Author: +9251

وزیراعظم کے مشیر محمود مولوی کا کہنا ہے کہ ساحل سمندر پر پھنسے ہوئے بحری جہاز کو نکالنے کا لوکل آپریشن مکمل ہوگیا ہے۔

میڈیا سے گفتگو کرتے ہوئے محمود مولوی نے بتایا کہ جہاز مکمل گہرے پانی میں کل تک جانے کے امکانات ہیں، جہاز کو ممکنہ حد تک کھینچے جانے کے بعد اینکر کر دیا جاے گا۔

ان کا کہنا تھا کہ جہاز برتھ پر لگنے کے بعد سروے ہوگا، خرابیاں چیک کی جائیں گی، جہاز مکمل مرمت ہونے کے بعد ہی روانہ ہونے کی اجازت دی جاے گی۔

خیال رہے کہ ہینگ ٹینگ 77 نامی جہاز کو ساحل پر پھنسے ایک ماہ سے زائد کا وقت گزر چکا ہے۔

متعلقہ انتظامیہ نے ٹیم تشکیل دی جو مسلسل جہاز نکالنے کی کوششیں کررہی ہے، ابتدائی ہفتوں میں ناکامی کا سامنا کرنا پڑا تاہم اب آپریشن میں پیشرفت دیکھی جارہی ہے۔

پھنسے ہوئے بحری جہاز نکالنے کی متعدد کوششیں ناکام ہوئیں۔

دوبارہ شادی سے انکار پر سابق شوہر پر تیزاب پھینکنے والی ملزمہ کو گرفتار کر لیا گیا،خاتون نے اپنے سابق شوہر پر تیزاب پھینک دیا، جس کے نتیجے میں وہ شخص بری طرح جھلس گیا تھا۔۔تفصیلات کے مطابق شہر قائد میں تیزاب گردی کے دو واقعات میں ملوث ملزمہ اور ملزم کو پولیس نے گرفتار کر لیاہے۔تیزاب گردی کے دونوں واقعات رواں ہفتے رپورٹ ہوئے تھے۔
جمعرات کو نیو کراچی میں پیش آیا جس میں خاتون نے مبینہ طور پر سابق شوہر پر تیزاب پھینک دیا تھا۔ تیزاب سے جھلس کر زخمی ہونے والے نوجوان کو سول برنس وارڈ میں طبی امداد دی جارہی ہے۔ متاثرہ نوجوان کا چہرہ، سینہ اور جسم کے دیگر حصے تیزاب سے متاثر ہوئے ہیں۔لڑکے کے اہلخانہ نے الزام لگایا ہے کہ متاثرہ نوجوان ملزمہ کو 9 ماہ قبل طلاق دے چکا تھا لیکن اب ملزمہ طلاق کے بعد دوبارہ شادی پر اصرار کر رہی تھی اور سابقہ بیوی نے متاثرہ نوجوان کو دو لڑکوں کے ذریعے دھوکے سے بلایا تھا اور لڑکی نے دوبارہ شادی سے انکار پر تیزاب پھینک دیا۔
ولیس کے مطابق ملزمہ لیاقت آباد میں رشتے داروں کے گھر میں روپوش تھی۔ ہفتے کو ہونے والے دوسرے واقعے میں بلدیہ ٹائون کے رہائشی سابق شوہر نے مبینہ طور پر خاتون پر تیزاب پھینک دیا تھا جس سے خاتون کا 30 سے 35 فیصد جسم جھلس گیا۔ متاثرہ خاتون کے بھائی نے دعوی کیا تھا کہ بہن کو شوہر نے واٹس ایپ پر طلاق دی تھی اور ملزم طلاق دینے کے بعد بھی تنگ کر رہا تھا۔بھائی نے بتایاکہ میاں بیوی ملکر ٹک ٹاک بناتے تھے۔ شوہر نے میری بہن کو ٹک ٹاک بنانے سے منع کیا۔ صبح بہن گھر سے نکلی تو ملزم نے تیزاب پھینک دیا۔ دونوں واقعات میں ملوث ملزمہ اور ملزم کو پولیس نے گرفتار کر لیا۔

شہر قائد میں سفاکیت کی انتہا ہو گئی جہاں ایک سوتیلے باپ نے اپنی بیٹی کو زیادتی کا نشانہ بنا ڈالا۔ تفصیلات کے مطابق کراچی کے علاقہ نیو کراچی سے پولیس نے بیٹی سے مبینہ زیادتی کرنے والے سوتیلے باپ کو گرفتار کرلیا۔ پولیس کا کہنا ہے کہ لڑکی کی درخواست میں اس کی والدہ کے دوسرے شوہر کے خلاف 17 اگست کو مقدمہ درج کیا گیا تھا۔
لڑکی کی والدہ نے ملزم سے دوسری شادی کی تھی اور ملزم نے اس کے ساتھ کئی بار زیادتی کی جب کہ جنوری 2021ء میں لڑکی نے ایک بچے کو جنم دیا۔ پولیس کے مطابق مدعیہ کی درخواست پر مقدمہ وومن پروٹیکشن ڈیسک کے ذریعے تھانہ نیو کراچی کو موصول ہوا جس پر فوری کارروائی کرتے ہوئے ملزم کو گرفتار کر لیا گیا جب کہ ملزم کے خلاف عدالت میں پیش کرنے کے لیے ثبوت جمع کر لیے گئے ہیں .
واضح رہے کہ اس سے قبل ساہیوال میں بھی ایک ایسا ہی واقعہ پیش آیا تھا جہاں نوجوان لڑکی گن پوائنٹ پر سوتیلے باپ کے ہاتھوں زیادتی کا نشانہ بن گئی تھی۔ ملزم نے دوست کی مدد سے سوتیلی بیٹی کی عزت تار تار کر دی، شکایت موصول ہونے پر پولیس نے دونوں ملزمان کو گرفتار کر لیا تھا۔ ساہیوال کے علاقے نور شاہ کچا پکا روڈ کالونی میں سوتیلے باپ اور اسکے دوست کی جانب سے نوجوان بیٹی بابرہ کو اجتماعی زیادتی کا نشانہ بنا دیا گیا۔
پولیس کے مطابق اعوان ٹائون علاقے کے رہائشی خالد مسیح کی نوجوان بیٹی بابرہ کو اس کے سوتیلے باپ شہزاد پہلوان نے دھوکہ سے گھر بلوایا اور پھر ہوس کا نشانہ بنا ڈالا۔ پولیس کے مطابق اس گھناونے جرم میں شہزاد پہلوان کا دوست محمد رفیق شہزاد اور ایک تیسرا شخس بھی شامل تھا جنہوں نے گن پوائنٹ پر بچی کی جبراً آبرو ریزی کی ۔ پولیس کی جانب سے بتایا گیا ہے کہ متاثرہ لڑکی بابرہ کی مد عیت میں تینوں ملزموں کے خلاف مقدمہ درج کر لیا گیا۔
جبکہ دو روز قبل سوات میں بہن کو ہوس کا نشانہ بنانے والے بھائی کو گرفتار کر لیا گیا تھا۔ خیال رہے کہ ملک بھر میں خواتین اور لڑکیوں سے زیادتی کے واقعات کے ساتھ ساتھ کم سن بچے اور بچیوں سے زیادتی کے واقعات میں بھی ہوشربا اضافہ ہو اہے جس نے والدین کو بھی تشویش میں مبتلا کر دیا ہے۔لیکن اکثر واقعات میں جاننے والے اور رشتہ دار ہی ملوث ہوتے ہیں۔

کراچی کے علاقےنارتھ کراچی ناگن چورنگی کے قریب خوفناک ٹریفک حادثہ

باغی ٹیوی کی رپورٹ کے مطابق تیز رفتار ڈمپر نے دو موٹرسائیکل سوار نوجوانوں کو کچل دیا

موٹرسائیکل سوار دونوں جوانوں کو فوری طور پر عباسی شہید اسپتال منتقل کردیا گیا۔حادثہ کا ذمہ دار ڈمپر ڈرائیور موقع سے فرار ہوگیا۔حادثے میں زخمی دونوں جوانوں کی فوری شناخت نہیں ہوسکی

پولیس نے جائے وقوعہ پہنچ کر واقعے کی تحقیقات شروع کردی ۔بے قابو ڈمپر ڈرائیور کے فرار ہونے پر علاقہ مکین مشتعل ہوگئے جس کی وجہ سے ٹریفک کی مدورفت متاثر ہو گئی۔پولیس نے مفرور ڈرائیور کی تلاش شروع کردی ہے۔

پاکستان آرمی اور ائیرفورس میں ملازمت کرنے والی فلائٹ لیفٹیننٹ ڈاکٹر ماہ نور فرزند عالمی وبا کورونا میں مبتلا ہونے کے بعد جان کی بازی ہار گئیں۔

ڈینٹسٹ فلائٹ لیفٹیننٹ ڈاکٹر ماہ نور فرزند کا انتقال سی ایم ایچ ملیر میں ہوا اور ان کی نماز جنازہ ملیر کینٹ فیز ٹو کی جامعہ مسجد میں بعد نمازِ عصر ادا کردی گئی۔

پاکستان میڈیکل ایسوسی ایشن (پی ایم اے) نے اس بات کی تصدیق کی ہے کہ ڈاکٹر ماہ نور فرزند سی ایم ایچ ملیر کینٹ میں زیر علاج تھیں، ڈاکٹر ماہ نور کے والد بھی کورونا کے باعث اسپتال میں زیر علاج ہیں۔

پاکستان میڈیکل ایسوسی ایشن نے ڈاکٹر ماہ نور کے انتقال پر اظہارِ افسوس کرتے ہوئے بتایا کہ ڈاکٹر ماہ نور8 ماہ کی حاملہ تھیں اور انہوں نے حاملہ ہونے کے سبب کورونا ویکسی نیشن نہیں کرائی تھی۔

پی ایم اے کے مطابق حاملہ خواتین کو کورونا میں مبتلا ہونے کے امکانات زیادہ ہوتے ہیں، حاملہ خواتین اپنے معالج سے مشورہ کرکے ویکسین ضرور لگوائیں۔

واضح رہے کہ ملک بھر میں اب تک 220 ڈاکٹرز کورونا سے انتقال کرچکے ہیں جس میں سے سندھ میں اب تک 77 ڈاکٹرز عالمی وبا سے لڑتے ہوئے شہید ہوئے ہیں۔