Author: +9251

کابل:افغان طالبان کی طرف سے ملک کے انتظام سنبھالنے کے بعد پاکستان کے لیے تازہ ہوا کا جھونکا آگیا ہے، افغان طالبان کے ترجمان نے کہاہے کہ ‏تحریک طالبان پاکستان کے لیے افغانستان میں کوئی جگہ نہیں

افغآن طالبان کے ترجمان سہیل شاہین نے ایک بیان میں کہا ہے کہ افغانستان میں تحریک طالبان پاکستان کے لیے کوئی جگہ نہیں‌، ان کا کہنا تھا کہ تحریک طالبان پاکستان نے بہت زیادہ نقصان پہنچایا ، اب یہ برداشت نہیں ہوگا کہ کوئی اس قسم کی سرگرمیاں افغانستان سے جاری رکھ سکے

یاد رہے کہ افغآن طالبان کے اقتدار میں آنے کے بعد یہ سوال اٹھ رہے تھے اوراٹھ رہے ہیں‌کہ تحریک طالبان پاکستان کا مستقبل کیا ہوگا تو اس حوالے سے آج ترجمان نے واضح کردیا ہے کہ کسی بھی گروہ کو افغانستان سے کسی دوسرے ملک کے خلاف استعمال نہیں ہونے دیں‌ گے

لاہور:میراجسم نوچتے رہے:سیلفی کے بہانے،چھیڑتے رہے:ٹک ٹاکرعائشہ اکرم نے اپنی بے بسی کا رونا رو دیا ، اطلاعات کے مطابق مینارِ پاکستان کے مقام پر ہجوم کی ہوس کا نشانہ بننے والی خاتون ٹک ٹاکرعائشہ اکرم نے انٹرویو میں اپنے ساتھ پیش آئے واقعے کی تفصیلات بتا دیں۔

نجی ویب سائٹس سے گفتگو میں ٹک ٹاکر عائشہ نے بتایا کہ سیکڑوں افراد سلیفی لینے کے بہانے انہیں گھیرتے چلے گئے ، ایک موقع پر ان کے پاس یہی آپشن بچا تھا کہ تالاب میں کود جائيں۔

ان کا کہنا تھاکہ ہجوم ڈھائی گھنٹے تک انہیں ہوس کا نشانہ بناتا رہا اور ہراساں کرتا رہا، اس دوران پولیس کو بھی دو مرتبہ اطلاع دی لیکن کوئی جواب نہیں ملا۔

متاثرہ لڑکی کا کہنا تھا کہ اسے ٹارچر کیا گیا، بال نوچے گئے، لوگ اس کے ساتھ کھیلتے رہے اور اسے بے لباس کردیا گيا۔

دبئی :طالبان مجھے ہرکمرے میں تلاش کررہے تھے،نہ بھاگتا توپکڑکرپھانسی لگا دیتے:اطلاعات کے مطابق معذول افغان صدر اشرف غنی جو کہ اس وقت عرب امارات میں پناہ گزین ہیں ، ایسے میں ایک بارپھراپنی حیثیت کواجاگرکرنے کےلیے اہم پیغام شیئر کیا ہے ،

اشرف غنی نے اس حوالے سے کہا ہے کہ اگر میں افغانستان میں رہتے تو وہاں خون خرابہ ہوتا اور کابل کی سڑکیں شام کی طرح ہوتی۔

اشرف غنی نے کہا: "گزشتہ اتوار میں معمول کے مطابق صدر دفتر میں موجود تھا اس دوران میں وزارت دفاع جانا چاہتا تھا۔” راستے میں ، میں نے افغان طالبان کودیکھا جو کہ مجھے تلاش کررہے تھے اس دوران اگرجان بچا کرنہ بھاگتا توپھرکابل کی سڑکوں پرخون خرابہ ہوتا

اشرف غنی نے مزید کہا: "مجھے کابل سے زبردستی نکالا گیا ، اور طالبان محل کے کمرے سے کمرے تک میرے پیچھے آئے۔” اگر میں ٹھہرتا تو تاریخ اپنے آپ کو دہراتی اور افغانستان کے صدر کو لوگوں کے سامنے پھانسی پر لٹکا دیا جاتا۔

انہوں نے کہا کہ جب تک آپ کے پاس معلومات نہیں ہیں فیصلہ نہ کریں ، ملا عمر نے قندھار اور کابل بھی چھوڑ دیا ، امیر عبدالرحمن ، شیر علی خان اور دیگر رہنما بھی چلے گئے۔ لیکن ایک وقت پھرآیا کہ وہ دوبارہ آتئے اور اپنے لوگوں کی خدمت کی۔

اشرف غنی نے کہا: میں نے رقم منتقل نہیں چرائی ، میں ایسے الزامات کو سختی سے مسترد کرتا ہوں۔ ہم خالی ہاتھ آئے ہیں۔ مجھے کوٹ اور قمیض چاہیے۔
افغانستان کے لوگ امن چاہتے ہیں ، اور میں خوش ہوں کہ کابل میں خونریزی روک دی گئی ہے۔

میں عبداللہ عبداللہ اور کرزئی کی طرف سے جاری امن عمل کی حمایت کرتا ہوں اور اسے کامیاب ہونا چاہیے۔ "مجھے سیکورٹی فورسز پر فخر ہے۔ انہیں شکست نہیں ہوئی۔ حکومت ، طالبان اور عالمی برادری کو سیاسی میدان میں شکست ہوئی ہے۔” یہ میرے لیے ایک امن عمل تھا ، جو جنگ میں بدل گیا۔

اشرف غنی نے مزید کہا: میرا افغانستان سے بھاگنے کا کوئی ارادہ نہیں ہے۔ ابھی میں متحدہ عرب امارات میں ہوں ، میں کہہ رہا ہوں کہ میں پھرآوں گا اورافغان عوام کی خدمت کروں اورپھربرسراقتدارآوں‌ گا

اسلام آباد:”خان جی”کابل چوں‌ ساڈے بندے وی منگوا دیوو: ہالینڈ کے وزیراعظم کا وزیراعظم عمران خان کو فون وزیراعطم عمران خان سے ہالینڈ کے ہم منصب مارک رٹ نے ٹیلی فونک رابطہ کیا ہے۔

ذرائع کے مطابق ٹیلی فونک رابطے میں دونوں رہنماؤں نے افغانستان کی موجودہ صورتحال پر تبادلہ خیال کیا ہے۔ ہالینڈ کے وزیراعظم نے افغانستان میں پھنسے لوگوں کو نکالنے کے لیے پاکستان کی مدد اور سہولت کاری پر وزیراعظم کا شکریہ ادا کیا۔

وزیراعظم عمران خان نے کہا کہ پاکستان افغانستان کی صورتحال کا بغور جائزہ لے رہا ہے، پاکستان افغان کے حوالے سے شراکت داروں کے ساتھ رابطے میں ہے۔
عمران خان نے کہا کہ عالمی برادری کی ذمہ داری ہے کہ افغانستان کی بحالی کے لیے افغان عوام کی معاشی مدد کرے۔