Author: +9251

کوئٹہ: کوئٹہ: دہشت گردوں کے خلاف آٔپریشن : 11 دہشت گرد ہلاک ،اطلاعات کے مطابق صوبہ بلوچستان کے دارالحکومت کوئٹہ میں کاؤنٹر ٹیرر ازم ڈیپارٹمنٹ (سی ٹی ڈی) کے آپریشن کے دوران 11 مبینہ دہشت گرد مارے گئے۔

ذرائع کے مطابق کوئٹہ کے علاقے مستونگ میں دہشت گردی کی کاروائیوں کے لیے سرگرم دہشدت گردوں کے خفیہ ٹھکانوں‌ کی اطلاعات موصول ہونے پر سی ٹی ڈی نے آپریشن کیا فائرنگ کے تبادلے میں 11 دہشت گرد ہلاک ہوگئے۔

کوئٹہ سے ذرائع نے یہ بھی دعویٰ کیا ہےکہ سی ٹی ڈی حکام کے مطابق دہشت گردوں کے زیر استعمال کمپاؤنڈ سے اسلحہ و گولہ بارود برآمد کرلیا گیا۔ذرائع کے مطابق ہلاک دہشت گردوں کی شناخت فوری طور پر نہیں ہوسکی جبکہ دہشت گردوں کی لاشوں کو اسپتال منتقل کیا جارہا ہے۔سی ٹی ڈی حکام کا کہنا ہے کہ ہلاک دہشت گردوں کا تعلق کالعدم تنظیم سے ہے۔

واضح رہے کہ چند روز قبل کوہار ڈیم لورا لائی کے علاقے میں سی ٹی ڈی کا دہشت گردوں سے مقابلہ ہوا تھا، مقابلے میں سات دہشت گرد مارے گئے تھے، ہلاک دہشت گردوں کاتعلق کالعدم تنظیم سے تھا۔

اس سے قبل دس اگست کومغربی بائی پاس پر سی ٹی ڈی کی کارروائی میں 5 مبینہ دہشت گرد ہلاک ہوئے تھے، دہشت گردوں کے زیراستعمال کمپاؤنڈ سے اسلحہ وگولہ بارودبرآمد کیا گیا تھا۔

اسلام آباد: جرائم کی روک تھام کے لیےیونیورسل پاکستان ایمرجنسی ہیلپ لائن (PEHEL) -911 لارہے ہیں،اطلاعاتع کے مطابق جرائم کی روک تھام کے لیےیونیورسل پاکستان ایمرجنسی ہیلپ لائن (PEHEL) -911 کا اجرا کے حوالے سے وزیراعظم کوبریفنگ دی گئی جس پروزیراعظم نے جلد سے جلد اس ایپلی کیشن کو لانچ کرنے کا حکم دیا

ذرائع کےمطابق اس سلسلے میں وزیر اعظم عمران خان نے وزارت داخلہ اور وزارت انفارمیشن ٹیکنالوجی اور ٹیلی کمیونیکیشن کے متعلقہ افسران کے اجلاس کی صدارت کی جس میں یونیورسل پاکستان ایمرجنسی ہیلپ لائن (PEHEL) -911 کے قیام کے بارے میں وزیر اعظم کو اپ ڈیٹ سے آگاہ کیا گیا۔

اجلاس میں وزیر داخلہ شیخ رشید احمد ، SAPM ڈاکٹر شہباز گل ، سیکرٹری داخلہ ، چیئرمین پاکستان ٹیلی کمیونیکیشن اتھارٹی (PTA), چیئرمین نادرا ، چیف کمشنر اسلام آباد، ڈی جی نیشنل ٹیلی کمیونیکیشن کارپوریشن (NTC)، ڈی جی نیشنل انفارمیشن ٹیکنالوجی بورڈ (NITB)اور دیگر متعلقہ افسران نے شرکت کی۔

وزیراعظم کو بتایا گیا کہ بین الصوبائی رابطوں سمیت تمام ضروری کام مکمل ہوچکا ہے ، اوراکتوبر 2021 کے پہلے ہفتے تک ہیلپ لائن باقاعدہافتتاح کے لیے تیار ہو گی۔

وزیر اعظم نے متعلقہ حکام کو ہدایت کی کہ وہ ملک میں جرائم پر قابو پانے کے لیے جلد از جلد سروس کے آغاز میں تمام رکاوٹوں کو دور کریں۔ انہوں نے اس بات پر زور دیا کہ لوگوں کی جان و مال کا تحفظ حکومت کی بنیادی ذمہ داری ہے۔

وزیر اعظم نے امید ظاہر کی کہ اس ہیلپ لائن کے اجراء سے ملک میں امن و سلامتی کو یقینی بنانے میں مدد ملے گی کیونکہ جرائم کے خلاف بروقت کاروائی عمل میں لائی جا سکے گی۔

اسلام آباد: پی آئی اے کا بڑا انسان دوست مشن:دنیا خوش ہوگئی ،اطلاعات کے مطابق عالمی ادارہ خوراک کی درخواست پر قومی ایئر لائن نے بڑا انسان دوست مشن پورا کر لیا ہے۔

تفصیلات کے مطابق عالمی ادارہ خوراک کی درخواست پر پی آئی اے کا خصوصی طیارہ مزار شریف پہنچ گیا، قومی ایئر لائن کی پرواز میں انسانی ہم دردی مشن کے تحت ضروری ادویات اور خوراک کی ترسیل کی گئی ہے۔

پی آئی اے کے خصوصی بوئنگ 777 نے خوراک اور ادویات دبئی سے مزار شریف پہنچائیں، ادارے کا کہنا ہے کہ کارگو طیارے کا مقصد افغانستان میں ادویات کی قلت کے سد باب کے لیے معاونت کرنا ہے، ادویات کی کمی کے باعث افغان بھائی مشکلات کا شکار تھے۔

اقوام متحدہ کے عالمی ادارہ خوراک کی درخواست پر پی آئی اے کا خصوصی طیارہ ضروری ادویات لے کر مزار شریف پہنچ گیا
پی آئی کا طیارہ دبئی سے مزار شریف پہنچا تھا۔ pic.twitter.com/SCnK1FpmIx

— پاکستان ایوی ایشن (@PKAviationUrdu) August 30, 2021

پی آئی اے کے مطابق افغانستان کی موجودہ صورت حال میں کابل کے علاوہ یہ پہلی بین الاقوامی کمرشل پرواز تھی، مزار شریف میں پرواز کی لوڈنگ اور زمینی انتظامات کے لیے پی آئی اے آپریشنز ٹیم ساتھ روانہ ہوئی تھی، اس ٹیم نے سی ای او پی آئی اے کے معاون عامر حیات کی سربراہی میں سفر کیا اور تمام انتظامات سنبھالے۔

پی آئی اے پرواز کے معاملات کے لیے سیکریٹری خارجہ سہیل محمود نے ذاتی طور پر کوشش کی، وزیر اعظم کے معاون خصوصی فیصل سلطان نے بھی آپریشن میں اہم کردار ادا کیا، سی ای او پی آئی اے ارشد ملک کی جانب سے کامیاب مشن پر ٹیم کو شاباش دی گئی، اور سیکریٹری اور وزیر خارجہ کا خصوصی شکریہ ادا کیا۔

ارشد ملک نے کہا پاکستان نے افغانستان کے امن، صحت و سلامتی میں تعاون جاری رکھا ہے، افغانستان ہمارا برادر پڑوسی ملک ہے، معاونت اخلاقی ذمہ داری ہے، خصوصی ہدایات پر پی آئی اے انسان دوست مشن جاری رکھے گا۔

مظفرآباد :آزاد کشمیرکابینہ کے اراکین کو محکموں کے قلمدان سونپ دیےگئے ،اطلاعات کے مطابق نوٹیفکیشن کےمطابق سینیئر وزیر سردار تنویر الیاس کو وزارت فزیکل پلاننگ، ہاؤسنگ اور سیاحت کے قلمدان سونپے گئے ہیں۔

مظفرآباد سے آمدہ اطلاعات میں بتایا گیا ہےکہ اظہر صادق کو مواصلات،خواجہ فاروق کو محکمہ لوکل گورنمنٹ و دیہی ترقی اور سردار میر اکبر کو محکمہ زراعت کا قلمدان سونپا گیا ہے۔

‎پاکستان تحریک انصاف کی اس کابینہ میں‌ چوہدری علی شان سونی کو محکمہ خوراک، چوہدری محمد رشیدکو محکمہ ماحولیات اور عبدالماجد خان کو وزارت خزانہ کا قلمدان دیا گیا ہے۔

‎سردار محمد حسین خان کو بہبود آبادی کا قلمدان دیا گیا ہے اور چوہدری محمد ارشد کو توانائی و آبی وسائل کی وزارت دی گئی ہے۔

ادھر یہ بھی معلوم ہوا ہے کہ تمام کابینہ ممبران کو عمران خان کا یہ پیغام پہنچا دیا گیا ہےکہ یہ وزارتیں بہترین کارکردگی سے مشروط ہیں‌