے امر اللہ صالح ان دنوں اپنے ملک کی عزت نفس کے لئے جنگ لڑ رہے ہیں۔ وہ پنجشیر وادی میں طالبان جنگجوؤں کے خلاف مزاحمتی طاقتوں شمالی اتحاد کی قیادت کر رہے ہیں ۔

امراللہ صالح نے برطانوی اخبار ڈیلی میل میں ایک مضمون لکھا ہے کہ اگر وہ پنجشیر میں لڑائی کے دوران زخمی ہو جاتے ہیں تو انہوں نے اپنے محافظوں کو خصوصی ہدایات دی ہیں۔ ان سے کہا گیا ہے کہ ایسا ہونے پر وہ میرے سر میں 2 گولیاں مار دیں ،کیونکہ میں طالبان کے سامنے ہتھیار نہیں ڈالنا چاہتا۔

طالبان کے کابل پر قبضہ کرنے سے پہلے ان کی پنجشیر آمد کے بارے میں ، صالح نے لکھا کہ وہ دو فوجی گاڑیوں اور دو پک اپ ٹرکوں میں وہاں سے روانہ ہوئے۔

ان ٹرکوں پر بندوقیں تھیں۔ پنجشیر جاتے ہوئے راستے میں دو بار اس قافلے پر حملہ کیا گیا لیکن ہم بچ گئے۔ ہم نے بہت مشکل کے بعد شمالی درہ عبور کیا۔ یہاں کئی غیر قانونی سرگرمیاں جاری تھیں۔ ہر جگہ ٹھگوں ، چوروں اور طالبان کا راج تھا۔ ہم نے بڑی مشکل سے یہ راستہ عبور کیا۔

صالح نے مزید لکھا کہ جب وہ پنجشیر پہنچے تو انہیں پیغام ملا کہ کمیونٹی کے بزرگ مسجد میں جمع ہو رہے ہیں۔ میں وہاں پہنچا اور ان سے تقریباً ایک گھنٹے تک بات کی۔ اس کے بعد ان میں سے ہر ایک ہماری مدد کے لیے تیار تھا۔

انہوں نے بتایا کہ پنجشیر گزشتہ 20 سالوں سے سیاحتی مقام تھا۔ یہاں ہمارے پاس نہ تو کوئی فوجی سازوسامان تھا اور نہ ہی ہتھیار ، لیکن میں نے وہاں احمد مسعود کے ساتھ جنگی حکمت عملی طے کی اور اب تک سب کچھ ٹھیک چل رہا ہے۔

لاہور:پورا ہفتہ پاکستان بھرمیں بارشیں ہی بارشیں:الرٹ جاری،اطلاعات کے مطابق پاکستان میں اگلہ ہفتہ انتہائی اہم ہے اورمحکمہ موسمیات نے سب کو ڈرا دیا ہے

اس حوالے سے جاری ہفتہ بھر کی رپورٹ میں کہا گیا ہے ،محکمہ موسمیان کے مطابق مون سون ہوائیں 7 ستمبر منگل کی شام رات سےملک کے بالائی علاقوں میں شدت کے ساتھ داخل ہوں گی اور 11 ستمبر ہفتہ تک جاری رہیں گی جس کے باعث 7 ستممبر منگل کی شام رات سے 11 ستمبر ہفتہ کے دوران کشمیر ، اسلام آباد ، راولپندی ، اٹک ، چکوال ، جہلم ، گجرات ، منڈی بہاوالدین ، سیالکوٹ ، نارووال ، گوجرانوالا ، حافظ آباد ، لاہور ، اوکاڑہ فیصل آباد، سرگودھا ، میانوالی ، جھنگ ٹوبہ ٹیک سنگ ، کوہستان ، شانگلہ، مانسہرہ ، ایبٹ آباد ، ہری پور ، مردان ، چارسدہ ، نوشہرہ ،دیر،چترال ، پشاور ، کوہاٹ وزیرستان ، گلگت بلستان کے علاقوں میں وقفے وقفے سے تیز ہواوں اورگرج چمک کے ساتھ بارش کی پشن گوئی کی گئی ہے

8 ستمبر سے بدھ سے 10 ستمبرجمعہ کے دوران پشاور کے علاقوں میں اورآزاد کشمیر اوراسلام آباد ، اوروسطی پنجاب میں موسلا دھار بارشوں کا امکان ہے

ایسے ہی 8 ستمبر سے 10 پشاور کے علاقوں کے ساتھ ساتھ سندھ اورپنجاب کے جنوبی علاقوں میں بارش کا امکان ہے ، اس کے ساتھ ساتھ مشرقی بلوچستان کوہلو اور لورا لائی میں بارش کا امکان ہے

بارشوں اورآندھی کی وجہ سے پاکستان کے کچھ علاقوں میں نقصان اورزیرآب آنے کا خدشہ ہے

[wp-embedder-pack width=”100%” height=”400px” download=”all” download-text=”” attachment_id=”413881″ /]

اسلام آباد :بجلی پیداوارکا طویل مدتی پلان منظور:مشترکہ مفادات کونسل اجلاس میں اہم فیصلے ،اطلاعات کے مطابق وزیراعظم عمران خان کی زیرصدارت مشترکہ مفادات کونسل کے اجلاس میں بجلی پیداوار کا طویل مدتی پلان منظور کرلیا گیا ، اجلاس میں پانی کی تقسیم کا معاملہ بھی زیر غور آیا، صوبوں کے مسائل پر بھی گفتگو کی گئی۔

وزیراعظم عمران خان کی زیرصدارت مشترکہ مفادات کونسل کا اجلاس ہوا ، جس میں صوبائی وزرائےاعلیٰ اور وفاقی وزرا شریک ہوئے ، اجلاس میں 18ترمیم کے بعد ہائرایجوکیشن کے معاملات کا جائزہ لیا۔

وزیر توانائی حماد اظہر نے کہا کہ مشترکہ مفادات کونسل نے بجلی پیداوار کاطویل مدتی پلان منظور کرلیا ، بجلی پیداوار کا طویل مدتی پلان 2005 سے زیر التوا تھا ، مستقبل میں طلب و رسد کی پروجیکشن دیکھ کر بجلی پیدا کی جائے گی۔

حماد اظہر کا کہنا تھا کہ پلان کے حوالے سے صوبوں کے ساتھ طویل مشاورت کی گئی ہے ، مسابقتی بنیادوں پرسستے ایندھن سے بجلی پیدا کی جائے گی ، نئے پلان کی منظوری کے بعد مہنگی بجلی کی پیداوار کا خاتمہ ہوگا۔

وفاقی وزیر نے مزید کہا کہ مستقبل میں زیادہ گنجائش اورغیر شفاف انداز میں ٹھیکے دینے کاخاتمہ ہوگا، ماضی میں ایسے پلان بنا کر گردشی قرض اور دیگر مسائل سے بچا جاسکتا تھا۔

کراچی :سندھ میں بلدیاتی انتخابات :الیکشن کمیشن کا فیصلہ کس کے حق میں جائے گا:انتظارکی گھڑیاں شروع،اطلاعات کے مطابق الیکشن کمیشن آف پاکستان نے سندھ کے بلدیاتی انتخابات سے متعلق سماعت مکمل کرتے ہوئےفیصلہ محفوظ کرلیا۔

سندھ میں بلدیاتی انتخابات کے انعقاد کے حوالے سے الیکشن کمیشن نے سماعت کی، سماعت چیف الیکشن کمشنر سکندر سلطان راجہ کی سربراہی میں 3 رکنی بنچ نے کی۔

سماعت کے دوران ایڈیشنل سیکرٹری الیکشن کمیشن ظفر اقبال کا کہنا تھا کہ ایسا ظاہر ہوتا ہے سندھ کی صوبائی حکومت آئندہ 18 ماہ تک صوبے میں الیکشن کا انعقاد نہیں چاہتی، صوبائی حکومت کو حکم دیا جائے کہ ہمیں نقشہ جات اور ڈیٹا دیا جائے تاکہ الیکشن کمیشن حلقہ بندی کراکے الیکشن کا انعقاد کرائے۔

جس پر ایڈمنسٹریٹر کراچی مرتضیٰ وہاب نے الیکشن کمیشن کو بتایا کہ سندھ حکومت کو مقامی حکومتوں کے انتخابات انعقاد سے انکار نہیں، اگر الیکشن کمیشن کہتا ہے کہ بلدیاتی انتخابات کرائیں تو کرادیں گے۔

مرتضیٰ وہاب نے کہا ہے کہ الیکشن کمیشن پارلیمنٹ کو کہے کہ وہ مشترکہ اجلاس طلب کرکے سندھ اور بلوچستان میں ناقص مردم شماری کے حوالے سے سندھ حکومت کی اپیل کا فیصلہ کرے۔

مرتضیٰ وہاب کے مطابق، سندھ کے وزیر اعلیٰ مراد علی شاہ نے مشترکہ مفادات کونسل (سی سی آئی) میں مردم شماری کے نتائج پر اختلافی نوٹ جمع کرایا کہ مردم شماری میں سندھ اور بلوچستان کی آبادی کو کم ظاہر کیا گیا، سی سی آئی میں اعتراض ہو تو معاملہ پارلیمنٹ کے مشترکہ اجلاس کو بھجوایا جاتا ہے۔

مرتضیٰ وہاب کا کہنا تھا کہ اگر نقائص والی مردم شماری پر مقامی حکومت کا الیکشن کرادیا جاتا ہے اور پھر پارلیمنٹ کا مشترکہ اجلاس فیصلہ کرتا ہے کہ مردم شماری کے نتائج درست نہیں، پھر کیاہو گا؟ پارلیمنٹ اس فیصلے کو کالعدم قرار دے سکتا ہے۔

مرتضیٰ وہاب کی وضاحت پر ڈی جی لاء محمد ارشد کا کہنا تھا کہ الیکشن کمیشن مردم شماری کے حوالے سے سندھ حکومت کی مشترکہ مفادات کونسل میں اپیل پر پارلیمنٹ کے مشترکہ اجلاس کے انعقاد کا انتظار نہیں کر سکتا۔

اس موقع پر ایڈمنسٹریٹر کراچی نے کہا کہ الیکشن کمیشن کا حکم آگیا تو ہم اس کی تکمیل کرنے کے پابند ہیں،ہم فروری مارچ تک بلدیاتی انتخابات منعقد کرا دیں گے، ہم ٹائم لائن دے رہے ہیں، بتانا چاہتے ہیں کہ سندھ حکومت بھاگ نہیں رہی کیوں کہ ہم بلدیاتی انتخابات کرانا چاہتے ہیں۔

سماعت کے دوران چیف الیکشن کمشنر سکندر سلطان راجہ کا کہنا تھا کہ الیکشن کمیشن کا جو فیصلہ ہو گا،اس کا اطلاق سب صوبوں پر ہو گا۔بعد ازاں الیکشن کمیشن نے سندھ میں بلدیاتی انتخابات کے حوالے سے فیصلہ محفوظ کر لیا۔