Author: +9251

اٹک (نمائندہ باغی ٹی وی) اٹک کے نواحی گاوں ماڑی میں پانچ سالہ بچی کی آبروریزی کا معاملہ، ایڈووکیٹ رضیہ صبا کا رضاکارانہ کیس لڑنے کا اعلان، صحافیوں سے گفتگو میں کہا کہ بچے سب کے سانجھے، ان کے جنسی و جسمانی استحصال کے خلاف جدوجہد کرنا ہم سب کی مشترکہ ذمہ داری ہے،

تفصیلات کے مطابق اٹک کے نواحی گاوں ماڑی میں پانچ سالہ بچی کی آبروریزی کے معاملے میں ملزم وسیم زیب جوڈیشیل ریمانڈ پر ہے، ملزم کو متاثرہ بچی کی جانب سے شناخت کرنے کے بعد انصاف کی امید پیدا ہوگئی ہے، بچی کے والد مالی طور پر غیر مستحکم اور کلاس فور کے ملازم ہیں،

ذرائع کے مطابق ان حالات کو دیکھتے ہوئے ایڈووکیٹ ہائی کورٹ رضیہ صبا نے بچی کا کیس رضاکارانہ طور پر لڑنے کا اعلان کیا ہے، انہوں نے متاثرہ خاندان سے ملاقات کی اور انہیں یقین دلایا کہ ملزم کو کیفرکردار تک پہنچائیں گے،

ایسے ملزمان کو رعایت ملنے کا مطلب یہ ہے کہ علاقے کے تمام بچوں کو خطرے میں ڈال دیا جائے، ریاست کو ایسے ملزمان کیلئے زیرو ٹالرنس پالیسی اپنانی چاہیے اور عبرت ناک سزائیں دینی چاہیے،

دوسری جانب کیس کے تفتیشی آفیسر اے ایس آئی پرویز اختر کا کہنا ہے کہ پولیس انکوائری مکمل کرنے کے قریب ہے جلد ہی چالان عدالت میں پیش کردیا جائے گا۔

اسلام آباد:عوام الناس کوبنیادی اشیائے ضروریہ میں ریلیف دینے کےلیے کیا کیا؟وزیراعظم نےاجلاس میں پوچھ لیا،اطلاعات کے مطابق وزیرِ اعظم عمران خان کی زیر صدارت بنیادی اشیائے ضروریہ اور تعمیراتی مٹیرئیل کی طلب و رسد اور اور قیمتوں میں استحکام کے حوالے سے جائزہ اجلاس ہوا

اس اہم اجلاس میں وزیرِ خزانہ شوکت ترین، وزیر صنعت و پیداوار مخدوم خسرو بختیار، چیئرمین نیا پاکستان ہاؤسنگ اتھارٹی لیفٹینٹ جنرل (ر) انور علی حیدر و دیگر سینئر افسران شریک ہوئے

وزیراعظم کی زیرصدارت اجلاس میں ملک میں گھی، سیمنٹ اور سریا کی طلب اور رسد اور ان اشیاء کی قیمتوں کی صورتحال پرغورکیا گیا

ذرائع کے مطابق وزیرِاعظم نے اجلاس سے خطاب کرتے ہوئے کہا کہ تعمیراتی شعبے کی ترقی و فروغ خصوصاً کم لاگت والے گھروں کی تعمیر میں بلاتعطل پیش رفت حکومت کی اولین ترجیح ہے۔

انہوں نے کہا کہ تعمیرات میں استعمال ہونے والے خام مال اور اسی طرح گھی جیسی بنیادی اشیائے ضروریہ کی طلب کے مطابق بلا تعطل رسد کو یقینی بنانے اور ان اشیاء کی قیمتوں میں استحکام کو یقینی بنانے کے حوالے سے ہر ممکنہ اقدام برؤے کار لایا جائے۔

اسلام آباد:ملک میں اسپیشل ٹیکنالوجی زونزکا قیام کس طرح ممکن؟وزیراعظم نے رپورٹ مانگ لی ،اطلاعات کے مطابق وزیر اعظم عمران خان کی زیر صدارت ملک میں اسپیشل ٹیکنالوجی زونز کے قیام کے حوالے سے پیش رفت پر اعلیٰ سطحی جائزہ اجلاس ہوا

وزیراعظم کی زیرصدارت اہم اجلاس میں وزیر برائے سائنس اینڈ ٹیکنالوجی سینٹر سید شبلی فراز، وزیر اعلیٰ گلگت بلتستان خالد خورشید، معاون خصوصی ڈاکٹر شہباز گل، وزیر برائے اآئی ٹی خیبرپختونخواہ عاطف خان، صوبائی وزیر برائے صنعت بلوچستان حاجی محمد خان طور، صوبائی وزیر برائے آئی ٹی پنجاب ہمایوں یاسر و دیگر سینئر افسران شریک جبکہ وزیرِ اعظم آزاد جموں و کشمیر ، وزیر اعلی پنجاب، وزیرِ اعلیٰ بلوچستان اور دیگر صوبوں کے نمائندگان نے ویڈیو لنک کے ذریعے اجلاس میں شرکت کی

ذرائع کے مطابق اس اہم اجلاس میں چئیرمین اسپیشل ٹیکنالوجی زونز اتھارٹی عامر ہاشمی نے اجلاس کو ملک میں مختلف اسپیشل ٹیکنالوجی زونز کے قیام اور ان زونز میں سرمایہ کاروں کو میسر سہولیات اور مراعات پر تفصیلی بریفنگ دی۔

اجلاس کو بتایا گیا کہ ملک میں قائم ہونے والے اسپیشل ٹیکنالوجی زونز کا مقصد ٹیکنالوجی ٹرانسفر، غیر ملکی سرمایہ کاری، افرادی قوت کا فروغ، ریسرچ اینڈ ڈویلپمنٹ، نوکریوں کے مواقع پیدا کرنا اور ٹیکنالوجی کے شعبے میں برآمدات کو بڑھاتے ہوئے درآمدت کا متبادل پیدا کرنا ہے۔

ذرائع کے مطابق اس موقع پرشرکا کو اسپیشل ٹیکنالوجی زونز میں سرمایہ کاروں کو وفاقی حکومت کی جانب سے فراہم کردہ مراعات و سہولیات کے بارے میں تفصیلی بریفنگ دی گئی۔

وزیرِ اعظم عمران خان نے اجلاس سے خطاب کرتے ہوئے کہا کہ ملک میں ٹیکنالوجی کا فروغ ، تعلیمی اداروں، صنعتی شعبے اور حکومتی اداروں کی مضبوط پارٹنرشپ کا قیام اور نوجوانوں کو اپنی صلاحیتیں اجاگر کرنے کے لئے موافق فضا کی فراہمی حکومت کی اولین ترجیح ہے ۔

انہوں نے کہا کہ حکومت اسپیشل ٹیکنالوجی زونز کے حوالے سے سرمایہ کاروں اور کاروباری برادری کو ہر وہ سہولت فراہم کر رہی ہے جو دنیا کے کسی بھی ملک میں میسر آتی ہیں۔

وزیرِ اعظم نے ہدایت کی کہ کاروباری برادری کی سہولت کے لئے ون ونڈو آپریشنز کو یقینی بنایا جائے تاکہ ان کو کسی بھی قسم کی دقتت سے بچایا جا سکے۔
وزیرِ اعظم نے صوبائی حکومتوں کو ہدایت کی کہ اکتوبر کے مہینے میں دبئی میں منعقد ہونے والی بین الاقوامی ایکسپو جیسے موقع کا بھرپور فائدہ اٹھایا جائے اور ملک کے اسپشل ٹیکنالوجی زونز میں میسر مواقع کو عالمی سطح پر اجاگر کیا جائے۔

کابل:غیرملکی فوجیوں کے انخلا کی تاریخ میں توسیع نہیں ہو گی:اطلاعات کے مطابق افغان طالبان کے ترجمان سہیل شاہین کا کہنا ہے کہ افغانستان میں موجود غیرملکی فوجیوں کے انخلا کی تاریخ میں توسیع نہیں ہو گی۔

برطانوی نشریاتی ادارے سکائی نیوز سے بات چیت میں ترجمان طالبان سہیل شاہین نے کہا کہ یہ ڈیڈلائن نہیں بلکہ ان کے لیے ریڈلائن ہے اور اگر اس میں توسیع کی جاتی ہے تو اسے قبضے میں توسیع سمجھا جائے گا۔

اپنی بات کو جاری رکھتے ہوئے سہیل شاہین نے کہا کہ ایسی کسی بھی توسیع کی صورت میں بداعتمادی کی فضا پیدا ہو گی جس کا ردعمل سامنے آ سکتا ہے۔ کابل ایئرپورٹ پر موجود افغان باشندے اصل میں طالبان کے خوف سے نہیں بلکہ مغربی ممالک میں بہتر زندگی کے لیے افغانستان سے فرار کی کوشش میں ہیں۔

مسقط:پاکستانی شہریوں کی آمد پر پابندی کے حوالے سے اہم اعلان ،اطلاعات کے مطابق مشرق وسطیٰ کی ریاست عمان‎ کی سول ایوی ایشن اتھارٹی نے پاکستان اور بھارت سمیت 18 ملکوں سے شہریوں کی آمد پر عائد پابندی ختم کر دی۔

ٹائمز آف عمان کے مطابق عمان کی سول ایوی ایشن اتھارٹی نے تصدیق کی ہے کہ پاکستان، بھارت اور بنگلا دیش سمیت دیگر 18 ممالک کے ایسے شہری جنہوں نے کورونا کی ویکسین لگوائی ہوئی ہے وہ عمان کا سفر کر سکتے ہیں۔

هيئة الطيران المدني تصدر تعميمًا لكافة المسافرين وشركات الطيران العاملة بالسلطنة بناءً على القرار الصادر عن اللجنة العليا #COVID-19 بشأن إنهاء العمل بقائمة الدول التي يحظر على القادمين منها دخول أراضي السلطنة، ويسري القرار بدءًا من 1 سبتمبر 2021م من الساعة 12 ظهرًا بتوقيت السلطنة pic.twitter.com/8Wy1HxzByK

— هيئة الطّيران المدني (@CAAOMN) August 23, 2021

واضح رہے کہ عمان نے کورونا کے بڑھتے ہوئے کیسز کی وجہ سے مذکورہ ممالک کو ریڈ لسٹ میں ڈال رکھا تھا۔سی اے اے کے مطابق مذکورہ ملکوں کے مسافر یکم ستمبر کے بعد عمان کا سفر کر سکتے ہیں۔

ادھر آج کابل سے پاکستانیوں اور غیر ملکیوں کے انخلا کا معاملہ، پی آئی اے نے آج کا کابل فلائٹ آپریشن منسوخ کر دیا۔

افغانستان کی صورتحال کے پیش نظر کابل ایئرپورٹ سے قومی ایئر لائنز نے آپریشن شروع کر رکھا ہے۔ جس میں پی آئی اے کی پروازوں کے ذریعے کابل میں پھنسے پاکستانیوں کو واپس لایا جا رہا ہے۔ تاہم پی آئی اے نے آج کا کابل فلائٹ آپریشن منسوخ کر دیا۔

پی آئی اے نے کابل کیلئے آج 3 پروازیں چلانے کا پلان ترتیب دیا تھا۔ ترجمان کے مطابق پی آئی اے نے ایک روز کیلئے کابل کی پروازیں منسوخ کر دی ہیں۔